Chapter 22

līlopākhyāne viśrāntyupadeśo nāma sargaḥ |
dvāviṃśaḥ sargaḥ |
devī |
yathā svapnaparijñānātsvapnadeho na vāstavaḥ |
anubhūto'pyayaṃ tadvajjāgraddeho na vāstavaḥ || 1 ||
[Analyze grammar]

yathā svapnaparijñānātsvapnadeho'pi śāmyati |
vāsanātānavāttadvajjāgraddeho'pi śāmyati || 2 ||
[Analyze grammar]

svapnasaṅkalpadehānte deho'yaṃ cetyate yathā |
tathā jāgradbhāvanāntarudetyevātivāhikaḥ || 3 ||
[Analyze grammar]

svapne nirvāsanābīje yathodeti suṣuptatā |
jāgratyavāsanābīje tathodeti vimuktatā || 4 ||
[Analyze grammar]

yeyaṃ tu jīvanmuktānāṃ vāsanā sā na vāsanā |
śuddhasattvābhidhānaṃ tatsattāsāmānyamucyate || 5 ||
[Analyze grammar]

yā suptavāsanā nidrā sā suṣuptamiti smṛtā |
yatsuptavāsanaṃ jāgratsa ghano moha ucyate || 6 ||
[Analyze grammar]

prakṣīṇavāsanā nidrā turyaśabdena kathyate |
jāgratyapi bhavatyetadvidite parame pade || 7 ||
[Analyze grammar]

prakṣīṇavāsanā yeha jīvatāṃ jīvitasthitiḥ |
amuktairaparijñātā sā jīvanmuktirucyate || 8 ||
[Analyze grammar]

śuddhasattvānupatitaṃ cetaḥ prabhinnavāsanam |
ātivāhikatāmeti himaṃ tāpādivāplutam || 9 ||
[Analyze grammar]

ātivāhikatāṃ yātaṃ buddhaṃ cittāntarairmanaḥ |
sargajanmāntaragataiḥ siddhairmilati netarat || 10 ||
[Analyze grammar]

yadā te'yamahambhāvaḥ svābhyāsācchāntimeṣyati |
tadodeṣyati te sphārā dṛśyānte bodhatā svayam || 11 ||
[Analyze grammar]

ātivāhikatā jñātā sthitiṃ te yāti śāśvatīm |
yadā tadānyasaṅkalpālokātprakṛtipāvanī || 12 ||
[Analyze grammar]

vāsanātānave tasmātkuru yatnamanindite |
tasminprauḍhimupāyāte jīvanmuktā bhaviṣyasi || 13 ||
[Analyze grammar]

yāvanna pūritastveṣa nirmalo bodhacandramāḥ |
tāvaddehamiha sthāpya lokāntaramavekṣyatām || 14 ||
[Analyze grammar]

māṃsadeho māṃsadehenaiva saṃśleṣamṛcchati |
na tu cittaśarīreṇa vyavahāreṣu karmasu || 15 ||
[Analyze grammar]

yathānubhavamevaitad yathāsthitamudāhṛtam |
ābālasiddhaṃ saṃsiddhaṃ na nāma varaśāpavat || 16 ||
[Analyze grammar]

avabodhaghanābhyāsāddehasyāsyaiva jāyate |
saṃsāravāsanākārśyaṃ nūnaṃ cittaśarīratā || 17 ||
[Analyze grammar]

udeṣyantī ca saiṣātra kenacinnopalakṣyate |
kevalaṃ tu janairdeho mriyamāṇo'valokyate || 18 ||
[Analyze grammar]

dehastvayaṃ na mriyate na ca jīvati kiñcana |
ke kila svapnasaṅkalpabhrāntermaraṇajīvite || 19 ||
[Analyze grammar]

jīvitaṃ maraṇaṃ caitatsaṅkalpapuruṣe yathā |
asatyameva bhātyetadasminputri śarīrake || 20 ||
[Analyze grammar]

līlā |
tadetadupadiṣṭaṃ me jñānaṃ devi tvayāmalam |
yasmiñchrutiṃ gate śāntimeti viśvaviṣūcikā || 21 ||
[Analyze grammar]

atropakurute ko hi ko'bhyāsaḥ kīdṛśo'thavā |
sa kathaṃ poṣamāyāti puṣṭe tasmiṃśca kiṃ bhavet || 22 ||
[Analyze grammar]

devī |
yadeva kriyate kiñcid yena yena yadā yadā |
vinābhyāsena tanneha siddhimeti kadācana || 23 ||
[Analyze grammar]

taccintanaṃ tatkathanamanyo'nyaṃ tatprabodhanam |
tadgataprāṇamananaṃ brahmābhyāsaṃ vidurbudhāḥ || 24 ||
[Analyze grammar]

yeṣāṃ tvantaṃ gataṃ pāpaṃ janānāṃ puṇyakarmaṇām |
te dvandvamohanirmuktā vijñeyā brahmasevakāḥ || 25 ||
[Analyze grammar]

adhyātmaśāstracintābhiryeṣāṃ gacchanti rātrayaḥ |
vāsanātānavotkābhiste brahmābhyāsinaḥ sthitāḥ || 26 ||
[Analyze grammar]

ye viraktā mahātmāno bhogabhāvanatānavam |
bhāvayantyabhavāyāntarbhavyā bhuvi jayanti te || 27 ||
[Analyze grammar]

uditaudāryasaundaryā vairāgyarasarañjitā |
ānandasyandinī yeṣāṃ matiste'bhyāsinaḥ pare || 28 ||
[Analyze grammar]

atyantābhāvasampattiṃ jñātuṃ jñeyasya vastunaḥ |
yuktyā śāstre yatante ye te brahmābhyāsinaḥ sthitāḥ || 29 ||
[Analyze grammar]

sargādāveva notpannaṃ dṛśyaṃ nāstyeva tatsadā |
idaṃ jagadahaṃ ceti bodhābhyāsaṃ viduḥ pare || 30 ||
[Analyze grammar]

dṛśyāsambhavabodhena rāgadveṣāditānave |
ratirbaloditā yāsau brahmābhyāsa udāhṛtaḥ || 31 ||
[Analyze grammar]

dṛśyāsambhavabodhena rāgadveṣāditānavam |
tapa ityucyate loke dṛśyadoṣastu duḥkhakṛt || 32 ||
[Analyze grammar]

dṛśyāsambhavabodhe hi jñānaṃ jñeyasya kathyate |
tadabhyāsena nirvāṇamityabhyāso mahodayaḥ || 33 ||
[Analyze grammar]

bhavabahulaniśānitāntanidrā satatavivekavibodhavārisekaiḥ |
pragalati himaśītalairivoccaiḥ śaradi mahāmihikeva cetasīti || 34 ||
[Analyze grammar]

vālmīkiḥ |
ityuktavatyatha munau divaso jagāma sāyantanāya vidhaye'stamino jagāma |
snātuṃ sabhā kṛtanamaskaraṇā jagāma śyāmākṣaye ravikaraiśca sahājagāma || 35 ||
[Analyze grammar]