Chapter 260

yudhiṣṭhira uvāca |
avirodhena bhūtānāṃ tyāgaḥ ṣāḍguṇyakārakaḥ |
yaḥ syādubhayabhāgdharmastanme brūhi pitāmaha || 1 ||
[Analyze grammar]

gārhasthyasya ca dharmasya tyāgadharmasya cobhayoḥ |
adūrasaṃprasthitayoḥ kiṃ svicchreyaḥ pitāmaha || 2 ||
[Analyze grammar]

bhīṣma uvāca |
ubhau dharmau mahābhāgāvubhau paramaduścarau |
ubhau mahāphalau tāta sadbhirācaritāvubhau || 3 ||
[Analyze grammar]

atra te vartayiṣyāmi prāmāṇyamubhayostayoḥ |
śṛṇuṣvaikamanāḥ pārtha chinnadharmārthasaṃśayam || 4 ||
[Analyze grammar]

atrāpyudāharantīmamitihāsaṃ purātanam |
kapilasya gośca saṃvādaṃ tannibodha yudhiṣṭhira || 5 ||
[Analyze grammar]

āmnāyamanupaśyanhi purāṇaṃ śāśvataṃ dhruvam |
nahuṣaḥ pūrvamālebhe tvaṣṭurgāmiti naḥ śrutam || 6 ||
[Analyze grammar]

tāṃ niyuktāmadīnātmā sattvasthaḥ samaye rataḥ |
jñānavānniyatāhāro dadarśa kapilastadā || 7 ||
[Analyze grammar]

sa buddhimuttamāṃ prāpto naiṣṭhikīmakutobhayām |
smarāmi śithilaṃ satyaṃ vedā ityabravītsakṛt || 8 ||
[Analyze grammar]

tāṃ gāmṛṣiḥ syūmaraśmiḥ praviśya yatimabravīt |
haṃho vedā yadi matā dharmāḥ kenāpare matāḥ || 9 ||
[Analyze grammar]

tapasvino dhṛtimataḥ śrutivijñānacakṣuṣaḥ |
sarvamārṣaṃ hi manyante vyāhṛtaṃ viditātmanaḥ || 10 ||
[Analyze grammar]

tasyaivaṃ gatatṛṣṇasya vijvarasya nirāśiṣaḥ |
kā vivakṣāsti vedeṣu nirārambhasya sarvaśaḥ || 11 ||
[Analyze grammar]

kapila uvāca |
nāhaṃ vedānvinindāmi na vivakṣāmi karhicit |
pṛthagāśramiṇāṃ karmāṇyekārthānīti naḥ śrutam || 12 ||
[Analyze grammar]

gacchatyeva parityāgī vānaprasthaśca gacchati |
gṛhastho brahmacārī ca ubhau tāvapi gacchataḥ || 13 ||
[Analyze grammar]

devayānā hi panthānaścatvāraḥ śāśvatā matāḥ |
teṣāṃ jyāyaḥkanīyastvaṃ phaleṣūktaṃ balābalam || 14 ||
[Analyze grammar]

evaṃ viditvā sarvārthānārabhediti vaidikam |
nārabhediti cānyatra naiṣṭhikī śrūyate śrutiḥ || 15 ||
[Analyze grammar]

anārambhe hyadoṣaḥ syādārambhe'doṣa uttamaḥ |
evaṃ sthitasya śāstrasya durvijñeyaṃ balābalam || 16 ||
[Analyze grammar]

yadyatra kiṃcitpratyakṣamahiṃsāyāḥ paraṃ matam |
ṛte tvāgamaśāstrebhyo brūhi tadyadi paśyasi || 17 ||
[Analyze grammar]

syūmaraśmiruvāca |
svargakāmo yajeteti satataṃ śrūyate śrutiḥ |
phalaṃ prakalpya pūrvaṃ hi tato yajñaḥ pratāyate || 18 ||
[Analyze grammar]

ajaścāśvaśca meṣaśca gauśca pakṣigaṇāśca ye |
grāmyāraṇyā oṣadhayaḥ prāṇasyānnamiti śrutiḥ || 19 ||
[Analyze grammar]

tathaivānnaṃ hyaharahaḥ sāyaṃ prātarnirupyate |
paśavaścātha dhānyaṃ ca yajñasyāṅgamiti śrutiḥ || 20 ||
[Analyze grammar]

etāni saha yajñena prajāpatirakalpayat |
tena prajāpatirdevānyajñenāyajata prabhuḥ || 21 ||
[Analyze grammar]

te smānyonyaṃcarāḥ sarve prāṇinaḥ sapta sapta ca |
yajñeṣūpākṛtaṃ viśvaṃ prāhuruttamasaṃjñitam || 22 ||
[Analyze grammar]

etaccaivābhyanujñātaṃ pūrvaiḥ pūrvataraistathā |
ko jātu na vicinvīta vidvānsvāṃ śaktimātmanaḥ || 23 ||
[Analyze grammar]

paśavaśca manuṣyāśca drumāścauṣadhibhiḥ saha |
svargamevābhikāṅkṣante na ca svargastvṛte makham || 24 ||
[Analyze grammar]

oṣadhyaḥ paśavo vṛkṣā vīrudājyaṃ payo dadhi |
havirbhūmirdiśaḥ śraddhā kālaścaitāni dvādaśa || 25 ||
[Analyze grammar]

ṛco yajūṃṣi sāmāni yajamānaśca ṣoḍaśaḥ |
agnirjñeyo gṛhapatiḥ sa saptadaśa ucyate |
aṅgānyetāni yajñasya yajño mūlamiti śrutiḥ || 26 ||
[Analyze grammar]

ājyena payasā dadhnā śakṛtāmikṣayā tvacā |
vālaiḥ śṛṅgeṇa pādena saṃbhavatyeva gaurmakham |
evaṃ pratyekaśaḥ sarvaṃ yadyadasya vidhīyate || 27 ||
[Analyze grammar]

yajñaṃ vahanti saṃbhūya sahartvigbhiḥ sadakṣiṇaiḥ |
saṃhatyaitāni sarvāṇi yajñaṃ nirvartayantyuta || 28 ||
[Analyze grammar]

yajñārthāni hi sṛṣṭāni yathā vai śrūyate śrutiḥ |
evaṃ pūrve pūrvatarāḥ pravṛttāścaiva mānavāḥ || 29 ||
[Analyze grammar]

na hinasti hyārabhate nābhidruhyati kiṃcana |
yajño yaṣṭavya ityeva yo yajatyaphalepsayā || 30 ||
[Analyze grammar]

yajñāṅgānyapi caitāni yathoktāni nasaṃśayaḥ |
vidhinā vidhiyuktāni tārayanti parasparam || 31 ||
[Analyze grammar]

āmnāyamārṣaṃ paśyāmi yasminvedāḥ pratiṣṭhitāḥ |
taṃ vidvāṃso'nupaśyanti brāhmaṇasyānudarśanāt || 32 ||
[Analyze grammar]

brāhmaṇaprabhavo yajño brāhmaṇārpaṇa eva ca |
anu yajñaṃ jagatsarvaṃ yajñaścānu jagatsadā || 33 ||
[Analyze grammar]

omiti brahmaṇo yonirnamaḥ svāhā svadhā vaṣaṭ |
yasyaitāni prayujyante yathāśakti kṛtānyapi || 34 ||
[Analyze grammar]

na tasya triṣu lokeṣu paralokabhayaṃ viduḥ |
iti vedā vadantīha siddhāśca paramarṣayaḥ || 35 ||
[Analyze grammar]

ṛco yajūṃṣi sāmāni stobhāśca vidhicoditāḥ |
yasminnetāni sarvāṇi bahireva sa vai dvijaḥ || 36 ||
[Analyze grammar]

agnyādheye yadbhavati yacca some sute dvija |
yaccetarairmahāyajñairveda tadbhagavānsvataḥ || 37 ||
[Analyze grammar]

tasmādbrahmanyajetaiva yājayeccāvicārayan |
yajataḥ svargavidhinā pretya svargaphalaṃ mahat || 38 ||
[Analyze grammar]

nāyaṃ loko'styayajñānāṃ paraśceti viniścayaḥ |
vedavādavidaścaiva pramāṇamubhayaṃ tadā || 39 ||
[Analyze grammar]