Chapter 58

bṛhadaśva uvāca |
tatastu yāte vārṣṇeye puṇyaślokasya dīvyataḥ |
puṣkareṇa hṛtaṃ rājyaṃ yaccānyadvasu kiṃcana || 1 ||
[Analyze grammar]

hṛtarājyaṃ nalaṃ rājanprahasanpuṣkaro'bravīt |
dyūtaṃ pravartatāṃ bhūyaḥ pratipāṇo'sti kastava || 2 ||
[Analyze grammar]

śiṣṭā te damayantyekā sarvamanyaddhṛtaṃ mayā |
damayantyāḥ paṇaḥ sādhu vartatāṃ yadi manyase || 3 ||
[Analyze grammar]

puṣkareṇaivamuktasya puṇyaślokasya manyunā |
vyadīryateva hṛdayaṃ na cainaṃ kiṃcidabravīt || 4 ||
[Analyze grammar]

tataḥ puṣkaramālokya nalaḥ paramamanyumān |
utsṛjya sarvagātrebhyo bhūṣaṇāni mahāyaśāḥ || 5 ||
[Analyze grammar]

ekavāsā asaṃvītaḥ suhṛcchokavivardhanaḥ |
niścakrāma tadā rājā tyaktvā suvipulāṃ śriyam || 6 ||
[Analyze grammar]

damayantyekavastrā taṃ gacchantaṃ pṛṣṭhato'nviyāt |
sa tayā bāhyataḥ sārdhaṃ trirātraṃ naiṣadho'vasat || 7 ||
[Analyze grammar]

puṣkarastu mahārāja ghoṣayāmāsa vai pure |
nale yaḥ samyagātiṣṭhetsa gacchedvadhyatāṃ mama || 8 ||
[Analyze grammar]

puṣkarasya tu vākyena tasya vidveṣaṇena ca |
paurā na tasminsatkāraṃ kṛtavanto yudhiṣṭhira || 9 ||
[Analyze grammar]

sa tathā nagarābhyāśe satkārārho na satkṛtaḥ |
trirātramuṣito rājā jalamātreṇa vartayan || 10 ||
[Analyze grammar]

kṣudhā saṃpīḍyamānastu nalo bahutithe'hani |
apaśyacchakunānkāṃściddhiraṇyasadṛśacchadān || 11 ||
[Analyze grammar]

sa cintayāmāsa tadā niṣadhādhipatirbalī |
asti bhakṣo mamādyāyaṃ vasu cedaṃ bhaviṣyati || 12 ||
[Analyze grammar]

tatastānantarīyeṇa vāsasā samavāstṛṇot |
tasyāntarīyamādāya jagmuḥ sarve vihāyasā || 13 ||
[Analyze grammar]

utpatantaḥ khagāste tu vākyamāhustadā nalam |
dṛṣṭvā digvāsasaṃ bhūmau sthitaṃ dīnamadhomukham || 14 ||
[Analyze grammar]

vayamakṣāḥ sudurbuddhe tava vāso jihīrṣavaḥ |
āgatā na hi naḥ prītiḥ savāsasi gate tvayi || 15 ||
[Analyze grammar]

tānsamīkṣya gatānakṣānātmānaṃ ca vivāsasam |
puṇyaślokastato rājā damayantīmathābravīt || 16 ||
[Analyze grammar]

yeṣāṃ prakopādaiśvaryātpracyuto'hamanindite |
prāṇayātrāṃ na vinde ca duḥkhitaḥ kṣudhayārditaḥ || 17 ||
[Analyze grammar]

yeṣāṃ kṛte na satkāramakurvanmayi naiṣadhāḥ |
ta ime śakunā bhūtvā vāso'pyapaharanti me || 18 ||
[Analyze grammar]

vaiṣamyaṃ paramaṃ prāpto duḥkhito gatacetanaḥ |
bhartā te'haṃ nibodhedaṃ vacanaṃ hitamātmanaḥ || 19 ||
[Analyze grammar]

ete gacchanti bahavaḥ panthāno dakṣiṇāpatham |
avantīmṛkṣavantaṃ ca samatikramya parvatam || 20 ||
[Analyze grammar]

eṣa vindhyo mahāśailaḥ payoṣṇī ca samudragā |
āśramāśca maharṣīṇāmamī puṣpaphalānvitāḥ || 21 ||
[Analyze grammar]

eṣa panthā vidarbhāṇāmayaṃ gacchati kosalān |
ataḥ paraṃ ca deśo'yaṃ dakṣiṇe dakṣiṇāpathaḥ || 22 ||
[Analyze grammar]

tataḥ sā bāṣpakalayā vācā duḥkhena karśitā |
uvāca damayantī taṃ naiṣadhaṃ karuṇaṃ vacaḥ || 23 ||
[Analyze grammar]

udvepate me hṛdayaṃ sīdantyaṅgāni sarvaśaḥ |
tava pārthiva saṃkalpaṃ cintayantyāḥ punaḥ punaḥ || 24 ||
[Analyze grammar]

hṛtarājyaṃ hṛtadhanaṃ vivastraṃ kṣucchramānvitam |
kathamutsṛjya gaccheyamahaṃ tvāṃ vijane vane || 25 ||
[Analyze grammar]

śrāntasya te kṣudhārtasya cintayānasya tatsukham |
vane ghore mahārāja nāśayiṣyāmi te klamam || 26 ||
[Analyze grammar]

na ca bhāryāsamaṃ kiṃcidvidyate bhiṣajāṃ matam |
auṣadhaṃ sarvaduḥkheṣu satyametadbravīmi te || 27 ||
[Analyze grammar]

nala uvāca |
evametadyathāttha tvaṃ damayanti sumadhyame |
nāsti bhāryāsamaṃ mitraṃ narasyārtasya bheṣajam || 28 ||
[Analyze grammar]

na cāhaṃ tyaktukāmastvāṃ kimarthaṃ bhīru śaṅkase |
tyajeyamahamātmānaṃ na tveva tvāmanindite || 29 ||
[Analyze grammar]

damayantyuvāca |
yadi māṃ tvaṃ mahārāja na vihātumihecchasi |
tatkimarthaṃ vidarbhāṇāṃ panthāḥ samupadiśyate || 30 ||
[Analyze grammar]

avaimi cāhaṃ nṛpate na tvaṃ māṃ tyaktumarhasi |
cetasā tvapakṛṣṭena māṃ tyajethā mahāpate || 31 ||
[Analyze grammar]

panthānaṃ hi mamābhīkṣṇamākhyāsi narasattama |
atonimittaṃ śokaṃ me vardhayasyamaraprabha || 32 ||
[Analyze grammar]

yadi cāyamabhiprāyastava rājanvrajediti |
sahitāveva gacchāvo vidarbhānyadi manyase || 33 ||
[Analyze grammar]

vidarbharājastatra tvāṃ pūjayiṣyati mānada |
tena tvaṃ pūjito rājansukhaṃ vatsyasi no gṛhe || 34 ||
[Analyze grammar]