Chapter 171

yudhiṣṭhira uvāca |
īhamānaḥ samārambhānyadi nāsādayeddhanam |
dhanatṛṣṇābhibhūtaśca kiṃ kurvansukhamāpnuyāt || 1 ||
[Analyze grammar]

bhīṣma uvāca |
sarvasāmyamanāyāsaḥ satyavākyaṃ ca bhārata |
nirvedaścāvivitsā ca yasya syātsa sukhī naraḥ || 2 ||
[Analyze grammar]

etānyeva padānyāhuḥ pañca vṛddhāḥ praśāntaye |
eṣa svargaśca dharmaśca sukhaṃ cānuttamaṃ satām || 3 ||
[Analyze grammar]

atrāpyudāharantīmamitihāsaṃ purātanam |
nirvedānmaṅkinā gītaṃ tannibodha yudhiṣṭhira || 4 ||
[Analyze grammar]

īhamāno dhanaṃ maṅkirbhagnehaśca punaḥ punaḥ |
kenaciddhanaśeṣeṇa krītavāndamyagoyugam || 5 ||
[Analyze grammar]

susaṃbaddhau tu tau damyau damanāyābhiniḥsṛtau |
āsīnamuṣṭraṃ madhyena sahasaivābhyadhāvatām || 6 ||
[Analyze grammar]

tayoḥ saṃprāptayoruṣṭraḥ skandhadeśamamarṣaṇaḥ |
utthāyotkṣipya tau damyau prasasāra mahājavaḥ || 7 ||
[Analyze grammar]

hriyamāṇau tu tau damyau tenoṣṭreṇa pramāthinā |
mriyamāṇau ca saṃprekṣya maṅkistatrābravīdidam || 8 ||
[Analyze grammar]

na caivāvihitaṃ śakyaṃ dakṣeṇāpīhituṃ dhanam |
yuktena śraddhayā samyagīhāṃ samanutiṣṭhatā || 9 ||
[Analyze grammar]

kṛtasya pūrvaṃ cānarthairyuktasyāpyanutiṣṭhataḥ |
imaṃ paśyata saṃgatyā mama daivamupaplavam || 10 ||
[Analyze grammar]

udyamyodyamya me damyau viṣameṇeva gacchati |
utkṣipya kākatālīyamunmātheneva jambukaḥ || 11 ||
[Analyze grammar]

maṇī voṣṭrasya lambete priyau vatsatarau mama |
śuddhaṃ hi daivamevedamato naivāsti pauruṣam || 12 ||
[Analyze grammar]

yadi vāpyupapadyeta pauruṣaṃ nāma karhicit |
anviṣyamāṇaṃ tadapi daivamevāvatiṣṭhate || 13 ||
[Analyze grammar]

tasmānnirveda eveha gantavyaḥ sukhamīpsatā |
sukhaṃ svapiti nirviṇṇo nirāśaścārthasādhane || 14 ||
[Analyze grammar]

aho samyakśukenoktaṃ sarvataḥ parimucyatā |
pratiṣṭhatā mahāraṇyaṃ janakasya niveśanāt || 15 ||
[Analyze grammar]

yaḥ kāmānprāpnuyātsarvānyaścainānkevalāṃstyajet |
prāpaṇātsarvakāmānāṃ parityāgo viśiṣyate || 16 ||
[Analyze grammar]

nāntaṃ sarvavivitsānāṃ gatapūrvo'sti kaścana |
śarīre jīvite caiva tṛṣṇā mandasya vardhate || 17 ||
[Analyze grammar]

nivartasva vivitsābhyaḥ śāmya nirvidya māmaka |
asakṛccāsi nikṛto na ca nirvidyase tano || 18 ||
[Analyze grammar]

yadi nāhaṃ vināśyaste yadyevaṃ ramase mayā |
mā māṃ yojaya lobhena vṛthā tvaṃ vittakāmuka || 19 ||
[Analyze grammar]

saṃcitaṃ saṃcitaṃ dravyaṃ naṣṭaṃ tava punaḥ punaḥ |
kadā vimokṣyase mūḍha dhanehāṃ dhanakāmuka || 20 ||
[Analyze grammar]

aho nu mama bāliśyaṃ yo'haṃ krīḍanakastava |
kiṃ naiva jātu puruṣaḥ pareṣāṃ preṣyatāmiyāt || 21 ||
[Analyze grammar]

na pūrve nāpare jātu kāmānāmantamāpnuvan |
tyaktvā sarvasamārambhānpratibuddho'smi jāgṛmi || 22 ||
[Analyze grammar]

nūnaṃ te hṛdayaṃ kāma vajrasāramayaṃ dṛdham |
yadanarthaśatāviṣṭaṃ śatadhā na vidīryate || 23 ||
[Analyze grammar]

tyajāmi kāma tvāṃ caiva yacca kiṃcitpriyaṃ tava |
tavāhaṃ sukhamanvicchannātmanyupalabhe sukham || 24 ||
[Analyze grammar]

kāma jānāmi te mūlaṃ saṃkalpātkila jāyase |
na tvāṃ saṃkalpayiṣyāmi samūlo na bhaviṣyasi || 25 ||
[Analyze grammar]

īhā dhanasya na sukhā labdhvā cintā ca bhūyasī |
labdhanāśo yathā mṛtyurlabdhaṃ bhavati vā na vā || 26 ||
[Analyze grammar]

paretya yo na labhate tato duḥkhataraṃ nu kim |
na ca tuṣyati labdhena bhūya eva ca mārgati || 27 ||
[Analyze grammar]

anutarṣula evārthaḥ svādu gāṅgamivodakam |
madvilāpanametattu pratibuddho'smi saṃtyaja || 28 ||
[Analyze grammar]

ya imaṃ māmakaṃ dehaṃ bhūtagrāmaḥ samāśritaḥ |
sa yātvito yathākāmaṃ vasatāṃ vā yathāsukham || 29 ||
[Analyze grammar]

na yuṣmāsviha me prītiḥ kāmalobhānusāriṣu |
tasmādutsṛjya sarvānvaḥ satyamevāśrayāmyaham || 30 ||
[Analyze grammar]

sarvabhūtānyahaṃ dehe paśyanmanasi cātmanaḥ |
yoge buddhiṃ śrute sattvaṃ mano brahmaṇi dhārayan || 31 ||
[Analyze grammar]

vihariṣyāmyanāsaktaḥ sukhī lokānnirāmayaḥ |
yathā mā tvaṃ punarnaivaṃ duḥkheṣu praṇidhāsyasi || 32 ||
[Analyze grammar]

tvayā hi me praṇunnasya gatiranyā na vidyate |
tṛṣṇāśokaśramāṇāṃ hi tvaṃ kāma prabhavaḥ sadā || 33 ||
[Analyze grammar]

dhananāśo'dhikaṃ duḥkhaṃ manye sarvamahattaram |
jñātayo hyavamanyante mitrāṇi ca dhanacyutam || 34 ||
[Analyze grammar]

avajñānasahasraistu doṣāḥ kaṣṭatarādhane |
dhane sukhakalā yā ca sāpi duḥkhairvidhīyate || 35 ||
[Analyze grammar]

dhanamasyeti puruṣaṃ purā nighnanti dasyavaḥ |
kliśyanti vividhairdaṇḍairnityamudvejayanti ca || 36 ||
[Analyze grammar]

mandalolupatā duḥkhamiti buddhaṃ cirānmayā |
yadyadālambase kāma tattadevānurudhyase || 37 ||
[Analyze grammar]

atattvajño'si bālaśca dustoṣo'pūraṇo'nalaḥ |
naiva tvaṃ vettha sulabhaṃ naiva tvaṃ vettha durlabham || 38 ||
[Analyze grammar]

pātālamiva duṣpūro māṃ duḥkhairyoktumicchasi |
nāhamadya samāveṣṭuṃ śakyaḥ kāma punastvayā || 39 ||
[Analyze grammar]

nirvedamahamāsādya dravyanāśādyadṛcchayā |
nirvṛtiṃ paramāṃ prāpya nādya kāmānvicintaye || 40 ||
[Analyze grammar]

atikleśānsahāmīha nāhaṃ budhyāmyabuddhimān |
nikṛto dhananāśena śaye sarvāṅgavijvaraḥ || 41 ||
[Analyze grammar]

parityajāmi kāma tvāṃ hitvā sarvamanogatīḥ |
na tvaṃ mayā punaḥ kāma nasyoteneva raṃsyase || 42 ||
[Analyze grammar]

kṣamiṣye'kṣamamāṇānāṃ na hiṃsiṣye ca hiṃsitaḥ |
dveṣyamuktaḥ priyaṃ vakṣyāmyanādṛtya tadapriyam || 43 ||
[Analyze grammar]

tṛptaḥ svasthendriyo nityaṃ yathālabdhena vartayan |
na sakāmaṃ kariṣyāmi tvāmahaṃ śatrumātmanaḥ || 44 ||
[Analyze grammar]

nirvedaṃ nirvṛtiṃ tṛptiṃ śāntiṃ satyaṃ damaṃ kṣamām |
sarvabhūtadayāṃ caiva viddhi māṃ śaraṇāgatam || 45 ||
[Analyze grammar]

tasmātkāmaśca lobhaśca tṛṣṇā kārpaṇyameva ca |
tyajantu māṃ pratiṣṭhantaṃ sattvastho hyasmi sāṃpratam || 46 ||
[Analyze grammar]

prahāya kāmaṃ lobhaṃ ca krodhaṃ pāruṣyameva ca |
nādya lobhavaśaṃ prāpto duḥkhaṃ prāpsyāmyanātmavān || 47 ||
[Analyze grammar]

yadyattyajati kāmānāṃ tatsukhasyābhipūryate |
kāmasya vaśago nityaṃ duḥkhameva prapadyate || 48 ||
[Analyze grammar]

kāmānvyudasya dhunute yatkiṃcitpuruṣo rajaḥ |
kāmakrodhodbhavaṃ duḥkhamahrīraratireva ca || 49 ||
[Analyze grammar]

eṣa brahmapraviṣṭo'haṃ grīṣme śītamiva hradam |
śāmyāmi parinirvāmi sukhamāse ca kevalam || 50 ||
[Analyze grammar]

yacca kāmasukhaṃ loke yacca divyaṃ mahatsukham |
tṛṣṇākṣayasukhasyaite nārhataḥ ṣoḍaśīṃ kalām || 51 ||
[Analyze grammar]

ātmanā saptamaṃ kāmaṃ hatvā śatrumivottamam |
prāpyāvadhyaṃ brahmapuraṃ rājeva syāmahaṃ sukhī || 52 ||
[Analyze grammar]

etāṃ buddhiṃ samāsthāya maṅkirnirvedamāgataḥ |
sarvānkāmānparityajya prāpya brahma mahatsukham || 53 ||
[Analyze grammar]

damyanāśakṛte maṅkiramaratvaṃ kilāgamat |
acchinatkāmamūlaṃ sa tena prāpa mahatsukham || 54 ||
[Analyze grammar]

atrāpyudāharantīmamitihāsaṃ purātanam |
gītaṃ videharājena janakena praśāmyatā || 55 ||
[Analyze grammar]

anantaṃ bata me vittaṃ yasya me nāsti kiṃcana |
mithilāyāṃ pradīptāyāṃ na me dahyati kiṃcana || 56 ||
[Analyze grammar]

atraivodāharantīmaṃ bodhyasya padasaṃcayam |
nirvedaṃ prati vinyastaṃ pratibodha yudhiṣṭhira || 57 ||
[Analyze grammar]

bodhyaṃ dāntamṛṣiṃ rājā nahuṣaḥ paryapṛcchata |
nirvedācchāntimāpannaṃ śāntaṃ prajñānatarpitam || 58 ||
[Analyze grammar]

upadeśaṃ mahāprājña śamasyopadiśasva me |
kāṃ buddhiṃ samanudhyāya śāntaścarasi nirvṛtaḥ || 59 ||
[Analyze grammar]

bodhya uvāca |
upadeśena vartāmi nānuśāsmīha kaṃcana |
lakṣaṇaṃ tasya vakṣye'haṃ tatsvayaṃ pravimṛśyatām || 60 ||
[Analyze grammar]

piṅgalā kuraraḥ sarpaḥ sāraṅgānveṣaṇaṃ vane |
iṣukāraḥ kumārī ca ṣaḍete guravo mama || 61 ||
[Analyze grammar]