Chapter 34

līlopākhyāne senayoḥ prathamāpātavarṇanaṃ nāma sargaḥ |
catustriṃśaḥ sargaḥ |
vasiṣṭhaḥ |
atha rājñāṃ yuyutsūnāṃ bhaṭānāṃ mantriṇāmapi |
rabhasaprekṣakāṇāṃ ca tatremāḥ prodagurgiraḥ || 1 ||
[Analyze grammar]

calatpadmaṃ sara iva vahadvihagameva vā |
nabhaśśūraśiraḥkīrṇaṃ bhāti tārakitākṛti || 2 ||
[Analyze grammar]

paśya raktapṛṣatpūrasindūrāruṇamārutaiḥ |
sandhyā iva vibhāntyete madhyāhne'mbudabhānavaḥ || 3 ||
[Analyze grammar]

kimidaṃ bhagini vyoma palālabharitaṃ sthitam |
nedaṃ palālaṃ vīrāṇāmete śarabharāmbudāḥ || 4 ||
[Analyze grammar]

yāvanto bhuvi śāmyanti rudhirairaṇureṇavaḥ |
tāvantyabdasahasrāṇi bhaṭānāmāspadaṃ divi || 5 ||
[Analyze grammar]

mā bhaiṣṭa naite nistriṃśā nīlotpaladalatviṣaḥ |
amī vīrāvalokinyā lakṣmyā nayanavibhramāḥ || 6 ||
[Analyze grammar]

vīrāliṅganalolānāṃ nitambe surayoṣitām |
mekhalāśśithilīkartuṃ pravṛttaḥ kusumāyudhaḥ || 7 ||
[Analyze grammar]

laladbhujalatālolaraktapallavapāṇayaḥ |
mañjarīmattanayanā madhvāmodasugandhayaḥ || 8 ||
[Analyze grammar]

yācantyo madhurālāpairnandanodyānadevatāḥ |
tavāgamanamāśaṅkya pravṛttāḥ parinartitum || 9 ||
[Analyze grammar]

pratyanīkaṃ bhinattyantaḥ kuṭhāraiḥ kaṭhinairiyam |
senā grāmyeva vanitā dayitaṃ duṣṭaceṣṭitaiḥ || 10 ||
[Analyze grammar]

hā piturmama bhallena śiro jvalitakuṇḍalam |
sūryasya nikaṭaṃ nītaṃ kālenevāṣṭamo grahaḥ || 11 ||
[Analyze grammar]

āpādaṃ śṛṅkhalāprotabhramatsthūlopaladvayam |
bhramayaṃścitradaṇḍākhyaṃ cakramūrdhvabhujo javāt || 12 ||
[Analyze grammar]

yodho yama ivāyāmī yāmyādāyāti diktaṭāt |
sarvataḥ saṃharan senāmehi yāmo yathāgatam || 13 ||
[Analyze grammar]

sadyaśchinnaśiraśśvabhramajjatkaṅkakulākulāḥ |
kabandhāḥ paśya nṛtyanti tālottālā raṇāṅgane || 14 ||
[Analyze grammar]

gīrvāṇagaṇagoṣṭhīṣu pravṛttā saṅkathā mithaḥ |
vada lokāntaraṃ vīrāḥ kathaṃ yāsyanti ke kutaḥ || 15 ||
[Analyze grammar]

nigirantyāgatāḥ senāḥ sravantīriva sāgarāḥ |
samatsyamakaravyūhā aho nu viṣamā bhaṭāḥ || 16 ||
[Analyze grammar]

kaṭeṣu kariṇāṃ kīrṇā dhārānārācarāśayaḥ |
patitā iva sampūrṇāśśṛṅgasaṅgheṣu vṛṣṭayaḥ || 17 ||
[Analyze grammar]

hā kuntena śiro nītaṃ mametyevaṃ vivakṣataḥ |
śira ānītamityeva khe khageneva vāśitam || 18 ||
[Analyze grammar]

yantrapāṣāṇavarṣeṇa yenāsmānpariṣiñcati |
senāsyāṃ śṛṅkhalājālavalanā kriyatāṃ balāt || 19 ||
[Analyze grammar]

sarvān samagrato mūḍhānnayatārdhamṛtānnarān |
nijānpādaprahāreṇa maitānmārayatādhamāḥ || 20 ||
[Analyze grammar]

dhammillavalanāvyagre ghanotkaṇṭhāpsarogaṇe |
bhaṭo divyaśarīreṇa pārśvaṃ prāpto vilokyatām || 21 ||
[Analyze grammar]

phullahemāravindāsu cchāyāśītajalānilaiḥ |
svarganadyāstaṭīṣvevaṃ dūrāyātaṃ vilokaya || 22 ||
[Analyze grammar]

vividhāyudhasaṅghaṭṭakhaṇḍitogrādrikoṭayaḥ |
khe carantyo jhaṇatkāraiḥ pramṛtāstārakā iva || 23 ||
[Analyze grammar]

vyomni śūnyanadīvāhe vahatsāyakavāriṇi |
cakrāvartini gacchanti girayo'pyaṇupaṅkatām || 24 ||
[Analyze grammar]

bhramadbhirgrahamārgeṣu śirobhirvīrabhūbhṛtām |
āyudhāṃśulatānālalagnāsidalakaṇṭakaiḥ || 25 ||
[Analyze grammar]

ketupaṭṭamṛṇālāṅkatalairlagnaśilīmukhaiḥ |
vahadvātalalatpadmaṃ nabhaḥ padmasaraḥ kṛtam || 26 ||
[Analyze grammar]

mṛtamātaṅgasaṅghāte girāviva pipīlikāḥ |
bhīravaḥ parilīyante striyaḥ puṃvakṣasīva vā || 27 ||
[Analyze grammar]

apūrvottamasaundaryakāntasaṅgamaśaṃsinaḥ |
vānti vidyādharastrīṇāmalakollāsino'nilāḥ || 28 ||
[Analyze grammar]

chattreṣūḍḍīya yāteṣu chinneṣu vyomacandrikām |
indunaitya yaśomūrtyā kṛtā śubhrātapatratā || 29 ||
[Analyze grammar]

bhaṭo maraṇamūrchānte nimeṣeṇāmaraṃ vapuḥ |
svakalpaśilpiracitaṃ prāptaḥ svapnapuraṃ yathā || 30 ||
[Analyze grammar]

śūlaśaktyṛṣṭicakrāṇāṃ vṛṣṭayo muktamuṣṭayaḥ |
vyomābdhau matsyamakarakulīrāśśūravatsthitāḥ || 31 ||
[Analyze grammar]

śarotkṛttapatacchattrakalahaṃsairnabhastalam |
bhāti sañcitapūrṇendubimbalakṣairivāvṛtam || 32 ||
[Analyze grammar]

kriyate gaganoḍḍīnaiścāmaraiścārughargharaiḥ |
vātāvadhūtasārāvataraṅganikaradyutiḥ || 33 ||
[Analyze grammar]

dṛśyante te'tidalitāśchattracāmaraketavaḥ |
ākāśakṣetranikṣiptā yaśaśśālilavā iva || 34 ||
[Analyze grammar]

vahadbhirvyomnyasaṅkhyeyaiḥ paśya nītā śaraiḥ kṣayaṃ |
śaktivṛṣṭirupāyāntī sasyaśrīśśalabhairiva || 35 ||
[Analyze grammar]

eṣā prasṛtadordaṇḍabhaṭakhaḍgacchanatkṛtiḥ |
kaṭhinātkaṅkaṭājjātā mṛtyorevograhuṅkṛtiḥ || 36 ||
[Analyze grammar]

hetikalpānilakṣuṇṇā dantanirjharavārayaḥ |
janatākṣayakāle'sminbhagnanāgā nagā iva || 37 ||
[Analyze grammar]

sacakranāthasūtāśvaṃ vyūharaktamahāhrade |
hā hā dhigbruḍitaṃ bhraṣṭaṃ vinaṣṭaṃ rathapattanam || 38 ||
[Analyze grammar]

kaṭukaṅkaṭakuṭṭākakhaḍgasaṅghaṭṭaṭāṅkṛtaiḥ |
kālarātryā pranṛtyantyā raṇe vīṇeva vādyate || 39 ||
[Analyze grammar]

narebhāśvaśavādribhyo ye cyutā raktanirjharāḥ |
paśya tadbindusiktena vāyunāruṇitā diśaḥ || 40 ||
[Analyze grammar]

śastrāṃśujaladhervyomni kālīcikuramecakī |
śarakorakabhārasragghemavidyudivombhitā || 41 ||
[Analyze grammar]

anantaraktasaṃraktasenāvanibhirāyudhaiḥ |
bhuvanaṃ bhātyatijvālamagnilokamivākulam || 42 ||
[Analyze grammar]

bhusuṇḍīśaktiśūlāsimusulaprāsavṛṣṭayaḥ |
anyo'nyacchedabhedābhyāṃ kaṇaprakaratāmitāḥ || 43 ||
[Analyze grammar]

akṣobhaikapraharaṇādabuddhānyo'nyaceṣṭitam |
saṃrambhāṇveṣaṇaprajñaṃ raṇaṃ suptamiva sthitam || 44 ||
[Analyze grammar]

ananyaśabdāviratahatahetijhaṇajhaṇaiḥ |
gāyatīva kṣayakṣobhamudito raṇabhairavaḥ || 45 ||
[Analyze grammar]

anyo'nyahatahetyagracūrṇapūrṇo raṇārṇavaḥ |
vālukāmaya evābhūcchinnacchattrataraṅgakaḥ || 46 ||
[Analyze grammar]

atirabhasarasadvidāritūrya pratiravapūritalokapālalokaḥ |
raṇagirirayamugrapakṣadakṣaḥ pravisṛtanṛtta ivāmbare yugānte || 47 ||
[Analyze grammar]

hā hā dhikpravikaṭakaṅkaṭāṭanodyatproḍḍīnaprakaṭataḍicchaṭāḥ pradīptāḥ |
kreṅkārasphuritaguṇeritā raṇanto nārācāśśikhariśilābhido vahanti || 48 ||
[Analyze grammar]

chinnecchā cchamiti na yāvadaṅgabhaṅgaṃ kurvanti jvaladanalojjvalāḥ pṛṣatkāḥ |
tāvaddrāgdrutamita ehi mitra yāmo yāmo'yaṃ pravahati vāsaraścaturthaḥ || 49 ||
[Analyze grammar]