Chapter 47

paramātmābhidhānavicāro nāma sargaḥ |
īśvaravasiṣṭhasaṃvādaḥ samāptaḥ |
saptacatvāriṃśaḥ sargaḥ |
vasiṣṭhaḥ |
etaduktaṃ pareśena svayameva ca vedmyaham |
rāma tvamapi jānīṣe yathedaṃ samavasthitam || 1 ||
[Analyze grammar]

yatrālīkamalīkena kilālīkaṃ vilokyate |
tasyāṃ saṃsāramāyāyāṃ kiṃ satyaṃ kimasanmayam || 2 ||
[Analyze grammar]

yathā yena vikalpena yadvikalpena kalpyate |
tathā tenātmakalpena na satāpyanubhūyate || 3 ||
[Analyze grammar]

yathā dravatvaṃ payasi yathā spando nabhasvati |
yathā nabhasi śūnyatvaṃ tathā sargatvamātmani || 4 ||
[Analyze grammar]

tataḥ prabhṛti tenaiva krameṇārcanamātmanaḥ |
adya yāvadgatavyagraḥ kurvannahamavasthitaḥ || 5 ||
[Analyze grammar]

anenārcāvidhānena mayemā rāma vāsanāḥ |
akhinnenātivāhyante vyavahāraparā api || 6 ||
[Analyze grammar]

yathāprāptaiḥ kriyācārakusumairātmano'rcanam |
vyucchinnamapyucchinnaṃ me na kadācidaharniśam || 7 ||
[Analyze grammar]

grāhyagrāhakasambandhe sāmānye sarvadehinām |
yoginaḥ sāvadhānatvaṃ yattadarcanamātmanaḥ || 8 ||
[Analyze grammar]

dṛṣṭyānayā raghupate saṅgamuktena cetasā |
saṃsāre vipulāraṇye viharāsminna khidyase || 9 ||
[Analyze grammar]

duḥkhe mahati samprāpte dhanabandhuviyogaje |
etāṃ dṛṣṭimavaṣṭabhya vicāraṃ kuru suvrata || 10 ||
[Analyze grammar]

sukhaduḥkhe na kartavye dhanabandhūdayakṣayaiḥ |
evamprāyā eva sarvā nityaṃ saṃsāradṛṣṭayaḥ || 11 ||
[Analyze grammar]

jānāsīva gatīścitrā viṣayāṇāṃ pramāthinīḥ |
yathā yānti yathāyānti yathā paribhavanti ca || 12 ||
[Analyze grammar]

evameva pravartante premāṇi ca dhanāni ca |
evamevāvahīyante nimittairavicāritaiḥ || 13 ||
[Analyze grammar]

na tāstava na tāsāṃ tvaṃ nirmalastvaṃ jagatkriyāḥ |
idamitthaṃ jagatkiñcitkiṃ mudhā paritapyase || 14 ||
[Analyze grammar]

tvamevāsi jagadrūpaṃ cinmātraṃ vitatākṛtiḥ |
nijāvayavakāvṛttau kaḥ kramo harṣaśokayoḥ || 15 ||
[Analyze grammar]

cidekatānatāmetya sauṣuptīmāgataḥ sthitim |
adyaprabhṛti rāma tvaṃ turyāvasthātmako bhava || 16 ||
[Analyze grammar]

samaḥ samasamābhāso bhāsvadvapurudāradhīḥ |
tiṣṭhātmācārato nityaṃ paripūrṇa ivārṇavaḥ || 17 ||
[Analyze grammar]

etattvaṃ śrutavān sarvaṃ sthitastvaṃ paripūrṇadhīḥ |
yadīcchasītaratpraṣṭuṃ tatpṛccha raghunandana || 18 ||
[Analyze grammar]

brahmaṇo'nantarūpasya kuto malamiti tvayā |
yatpṛṣṭaṃ prathame kalpe tadadya paricodaya || 19 ||
[Analyze grammar]

rāmaḥ |
idānīṃ saṃśayo brahmanvinivṛtto viśeṣataḥ |
jñātaṃ jñātavyamakhilaṃ jātā tṛptirakṛtrimā || 20 ||
[Analyze grammar]

nātmano'sti malaṃ dvitvaṃ na caikyaṃ na ca kalpanā |
tadā mamābhūdajñānaṃ praśāntamadhunā tu tat || 21 ||
[Analyze grammar]

kalaṅka ātmano'stīti mamājñānavaśena yā |
āsīdbhrāntiridānīṃ sā nivṛttā tvatprasādataḥ || 22 ||
[Analyze grammar]

na jāyate na mriyate na caivātmā kalaṅkitaḥ |
sarvaṃ ca brahmamayamityuditaḥ khalu cāsmyaham || 23 ||
[Analyze grammar]

praśnebhyaḥ saṃśayebhyaśca vāñchitebhyaśca sarvataḥ |
śuddhaṃ me nirgataṃ cetastvaṣṭā yantrabhramādiva || 24 ||
[Analyze grammar]

sarvasāropadeśeṣu prāyaḥ prokteṣu sādhubhiḥ |
nirākāṅkṣaḥ sthito'smyantaḥ sumeruḥ kanakeṣviva || 25 ||
[Analyze grammar]

na tadastyasti yatrāśā na tadasti yadīpsitam |
na tadasti yadādeyaṃ heyaṃ madhyaṃ ca vā mama || 26 ||
[Analyze grammar]

idaṃ heyamupādeyamidaṃ sadidamapyasat |
iti cintābhramaśśānto nipuṇaṃ paramo mune || 27 ||
[Analyze grammar]

na svargamabhivāñchāmi dveṣmi vā na ca rauravam |
ātmanyeva hi tiṣṭhāmi mandarādririvābhramaḥ || 28 ||
[Analyze grammar]

kaṇaśaḥkīrṇatrijagatkṣīrasāgarasantatiḥ |
viśrāntaścirasambhrānto nirbhramo rāmamandaraḥ || 29 ||
[Analyze grammar]

avastvidamidaṃ vastu yasyeti kalanāmalam |
hṛdi tasya kusandehajālikā jvalitādhikam || 30 ||
[Analyze grammar]

idamitthaṃ jagaditi jñātaṃ yena munīśvara |
sa yatra yāti kārpaṇyaṃ jagatastanna labhyate || 31 ||
[Analyze grammar]

vicitrākulakallolājjaḍāvṛttivivartitāt |
tvatprasādena bhagavaṃstīrṇāḥ smo bhavasāgarāt || 32 ||
[Analyze grammar]

sampadāmavadhirjñāto dṛṣṭaḥ sīmānta āpadām |
sarvasāreṣvadīnāḥ smaḥ pūrṇāḥ smaḥ parameśvarāḥ || 33 ||
[Analyze grammar]

parāmabhedyāmaparairdalitāśāmataṅgajām |
saṃsārasamare samyagdhīratāmāgataṃ manaḥ || 34 ||
[Analyze grammar]

parigalitavikalpatāmupetaṃ pragalitavāñchamadīnasārasattvam |
trijagati jayati prasiddharūpaṃ pramuditamantaranuttaraṃ mano me || 35 ||
[Analyze grammar]