Chapter 24

līlopākhyāne līlāprajñaptyorvijñānadehākāśagamanaṃ nāma sargaḥ |
caturviṃśaḥ sargaḥ |
vasiṣṭhaḥ |
dūrāddūraṃ samāplutya śanairuccapadaṃ gate |
haste hastaṃ samāsajya yāntyau dadṛśaturnabhaḥ || 1 ||
[Analyze grammar]

ekārṇavamivocchūnaṃ gambhīraṃ nirmalāntaram |
komalaṃ komalamarudasaṅgasukhabhogadam || 2 ||
[Analyze grammar]

āhlādakamalaṃ saumyaṃ śūnyatāmbhonimajjanāt |
atyantaśuddhagambhīraṃ prasannamiva sajjanam || 3 ||
[Analyze grammar]

śṛṅgasthanirmalāmbhodapīnodarasudhālaye |
viśaśramaturāśāsu pūrṇacandrodarāmale || 4 ||
[Analyze grammar]

siddhagandharvamandāramālāmodamanohare |
candramaṇḍalaniṣkrānte remāte madhurānile || 5 ||
[Analyze grammar]

sasnaturbhūri gharmānte taḍidraktābjasaṅkule |
sarasīva jalāpūramanthare meghajālake || 6 ||
[Analyze grammar]

bhūtalodyanmahāśailamṛnālāṅkurakoṭiṣu |
dikṣu babhramaturbhūri bhramaryau sarasīṣviva || 7 ||
[Analyze grammar]

dhārāgṛhadhiyā dhīragaṅgānirjharadhāriṇi |
vavaturvātavikṣubdhameghamaṇḍalamaṇḍape || 8 ||
[Analyze grammar]

tato madhurakāminyau viśrāmyantyau svaśaktitaḥ |
śūnye dadṛśaturvyoma mahāsaṃrambhamantharam || 9 ||
[Analyze grammar]

adṛṣṭapūrvamanyo'nyamanyasaṅkaṭakoṭaram |
āpūryamāṇamāśūnyaṃ jagatkoṭiśatairapi || 10 ||
[Analyze grammar]

uparyuparyuparyuccairanyairanyairvṛtaṃ pṛthak |
vicitrāvaraṇākārairbhūtābhrāṃśuvimānakaiḥ || 11 ||
[Analyze grammar]

paritaḥ pūritavyomnāṃ mervādikulabhūbhṛtām |
padmarāgataṭoddyotaiḥ kalpajvālodaropamam || 12 ||
[Analyze grammar]

muktāśikharabhāpūrairhimavatsānusundaram |
kāñcanādristhalārcirbhiḥ kāñcanasthalabhāsuram || 13 ||
[Analyze grammar]

mahāmarakatābhābhiśśādvalasthalanīlima |
draṣṭurdṛṣṭikṣayāsatyajātadhvāntotthakālima || 14 ||
[Analyze grammar]

pārijātalatālolavimānagaṇaketanam |
bodhamañjaritākāramiva vaiḍūryabhūtalam || 15 ||
[Analyze grammar]

manovegamahāsiddhajitavātagamāgamam |
vimānagṛhadevastrīgītavādyaravākulam || 16 ||
[Analyze grammar]

trailokyacarabhūtaughasañcāraviralāntaram |
anyo'nyādṛṣṭasañcārasurāsurakulākulam || 17 ||
[Analyze grammar]

paryantasthitakumbhāṇḍarakṣoguhyakamaṇḍalam |
vātaskandhamahāvegavahadvaimānikavrajam || 18 ||
[Analyze grammar]

vahadvimānajhāṅkāramuṣṭigrāhyaghanadhvani |
graharkṣagaṇasañcārasañcaladvātayantrakam || 19 ||
[Analyze grammar]

nikaṭātapadagdhālpasiddhisiddhojjhitāspadam |
arkāśvamukhavātāstadagdhamugdhavimānakam || 20 ||
[Analyze grammar]

lokapālāpsarovṛndasañcārācāracañcalam |
devāntaḥpurikādagdhadhūpadhūmāmbudāvṛtam || 21 ||
[Analyze grammar]

vihagāhṛtadevastrīsvāṅgavibhraṣṭabhūṣaṇam |
sāmānyasiddhāsahyogratejaḥpuñjatamobalam || 22 ||
[Analyze grammar]

balavatsiddhasaṅghaṭṭagamāgamavighaṭṭitaiḥ |
ghanaiḥ sāṃśukapārśvasthahimavanmerumandaram || 23 ||
[Analyze grammar]

kākolūkaiḥ sagṛdhraughaiḥ puñjībhūtaiścalairvṛtam |
nṛtyadbhir ḍākinīvāhaistaraṅgairiva vāridhim || 24 ||
[Analyze grammar]

pranṛtyadyoginīsaṅghaiśśvakākoṣṭrakharānanaiḥ |
nirarthaṃ yojanaśataṃ gatvāgacchadbhirāvṛtam || 25 ||
[Analyze grammar]

lokapālapurodvāntadhūpadhūmābhramandiram |
siddhagandharvamithunaprārabdhasuratotsavam || 26 ||
[Analyze grammar]

svargagītaśravonmattakhadirākrāntamārgagam |
anāratavahaddhiṣṇyalakṣalakṣitapakṣikam || 27 ||
[Analyze grammar]

vātaskandhanikhātāntavahattripathagājalam |
āścaryālokanavyagrasañcarattridaśārbhakam || 28 ||
[Analyze grammar]

sandehasañcaradvajracakraśūlāsiśaktimat |
kvacinnirbhittisadanagāyattumburunāradam || 29 ||
[Analyze grammar]

meghamārgamahāmeghamahārambhākulaṃ kvacit |
citranyastasamākāramūkakalpāntavāridam || 30 ||
[Analyze grammar]

utpakṣakajjalādrīndrasundarāmbhodharaṃ kvacit |
kvacitkanakaniṣṣyandakāntatāpādavāridam || 31 ||
[Analyze grammar]

kvaciccandrābhatāpāḍhyavṛṣṭamūkāmbudāṃśukam |
kvacinniṣpavanāmbhodhisaṃśāntaṃ śūnyatājalam || 32 ||
[Analyze grammar]

kvacidvātanadīprauḍhavimānatṛṇapallavam |
kvaciccaladalivrātapṛṣṭhatvakkāntinirmalam || 33 ||
[Analyze grammar]

kvacinmerudarīkalpavātadhūlividhūsaram |
kvacidvimānagīrvāṇaprabhābhiścitritāṅganam || 34 ||
[Analyze grammar]

kvacinnirambaronmattamātṛmaṇḍalamālitam |
kvacinnityaravakṣīvakṣubdhayogīśvarīgaṇam || 35 ||
[Analyze grammar]

kvacicchāntasamādhisthaviśrāntamunimaṇḍalam |
samaṃ dūrāstasaṃrambhaṃ sādhucittamanoharam || 36 ||
[Analyze grammar]

gāyatkinnaragandharvasurastrīmaṇḍalaṃ kvacit |
kvacitstabdhapurākīrṇaṃ vahatsuravaraṃ kvacit || 37 ||
[Analyze grammar]

kvacid ruddhapurāpūraṃ kvacidbaddhamahāpuram |
kvacinmāyākṛtapuraṃ kvacidāgāmipattanam || 38 ||
[Analyze grammar]

kvacidbhramaccandrasaraḥ kvacitstabdhapayassaraḥ |
kvacitsaratsiddhagaṇaṃ kvacidindukṛtodayam || 39 ||
[Analyze grammar]

kvacitsūryodayamayaṃ kvacid rātritamomayam |
kvacitsandhyāṃśukapiśaṃ kvacinnīhāradhūsaram || 40 ||
[Analyze grammar]

kvacidvimānadhavalaṃ kvacidvarṣatpayodharam |
kvacitsthalamivākāśameva viśrāntalokapam || 41 ||
[Analyze grammar]

ūrdhvādhogamanavyagrasurāsuragaṇaṃ kvacit |
pūrvāparottarāyāmyadiksañcārākulaṃ kvacit || 42 ||
[Analyze grammar]

api yojanalakṣāṇi kvacidduṣprāpadhūpakam |
avināśatamaḥpūrṇadṛṣṭavadvyomavatkvacit || 43 ||
[Analyze grammar]

avināśibṛhattejaḥ kvacidarkānalopamam |
himānījaṭharāśītaṃ kvaciccandrādisadmasu || 44 ||
[Analyze grammar]

kvacidbṛhatpuronnṛtyatkalpavṛkṣalatāvanam |
kvaciddaityahatottuṅgaprapataddevapattanam || 45 ||
[Analyze grammar]

vaimānikanipātena vahnilekhāṅkitaṃ kvacit |
kvacitketuśatotpātamithassaṅghaṭṭaghaṭṭitam || 46 ||
[Analyze grammar]

kvacicchubhagrahagaṇapragṛhītādyamaṅgalam |
kvacid rātritamovyāptaṃ kvaciddivasabhāsuram || 47 ||
[Analyze grammar]

kvaciddurgarjadambhodaṃ kvacinmūkacalāmbudam |
vātāvakīrṇaśuklābhrakhaṇḍapuṣpotkaraṃ kvacit || 48 ||
[Analyze grammar]

kvacidatyantaniśśūnyamavadātamanantaram |
ānandimṛduśāntācchaṃ jñasyeva hṛdayaṃ tatam || 49 ||
[Analyze grammar]

śukavāhanabhekaughaiḥ kvacidgalakṛtāravam |
śūnyatārābhivalitaṃ kṣetramākāśavāsinām || 50 ||
[Analyze grammar]

mayūrahemacūḍādipakṣibhiḥ kvacidāvṛtam |
vidyādharīṇāṃ devīnāṃ vāhanairvihitāspadaiḥ || 51 ||
[Analyze grammar]

kvacidabhrāntaronnṛtyadguhamāyūramaṇḍalam |
kvacidagniśukaiśśyāmaṃ śādvalānāmiva sthalam || 52 ||
[Analyze grammar]

kvacitpreteśamahiṣamahimnā vāhanāmbudam |
kvacidaśvaistṛṇagrāsaśaṅkāgrastāsitāmbudam || 53 ||
[Analyze grammar]

kvaciddevapuravyāptaṃ kvaciddaityapurānvitam |
anyo'nyāprāpyanagaraṃ nagarandhrakarālinam || 54 ||
[Analyze grammar]

kvacitkulācalākāranṛtyadbhairavabhāsuram |
kvacidgandharvanagarasurastrīvṛndabandhanam || 55 ||
[Analyze grammar]

kvacid kampadgiridhvastavṛkṣalakṣokṣitāmbudhim |
kvacinmāyākṛtākāśanalinījalaśītalam || 56 ||
[Analyze grammar]

kvacitsapakṣaśailendrasamanṛtyadvināyakam |
kvacidghargharavātāḍhyapakṣaproḍḍīnaparvatam || 57 ||
[Analyze grammar]

kvacidindukarāvṛṣṭiśītalāhlādimārutam |
kvacittaptānalādagdhadrumaparvatavāridam || 58 ||
[Analyze grammar]

kvacidatyantasaṃśāntavātādyekāntanirdhvani |
kvacitparvatatulyāgniśikhāsadṛśatodayam || 59 ||
[Analyze grammar]

kvacitprāvṛḍbharonmattaghanābhraravaghargharam |
kvacitsurāsuragaṇapravṛttaraṇadurgamam || 60 ||
[Analyze grammar]

kvacidvyomābjinīhaṃsīsvarāhūtājavāhanam |
kvacinmandākinītīranalinīluṇṭhakānilam || 61 ||
[Analyze grammar]

śarīriṇīnāṃ gaṅgādisaritāṃ sannidhānataḥ |
proḍḍīnamatsyamakarakulīrāntarakoṭaram || 62 ||
[Analyze grammar]

pātālagārkajanitabhūcchāyākākatodaram |
kvacitkvacinmaṇḍaleṣu grastacandrārkamaṇḍalam || 63 ||
[Analyze grammar]

kvacitsvargānilādhūtamāyākusumakānanam |
patatpuṣpahimāsāratrastavaimānikāṅganam || 64 ||
[Analyze grammar]

uḍumbarodaramaṣakakramabhramajjagattrayāntaragatabhūtasañcayam |
vilaṅghya tadvaralalane vimucya khaṃ mahītalaṃ punarapi gantumudyate || 65 ||
[Analyze grammar]