Chapter 64

vaiśaṃpāyana uvāca |
tato rājñaḥ suto jyeṣṭhaḥ prāviśatpṛthivīṃjayaḥ |
so'bhivādya pituḥ pādau dharmarājamapaśyata || 1 ||
[Analyze grammar]

sa taṃ rudhirasaṃsiktamanekāgramanāgasam |
bhūmāvāsīnamekānte sairandhryā samupasthitam || 2 ||
[Analyze grammar]

tataḥ papraccha pitaraṃ tvaramāṇa ivottaraḥ |
kenāyaṃ tāḍito rājankena pāpamidaṃ kṛtam || 3 ||
[Analyze grammar]

virāṭa uvāca |
mayāyaṃ tāḍito jihmo na cāpyetāvadarhati |
praśasyamāne yaḥ śūre tvayi ṣaṇḍhaṃ praśaṃsati || 4 ||
[Analyze grammar]

uttara uvāca |
akāryaṃ te kṛtaṃ rājankṣiprameva prasādyatām |
mā tvā brahmaviṣaṃ ghoraṃ samūlamapi nirdahet || 5 ||
[Analyze grammar]

vaiśaṃpāyana uvāca |
sa putrasya vacaḥ śrutvā virāṭo rāṣṭravardhanaḥ |
kṣamayāmāsa kaunteyaṃ bhasmacchannamivānalam || 6 ||
[Analyze grammar]

kṣamayantaṃ tu rājānaṃ pāṇḍavaḥ pratyabhāṣata |
ciraṃ kṣāntamidaṃ rājanna manyurvidyate mama || 7 ||
[Analyze grammar]

yadi hyetatpatedbhūmau rudhiraṃ mama nastataḥ |
sarāṣṭrastvaṃ mahārāja vinaśyethā na saṃśayaḥ || 8 ||
[Analyze grammar]

na dūṣayāmi te rājanyacca hanyādadūṣakam |
balavantaṃ mahārāja kṣipraṃ dāruṇamāpnuyāt || 9 ||
[Analyze grammar]

śoṇite tu vyatikrānte praviveśa bṛhannaḍā |
abhivādya virāṭaṃ ca kaṅkaṃ cāpyupatiṣṭhata || 10 ||
[Analyze grammar]

kṣamayitvā tu kauravyaṃ raṇāduttaramāgatam |
praśaśaṃsa tato matsyaḥ śṛṇvataḥ savyasācinaḥ || 11 ||
[Analyze grammar]

tvayā dāyādavānasmi kaikeyīnandivardhana |
tvayā me sadṛśaḥ putro na bhūto na bhaviṣyati || 12 ||
[Analyze grammar]

padaṃ padasahasreṇa yaścarannāparādhnuyāt |
tena karṇena te tāta kathamāsītsamāgamaḥ || 13 ||
[Analyze grammar]

manuṣyaloke sakale yasya tulyo na vidyate |
yaḥ samudra ivākṣobhyaḥ kālāgniriva duḥsahaḥ |
tena bhīṣmeṇa te tāta kathamāsītsamāgamaḥ || 14 ||
[Analyze grammar]

ācāryo vṛṣṇivīrāṇāṃ pāṇḍavānāṃ ca yo dvijaḥ |
sarvakṣatrasya cācāryaḥ sarvaśastrabhṛtāṃ varaḥ |
tena droṇena te tāta kathamāsītsamāgamaḥ || 15 ||
[Analyze grammar]

ācāryaputro yaḥ śūraḥ sarvaśastrabhṛtāmapi |
aśvatthāmeti vikhyātaḥ kathaṃ tena samāgamaḥ || 16 ||
[Analyze grammar]

raṇe yaṃ prekṣya sīdanti hṛtasvā vaṇijo yathā |
kṛpeṇa tena te tāta kathamāsītsamāgamaḥ || 17 ||
[Analyze grammar]

parvataṃ yo'bhividhyeta rājaputro maheṣubhiḥ |
duryodhanena te tāta kathamāsītsamāgamaḥ || 18 ||
[Analyze grammar]

uttara uvāca |
na mayā nirjitā gāvo na mayā nirjitāḥ pare |
kṛtaṃ tu karma tatsarvaṃ devaputreṇa kenacit || 19 ||
[Analyze grammar]

sa hi bhītaṃ dravantaṃ māṃ devaputro nyavārayat |
sa cātiṣṭhadrathopasthe vajrahastanibho yuvā || 20 ||
[Analyze grammar]

tena tā nirjitā gāvastena te kuravo jitāḥ |
tasya tatkarma vīrasya na mayā tāta tatkṛtam || 21 ||
[Analyze grammar]

sa hi śāradvataṃ droṇaṃ droṇaputraṃ ca vīryavān |
sūtaputraṃ ca bhīṣmaṃ ca cakāra vimukhāñśaraiḥ || 22 ||
[Analyze grammar]

duryodhanaṃ ca samare sanāgamiva yūthapam |
prabhagnamabravīdbhītaṃ rājaputraṃ mahābalam || 23 ||
[Analyze grammar]

na hāstinapure trāṇaṃ tava paśyāmi kiṃcana |
vyāyāmena parīpsasva jīvitaṃ kauravātmaja || 24 ||
[Analyze grammar]

na mokṣyase palāyaṃstvaṃ rājanyuddhe manaḥ kuru |
pṛthivīṃ bhokṣyase jitvā hato vā svargamāpsyasi || 25 ||
[Analyze grammar]

sa nivṛtto naravyāghro muñcanvajranibhāñśarān |
sacivaiḥ saṃvṛto rājā rathe nāga iva śvasan || 26 ||
[Analyze grammar]

tatra me romaharṣo'bhūdūrustambhaśca māriṣa |
yadabhraghanasaṃkāśamanīkaṃ vyadhamaccharaiḥ || 27 ||
[Analyze grammar]

tatpraṇudya rathānīkaṃ siṃhasaṃhanano yuvā |
kurūṃstānprahasanrājanvāsāṃsyapaharadbalī || 28 ||
[Analyze grammar]

ekena tena vīreṇa ṣaḍrathāḥ parivāritāḥ |
śārdūleneva mattena mṛgāstṛṇacarā vane || 29 ||
[Analyze grammar]

virāṭa uvāca |
kva sa vīro mahābāhurdevaputro mahāyaśāḥ |
yo me dhanamavājaiṣītkurubhirgrastamāhave || 30 ||
[Analyze grammar]

icchāmi tamahaṃ draṣṭumarcituṃ ca mahābalam |
yena me tvaṃ ca gāvaśca rakṣitā devasūnunā || 31 ||
[Analyze grammar]

uttara uvāca |
antardhānaṃ gatastāta devaputraḥ pratāpavān |
sa tu śvo vā paraśvo vā manye prādurbhaviṣyati || 32 ||
[Analyze grammar]

vaiśaṃpāyana uvāca |
evamākhyāyamānaṃ tu channaṃ satreṇa pāṇḍavam |
vasantaṃ tatra nājñāsīdvirāṭaḥ pārthamarjunam || 33 ||
[Analyze grammar]

tataḥ pārtho'bhyanujñāto virāṭena mahātmanā |
pradadau tāni vāsāṃsi virāṭaduhituḥ svayam || 34 ||
[Analyze grammar]

uttarā tu mahārhāṇi vividhāni tanūni ca |
pratigṛhyābhavatprītā tāni vāsāṃsi bhāminī || 35 ||
[Analyze grammar]

mantrayitvā tu kaunteya uttareṇa rahastadā |
itikartavyatāṃ sarvāṃ rājanyatha yudhiṣṭhire || 36 ||
[Analyze grammar]

tatastathā tadvyadadhādyathāvatpuruṣarṣabha |
saha putreṇa matsyasya prahṛṣṭo bharatarṣabhaḥ || 37 ||
[Analyze grammar]