Chapter 74

[English text for this chapter is available]

vyāsa uvāca |
caturbhisturagairjuṣṭaṃ rathaṃ sūryasamaprabhaṃ |
traipuriḥ saṃrurohāthābravīdvākyaṃ gaṇādhipaṃ || 1 ||
[Analyze grammar]

pitā me nihataḥ pitrā tava yasmādgaṇādhipa |
tasmāttvāmadya viśikhairnayāmi yamasādanaṃ || 2 ||
[Analyze grammar]

tatastamabravīddevo gaṇeśastripurātmajaṃ |
tava tātena duṣṭena surāṇāmahitaṃ purā || 3 ||
[Analyze grammar]

kṛtaṃ karmamahatpāpaṃ śrutaṃ no janakena hi |
pāpakarmarataṃ duṣṭaṃ jñātvā jñānabalena ca || 4 ||
[Analyze grammar]

avadhīttaṃ śaraikena pitaraṃ te balena ca |
paṃkātpratārito mohātpreṣito yamamaṃdiraṃ || 5 ||
[Analyze grammar]

tvāṃ cāhaṃ tatpathaṃ daitya preṣayāmi kṣaṇādiha |
uktavaṃtaṃ mahāprājñaṃ surāṇāṃ ca gaṇādhipaṃ || 6 ||
[Analyze grammar]

vivyādha daśabhistīkṣṇaiḥ kālānalasamaprabhaiḥ |
tataḥ śarasahasraistu daityaṃ vivyādha sāhasāt || 7 ||
[Analyze grammar]

yamadaṃḍasamairbāṇaiḥ kṣurapraiśca śilīmukhaiḥ |
kaṃkapatrairmahātīkṣṇairvajrānalasamaprabhaiḥ || 8 ||
[Analyze grammar]

vicakarta śarāṃścāsya laṃbodaraḥ surārcitaḥ |
punarvivyādha viśikhaiḥ sahasābhi duropamaiḥ || 9 ||
[Analyze grammar]

śarairarditasarvāṃgo mūrcchitastvapatadbhuvi |
tato bhadraśca saubhadro bhīṣaṇo nirjarāṃtakaḥ || 10 ||
[Analyze grammar]

svāṃ svāṃ gadāṃ samādāya dudruvustaṃ vināyakam |
yugapatte gadāpātairnijaghnurgaṇanāyakam || 11 ||
[Analyze grammar]

lāghavāttu vṛthā kṛtvā gadāsteṣāṃ mahābalaḥ |
bhadrakasya tu śīrṣe cāhanatparaśunā tadā || 12 ||
[Analyze grammar]

saubhadrasyottamāṃgaṃ ca asināgre nipātitam |
bhīṣaṇasya kuṭhāreṇa khaḍgena nirjarāṃtakam || 13 ||
[Analyze grammar]

pātayitvā ca herambo mahāgirisamāṃstadā |
caturo gaṇamukhyāṃśca anyāṃścāpātayaddviṣaḥ || 14 ||
[Analyze grammar]

tataḥ saṃjñāṃ samālabhya traipuriścāsurottamaḥ |
samāruhya rathaṃ svaṃ ca jaghāna surasattamam || 15 ||
[Analyze grammar]

viśikhairardhacaṃdraiśca kṣuraprairbhallakaistathā |
tāṃstu ciccheda dharmātmā punarvivyādha taṃ śaraiḥ || 16 ||
[Analyze grammar]

caturbhiḥ saiṃdhavāṃścaiva śaraikena ca sārathim |
śaraiḥ saṃpātayāmāsa dharaṇyāṃ gaṇanāyakān || 17 ||
[Analyze grammar]

lāghavāttu rathaṃ cānyaṃ gatvā tripuranaṃdanaḥ |
viśikhairvajrasaṃkāśaiḥ saṃbibheda gaṇādhipam || 18 ||
[Analyze grammar]

rudhireṇāvasiktāṃgo ruṣā ghora yamaprabhaḥ |
lalāṭe ca tribhirbāṇaissaptabhiśca stanāṃtare || 19 ||
[Analyze grammar]

caturbhirnābhideśe ca paṃcabhirmuṣṭimastake |
saṃbibheda mahākrodho balinaṃ śaṃbhunaṃdanaḥ || 20 ||
[Analyze grammar]

śarairarditasarvāṃgaḥ sa daityo raṇamūrdhani |
kaśmalaṃ paramaṃ gatvā saṃpapāta rathopari || 21 ||
[Analyze grammar]

tataḥ sūtena dhīreṇa apanīto raṇājirāt |
vimukhaṃ nāhanacchūro vināyakaḥ surārcitaḥ || 22 ||
[Analyze grammar]

cirātsaṃjñāṃ samālabhya yaṃtāraṃ cābravīdvacaḥ |
gaccha sūta raṇe bhīruṃ vināyakaṃ harātmajam || 23 ||
[Analyze grammar]

tato yaṃtābravīdvākyaṃ satyaṃ pathyaṃ ca komalam |
harātmajaśarānsoḍhuṃ kassamartho raṇājire || 24 ||
[Analyze grammar]

tasmānmohagatastvaṃ ca mayānītaḥ prabhāsuta |
etajjñātvā tvidānīṃ bho yadyuktaṃ tadvidhīyatām || 25 ||
[Analyze grammar]

etasminnaṃtare rājñā preritaḥ kavisattamaḥ |
auṣadhādiprayogeṇa gajaḥ saṃjñāmabodhayat || 26 ||
[Analyze grammar]

akārayacchataguṇa prāṇaṃ ca jayamādiśat |
prāgjalaṃ maṃtritaṃ datvā rurodhāsyāṅgakavraṇān || 27 ||
[Analyze grammar]

sa gajo daśanaireva sphoṭayāmāsa vai girim |
evaṃ śatasahasrāṇi sainyāni sainyapālakān || 28 ||
[Analyze grammar]

pātayāmāsa samitau gajaḥ paramadurjayaḥ |
sa daityastasya pṛṣṭhasthaḥ śaraiḥ kālānalaprabhaiḥ || 29 ||
[Analyze grammar]

hatvā tvapātayaccorvyāṃ mukhyamukhyānsurādhipān |
śaraistasya tadā devā yamadaṃḍasamaprabhaiḥ || 30 ||
[Analyze grammar]

nipataṃti mahāvīryā rudhiraughapariplutāḥ |
yasminyasmiṃśca mārge tu sa daityaḥ sagajo gataḥ || 31 ||
[Analyze grammar]

tatra tatra cakārāśu bhīṣaṇaṃ saṃcitaṃ śaraiḥ |
gajena pātitāḥ kecidgajāroheṇa cāpare || 32 ||
[Analyze grammar]

vegena bhramaṇenaiva surāḥ kecitpratāpitāḥ |
evaṃ suragaṇādhyakṣāḥ śastrāstrairvividhaiśca tam || 33 ||
[Analyze grammar]

sagajaṃ yuddhanirbhītā nijaghnurbahubhiḥ śaraiḥ |
tathāpi tadgajaṃ yoddhuṃ na śaktāste mahābalāḥ || 34 ||
[Analyze grammar]

kṣipraṃ tāṃstu gajo daṃtaistraipuro'pātayaccharaiḥ |
na gatā ye dharaṇyāṃ ca devā jarjaravigrahāḥ || 35 ||
[Analyze grammar]

śaraṇyaṃ gaṇapaṃ jagmurbhītāste vedanāturāḥ |
devānāṃ kadanaṃ dṛṣṭvā gaṇādhīśaḥ pratāpavān || 36 ||
[Analyze grammar]

sa gajaṃ tāḍayāmāsa vajrānalasamaiḥ śaraiḥ |
sa gajo vegasaṃruddhaḥ śareṇa ca samutthitaḥ || 37 ||
[Analyze grammar]

athotau dvau śaraireva bibhidāte parasparam |
ubhau tau nardamānau ca anyonyaṃ jayamaicchatām || 38 ||
[Analyze grammar]

śoṇitairliptasarvāṃgau vīramukhyau surāsurau |
athākhuṃ sa gajo matto bibheda daśanaiḥ svakaiḥ || 39 ||
[Analyze grammar]

ākhunābhidruto nāgo ghorayuddhaṃ tayoḥ param |
adhordhvaṃ saṃvibhāge ca caturbhiryuddhamadbhutam || 40 ||
[Analyze grammar]

saśabdaṃ tumulaṃ yuddhaṃ sarvalokabhayaṃkaram |
daśanairdaśanaireva śaraireva śarottamaiḥ || 41 ||
[Analyze grammar]

tadghoramabhavadyuddhaṃ devadānavasaṃgare |
ākhuko bhedayāṃcakre mahānāṃgaṃ mahābalam || 42 ||
[Analyze grammar]

parśunā pṛṣṭhavaṃśāgre sthitvā tenāhanatpunaḥ |
daityasya daśanadvāre hṛdiskaṃdhetha lāghavāt || 43 ||
[Analyze grammar]

sagajaḥ sa papātorvyāṃ gatāsurlohitaṃ vaman |
śaśaṃsurmunayo devāssādhusādhviti cābruvat || 44 ||
[Analyze grammar]

atrānyestrairamoghaiśca daityānājaghnurāhave |
yāvattu senayornaiva jayayuddhaṃ samāpayet || 45 ||
[Analyze grammar]

iti śrīpādmapurāṇe prathame sṛṣṭikhaṃḍe traipurivimardonāma catussaptatitamo'dhyāyaḥ || 74 ||
[Analyze grammar]