Chapter 134

mṛgavyādhadṛṣṭānto nāma sargaḥ |
catustriṃśaduttaraśatatamaḥ sargaḥ |
vasiṣṭhaḥ |
eṣa evāṅga siddhānto yatkālagaganādyapi |
cinmātrāṃśādṛte nānyajjagadādyasti kiñcana || 1 ||
[Analyze grammar]

janayatyacchamābhāsaṃ bhaṅguraṃ sphuraṇātsvataḥ |
jagadrūpaṃ niśāvidyudiva citkālakhādi ca || 2 ||
[Analyze grammar]

yatra sphurati cidvidyuttajjagatkālakhādi ca |
sthitaiva yanna sphurati tacchāntaṃ sarvamakramam || 3 ||
[Analyze grammar]

rāmaḥ |
yāvadālokyate'mbhodastāvatsatyaiva khe taḍit |
kāraṇaṃ nātra pṛcchāmi citspande kāraṇaṃ vada || 4 ||
[Analyze grammar]

vasiṣṭhaḥ |
vaitaṇḍikājñadurbuddhivilāsaṃ dūratastyajan |
śṛṇvetadīdṛśasyaiva vaktavyaṃ nāpalāpinaḥ || 5 ||
[Analyze grammar]

tiṣṭhatyeva ghane vidyutsā ca sphurati bhaṅgurā |
ābālametatsaṃsiddhaṃ kena nāmāpalapyate || 6 ||
[Analyze grammar]

rāmaḥ |
nityaṃ sattvamasattvaṃ vā vibho hetvanapekṣaṇāt |
citspandasya kathaṃ na syātspando hīha sahetukaḥ || 7 ||
[Analyze grammar]

vasiṣṭhaḥ |
avātāmbudhidīpāde ratnānāṃ kacanasya vā |
vāyorvā śūnyasaṃsthasya spande kasyeha hetutā || 8 ||
[Analyze grammar]

rāmāsarvātmano'pyevaṃ tattātattopapadyate |
svataḥ sarvātmano nityamataḥ kiṃ nopapadyate || 9 ||
[Analyze grammar]

cidaspandā spandinīti śabde bhedo na vastuni |
brahmaikaghanamadvaitaṃ viddhi vāri yathā dravam || 10 ||
[Analyze grammar]

yathā muktāvalīhaṃsadarśanaṃ khe svabhāvajam |
dṛṣṭerevaṃ cidacchāyāḥ saṃvitspandājjagadbhramaḥ || 11 ||
[Analyze grammar]

yathā nimīlite netre svaprabhāveṇa dṛkcalam |
tārākāraṃ paśyatīyaṃ ciccetyaṃ dṛśyavattathā || 12 ||
[Analyze grammar]

saṅkalpakalanāstyaktvā sarvā evātmatāṃ gataḥ |
paśya cidghana evācchaḥ kalpāntaikābdhivatsthitaḥ || 13 ||
[Analyze grammar]

asmadādirjanaḥ sādho pāradṛśvā jagatsthiteḥ |
tenaivāsmadvaco grāhyamomityevāstasaṃśayam || 14 ||
[Analyze grammar]

codyacañcutayā kiñcidvadāmīti tyajandhiyam |
yadi tiṣṭhasi madvāci tadā yāsyeva tatpadam || 15 ||
[Analyze grammar]

no cettadvividhānekavikalpakalanāmalaiḥ |
śuddhatārkikatāmetya prayāsi tṛṇagulmatām || 16 ||
[Analyze grammar]

rāmaḥ |
evaṃ cettadiyaṃ brahmaṃstvattāmattāmayātmikā |
tattvatastrijagannāmnī manye na kalanāstyalam || 17 ||
[Analyze grammar]

lavaṇaindavaśukrādivṛttāntavadupasthitam |
bhrāntimātraṃ jaganmanye satyaṃ nāstīha kiñcana || 18 ||
[Analyze grammar]

evaṃ sthite muniśreṣṭha sarvāpahnava eva vai |
kṛto bhavati tadbrūhi yujyate kathamīdṛśam || 19 ||
[Analyze grammar]

vasiṣṭhaḥ |
rāma samyakprabuddho'si jānāsyeva yathāsthitam |
śuddhacidghana evāsti taṃ ca tvamavabuddhavān || 20 ||
[Analyze grammar]

siddhānto'dhyātmaśāstrāṇāṃ sarvāpahnava eva ca |
nāvidyāstīha no māyā śāntaṃ brahmedamakramam || 21 ||
[Analyze grammar]

śānta eva cidābhāse svacche samasamātmani |
samagraśaktikacite brahmeti kalitābhidhe || 22 ||
[Analyze grammar]

nirṇīya kecicchūnyatvaṃ kecidvijñānamātratām |
kecidīśvararūpatvaṃ vivadante parasparam || 23 ||
[Analyze grammar]

saṅkalpya jagaducchūnaṃ nītvā ca śataśākhatām |
cālayanti vicāreṇa kecitsāṅkhyamatādikam || 24 ||
[Analyze grammar]

kecitsarvamidaṃ śāntaṃ brahmeti ghananiścayāḥ |
śuddhacidvyomatāmetya santo'santa iva sthitāḥ || 25 ||
[Analyze grammar]

na brahma na jagannānyaditi niścitya kecana |
ākāśaviśadāḥ svacchāḥ saṃsthitāḥ saugatādayaḥ || 26 ||
[Analyze grammar]

kecidapyanyathā kṛtvā nānāsaṅkalpakalpanam |
sthitāśśāmyanti jāyante saṃsaranti ca vā na vā || 27 ||
[Analyze grammar]

samastakalanāhīnamiti nirṇīya cidghanam |
samagraśaktikacitaṃ vivadante hi vādinaḥ || 28 ||
[Analyze grammar]

ekatra vastuni samastakalāvimukte saṅkalpya saṅkalanayā vividhābhidhāḥ svāḥ |
svaṃ vāsanāvilasitaṃ samudāharanto vidyāvivādavibhavairvivadanti vaidyāḥ || 29 ||
[Analyze grammar]