Chapter 111

cittavarṇanaṃ nāma sargaḥ |
ekādaśottaraśatatamaḥ sargaḥ |
vasiṣṭhaḥ |
asya cittamahāvyādheścikitsāyāṃ varauṣadham |
svāyattaṃ śṛṇu yuktyātmasusādhaṃ svātmani sthitam || 1 ||
[Analyze grammar]

svenaiva pauruṣeṇāśu svasaṃvedanarūpiṇā |
yatnena cittavetālastyaktveṣṭaṃ vastu jīyate || 2 ||
[Analyze grammar]

tyajannabhimataṃ vastu yastiṣṭhati nirāmayaḥ |
jitameva manastena kudānta iva dantinā || 3 ||
[Analyze grammar]

svasaṃvedanayatnena pālyate cittabālakaḥ |
avastuno vastuni ca yojyate bodhyate'pi ca || 4 ||
[Analyze grammar]

śāstrasaṅgamadhīreṇa cintātaptamatāpinā |
chinddhi tvamayasevāyo manasaiva mano mune || 5 ||
[Analyze grammar]

ayatnena yathā bāla itaścetaśca yujyate |
bhavyaistathaiva ceto'ntaḥ kimivātrātiduṣkaram || 6 ||
[Analyze grammar]

satkarmaṇi samākrāntamudarkodayadāyini |
svapauruṣeṇaiva manaścetanena niyojayet || 7 ||
[Analyze grammar]

svāyattamekāntahitaṃ svepsitatyāgavedanam |
yasya duṣkaratāṃ yātaṃ dhiktaṃ puruṣakīṭakam || 8 ||
[Analyze grammar]

aramyaṃ ramyarūpeṇa bhāvayitvā svasaṃvidā |
malleneva śiśuścittamayatnenaiva jīyate || 9 ||
[Analyze grammar]

pauruṣeṇa prayatnena cittamāśveva jīyate |
acittenāsapatnena padaṃ brahmaṇi dhīyate || 10 ||
[Analyze grammar]

svāyattaṃ ca susādhaṃ ca svacittākrāntimātrakam |
śaknuvanti na ye kartuṃ dhiktānpuruṣajambukān || 11 ||
[Analyze grammar]

svapauruṣaikasādhyena svepsitatyāgarūpiṇā |
manaḥpraśamamantreṇa vināsti na śubhā gatiḥ || 12 ||
[Analyze grammar]

manomāraṇamātreṇa sādhyena svātmasaṃvidā |
nissapatnamanādyantamaniṅganamihoṣyatām || 13 ||
[Analyze grammar]

īpsitāvedanāṅgyāṃ tu manaḥpraśamanaśriyi |
gurūpadeśaśāstrārthamantrādyā yuktayastṛṇam || 14 ||
[Analyze grammar]

sarvaṃ sarvagataṃ śāntaṃ brahma sampadyate tadā |
asaṅkalpanaśastreṇa cchinnaṃ cittagadaṃ yadā || 15 ||
[Analyze grammar]

svasaṃvedanasādhye'smin saṅkalpānarthanāśane |
śāntasyācchābhravapuṣi puṃsaḥ keva kadarthanā || 16 ||
[Analyze grammar]

nūnaṃ daivamanādṛtya mūḍhasaṅkalpakalpitam |
puruṣārthena saṃvittyā naya cittamacittatām || 17 ||
[Analyze grammar]

tāṃ mahāpadavīmekāṃ kāmapyanusaraṃściram |
cittaṃ cidbhakṣitaṃ kṛtvā cittvādapi paraṃ bhava || 18 ||
[Analyze grammar]

bhavabhāvanayā mukto yuktaḥ paramayā dhiyā |
dhārayātmānamavyagro'grastacittaṃ citaḥ param || 19 ||
[Analyze grammar]

paraṃ pauruṣamāśritya nītvā cittamacittatām |
tāṃ mahāpadavīmehi yatra nāsi na cetarat || 20 ||
[Analyze grammar]

saṃvedanaviparyāsarūpiṇāririvābalaḥ |
jetumāśu mano rāma pauruṣenaiva śakyate || 21 ||
[Analyze grammar]

anudvegaśśriyo mūlamanudvegātpravartate |
jantormanojayo yena trilokīvijayastṛṇam || 22 ||
[Analyze grammar]

na śastradahanotpātapātā yasyāṃ manāgapi |
svabhāvamātravyāvṛttau tasyāṃ keva kadarthanā || 23 ||
[Analyze grammar]

api svavedanākrāntāvaśaktā ye narādhamāḥ |
kathaṃ vyavahariṣyanti vyavahāradaśāsu te || 24 ||
[Analyze grammar]

pumāndṛto'smi jāto'smi jīvāmīti kudṛṣṭayaḥ |
cetaso vṛttayo yānti capalasyāsadutthitāḥ || 25 ||
[Analyze grammar]

na kaścaneha mriyate jāyate neha kaścana |
svayaṃ vetti mṛtiṃ dehe lokamanyaṃ gataṃ manaḥ || 26 ||
[Analyze grammar]

ito yātaṃ pare loke sphuratyanyatayā manaḥ |
na naśyatyetadāmokṣamato mṛtibhayaṃ kutaḥ || 27 ||
[Analyze grammar]

deharūpeṇa vicaradihaloke paratra ca |
cittamāmokṣamāste'sya rūpamanyanna vidyate || 28 ||
[Analyze grammar]

sute bhrātari bhṛtyādau kleśa ākramaṇaṃ nṛṇām |
na svacitte svacaitanyavyāvṛttyātmeti me matiḥ || 29 ||
[Analyze grammar]

tiryagūrdhvamadhastācca bhūyo bhūyo vicāritam |
yāvannāsti kilopāyaścittopaśamanādṛte || 30 ||
[Analyze grammar]

ṛte pathye tate śuddhe bodhe hṛdyudite citi |
manovilayamātreṇa viśrāntirupajāyate || 31 ||
[Analyze grammar]

dhyāyate hṛdayākāśe citiściccakradhārayā |
mano māraya niśśaṅkaṃ tvāṃ pramathnanti nādhayaḥ || 32 ||
[Analyze grammar]

yadi ramyamaramyatve tvayā saṃviditaṃ vidā |
chinnānyeva tadaṅgāni cittasyeti matirmama || 33 ||
[Analyze grammar]

ayaṃ so'hamidaṃ tanme etāvanmātrakaṃ manaḥ |
tadabhāvanamātreṇa dātreṇeva vilūyate || 34 ||
[Analyze grammar]

chinnābhramamale vyomni yathā śaradi dhūyate |
nirvikalpe pare tattve tathā nirvāsanaṃ manaḥ || 35 ||
[Analyze grammar]

vahanti yatra śastrāgnipavanāstatra bhīrbhavet |
svāyatte mṛduni svacche kimasaṅkalpane bhayam || 36 ||
[Analyze grammar]

idaṃ śreya idaṃ neti siddhamābālamakṣatam |
bālaṃ putramivodāre manaśśreyasi yojayet || 37 ||
[Analyze grammar]

akṣapañcānanaṃ cetassiṃhaṃ saṃsṛtibṛṃhaṇam |
ghnanti ye te jayantīha nirvāṇapadapātinaḥ || 38 ||
[Analyze grammar]

bhīmāḥ sambhramadāyinyaḥ saṅkalpakalanādimāḥ |
vipadaḥ samprasūyante mṛgatṛṣṇā maroriva || 39 ||
[Analyze grammar]

kalpāntapavanā vāntu yantu caikatvamarṇavāḥ |
tapantu dvādaśādityā nāsti nirmanasaḥ kṣatiḥ || 40 ||
[Analyze grammar]

manobījātsamudyanti śubhāśubhaphalapradāḥ |
saṃsāraṣaṇḍakā ete lokasaptakapallavāḥ || 41 ||
[Analyze grammar]

asaṅkalpanamātraikasādhye sakalasiddhaye |
asaṅkalpābhisāmrājye tiṣṭhāvaṣṭambhatatparaḥ || 42 ||
[Analyze grammar]

prayacchatyuttamānandaṃ kṣīyamāṇaṃ manaḥ kramāt |
kaṣakṣīṇāṅgako'ṅgāro yathāṅgārakṣayārthinaḥ || 43 ||
[Analyze grammar]

api brahmakuṭīlakṣyaṃ manasaścetsamīhitam |
tadaṇorantare vyaktaṃ vibhaktaṃ paridṛśyate || 44 ||
[Analyze grammar]

saṅkalpamātravibhavena kṛtātyanarthaṃ saṅkalpaśāntivibhavena susādhitārtham |
santoṣamātravibhavena mano vijitya nityoditena jayamehi nirīhitena || 45 ||
[Analyze grammar]

paramapāvanayā vimanastayā samatayā matayātmavidāmati |
śamitayā mitayāntarahantayā yadavaśiṣṭamajaṃ padamastu tat || 46 ||
[Analyze grammar]