Chapter 72

[English text for this chapter is available]

vyāsa uvāca |
divyaṃ rathaṃ samāsthāya dhanurhasto balairyutaḥ |
gatvā ca mādhavaṃ saṃkhye devāsuragaṇāgrataḥ || 1 ||
[Analyze grammar]

krodhena mahatāviṣṭo madhurnirjaramardanaḥ |
abravītparuṣaṃ vākyamavyayaṃ harimīśvaram || 2 ||
[Analyze grammar]

nārāyaṇa na jānāsi yuddhadharmamitaḥ katham |
anyāyāddurvadhopāyaṃ kṛtvā naṣṭo na śocasi || 3 ||
[Analyze grammar]

anena paṃkayogena vyavahārā kṛtasya ca |
suratvaṃ copanaṣṭaṃ syādanyasṛṣṭiṃ karomyaham || 4 ||
[Analyze grammar]

tvāmeva nihaniṣyāmi saha devagaṇairiha |
ityuktvā dhanurādāya jaghāna viśikhairvibhum || 5 ||
[Analyze grammar]

mādhavastānbibhedātha śarairvajrasamaprabhaiḥ |
bahubhissarvagātreṣu jaghāna ca madhuṃ tataḥ || 6 ||
[Analyze grammar]

māyayā chāditaḥ sobhūddaityastaṃ surasattamāḥ |
ye vai śūrāśca rudrādyāstridaśāssattvadhāriṇaḥ || 7 ||
[Analyze grammar]

devyo nānāvidhāścāpi sāyudhā vāhanānvitāḥ |
senānyo gaṇapā devā lokeśa haraviṣṇavaḥ || 8 ||
[Analyze grammar]

anye grahādayo devāḥ sarve yudhyanti saṃgatāḥ |
vinaṣṭāśca tadā devā madhorvai māyayā dhruvam || 9 ||
[Analyze grammar]

saṃmukhe vimukhe caiva śaraśaktyṛṣṭivṛṣṭibhiḥ |
pataṃti sahasā devā bhūmau śastrābhipīḍitāḥ || 10 ||
[Analyze grammar]

etasminnaṃtare viṣṇurgṛhītvā ca sudarśanam |
asurānmāyayā devānjaghāna raṇamūrdhani || 11 ||
[Analyze grammar]

atha teṣāṃ śirāṃsyeṣa chitvā caiva sahasraśaḥ |
pātayāmāsa deveśo daityānāṃ ca surātmanām || 12 ||
[Analyze grammar]

evamanyānvibhurdaityāndrāvayāmāsa saṃgarāt |
taṃ dṛṣṭvā munayo devāḥ sarve vismayamāyayuḥ || 13 ||
[Analyze grammar]

karṇe karṇe prajalpaṃte devā munigaṇāstathā |
sadā devaikagoptā ca hariravyaya īśvaraḥ || 14 ||
[Analyze grammar]

sarvasākṣī tvayaṃ devo daityajiṣṇuryuge yuge |
kathaṃ haṃti surānsarvānkalpāṃta iha jāyate || 15 ||
[Analyze grammar]

etasminnaṃtare dūre madhurmāyāṃ prayojitā |
hararūpadharo bhūtvā abravīddharimavyayam || 16 ||
[Analyze grammar]

daityānāmagrataḥ pāpa raṇe devānsamaṃtataḥ |
hatvā kiṃ te śivaṃ cādya dharmakīrti yaśo guṇāḥ || 17 ||
[Analyze grammar]

mahatonmattabhāvena na jānāsi parānsvakān |
atastvāṃ niśitairbāṇairnayāmi yamasādanam || 18 ||
[Analyze grammar]

evamuktvā śarairugrairjaghāna keśavaṃ raṇe |
nicakarta śarāṃstāṃstu mādhavo vākyamabravīt || 19 ||
[Analyze grammar]

jānāmi tvāṃ raṇe daityaṃ hararūpadharaṃ priyam |
śūraṃ śūravikarmāṇaṃ madhuṃ māyāniyojitam || 20 ||
[Analyze grammar]

mithyālokaṃ pradāsyāmi pātayitvā raṇājire |
etasminnaṃtare tīkṣṇaiḥ śarairvivyādha saṃyuge || 21 ||
[Analyze grammar]

jaṭilaṃ vṛṣaketuṃ ca vṛṣabhasthaṃ maheśvaram |
tayoryuddhamatīvāsīddevadānavayostadā || 22 ||
[Analyze grammar]

parasparaṃ bhiṃdatośca prāptānprāptānśarānśaraiḥ |
kṣurapreṇa dhanustasya ciccheda hariravyayaḥ || 23 ||
[Analyze grammar]

tataśca pātayāmāsa ghoṭakaṃ vṛṣarūpiṇam |
sa daityaśśūlahastotha pradudrāva jagatpatim || 24 ||
[Analyze grammar]

bhrāmayitvā tataḥ śūlaṃ jaghāna parameśvaram |
tribhiściccheda bāṇaiśca śūlaṃ kālānalaprabham || 25 ||
[Analyze grammar]

tataḥ krūro mahābāhurmadhurmāyātimāyikaḥ |
devīrūpaṃ samāsthāya siṃhasthaḥ prayayau hariḥ || 26 ||
[Analyze grammar]

śarairbahuvidhairviṣṇuṃ jaghānaivābravīdvacaḥ |
svāmī tu me suraśreṣṭha tvayaiva pātito yudhi || 27 ||
[Analyze grammar]

ahaṃ tvāṃ ca haniṣyāmi sutau skaṃdavināyakau |
uktavaṃtaṃ ca daiteyaṃ jaghāna bahumārgaṇaiḥ || 28 ||
[Analyze grammar]

sa papāta mahīpṛṣṭhe gatāsurlohitodgiraḥ |
pitarau nihatau dṛṣṭvā māyābaddho mahābalaḥ || 29 ||
[Analyze grammar]

skaṃdaḥ śaktiṃ samādāya prāyādyodhayituṃ harim |
tato dhātā'bravīdvākyaṃ skaṃdaṃ mohaprapīḍitam || 30 ||
[Analyze grammar]

paśya te pitarau dūre paśyaṃtau yuddhamīdṛśam |
aṃtarikṣe bhramaṃtau ca saṃsthitau lokasākṣiṇau || 31 ||
[Analyze grammar]

etacchrutvā tato dṛṣṭvā tatraivāṃtaradhīyata |
tato dhuṃdhuśca suṃdhuśca bhrātarāvatidarpitau || 32 ||
[Analyze grammar]

vadhaṃ prati hareryuddhe petaturgaruḍopari |
khaḍgahastaṃ ca dhuṃdhuṃ ca sagadaṃ suṃdhumeva ca || 33 ||
[Analyze grammar]

ciccheda naṃdakenaikaṃ gadayā sādayatparam |
petatustau dharāpṛṣṭhe pravīrau kṣatavikṣatau || 34 ||
[Analyze grammar]

madhustadāgatastūrṇamaṃtardhānaṃ tamovṛtaḥ |
pātayāmāsa viṣṇau ca māyayā śataparvatān || 35 ||
[Analyze grammar]

tatastānparvatāṃśchitvā tamaso'ntargato yudhi |
krodhātsudarśanenaiva śiraśchitvā nipātitaḥ || 36 ||
[Analyze grammar]

tato brahmādibhirdevaiśśaṃbhunā tridaśairapi |
madhusūdana itikhyātirviṣṇorlokeṣu kāritā || 37 ||
[Analyze grammar]

iti śrīpādmapurāṇe prathame sṛṣṭikhaṃḍe madhuvadhonāmadvisaptatitamo'dhyāyaḥ || 72 ||
[Analyze grammar]