Chapter 26

līlopākhyāne bhūlokavarṇanaṃ nāma sargaḥ |
ṣaḍviṃśaḥ sargaḥ |
tato dadṛśatuḥ sadma svameva siddhayoṣitau |
adṛśye eva lokasya maṇḍapaṃ brāhmaṇāspadam || 1 ||
[Analyze grammar]

cintāvidhuradāsīkaṃ bāṣpaklinnāṅganāmukham |
vidhvastaprāyaracanaṃ śīrṇapattrāmbujopamam || 2 ||
[Analyze grammar]

naṣṭotsavapuraprāyamagastyāntamivārṇavam |
grīṣmadagdhamivodyānaṃ vidyuddagdhamiva drumam || 3 ||
[Analyze grammar]

vātacchinnamivāmbhodaṃ himadagdhamivāmbujam |
svalpasnehadaśaṃ dīpamivālokanakhedadam || 4 ||
[Analyze grammar]

āsannamṛtyutaruṇāntaravaktrakāntisaṃśīrṇajīrṇataruparṇavanopamānam |
vṛṣṭivyapāyaparidhūsaradeśarūkṣaṃ jātaṃ gṛheśvaraviyogahataṃ gṛhaṃ tat || 5 ||
[Analyze grammar]

atha sā nirmalajñānacirābhyāsena sundarī |
sampannā satyasaṅkalpā satyakāmā ca devavat || 6 ||
[Analyze grammar]

cintayāmāsa māmete devīṃ cemāṃ svabāndhavāḥ |
paśyantu tāvatsāmānyalalanārūpadhāriṇīm || 7 ||
[Analyze grammar]

tato gṛhajanastatra sa dadarśāṅganādvayam |
lakṣmīgauryoryugamiva samudbhāsitamandiram || 8 ||
[Analyze grammar]

āpādaṃ vividhāmlānamālāvalanasundaram |
vasantalakṣmyoryugalamivāmoditakānanam || 9 ||
[Analyze grammar]

sarvauṣadhivanagrāmaṃ pūrayattaṃ rasāyanaiḥ |
śītalāhlādasukhadaṃ candradvayamivoditam || 10 ||
[Analyze grammar]

lambālakalatālolalocanālivilokitaiḥ |
kiratkuvalayonmiśramālatīkusumotkarān || 11 ||
[Analyze grammar]

drutahemarasāpūrṇasaritsaraṇahāriṇā |
dehaprabhāprabhāvena kanakīkṛtakānanam || 12 ||
[Analyze grammar]

sahajāyā vapurlakṣmyā līlādolāvilāsinā |
tarateva taraṅgāḍhyanijalāvaṇyavāridheḥ || 13 ||
[Analyze grammar]

vilolabāhulatikāyugenāruṇapāṇinā |
prakiradvā navaṃ haimakalpavṛkṣalatāvanam || 14 ||
[Analyze grammar]

pādairamṛditāmlānapuṣpapallavakomalaiḥ |
phullābjadalamālābhairaspṛśadbhūtalaṃ punaḥ || 15 ||
[Analyze grammar]

tālītamālaṣaṇḍānāṃ śuṣkānāṃ śaśirociṣām |
ālokanāmṛtāsekairjanayadbālapallavān || 16 ||
[Analyze grammar]

namo'stu vanadevībhyāmityuktvā kusumāñjalim |
tatyāja jyeṣṭhaśarmātha sārdhaṃ gṛhajanena saḥ || 17 ||
[Analyze grammar]

papāta pādayordevyostayoḥ sakusumāñjaliḥ |
prāleyaśīkarāsāraḥ padminyā iva padmayoḥ || 18 ||
[Analyze grammar]

jyeṣṭhaśarmādayaḥ |
jayataṃ vanadevyau no duḥkhanāśārthamāgate |
prāyaḥ paraparitrāṇameva karma nijaṃ satām || 19 ||
[Analyze grammar]

devyāvabhavatāṃ snigdhāviha brāhmaṇadampatī |
sarvātithī kulakarau stambhabhūtau dvijasthiteḥ || 20 ||
[Analyze grammar]

tāvadya gṛhamutsṛjya saputrapaśubāndhavam |
svargaṃ gatau naḥ pitarau tena śūnyaṃ jagattrayam || 21 ||
[Analyze grammar]

pakṣiṇo vṛkṣamāruhya vikṣipantaḥ pratikṣaṇam |
gṛhe śūnye mṛtāv utkāśśocanti madhurasvanaiḥ || 22 ||
[Analyze grammar]

guhā ghuraghurārāvapralāpakalanākulā |
saritsthūlāśrudhārābhiḥ pariroditi parvataḥ || 23 ||
[Analyze grammar]

nirjharākrandahāriṇyo muktāmbarapayodharāḥ |
taptaniśśvāsavidhvastāḥ paraṃ kārśyamitā diśaḥ || 24 ||
[Analyze grammar]

kṣatavikṣatasarvāṅgaḥ karuṇākrandakarkaśaḥ |
upavāsaparo grāmo dīno mṛtiparaḥ sthitaḥ || 25 ||
[Analyze grammar]

divasaṃ prati vṛkṣāṇāmavaśyāyāsrubindavaḥ |
gucchalocanakośebhyastāpoṣṇā nipatantyadhaḥ || 26 ||
[Analyze grammar]

praśāntajanasañcārā rathyāḥ kṣāravidhūsarāḥ |
vidhavā vigatānandāḥ saṃśūnyahṛdayaṃ gatāḥ || 27 ||
[Analyze grammar]

kokilālipralāpinyo vṛṣṭibāṣpahatā latāḥ |
uṣṇoṣṇaśvasanā dehaṃ ghnanti pallavapāṇibhiḥ || 28 ||
[Analyze grammar]

ātmānaṃ śatadhā kartuṃ bṛhacchvabhrācchilātale |
nirjharā nipatantyete tāpataptaśarīrakāḥ || 29 ||
[Analyze grammar]

nissaṅkathā gataśrīkā mūkā vilulitāśayāḥ |
andhena tamasā pūrṇā gṛhā gahanatāṃ gatāḥ || 30 ||
[Analyze grammar]

udyānapuṣpaṣaṇḍebhyo rudadbhyo bhramarāravaiḥ |
pūtigandho viniryāti svāmodāparanāmakaḥ || 31 ||
[Analyze grammar]

cūtadrumavilāsinyo virasāḥ prativāsaram |
latāḥ kṛśā vilīyante saṅkucadgucchalocanāḥ || 32 ||
[Analyze grammar]

prakṣeptumambudhau dehaṃ pravṛttā gantumākulāḥ |
kulyāḥ kalakalālolā lolayantyastanuṃ bhuvi || 33 ||
[Analyze grammar]

aśaṅkamaṣakāpātaspandamapyaticāpalam |
kalayantyaḥ sthitā vāpyo nisspandānandamātmani || 34 ||
[Analyze grammar]

gāyatkinnaragandharvavidyādharasurāṅganam |
nūnamadya nabho jātamasmattātābhyalaṅkṛtam || 35 ||
[Analyze grammar]

taddevyau kriyatāṃ tāvadasmākaṃ śokanāśanam |
mahatāṃ darśanaṃ nāma na kadācana niṣphalam || 36 ||
[Analyze grammar]

ityuktavantaṃ sā putraṃ mūrdhni pasparśa pāṇinā |
pallavenānatā namraṃ mūlagranthimivābjinī || 37 ||
[Analyze grammar]

tasyāḥ sparśena tenāsau duḥkhadaurbhāgyasaṅkaṭam |
jahau prāvṛḍghanāsaṅgādgrīṣmatāpamivācalaḥ || 38 ||
[Analyze grammar]

sarvo gṛhajanaḥ so'tha tayordevyorvilokanāt |
lakṣmīvānduḥkhanirmukto babhūvāmṛtapo yathā || 39 ||
[Analyze grammar]

rāmaḥ |
tayāsya līlayā mātrā putrasya jyeṣṭhaśarmaṇaḥ |
kasmānna darśanaṃ dattaṃ no dattaḥ kathito'thavā || 40 ||
[Analyze grammar]

vasiṣṭhaḥ |
buddhaḥ pṛthvyādibodhena yena pṛthvyādisaṅghakaḥ |
tasya piṇḍātmatāṃ dhatte vyomaivānyasya kevalam || 41 ||
[Analyze grammar]

asadevāṅga sadiva bhāti pṛthvyādivedanāt |
yathā bālasya vetālo na bhāti tadavedanāt || 42 ||
[Analyze grammar]

yathā pṛthvyāditā bhātā na pṛthvyādi bhavetkṣaṇāt |
svapne svapnaparijñānāttathā jāgratyapi sphuṭam || 43 ||
[Analyze grammar]

pṛthvyādi khatayā buddhaṃ khamityevānubhūyate |
tathā hi kṣubdhadhātūnāṃ kuḍye'pi kha ivodyamaḥ || 44 ||
[Analyze grammar]

svapne nagaramurvī vā śūnyaṃ khātaṃ ca budhyate |
svapnāṅganā ca kurute śūnyāpyarthakriyā nṛṇām || 45 ||
[Analyze grammar]

khaṃ pṛthvyāditayā buddhaṃ pṛthvyādi bhavati kṣaṇāt |
mūrchayā paraloko'pi pratyakṣamanubhūyate || 46 ||
[Analyze grammar]

bālo vyomaiva vetālaṃ mriyamāno'mbaraṃ vanam |
keśoṇḍukaṃ khamanyastu khamanyo vetti mauktikam || 47 ||
[Analyze grammar]

trastakṣīvārdhanidrāśca nauyānāśca sadaiva khe |
vetālavacca vṛkṣādi paśyantyanubhavatyapi || 48 ||
[Analyze grammar]

prathābhāvitameteṣāṃ padārthānāmado vapuḥ |
abhyāsajanitaṃ bhāvi nāstyekaṃ paramārthataḥ || 49 ||
[Analyze grammar]

līlayā tu yathāvastu buddhaṃ pṛthvyādi nāsti tat |
ākāśameva saṃvittyā bhāvitvāditayoditam || 50 ||
[Analyze grammar]

brahmātmaikacidākāśamātrabodhavato muneḥ |
putramitrakalatrāṇi kathaṃ kāni kadā kutaḥ || 51 ||
[Analyze grammar]

hastaśśirasi yaddatto līlayā jyeṣṭhaśarmaṇaḥ |
tatpravāhasthitārambhasambodhāyāściteḥ phalam || 52 ||
[Analyze grammar]

bodho hi cetati yathaiva tathā vibhāti sūkṣmastu khādatitarāṃ ca tathā viśuddhaḥ |
sarvatra rāghava sa eva padārthajālaṃ svapneṣu kalpitapureṣvanubhūtameva || 53 ||
[Analyze grammar]