Chapter 51

rāghavāśayaviniyogo nāma sargaḥ |
ekapañcāśaḥ sargaḥ |
vasiṣṭhaḥ |
paridīrghāsu tanvīṣu kacantīṣvasitāsu ca |
kṣuradhāropamānāsu cittavṛttiṣu tiṣṭha mā || 1 ||
[Analyze grammar]

kālena ca mahākṣetre jāteyaṃ buddhivallarī |
vṛddhiṃ vivekasekena nayaināṃ nayakovida || 2 ||
[Analyze grammar]

yāvanmlāyati no kāyakalikā kalibhasmanā |
bhūtale patitāṃ tāvadenāmuddhṛtya dhāraya || 3 ||
[Analyze grammar]

madvākyārthaikatattvajña madvākyārthaikabhāvanāt |
sukhamāpnoṣi sarpāriryathābhraravabhāvanāt || 4 ||
[Analyze grammar]

uddālakavadālūnaviśīrṇaṃ bhūtapañcakam |
kṛtvā kṛtvā dhiyā dhīra dhīrayāntarvicāraya || 5 ||
[Analyze grammar]

rāmaḥ |
kena krameṇa bhagavanmuninoddālakena tat |
bhūtapañcakamālūnaṃ kṛtvāntaḥ pravicāritam || 6 ||
[Analyze grammar]

vasiṣṭhaḥ |
śṛṇu rāma yathā pūrvaṃ bhūtavṛndavicāraṇāt |
uddālakena samprāptā paramā dṛṣṭirakṣatā || 7 ||
[Analyze grammar]

jagajjīrṇagṛhasyāsya koṇe kasmiṃścidātate |
bhūmeraniladiṅnāmni bhūbhṛdbhāṇḍabharākule || 8 ||
[Analyze grammar]

gandhamādanaśailendranāmnī kācitkila sthalī |
vidyate kīrṇakusumā karpūradrumadhūsarā || 9 ||
[Analyze grammar]

vicitravarṇavihagā nānāvanavilāsinī |
vanecaravyāptataṭī puṣpakesarahāsinī || 10 ||
[Analyze grammar]

kvacitsthitamahāratnā kvacinnīlāmbudotpalā |
kvacinnīhārakavarī sarasīdarpaṇā kvacit || 11 ||
[Analyze grammar]

tatra kasmiṃścidudite sānau saphalapādape |
āgulphakīrṇakusume snigdhacchāyāmahādrume || 12 ||
[Analyze grammar]

uddālako nāma munirmaunī mānī mahāmatiḥ |
aprāptayauvanaḥ pūrvamuvāsoddāmatāpasaḥ || 13 ||
[Analyze grammar]

prathamaṃ tu babhūvāsāvalpaprajñāvicāravān |
aprāptapadaviśrāntiraprabuddhaśubhāśayaḥ || 14 ||
[Analyze grammar]

tataḥ krameṇa tapasā śāstrārthaniyamairyamaiḥ |
viveka ājagāmainaṃ navarturiva bhūtalam || 15 ||
[Analyze grammar]

athedaṃ cintayāmāsa saṃsārabhayabhītadhīḥ |
ekānta eva nivasan kadācitklāntamānasaḥ || 16 ||
[Analyze grammar]

kiṃ tatprāpyaṃ pradhānaṃ syād yadviśrāntau na śocyate |
yatprāpya janmanā bhūyaḥ sambandho nopajāyate || 17 ||
[Analyze grammar]

kadāhaṃ tyaktamananaḥ pade paramapāvane |
viśrāntiṃ cirameṣyāmi meruśṛṅga ivāmbudaḥ || 18 ||
[Analyze grammar]

kadā śamamupeṣyanti mamāntarbhogavāsanāḥ |
ālolakallolaravā ūrmayo'mbunidhāviva || 19 ||
[Analyze grammar]

idaṃ kṛtvedamapyanyatkartavyamiti kalpanām |
kadāntarvihasiṣyāmi padaviśrāntayā dhiyā || 20 ||
[Analyze grammar]

kadā vikalpajālaṃ me na lagiṣyati cetasi |
sthitamapyujjhitāsaṅgaṃ payaḥ padmadale yathā || 21 ||
[Analyze grammar]

kadā bahalakallolāṃ nāvā paramayā dhiyā |
paritīrṇo bhaviṣyāmi tṛṣṇāmattataraṅgiṇīm || 22 ||
[Analyze grammar]

kademāṃ jāgatairbhūtaiḥ kriyamāṇāmasanmayīm |
kriyāmupahasiṣyāmi bālalīlāmivāphalām || 23 ||
[Analyze grammar]

kadā vikalpaparyastamanodolāvadolanam |
praśamiṣyati me śāntapānaujasa iva bhramaḥ || 24 ||
[Analyze grammar]

kadoditavapurbhāsvānvihasañjāgatīrgatīḥ |
antaḥ santoṣameṣyāmi virāḍātmeva pūrṇadhīḥ || 25 ||
[Analyze grammar]

śāntaś samasamācāraḥ somyaḥ sarvārthanisspṛhaḥ |
kadopaśamameṣyāmi manthonmuktamahābdhivat || 26 ||
[Analyze grammar]

kademāmakhilāṃ dṛśyaśriyamāśāśatātmikām |
sarvāṃ suṣuptavatpaśyanbhaviṣyāmyantarātataḥ || 27 ||
[Analyze grammar]

sabāhyābhyantaraṃ sarvaṃ śāntakalpanayā dhiyā |
paśyaṃścinmātramakhilaṃ bhāvayiṣyāmyahaṃ kadā || 28 ||
[Analyze grammar]

kadopaśāntacittātmā cittāmupagataḥ parām |
paramālokameṣyāmi jātyāndhyavigamādiva || 29 ||
[Analyze grammar]

kadābhyāsopalabdhena citprakāśena cāruṇā |
dūrādālokayiṣyāmi tanvīṃ kālakalāmimām || 30 ||
[Analyze grammar]

īhitānīhitonmukto heyopādeyavarjitaḥ |
kadāntastoṣameṣyāmi svaprakāśapadasthitaḥ || 31 ||
[Analyze grammar]

kadāśākauśikīkīrṇā jāḍyajīrṇahṛdambujā |
kṣayameṣyati kṛṣṇeyaṃ kadā me mohayāminī || 32 ||
[Analyze grammar]

kadopaśāntamanano dharaṇīdharakandare |
sameṣyāmi śilāsāmyaṃ nirvikalpasamādhinā || 33 ||
[Analyze grammar]

kadā me cittamātaṅgaḥ svābhimānamahāmadaḥ |
tattvāvabodhahariṇā hato nāśamupaiṣyati || 34 ||
[Analyze grammar]

niraṃśadhyānaviśrāntimūkasya mama mūrdhani |
kadā karṇe kariṣyanti kulāyaṃ vanaputtikāḥ || 35 ||
[Analyze grammar]

kadā niśśaṅkamurasi dhyānādhīnadhiyaḥ khagāḥ |
mama viśrāntimeṣyanti śailasthāṇutalasthiteḥ || 36 ||
[Analyze grammar]

tṛṣṇākarañjajaṭilāṃ janmajarjaragulmakām |
saṃsārāraṇyasaraṇiṃ tyaktvā yāsyāmyahaṃ kadā || 37 ||
[Analyze grammar]

iti cintāparavaśo vana uddālako dvijaḥ |
punaḥ punastūpaviśya dhyānābhyāsaṃ cakāra saḥ || 38 ||
[Analyze grammar]

viṣayairnīyamāne tu citte markaṭacañcale |
na sa lebhe samādhānapratiṣṭhāṃ prītidāyinīm || 39 ||
[Analyze grammar]

kadācidbāhyasaṃsparśaparityāgādanantaram |
tasyāgacchaccittakapiḥ prodvegaṃ tattvasaṃsthitau || 40 ||
[Analyze grammar]

kadācidāntarān sparśānparityajya manaḥkapiḥ |
lolatvāttasya saṃyāto viṣayaṃ viṣalubdhavat || 41 ||
[Analyze grammar]

kadācidāntarārkābhaṃ tejo dṛṣṭvāntare manaḥ |
viṣayonmukhatāṃ yātaṃ tasya tāmarasekṣaṇa || 42 ||
[Analyze grammar]

antarāndhyatamastyāgaṃ kṛtvā viṣayalampaṭam |
tasyoḍḍīya mano yāti kadācittrastapakṣivat || 43 ||
[Analyze grammar]

bāhyānābhyantarān sparśāṃstyaktvā nidrāṃ ca tanmanaḥ |
tamastejaśca no lebhe kadācicchāśvatīṃ sthitim || 44 ||
[Analyze grammar]

iti paryākulāsvantaḥ so'luṭhaddhyānavṛttiṣu |
darīṣvanvahamugrāsu vātabhagna iva drumaḥ || 45 ||
[Analyze grammar]

atiṣṭhal lūnasaṃrūḍhamanā mananasaṅkaṭe |
yathā dolāyitavapustṛṇaṃ tīrataraṅgake || 46 ||
[Analyze grammar]

atha paryākulamatirvijahārāratirgirau |
pratyahaṃ divasādhīśo mahāmerāvivaikakaḥ || 47 ||
[Analyze grammar]

samagrabhūtaduṣprāpāmekadā prāpa kandarām |
saṃśāntasarvasañcārāṃ munirmokṣadaśāmiva || 48 ||
[Analyze grammar]

aparyākulitāṃ vātairaprāptamṛgapakṣiṇīṃ |
adṛṣṭāṃ devagandharvaiḥ paramākāśaśobhanām || 49 ||
[Analyze grammar]

puṣpaprakarasañchannāṃ mṛduśādvalakomalām |
jyotīrasāśmasamprotaiḥ kṛtāṃ marakatairiva || 50 ||
[Analyze grammar]

siddhagītalasacchāyāṃ prakaṭāṃ ratnadīpakaiḥ |
suguptāṃ vanadevīnāmantaḥpurakuṭīmiva || 51 ||
[Analyze grammar]

na locanāhitālokāṃ nātyuṣṇāṃ nātiśītalām |
śāradasyoditārkasya hemagaurīṃ prabhāmiva || 52 ||
[Analyze grammar]

nālpālokaparimlānāṃ komalāśabdamārutām |
mañjarījaṭilopāntāṃ bālāṃ mālāvatīmiva || 53 ||
[Analyze grammar]

upaśamapadavīmivāttarūpāṃ kamalajaviśramaṇāya yogyarūpām |
kusumanikarakomalābhirāmāṃ sarasijakoṭarasundarīṃ samantāt || 54 ||
[Analyze grammar]