Chapter 46

janamejaya uvāca |
atyadbhutamidaṃ karma pārthasyāmitatejasaḥ |
dhṛtarāṣṭro mahātejāḥ śrutvā vipra kimabravīt || 1 ||
[Analyze grammar]

vaiśaṃpāyana uvāca |
śakralokagataṃ pārthaṃ śrutvā rājāmbikāsutaḥ |
dvaipāyanādṛṣiśreṣṭhātsaṃjayaṃ vākyamabravīt || 2 ||
[Analyze grammar]

śrutaṃ me sūta kārtsnyena karma pārthasya dhīmataḥ |
kaccittavāpi viditaṃ yathātathyena sārathe || 3 ||
[Analyze grammar]

pramatto grāmyadharmeṣu mandātmā pāpaniścayaḥ |
mama putraḥ sudurbuddhiḥ pṛthivīṃ ghātayiṣyati || 4 ||
[Analyze grammar]

yasya nityamṛtā vācaḥ svaireṣvapi mahātmanaḥ |
trailokyamapi tasya syādyoddhā yasya dhanaṃjayaḥ || 5 ||
[Analyze grammar]

asyataḥ karṇinārācāṃstīkṣṇāgrāṃśca śilāśitān |
ko'rjunasyāgratastiṣṭhedapi mṛtyurjarātigaḥ || 6 ||
[Analyze grammar]

mama putrā durātmānaḥ sarve mṛtyuvaśaṃ gatāḥ |
yeṣāṃ yuddhaṃ durādharṣaiḥ pāṇḍavaiḥ pratyupasthitam || 7 ||
[Analyze grammar]

tasyaiva ca na paśyāmi yudhi gāṇḍīvadhanvanaḥ |
aniśaṃ cintayāno'pi ya enamudiyādrathī || 8 ||
[Analyze grammar]

droṇakarṇau pratīyātāṃ yadi bhīṣmo'pi vā raṇe |
mahānsyātsaṃśayo loke na tu paśyāmi no jayam || 9 ||
[Analyze grammar]

ghṛṇī karṇaḥ pramādī ca ācāryaḥ sthaviro guruḥ |
amarṣī balavānpārthaḥ saṃrambhī dṛḍhavikramaḥ || 10 ||
[Analyze grammar]

bhavetsutumulaṃ yuddhaṃ sarvaśo'pyaparājitam |
sarve hyastravidaḥ śūrāḥ sarve prāptā mahadyaśaḥ || 11 ||
[Analyze grammar]

api sarveśvaratvaṃ hi na vāñcheranparājitāḥ |
vadhe nūnaṃ bhavecchāntisteṣāṃ vā phalgunasya vā || 12 ||
[Analyze grammar]

na tu hantārjunasyāsti jetā vāsya na vidyate |
manyustasya kathaṃ śāmyenmandānprati samutthitaḥ || 13 ||
[Analyze grammar]

tridaśeśasamo vīraḥ khāṇḍave'gnimatarpayat |
jigāya pārthivānsarvānrājasūye mahākratau || 14 ||
[Analyze grammar]

śeṣaṃ kuryādgirervajraṃ nipatanmūrdhni saṃjaya |
na tu kuryuḥ śarāḥ śeṣamastāstāta kirīṭinā || 15 ||
[Analyze grammar]

yathā hi kiraṇā bhānostapantīha carācaram |
tathā pārthabhujotsṛṣṭāḥ śarāstapsyanti me sutān || 16 ||
[Analyze grammar]

api vā rathaghoṣeṇa bhayārtā savyasācinaḥ |
pratibhāti vidīrṇeva sarvato bhāratī camūḥ || 17 ||
[Analyze grammar]

yadudvapanpravapaṃścaiva bāṇānsthātātatāyī samare kirīṭī |
sṛṣṭo'ntakaḥ sarvaharo vidhātrā bhavedyathā tadvadapāraṇīyaḥ || 18 ||
[Analyze grammar]

saṃjaya uvāca |
yadetatkathitaṃ rājaṃstvayā duryodhanaṃ prati |
sarvametadyathāttha tvaṃ naitanmithyā mahīpate || 19 ||
[Analyze grammar]

manyunā hi samāviṣṭāḥ pāṇḍavāste'mitaujasaḥ |
dṛṣṭvā kṛṣṇāṃ sabhāṃ nītāṃ dharmapatnīṃ yaśasvinīm || 20 ||
[Analyze grammar]

duḥśāsanasya tā vācaḥ śrutvā te dāruṇodayāḥ |
karṇasya ca mahārāja na svapsyantīti me matiḥ || 21 ||
[Analyze grammar]

śrutaṃ hi te mahārāja yathā pārthena saṃyuge |
ekādaśatanuḥ sthāṇurdhanuṣā paritoṣitaḥ || 22 ||
[Analyze grammar]

kairātaṃ veṣamāsthāya yodhayāmāsa phalgunam |
jijñāsuḥ sarvadeveśaḥ kapardī bhagavānsvayam || 23 ||
[Analyze grammar]

tatrainaṃ lokapālāste darśayāmāsurarjunam |
astrahetoḥ parākrāntaṃ tapasā kauravarṣabham || 24 ||
[Analyze grammar]

naitadutsahate'nyo hi labdhumanyatra phalgunāt |
sākṣāddarśanameteṣāmīśvarāṇāṃ naro bhuvi || 25 ||
[Analyze grammar]

maheśvareṇa yo rājanna jīrṇo grastamūrtimān |
kastamutsahate vīraṃ yuddhe jarayituṃ pumān || 26 ||
[Analyze grammar]

āsāditamidaṃ ghoraṃ tumulaṃ lomaharṣaṇam |
draupadīṃ parikarṣadbhiḥ kopayadbhiśca pāṇḍavān || 27 ||
[Analyze grammar]

yatra visphuramāṇoṣṭho bhīmaḥ prāha vaco mahat |
dṛṣṭvā duryodhanenorū draupadyā darśitāvubhau || 28 ||
[Analyze grammar]

ūrū bhetsyāmi te pāpa gadayā vajrakalpayā |
trayodaśānāṃ varṣāṇāmante durdyūtadevinaḥ || 29 ||
[Analyze grammar]

sarve praharatāṃ śreṣṭhāḥ sarve cāmitatejasaḥ |
sarve sarvāstravidvāṃso devairapi sudurjayāḥ || 30 ||
[Analyze grammar]

manye manyusamuddhūtāḥ putrāṇāṃ tava saṃyuge |
antaṃ pārthāḥ kariṣyanti vīryāmarṣasamanvitāḥ || 31 ||
[Analyze grammar]

dhṛtarāṣṭra uvāca |
kiṃ kṛtaṃ sūta karṇena vadatā paruṣaṃ vacaḥ |
paryāptaṃ vairametāvadyatkṛṣṇā sā sabhāṃ gatā || 32 ||
[Analyze grammar]

apīdānīṃ mama sutāstiṣṭheranmandacetasaḥ |
yeṣāṃ bhrātā gururjyeṣṭho vinaye nāvatiṣṭhate || 33 ||
[Analyze grammar]

mamāpi vacanaṃ sūta na śuśrūṣati mandabhāk |
dṛṣṭvā māṃ cakṣuṣā hīnaṃ nirviceṣṭamacetanam || 34 ||
[Analyze grammar]

ye cāsya sacivā mandāḥ karṇasaubalakādayaḥ |
te'pyasya bhūyaso doṣānvardhayanti vicetasaḥ || 35 ||
[Analyze grammar]

svairamuktā api śarāḥ pārthenāmitatejasā |
nirdaheyurmama sutānkiṃ punarmanyuneritāḥ || 36 ||
[Analyze grammar]

pārthabāhubalotsṛṣṭā mahācāpaviniḥsṛtāḥ |
divyāstramantramuditāḥ sādayeyuḥ surānapi || 37 ||
[Analyze grammar]

yasya mantrī ca goptā ca suhṛccaiva janārdanaḥ |
haristrailokyanāthaḥ sa kiṃ nu tasya na nirjitam || 38 ||
[Analyze grammar]

idaṃ ca sumahaccitramarjunasyeha saṃjaya |
mahādevena bāhubhyāṃ yatsameta iti śrutiḥ || 39 ||
[Analyze grammar]

pratyakṣaṃ sarvalokasya khāṇḍave yatkṛtaṃ purā |
phalgunena sahāyārthe vahnerdāmodareṇa ca || 40 ||
[Analyze grammar]

sarvathā nāsti me putraḥ sāmātyaḥ sahabāndhavaḥ |
kruddhe pārthe ca bhīme ca vāsudeve ca sātvate || 41 ||
[Analyze grammar]