Chapter 79

[English text for this chapter is available]

viśālovāca |
śarmiṣṭhā yasya vai bhāryā devayānī varānanā |
saubhāgyaṃ tatra vai dṛṣṭamanyathā nāsti bhūpate || 1 ||
[Analyze grammar]

tatkathaṃ tvaṃ mahābhāga asyāḥ kāryavaśo bhaveḥ |
sapatnajena bhāvena bhavānbhartā pratiṣṭhitaḥ || 2 ||
[Analyze grammar]

sasarposi mahārāja bhūtale caṃdanaṃ yathā |
sarpaiśca veṣṭito rājanmahācaṃdana eva hi || 3 ||
[Analyze grammar]

tathā tvaṃ veṣṭitaḥ sarpaiḥ sapatnīnāmasaṃjñakaiḥ |
varamagnipraveśaśca śikhāgrātpatanaṃ varam || 4 ||
[Analyze grammar]

rūpatejaḥ samāyuktaṃ sapatnīsahitaṃ priyam |
na varaṃ tādṛśaṃ kāṃtaṃ sapatnīviṣasaṃyutam || 5 ||
[Analyze grammar]

tasmānna manyate kāṃtaṃ bhavaṃtaṃ guṇasāgaram |
rājovāca |
devayānyā na me kāryaṃ śarmiṣṭhayā varānane || 6 ||
[Analyze grammar]

ityarthaṃ paśya me kośaṃ satvadharmasamanvitam |
aśrubiṃdumatyuvāca |
ahaṃ rājyasya bhoktrī ca tava kāyasya bhūpate || 7 ||
[Analyze grammar]

yadyadvadāmyahaṃ bhūpa tattatkāryaṃ tvayā dhruvam |
ityarthe mama dehi svaṃ karaṃ tvaṃ dharmavatsala || 8 ||
[Analyze grammar]

bahudharmasamopetaṃ cārulakṣaṇasaṃyutam |
rājovāca |
anya bhāryāṃ na viṃdāmi tvāṃ vinā varavarṇini || 9 ||
[Analyze grammar]

rājyaṃ ca sakalāmurvīṃ mama kāyaṃ varānane |
sakośaṃ bhuṃkṣva cārvaṃgi eṣa dattaḥ karastava || 10 ||
[Analyze grammar]

yadeva bhāṣase bhadre tadevaṃ tu karomyaham |
aśrubiṃdumatyuvāca |
anenāpi mahābhāga tava bhāryā bhavāmyaham || 11 ||
[Analyze grammar]

evamākarṇya rājeṃdro harṣavyākulalocanaḥ |
gāṃdharveṇa vivāhena yayātiḥ pṛthivīpatiḥ || 12 ||
[Analyze grammar]

upayeme sutāṃ puṇyāṃ manmathasya narottama |
tayā sārddhaṃ mahātmā vai ramate nṛpanaṃdanaḥ || 13 ||
[Analyze grammar]

sāgarasya ca tīreṣu vaneṣūpavaneṣu ca |
parvateṣu ca ramyeṣu saritsu ca tayā saha || 14 ||
[Analyze grammar]

ramate rājarājeṃdrastāruṇyena mahīpatiḥ |
evaṃ viṃśatsahasrāṇi gatāni niratasya ca || 15 ||
[Analyze grammar]

bhūpasya tasya rājeṃdra yayātestu mahātmanaḥ |
viṣṇuruvāca |
evaṃ tayā mahārājo yayātirmohitastadā || 16 ||
[Analyze grammar]

kaṃdarpasya prapaṃcena iṃdrasyārthe mahāmate |
sukarmovāca |
evaṃ pippala rājāsau yayātiḥ pṛthivīpatiḥ || 17 ||
[Analyze grammar]

tasyā mohanakāmena ratena lalitena ca |
na jānāti dinaṃ rātriṃ mugdhaḥ kāmasya kanyayā || 18 ||
[Analyze grammar]

ekadā mohitaṃ bhūpaṃ yayātiṃ kāmanaṃdinī |
uvāca praṇataṃ namraṃ vaśagaṃ cārulocanā || 19 ||
[Analyze grammar]

aśrubiṃdumatyuvāca |
saṃjātaṃ dohadaṃ kāṃta tanme kuru manoratham |
aśvamedhamakhaśreṣṭhaṃ yajasva pṛthivīpate || 20 ||
[Analyze grammar]

rājovāca |
evamastu mahābhāge karomi tava supriyam |
samāhūya sutaśreṣṭhaṃ rājyabhoge viniḥspṛham || 21 ||
[Analyze grammar]

samāhūtaḥ samāyāto bhaktyānamitakaṃdharaḥ |
baddhāṃjalipuṭo bhūtvā praṇāmamakarottadā || 22 ||
[Analyze grammar]

tasyāḥ pādau nanāmātha bhaktyā namitakaṃdharaḥ |
ādeśo dīyatāṃ rājanyenāhūtaḥ samāgataḥ || 23 ||
[Analyze grammar]

kiṃ karomi mahābhāga dāsaste praṇatosmi ca |
rājovāca |
aśvamedhasya yajñasya saṃbhāraṃ kuru putraka || 24 ||
[Analyze grammar]

samāhūya dvijānpuṇyānṛtvijo bhūmipālakān |
evamukto mahātejāḥ pūruḥ paramadhārmikaḥ || 25 ||
[Analyze grammar]

sarvaṃ cakāra saṃpūrṇaṃ yathoktaṃ tu mahātmanā |
tayā sārdhaṃ sa jagrāha sudīkṣāṃ kāmakanyayā || 26 ||
[Analyze grammar]

aśvamedhayajñavāṭe datvā dānānyanekadhā |
brāhmaṇebhyo mahārāja bhūridānamanaṃtakam || 27 ||
[Analyze grammar]

dīneṣu ca viśeṣeṇa yayātiḥ pṛthivīpatiḥ |
yajñāṃte ca mahārājastāmuvāca varānanām || 28 ||
[Analyze grammar]

anyatte supriyaṃ bāle kiṃ karomi vadasva me |
tatsarvaṃ devi kartāsmi sādhyāsādhyaṃ varānane || 29 ||
[Analyze grammar]

sukarmovāca |
ityuktā tena sā rājñā bhūpālaṃ pratyuvāca ha |
jāto me dohado rājaṃstatkuruṣva mamānagha || 30 ||
[Analyze grammar]

iṃdralokaṃ brahmalokaṃ śivalokaṃ tathaiva ca |
viṣṇulokaṃ mahārāja draṣṭumicchāmi supriyam || 31 ||
[Analyze grammar]

darśayasva mahābhāga yadahaṃ supriyā tava |
evamuktastayārājātāmuvācasasupriyām || 32 ||
[Analyze grammar]

sādhusādhuvarārohepuṇyamevaprabhāṣase |
strīsvabhāvāccacāpalyātkautukāccavarānane || 33 ||
[Analyze grammar]

yattavoktaṃ mahābhāge tadasādhyaṃ vibhāti me |
tatsādhyaṃ puṇyadānena yajñena tapasāpi ca || 34 ||
[Analyze grammar]

anyathā na bhavetsādhyaṃ yattvayoktaṃ varānane |
asādhyaṃ tu bhavatyā vai bhāṣitaṃ puṇyamiśritam || 35 ||
[Analyze grammar]

martyalokāccharīreṇa anenāpi ca mānavaḥ |
śruto dṛṣṭo na medyāpi gataḥ svargaṃ supuṇyakṛt || 36 ||
[Analyze grammar]

tato'sādhyaṃ varārohe yattvayā bhāṣitaṃ mama |
anyadeva kariṣyāmi priyaṃ te tadvada priye || 37 ||
[Analyze grammar]

devyuvāca |
anyaiśca mānuṣai rājanna sādhyaṃ syānna saṃśayaḥ |
tvayi sādhyaṃ mahārāja satyaṃsatyaṃ vadāmyaham || 38 ||
[Analyze grammar]

tapasā yaśasā kṣātrai rdānairyajñaiśca bhūpate |
nāsti bhavādṛśaścānyo martyaloke ca mānavaḥ || 39 ||
[Analyze grammar]

kṣātraṃ balaṃ sutejaśca tvayi sarvaṃ pratiṣṭhitam |
tasmādevaṃ prakartavyaṃ matpriyaṃ nahuṣātmaja || 40 ||
[Analyze grammar]

iti śrīpadmapurāṇe bhūmikhaṃḍe venopākhyāne mātāpitṛtīrthavarṇane yayāticaritre ekonāśītitamo'dhyāyaḥ || 79 ||
[Analyze grammar]