Chapter 75

[English text for this chapter is available]

vyāsa uvāca |
śrutvā maheśvarādvākyaṃ devāḥ śakrapurogamāḥ |
dudruvurdaityasaṃghāṃstānsarve sarvānsamaṃtataḥ || 1 ||
[Analyze grammar]

ājagāma mahābāhuḥ kuṃbho nāma mahāsuraḥ |
nairṛto yakṣarājānaṃ gadayā cāhanadbhṛśam || 2 ||
[Analyze grammar]

guhyakeśo gadāpātairjaghāna bhṛśamuttamam |
tatonyonyaṃ gadāyuddhamabhavadbhīṣaṇaṃ tayoḥ || 3 ||
[Analyze grammar]

cakrabaṃdhaṃ mahābaṃdhaṃ purovadhyanibaṃdhanam |
prācuraṃ bhīṣaṇaṃ yānaṃ sphoṭatailābhivāstikam || 4 ||
[Analyze grammar]

tena kṛtvā mahāyuddhamavasāne dhaneśvaraḥ |
pātayāmāsa taṃ sphoṭaṃ tasya kuṃbhasya corasi || 5 ||
[Analyze grammar]

bhagnadaṃṣṭrastataḥ kuṃbho nipapāta mahītale |
syaṃdanastho mahāvīryo jaṃbho harihayaṃ tadā || 6 ||
[Analyze grammar]

jaghānaśarasaṃghaiśca tathaivairāvaṇaṃ bhṛśam |
vāsavo bhidureṇaiva saṃbibhedāsurottamam || 7 ||
[Analyze grammar]

sa papāta dharāpṛṣṭhe gatāsurlohitokṣitaḥ |
tathāraṇyaṃ sughoraṃ ca aghoraṃ ghorameva ca || 8 ||
[Analyze grammar]

caturo gaṇamukhyāṃśca śaktyā bibheda saṃyuge |
senānyaścaiva pratyekaṃ pātayāmāsa lāghavāt || 9 ||
[Analyze grammar]

saurabhaṃ śarasaṃghaiśca jayaṃto vaśamānayat |
śaktihastaṃ ca saṃhrādaṃ yamadaṃḍaṃ narāṃtakam || 10 ||
[Analyze grammar]

hatvā ca pātayāmāsa sa bhasmīkṛtavigrahaḥ |
kālaśca khaḍgapātena pātayāmāsa bābhravam || 11 ||
[Analyze grammar]

śaktyā mṛtyurbibhedāśvaṃ tathā nirghṛṇakaṃ raṇe |
agninā dahyamānāśca saptaite ca mahābalāḥ || 12 ||
[Analyze grammar]

bhadrabāhurmahābāhuḥ sugaṃdho gaṃdha eva ca |
bhauriko valliko bhīma ete senāgragāminaḥ || 13 ||
[Analyze grammar]

raṇe saṃdagdhadehāśca petururvyāṃ gatāsavaḥ |
pāśabaddhā mahāvīryā varuṇasya mahātmanaḥ || 14 ||
[Analyze grammar]

petururvyāṃ mahāsatvāḥ śūrāḥ śūrabhayānakāḥ |
śūrasya raśmijālena nihatāḥ pañcadānavāḥ || 15 ||
[Analyze grammar]

turutuṃburudurmedhassādhakā sādhakābhidhāḥ |
krūra krauṃca raṇeśāna modasaṃmoda ṣaṇmukhāḥ || 16 ||
[Analyze grammar]

śarairnipātitā daityāḥ saṃyuge mātariśvanā |
nairṛto gadayā bhīmaṃ pātayāmāsa bhūtale || 17 ||
[Analyze grammar]

śūlapātaiśca rudrāṇāṃ śataśo daityadānavāḥ |
nipetuḥ saṃyuge bhītāḥ saṃmukhā raṇapaṃḍitāḥ || 18 ||
[Analyze grammar]

vasūnāṃ śarapātaiśca śūrāṇāṃ raśmimālinām |
meghānāṃ karakābhiśca vajrapātaissudāruṇaiḥ || 19 ||
[Analyze grammar]

nipātitā raṇe daityāḥ śataśo balaśālinaḥ |
kuberasya gadāpātairnipataṃti sahasraśaḥ || 20 ||
[Analyze grammar]

śakrasya bhidureṇaiva bheditā daityapuṃgavāḥ |
asaṃkhyātāḥ pataṃtyurvyāṃ skaṃdaśaktyā tathā hatāḥ || 21 ||
[Analyze grammar]

gaṇeśaparśupātena pataṃti mukhyamukhyakāḥ |
vaikuṃṭhakaramuktena cakreṇa tīvrakarmaṇā || 22 ||
[Analyze grammar]

daityānāṃ pravarāṇāṃ ca śirāṃsi nipataṃti kau |
śamano yamadaṃḍena koṭikoṭisahasraśaḥ || 23 ||
[Analyze grammar]

apātayattadā bhūmyāṃ kālaḥ khaḍgena dānavān |
mṛtyuśśaktyā tathā daityānpāśī pāśena cāparān || 24 ||
[Analyze grammar]

pātena takṣakādīnāṃ sudhāṃśoḥ śiśireṇa ca |
aśvārohī kharomanyohanipāśastathā gajān || 25 ||
[Analyze grammar]

parigheṇa gajaṃ kuṃbhe daityānāṃ nāśayattataḥ |
evamaśvāngajāṃścaiva lāghavātsa nyapātayat || 26 ||
[Analyze grammar]

evaṃ siddhaiśca gaṃdharvairapsarobhirmahābalaiḥ |
anyābhirdevatābhiśca samātṛgaṇanāyakaiḥ || 27 ||
[Analyze grammar]

nipātitā mahoghorā ye te pralayadānavāḥ |
śaraiśca khaḍgapātaiśca śūlaśaktiparaśvadhaiḥ || 28 ||
[Analyze grammar]

yaṣṭiparighakuṃtaiśca pātayaṃtyasurānsurāḥ |
evaṃ saṃkṣīyamāṇeṣu daityarāṭsamapadyata || 29 ||
[Analyze grammar]

ādityarathasaṃkāśaṃ ratharatnavibhūṣitam |
śātakuṃbhamayaṃ divyaṃ ghaṃṭācāmarabhūṣitam || 30 ||
[Analyze grammar]

patākādhvajasaṃpūrṇaṃ ramyaṃ śakrarathopamam |
samāruhya mahāvīro hiraṇyākṣo'surādhipaḥ || 31 ||
[Analyze grammar]

jaghāna śarajālaiśca durnivāryaḥ surāsuraiḥ |
sasainyāni gajānvīro rathāṃśca saha saiṃdhavān || 32 ||
[Analyze grammar]

pātayāmāsa bhūmau ca śataśotha sahasraśaḥ |
evaṃ caransa vṛṃdeṣu nikhileṣu divaukasām || 33 ||
[Analyze grammar]

pātayāmāsa daityeṃdraḥ śaraughānmṛtyusannibhān |
krameṇa samare cātha devasainyānyamaṃthata || 34 ||
[Analyze grammar]

yathā puṣkariṇīvṛṃde gajaḥ kaṃjavanaṃ śitaiḥ |
śarapātairatho vegātsiṃhanādaiḥ punaḥ punaḥ || 35 ||
[Analyze grammar]

dharaṇyāṃ patitā vegāttadā daityeśvarasya ca |
daśabhiśca sutīkṣṇāgrairjayaṃtaṃ sa jaghāna ha || 36 ||
[Analyze grammar]

remaṃtaṃ paṃcabhirbāṇaiḥ śakraṃ paṃcadaśena tu |
citrarathaṃ viṃśatibhiḥpaṃcaviṃśatibhirguham || 37 ||
[Analyze grammar]

heraṃbaṃ triśareṇaiva catvāriṃśaccharairyamam |
tathaiva kālaṃ mṛtyuṃ ca pāṇinā dviguṇena ca || 38 ||
[Analyze grammar]

guhyakeśaṃ jagatprāṇaṃ daśabhirdaśabhiḥ śaraiḥ |
ṣaḍibhaśca saptabhiścaiva rudrānsarvānpṛthakpṛthak || 39 ||
[Analyze grammar]

vasūnsarvāṃśca saśaraiḥ siddhagaṃdharvapannagān |
daśāṣṭadaśabhiḥ ṣaḍibharyuddhe devānbhinattyasau || 40 ||
[Analyze grammar]

ojaughādativīryāttu śīghralāghavardaśanān |
āpatprāptāḥ surā bhītyā pratikartuṃ na ceśvarāḥ || 41 ||
[Analyze grammar]

maheśaśūlasaṃkāśaiḥ śarairmarmavibhedibhiḥ |
tāḍitā nirjarā yuddhe mūrcchitā dharaṇīṃ yayuḥ || 42 ||
[Analyze grammar]

tasyaiva saṃmukhe sthātuṃ na śekuḥ pravarāssurāḥ |
tato devā vinirdhūtāstridiveśena saṃyutāḥ || 43 ||
[Analyze grammar]

śaraṇyaṃ te hariṃ tatra śaraṇaṃ tāḍitā yayuḥ |
etasminnaṃtare viṣṇuḥ prāha jiṣṇuṃ khageśvaram || 44 ||
[Analyze grammar]

adhunā gaccha daityasya saṃmukhaṃ raṇamūrdhani |
nāśāya satatastūrṇaṃ gatastasyāṃtikaṃ javāt || 45 ||
[Analyze grammar]

sarathaṃ mārgaṇairbhitvā viṣṇumārodhayajjavam |
rathasya saṃmukhe daitya uvāca viṣṇumavyayam || 46 ||
[Analyze grammar]

anya sṛṣṭiṃ karomyadya hatvā tvāṃ ca sanirjjaram |
tato viṣṇuruvācedaṃ garjaṃtaṃ daityapuṃgavam || 47 ||
[Analyze grammar]

śaktastvaṃ sparddhane pāpa yadi yuddhe sthiro bhava |
tataḥ śaraśataireva jaghāna viṣṇumavyayam || 48 ||
[Analyze grammar]

asaṃbhrāṃtaḥ sa ciccheda yamadaṃḍanibhānśarān |
punaḥ śarasahasrāṇi prerayāmāsa taṃ raṇe || 49 ||
[Analyze grammar]

tāṃśca chitvā śaraiḥ śauristaṃ ca vivyādha mārgaṇaiḥ |
pragauravādahāryābhaiḥ saṃsparśādbāḍavānalaiḥ || 50 ||
[Analyze grammar]

śaraiśca bhedakaistīkṣṇaiḥ khagamaiśca manojavaiḥ |
lāghavātkeśavāstrasya tūlaśuṣkatṛṇopamaiḥ || 51 ||
[Analyze grammar]

haimaiḥ śarasahasraistu tāḍito daityapuṃgavaḥ |
bādhayābhyarditaḥ kruddho dhṛtvā śikhariṇaṃ raṇe || 52 ||
[Analyze grammar]

jaghāna mādhavaṃ vegāddhiraṇyākṣo mahābalaḥ |
taṃ ca saṃcūrṇayāmāsa gadayā līlayā hariḥ || 53 ||
[Analyze grammar]

evaṃ parvatasāhasraṃ pātitaṃ tu krameṇa hi |
tathaiva lāghavāccūrṇaṃ hariṇā dānavāriṇā || 54 ||
[Analyze grammar]

punarbāhusahasrāṇi kṛtvāsau dānavottamaḥ |
śaraiḥ śaktibhiratyugraiḥ śūlaiḥ paraśukādibhiḥ || 55 ||
[Analyze grammar]

vavarṣa bahubhirviṣṇuṃ krodhāviṣṭena cetasā |
tāṃstu tenaiva prahitāṃściccheda surasattamaḥ || 56 ||
[Analyze grammar]

śarairdīptairmahāghorairasurāṇāṃ bhayaṃkaraiḥ |
vivyādha sarvagātreṣu śaṃbhuśūlopamaiśśaraiḥ || 57 ||
[Analyze grammar]

dānavādhipatiḥ saṃkhye hyavyayo harirīśvaraḥ |
sa ca kaśmalatāṃ gatvā sarvaśaktimanuttamām || 58 ||
[Analyze grammar]

kālajihvopamāṃ ghorāmaṣṭaghaṃṭāsamanvitām |
harerurasi pīne ca vidrutyā pātayaddrutam || 59 ||
[Analyze grammar]

śuśubhe sa suraśreṣṭhastaḍittvatsāndrameghavat |
tataśca cukruśurdaityā jayeti sādhuvādinaḥ || 60 ||
[Analyze grammar]

tataścakraṃ daityasainye dānavārirvyasarjayat |
teṣāṃ śirāṃsi saṃcchidya mādhavaṃ punarāgamat || 61 ||
[Analyze grammar]

sa daityaṃ śaktipātena pātayāmāsa vai raṇe |
cirātsaṃjñāṃ samālaṃbya vahnibāṇena keśavam || 62 ||
[Analyze grammar]

nijaghāna raṇe kruddho hariḥ kauberamākṣipat |
tato mumoca māyāstraṃ cāsuraṃ cātidāruṇam || 63 ||
[Analyze grammar]

siṃhavyāghralulāyāṃśca tadvaddvipa sarīsṛpān |
jaghāna samare viṣṇuṃ hiraṇyākṣaḥ pratāpavān || 64 ||
[Analyze grammar]

tato māyāstrasaṃbhūtānśastrāstraughānraṇe hariḥ |
praciccheda śaraireva śūlenaivamatāḍayat || 65 ||
[Analyze grammar]

sa vihvalita sarvāṃgastatkṣaṇaṃ lohitokṣitaḥ |
vicakarṣa haranviṣṇurasṛgviplutavigrahaḥ || 66 ||
[Analyze grammar]

tacchūlaṃ ca tribhirbāṇaiḥ pravivyādha surādhipaḥ |
varūthaṃ sadhvajaṃ ketuṃ rathaṃ caivātapatrakam || 67 ||
[Analyze grammar]

yaṃtāraṃ ca praciccheda daśabhiśca hariḥ śaraiḥ |
pātite ca rathe daityaḥ saṃplutyātha rathaṃ param || 68 ||
[Analyze grammar]

āruroha sa daityeṃdraḥ saṃmukhaṃ cākarodbalī |
tato yuddhaṃ mahāghoramabhavallomaharṣaṇam || 69 ||
[Analyze grammar]

hiraṇyākṣasya ca harerlokavismāpanaṃ mahat |
astrayuddhaṃ tathānyonyaṃ kṛtapratikṛtaṃ ca tat || 70 ||
[Analyze grammar]

tato niyuddhe satataṃ divyavarṣaśataṃ gatam |
tato daityo mahāsatvo vavṛdhe vāmano yathā || 71 ||
[Analyze grammar]

mukhena jagrāha ruṣā trailokyaṃ sacarācaram |
bhūmaṃḍalaṃ samuddhṛtya viveśa ca rasātalam || 72 ||
[Analyze grammar]

śeṣāśca viviśurdaityāstamanu prītisaṃyutāḥ |
tato viṣṇurmahātejā jñātvā daityabalaṃ mahat || 73 ||
[Analyze grammar]

dadhāra rūpaṃ vārāhaṃ daityarājajighāṃsayā |
dhṛtvā kroḍatanuṃ viṣṇurviveśa tamanudrutam || 74 ||
[Analyze grammar]

tatra gatvā rasāmūle rasātalagatāṃ mahīm |
dṛṣṭvā svadaṃṣṭrayordadhre lokādhārāṃ vasuṃdharām || 75 ||
[Analyze grammar]

tāṃ dhṛtvā gacchatastasya viṣṇoramitatejasaḥ |
samājagāma daityeṃdro dhṛṣṭaṃ vāgbhistudannanu || 76 ||
[Analyze grammar]

māyākroḍatanurviṣṇurdurvacāṃsi sahanruṣā |
jalopari dadhāremāṃ dharāṃ bhūdhara eva ca || 77 ||
[Analyze grammar]

tasyāṃ nyasya svasatvaṃ ca sa cakāra tadācalām |
tataḥ paścātsa saṃlagno daityarāṭsamupasthitaḥ || 78 ||
[Analyze grammar]

krodhena mahatāviṣṭo jaghāna gadayā harim |
māyayā sūkaro viṣṇustāṃ gadāṃ samavaṃcayat || 79 ||
[Analyze grammar]

yogayukto yathā mṛtyuṃ kaumodakyāhanacca tam |
tataḥ punā ruṣāviṣṭo hiraṇyākṣo mahābalaḥ || 80 ||
[Analyze grammar]

muṣṭinā prāharaddevaṃ dakṣiṇe tu bhuje prabhoḥ |
evaṃ yuddhaṃ mahāghoraṃ savyāsavyaṃ gatāgatam || 81 ||
[Analyze grammar]

paribhramaṇavikṣepaṃ kṛtānukaraṇaṃ tathā |
tato brahmādayo devā yuddhaṃ paśyaṃti khe sthitāḥ || 82 ||
[Analyze grammar]

svasti prajābhyo devebhya ṛṣibhyaśceti cābruvan |
ūcuśca devadeveśaṃ viṣṇuṃ vārāharūpiṇam || 83 ||
[Analyze grammar]

mā krīḍa bālavaddeva jahyamuṃ devakaṃṭakam |
tato viṣṇurmahātejā māyāvārāharūpadhṛt || 84 ||
[Analyze grammar]

brahmādyanumatiṃ prāpya cakraṃ prākṣipadulbaṇam |
sahasrasūryasaṃkāśaṃ sahasrāraṃ mahāprabham || 85 ||
[Analyze grammar]

daityāṃtakaraṇaṃ raudraṃ pralayāgnisamaprabham |
taccakraṃ viṣṇunā muktaṃ hiraṇyākṣaṃ mahābalam || 86 ||
[Analyze grammar]

cakāra bhasmasātsadyo brahmādīnāṃ ca paśyatām |
daityāṃtakaraṇaṃ raudraṃ cakraṃ cāgamadacyutam || 87 ||
[Analyze grammar]

tato brahmādayo devāḥ śakramukhyāśca lokapāḥ |
dṛṣṭvā ca vijayaṃ viṣṇoḥ stuvaṃti sma samāgatāḥ || 88 ||
[Analyze grammar]

devā ūcuḥ |
natāḥ sma viṣṇuṃ jagadādibhūtaṃ surāsureṃdraṃ jagatāṃ prapālakam |
yannābhipadmātkila padmayonirbabhūva taṃ vai śaraṇaṃ gatāḥ smaḥ || 89 ||
[Analyze grammar]

namonamo matsyavapurddharāya namostu te kacchaparūpadhāriṇe |
namaḥ prakurmaśca nṛsiṃharūpiṇe tathā punarvāmanarūpiṇe namaḥ || 90 ||
[Analyze grammar]

namostu te kṣatravināśanāya rāmāya rāmāya daśāsyanāśine |
pralaṃbahaṃtre śitivāsase namo namostu buddhāya ca daityamohine || 91 ||
[Analyze grammar]

mlecchāṃtakāyāpi ca kalkināmne namaḥ punaḥ kroḍavapurdharāya |
jagaddhitārthaṃ ca yugeyuge bhavānbibharti rūpaṃ tvasurābhavāya || 92 ||
[Analyze grammar]

niṣūdito'yaṃ hyadhunā kila tvayā daityo hiraṇyākṣa iti pragalbhaḥ |
yaśceṃdramukhyānkilalokapālānsaṃhelayā caiva tiraścakāra || 93 ||
[Analyze grammar]

sa vai tvayā devahitārthameva nipātito devavara prasīda |
tvamasya viśvasya visargakartā brāhmeṇa rūpeṇa ca devadeva || 94 ||
[Analyze grammar]

pātā tvamevāsya yugeyuge ca rūpāṇi dhatse sumanoharāṇi |
tvameva kālāgniharaśca bhūtvā viśvaṃ kṣayaṃ neṣyasi cāṃtakāle || 95 ||
[Analyze grammar]

ato bhavāneva ca viśvakāraṇaṃ na te paraṃ jīvamajīvamīśa |
yatkiṃca bhūtaṃ ca bhaviṣyarūpaṃ pravarttamānaṃ ca tathaiva rūpam || 96 ||
[Analyze grammar]

sarvaṃ tvamevāsi carācarākhyaṃ na bhāti viśvaṃ tvadṛte ca kiṃcit |
astīti nāstīti ca bhedaniṣṭhaṃ tvayyeva bhātaṃ sadasatsvarūpam || 97 ||
[Analyze grammar]

tato bhavaṃtaṃ katamopi deva na jñātumarhatyavipakvabuddhiḥ |
ṛte bhavatpādaparāyaṇaṃ janaṃ tenāgatā smaśśaraṇaṃ śaraṇyam || 98 ||
[Analyze grammar]

vyāsa uvāca |
tato viṣṇuḥ prasannātmā uvāca tridivaukasaḥ |
tuṣṭosmi devā bhadraṃ vo yuṣmatstotreṇa sāṃpratam || 99 ||
[Analyze grammar]

ya idaṃ prapaṭhedbhaktyā vijayastotramādarāt |
na tasya durlabhaṃ devāstriṣulokeṣu kiṃcana || 100 ||
[Analyze grammar]

gavāṃ śatasahasrasya samyagdattasya yatphalam |
tatphalaṃ samavāpnoti kīrtanācchravaṇānnaraḥ || 101 ||
[Analyze grammar]

sarvakāmapradaṃ nityaṃ devadevasya kīrtanam |
ataḥ paraṃ mahājñānaṃ na bhūtaṃ na bhaviṣyati || 102 ||
[Analyze grammar]

iti śrīpādmapurāṇe prathame sṛṣṭikhaṃḍe devāsurasaṃgrāmasamāptau vijayastotraṃnāma paṃcasaptatitamo'dhyāyaḥ || 75 ||
[Analyze grammar]