Chapter 71

[English text for this chapter is available]

vyāsa uvāca |
athānyo namuciḥ kruddhaḥ syaṃdanastho divaukasaḥ |
viśikhairardayāmasa ghorairāśīviṣopamaiḥ || 1 ||
[Analyze grammar]

tatastu saṃyuge devāḥ siddhakinnarapannagāḥ |
na śaknuvaṃti bāṇānāṃ vegaṃ soḍhuṃ samaṃtataḥ || 2 ||
[Analyze grammar]

rathamuccaiśśravośvena yuktaṃ mātalineritam |
puruhūtaḥ samāsthāya prāgamattaṃ mahābalam || 3 ||
[Analyze grammar]

dṛṣṭvā śakraṃ mahāvīryaṃ namucirdaityapuṃgavaḥ |
abravīdvāsavaṃ saṃkhye vacanaṃ sānugaṃ tadā || 4 ||
[Analyze grammar]

prākṛtaṃ nirjaraṃ hatvā na yaśosti na ca priyam |
na lābhakṛtakaṃ vāpi na jayastu puraṣṭuta || 5 ||
[Analyze grammar]

tasmātvayi hatetraiva sarvaṃ bhavati śāśvatam |
devarājyaṃ pralapsyāmi sukhaṃ bhogyaṃ surālaye || 6 ||
[Analyze grammar]

tamabravīnmahātejāḥ śakraḥ parapuraṃjayaḥ |
śūratā vākyamātreṇa sarvatra sulabhā bhavet || 7 ||
[Analyze grammar]

mahāparākramaṃ yadvā asti te dānavādhama |
darśayasvāhave vīryaṃ puraṃ neṣyāmi bhāskareḥ || 8 ||
[Analyze grammar]

etacchrutvā mahātejāścukopa daityapuṃgavaḥ |
paṃcabhirniśitairbāṇairjaghāna surasattamam || 9 ||
[Analyze grammar]

tāṃstu ciccheda maghavā kṣurapraiḥ paṃcabhirdrutam |
jagmatustau mahāvīryau samare viṣayaiṣiṇau || 10 ||
[Analyze grammar]

anyonyaṃ sahasā vegāccharaiścicchidatuḥ śarān |
bibhidātetha gātrāṇi viśikhairbhiduropamaiḥ || 11 ||
[Analyze grammar]

atyapūrvaṃ kṛtaṃ karma tābhyāmeva raṇe bhṛśam |
lāghavaṃ śarasaṃdhāna grahamokṣaṃ sudurlabham || 12 ||
[Analyze grammar]

dṛṣṭvā tu vismayaṃ jagmurdevāsuragaṇāstadā |
etasminnaṃtare daityo māyāssaṃpramumoca ha || 13 ||
[Analyze grammar]

viśikhāḥ śataśastatra viniścerussamaṃtataḥ |
śakraḥ kopātpunaḥ śīghraṃ dhanurudyamya vīryavān || 14 ||
[Analyze grammar]

jaghāna viśikhairugraiḥ sarvagātreṣu saṃjvalan |
tato mārgaṇasāhasrairaṣṭabhistvadhikaṃ tathā || 15 ||
[Analyze grammar]

bibhidāte tatonyonyaṃ cicchidāte parasparam |
śarairniraṃtarākāśaṃ dadṛśustatra saṃyuge || 16 ||
[Analyze grammar]

nipataṃti dharāpṛṣṭhe khaḍgapātaiḥ sahasraśaḥ |
evaṃ sudīrghakāle tu gate tasminmahāhave || 17 ||
[Analyze grammar]

māyāstraṃ darśayāmāsa krūrakṛnnamucistadā |
tāmasaṃ triṣulokeṣu kṛtaṃ syāttu niraṃtaram || 18 ||
[Analyze grammar]

parasparaṃ na paśyaṃti devāsuragaṇā bhṛśam |
sūryacaṃdragrahāṇāṃ ca vahnīnāṃ ca divaukasām || 19 ||
[Analyze grammar]

tasmiṃstamasi duṣpāre gabhastirnaiva dṛśyate |
daityasya ca tatastūrṇaṃ śarairagniśikhopamaiḥ || 20 ||
[Analyze grammar]

vibhagnāḥ sarvadevāśca śakraścaraṇasaṃmukhe |
śarairvibhinnadehāstu nipeturdharaṇītale || 21 ||
[Analyze grammar]

prabhagnāścāpare śūrāssaṃyāṃti ca diśo daśa |
kūṭaṃ tasya parijñāya sarvadevārcito hariḥ || 22 ||
[Analyze grammar]

saumyamastraṃ mumocātha divi sūryaśataprabham |
vilaṃbitaṃ samālokya śaktyā ca bahughaṃṭayā || 23 ||
[Analyze grammar]

jaghānorasi daityasya sa papāta vyathānvitaḥ |
cirātsaṃlabhya saṃjñāṃ ca daiteyaḥ krodhamūrcchitaḥ || 24 ||
[Analyze grammar]

gatvā vegātsuraśreṣṭhamairāvataṃ dadhāra ha |
trāsayāmāsa sutarāmiṃdrasya dviradaṃ ruṣā || 25 ||
[Analyze grammar]

dhṛtvā sa tu gajaṃ seṃdraṃ mumoca dharaṇītale |
tato bhūmigataḥ śakraḥ kaśmalaṃ ca kṣaṇaṃ gataḥ || 26 ||
[Analyze grammar]

avaplutya sa daityeṃdro gajadaṃtāṃtarasthitaḥ |
śakraṃ grahītukāmasya vadhārthaṃ yūthapasya saḥ || 27 ||
[Analyze grammar]

asinā'suramukhyasya śiraśchitvā nyapātayat |
sarve prajahṛṣurdevā gaṃdharvā lalitaṃ jaguḥ |
muditāste ca munayaḥ stuvaṃti surasattamam || 28 ||
[Analyze grammar]

iti śrīpādmapurāṇe prathame sṛṣṭikhaṃḍe dvitīya namucivadhonāmaikasaptatitamo'dhyāyaḥ || 71 ||
[Analyze grammar]