Chapter 135

avidyānāstitvanirūpaṇaṃ nāma sargaḥ |
pañcatriṃśaduttaraśatatamaḥ sargaḥ |
rāmaḥ |
śarīrendriyabuddhyādicetasāṃ spandanasya ca |
kiṃ kasmātsāramuditaṃ vyāpakaṃ śreyase bhavet || 1 ||
[Analyze grammar]

vasiṣṭhaḥ |
yadidaṃ dṛśyate kiñcijjagattvamahamādimat |
cittamātraṃ hi tatsarvaṃ jalamātraṃ yathārṇavaḥ || 2 ||
[Analyze grammar]

dehendriyādibhāvena cittaṃ jagaditi sthitam |
ṣaḍbhirvā pañcabhirdvāraiścetyaṃ patati dehinām || 3 ||
[Analyze grammar]

yataḥ kutaścitsampannaṃ cittaṃ dvīnduvilāsavat |
yathā nāneva sampannaṃ taduktaṃ bahuśastava || 4 ||
[Analyze grammar]

jīvādisañjñāvalitaṃ dhṛtasaṃsṛtivibhramam |
yathā tatkṣīyate cittaṃ śreyase tadidaṃ śṛṇu || 5 ||
[Analyze grammar]

ceto bhāvavikārāḍhyaṃ paśyatīdaṃ śarīrakam |
avidyamānaṃ procchūnaṃ mṛgatṛṣṇāmbvivaiṇakaḥ || 6 ||
[Analyze grammar]

tathā paśyati vai cetaśśarīraṃ spandacañcalam |
abhinnameva svātmatvāddadhirūpaṃ yathā payaḥ || 7 ||
[Analyze grammar]

utpattisthitināśāntaṃ yathānubhavati svayam |
payo dadhitvamevaṃ hi cetaḥ paśyati dehakam || 8 ||
[Analyze grammar]

tathā hi bhārgavodanto lavaṇaindavavibhramaḥ |
śrutastvayā mahābāho cittarūpanirūpaṇe || 9 ||
[Analyze grammar]

pratibhāṃ jaḍamapyeti cittaṃ sarvagaciccyutam |
anicchāyomaṇiprāptamayaḥ praspandanaṃ yathā || 10 ||
[Analyze grammar]

nityoditāmalānantacidādityāṃśurañjanāt |
cittapadmo vikasati puryaṣṭakadalāvaliḥ || 11 ||
[Analyze grammar]

yathā muktāvalī dṛṣṭā śūnye khe sadasanmayī |
sphuratyevaṃ hi cittattve cetaḥ sphurati cañcalam || 12 ||
[Analyze grammar]

yathā citrodayaśśūnye bhrāntimātramupaplavaḥ |
tathā cetasi deho'yaṃ gandharvapuravatsthitaḥ || 13 ||
[Analyze grammar]

yathā cetasi deho'yaṃ mithyā dvīnduvilāsavat |
indriyāṇi tathā dehe maivammātraparo bhava || 14 ||
[Analyze grammar]

yathendriyāṇi dehasya bālakalpitayakṣavat |
spandastathaivendriyāṇāṃ jaḍo maitatparo bhava || 15 ||
[Analyze grammar]

yathendriyāṇāṃ vātānāmiva spando jaḍātmakaḥ |
spandaboddhṛ tathaivāsatsphuratyetaccalaṃ manaḥ || 16 ||
[Analyze grammar]

yathā spandasya tu mano bhramākṛti calaṃ jaḍam |
manaso'sya tathā buddhirmṛgatṛṣṇā vijṛmbhate || 17 ||
[Analyze grammar]

yathaiva buddhiḥ svāntasya tathā buddherahaṅkṛtiḥ |
asadrūpā mudhodbhūtā maivammātraparo bhava || 18 ||
[Analyze grammar]

yathā buddherahaṅkāro vallyāḥ puṣpamiva sthitaḥ |
tathaivāhaṅkṛterjīvo maivammātraparo bhava || 19 ||
[Analyze grammar]

yathaivāhaṅkṛterjīvaśśūnyehāvāsanātmakaḥ |
tathā jīvasya kalayā yuktā citsacamatkṛtiḥ || 20 ||
[Analyze grammar]

tadapyanagha saṅkalpavaśānno vastunāpi sat |
maitadbhāvaya kiñcittvaṃ naitattenāsya vā bhavān || 21 ||
[Analyze grammar]

ete parasparaṃ sarve bhramātkāraṇatāṃ gatāḥ |
taraṅgavadvivartante manobuddhīndriyādayaḥ || 22 ||
[Analyze grammar]

yathā śūnye mahāraṇye svasaṅkalpabhramākulāḥ |
bhramantyunmattakā evaṃ manobuddhīndriyādayaḥ || 23 ||
[Analyze grammar]

śarīraṃ saṃsṛtau sāraḥ sāro'kṣaughaśśarīrake |
sārastvakṣagaṇe spandaḥ spande sāraḥ smṛtaṃ manaḥ || 24 ||
[Analyze grammar]

sāro manasi vai buddhiḥ sāro buddhāvahaṅkṛtiḥ |
sārastvahaṅkṛtau jīvo jīve sāraścidābilā || 25 ||
[Analyze grammar]

citi sārastvacetyatvaṃ cetyasyāsambhavācchive |
tasmātsāratarātsāraḥ kiñcidanyanna vidyate || 26 ||
[Analyze grammar]

nirvikalpacidābhāsa eva sarvatra kāraṇam |
kāraṇaṃ tasya nāstyanyattatsvato nityabhāsuram || 27 ||
[Analyze grammar]

tāvanmātraparo nityaṃ bhava pūrvaṃ parityajan |
sakalaṃ niṣkalaṃ vāpi jagaccinmātrameva hi || 28 ||
[Analyze grammar]

valitaṃ sarvasaṅkalpairyadi vā yadi vojjhitam |
jagattadakhilaṃ rāma viddhyetacchuddhacinmayam || 29 ||
[Analyze grammar]

ityasmātparamātsārādajasraṃ saṃvidaṅga te |
rātrindivaṃ na calati yadi tattvamajaśśivaḥ || 30 ||
[Analyze grammar]

atra sthitasya tava kecana durvilāsā rātrāvaheriva na rāma padaṃ labhante |
maināṃ parityaja mahāmṛtakandarāṃ tvamatraiva tiṣṭha dṛḍhalekhyamivāśmanīti || 31 ||
[Analyze grammar]