Chapter 88

yudhiṣṭhira uvāca |
rāṣṭraguptiṃ ca me rājanrāṣṭrasyaiva ca saṃgraham |
samyagjijñāsamānāya prabrūhi bharatarṣabha || 1 ||
[Analyze grammar]

bhīṣma uvāca |
rāṣṭraguptiṃ ca te samyagrāṣṭrasyaiva ca saṃgraham |
hanta sarvaṃ pravakṣyāmi tattvamekamanāḥ śṛṇu || 2 ||
[Analyze grammar]

grāmasyādhipatiḥ kāryo daśagrāmyastathāparaḥ |
dviguṇāyāḥ śatasyaivaṃ sahasrasya ca kārayet || 3 ||
[Analyze grammar]

grāme yāngrāmadoṣāṃśca grāmikaḥ paripālayet |
tānbrūyāddaśapāyāsau sa tu viṃśatipāya vai || 4 ||
[Analyze grammar]

so'pi viṃśatyadhipatirvṛttaṃ jānapade jane |
grāmāṇāṃ śatapālāya sarvameva nivedayet || 5 ||
[Analyze grammar]

yāni grāmīṇabhojyāni grāmikastānyupāśnuyāt |
daśapastena bhartavyastenāpi dviguṇādhipaḥ || 6 ||
[Analyze grammar]

grāmaṃ grāmaśatādhyakṣo bhoktumarhati satkṛtaḥ |
mahāntaṃ bharataśreṣṭha susphītajanasaṃkulam |
tatra hyanekamāyattaṃ rājño bhavati bhārata || 7 ||
[Analyze grammar]

śākhānagaramarhastu sahasrapatiruttamam |
dhānyahairaṇyabhogena bhoktuṃ rāṣṭriya udyataḥ || 8 ||
[Analyze grammar]

tathā yadgrāmakṛtyaṃ syādgrāmikṛtyaṃ ca te svayam |
dharmajñaḥ sacivaḥ kaścittatprapaśyedatandritaḥ || 9 ||
[Analyze grammar]

nagare nagare ca syādekaḥ sarvārthacintakaḥ |
uccaiḥsthāne ghorarūpo nakṣatrāṇāmiva grahaḥ |
bhavetsa tānparikrāmetsarvāneva sadā svayam || 10 ||
[Analyze grammar]

vikrayaṃ krayamadhvānaṃ bhaktaṃ ca saparivyayam |
yogakṣemaṃ ca saṃprekṣya vaṇijaḥ kārayetkarān || 11 ||
[Analyze grammar]

utpattiṃ dānavṛttiṃ ca śilpaṃ saṃprekṣya cāsakṛt |
śilpapratikarāneva śilpinaḥ prati kārayet || 12 ||
[Analyze grammar]

uccāvacakarā nyāyyāḥ pūrvarājñāṃ yudhiṣṭhira |
yathā yathā na hīyeraṃstathā kuryānmahīpatiḥ || 13 ||
[Analyze grammar]

phalaṃ karma ca saṃprekṣya tataḥ sarvaṃ prakalpayet |
phalaṃ karma ca nirhetu na kaścitsaṃpravartayet || 14 ||
[Analyze grammar]

yathā rājā ca kartā ca syātāṃ karmaṇi bhāginau |
samavekṣya tathā rājñā praṇeyāḥ satataṃ karāḥ || 15 ||
[Analyze grammar]

nocchindyādātmano mūlaṃ pareṣāṃ vāpi tṛṣṇayā |
īhādvārāṇi saṃrudhya rājā saṃprītidarśanaḥ || 16 ||
[Analyze grammar]

pradviṣanti parikhyātaṃ rājānamatikhādinam |
pradviṣṭasya kutaḥ śreyaḥ saṃpriyo labhate priyam || 17 ||
[Analyze grammar]

vatsaupamyena dogdhavyaṃ rāṣṭramakṣīṇabuddhinā |
bhṛto vatso jātabalaḥ pīḍāṃ sahati bhārata || 18 ||
[Analyze grammar]

na karma kurute vatso bhṛśaṃ dugdho yudhiṣṭhira |
rāṣṭramapyatidugdhaṃ hi na karma kurute mahat || 19 ||
[Analyze grammar]

yo rāṣṭramanugṛhṇāti parigṛhya svayaṃ nṛpaḥ |
saṃjātamupajīvansa labhate sumahatphalam || 20 ||
[Analyze grammar]

āpadarthaṃ hi nicayānrājāna iha cinvate |
rāṣṭraṃ ca kośabhūtaṃ syātkośo veśmagatastathā || 21 ||
[Analyze grammar]

paurajānapadānsarvānsaṃśritopāśritāṃstathā |
yathāśaktyanukampeta sarvānabhyantarānapi || 22 ||
[Analyze grammar]

bāhyaṃ janaṃ bhedayitvā bhoktavyo madhyamaḥ sukham |
evaṃ na saṃprakupyante janāḥ sukhitaduḥkhitāḥ || 23 ||
[Analyze grammar]

prāgeva tu karādānamanubhāṣya punaḥ punaḥ |
saṃnipatya svaviṣaye bhayaṃ rāṣṭre pradarśayet || 24 ||
[Analyze grammar]

iyamāpatsamutpannā paracakrabhayaṃ mahat |
api nāntāya kalpeta veṇoriva phalāgamaḥ || 25 ||
[Analyze grammar]

arayo me samutthāya bahubhirdasyubhiḥ saha |
idamātmavadhāyaiva rāṣṭramicchanti bādhitum || 26 ||
[Analyze grammar]

asyāmāpadi ghorāyāṃ saṃprāpte dāruṇe bhaye |
paritrāṇāya bhavatāṃ prārthayiṣye dhanāni vaḥ || 27 ||
[Analyze grammar]

pratidāsye ca bhavatāṃ sarvaṃ cāhaṃ bhayakṣaye |
nārayaḥ pratidāsyanti yaddhareyurbalāditaḥ || 28 ||
[Analyze grammar]

kalatramāditaḥ kṛtvā naśyetsvaṃ svayameva hi |
api cetputradārārthamarthasaṃcaya iṣyate || 29 ||
[Analyze grammar]

nandāmi vaḥ prabhāvena putrāṇāmiva codaye |
yathāśaktyanugṛhṇāmi rāṣṭrasyāpīḍayā ca vaḥ || 30 ||
[Analyze grammar]

āpatsveva ca voḍhavyaṃ bhavadbhiḥ sadgavairiva |
na vaḥ priyataraṃ kāryaṃ dhanaṃ kasyāṃcidāpadi || 31 ||
[Analyze grammar]

iti vācā madhurayā ślakṣṇayā sopacārayā |
svaraśmīnabhyavasṛjedyugamādāya kālavit || 32 ||
[Analyze grammar]

pracāraṃ bhṛtyabharaṇaṃ vyayaṃ gogrāmato bhayam |
yogakṣemaṃ ca saṃprekṣya gominaḥ kārayetkarān || 33 ||
[Analyze grammar]

upekṣitā hi naśyeyurgomino'raṇyavāsinaḥ |
tasmātteṣu viśeṣeṇa mṛdupūrvaṃ samācaret || 34 ||
[Analyze grammar]

sāntvanaṃ rakṣaṇaṃ dānamavasthā cāpyabhīkṣṇaśaḥ |
gomināṃ pārtha kartavyaṃ saṃvibhāgāḥ priyāṇi ca || 35 ||
[Analyze grammar]

ajasramupayoktavyaṃ phalaṃ gomiṣu sarvataḥ |
prabhāvayati rāṣṭraṃ ca vyavahāraṃ kṛṣiṃ tathā || 36 ||
[Analyze grammar]

tasmādgomiṣu yatnena prītiṃ kuryādvicakṣaṇaḥ |
dayāvānapramattaśca karānsaṃpraṇayanmṛdūn || 37 ||
[Analyze grammar]

sarvatra kṣemacaraṇaṃ sulabhaṃ tāta gomibhiḥ |
na hyataḥ sadṛśaṃ kiṃciddhanamasti yudhiṣṭhira || 38 ||
[Analyze grammar]