Chapter 39

vaiśaṃpāyana uvāca |
praveśane tu pārthānāṃ janasya puravāsinaḥ |
didṛkṣūṇāṃ sahasrāṇi samājagmurbahūnyatha || 1 ||
[Analyze grammar]

sa rājamārgaḥ śuśubhe samalaṃkṛtacatvaraḥ |
yathā candrodaye rājanvardhamāno mahodadhiḥ || 2 ||
[Analyze grammar]

gṛhāṇi rājamārge tu ratnavanti bṛhanti ca |
prākampanteva bhāreṇa strīṇāṃ pūrṇāni bhārata || 3 ||
[Analyze grammar]

tāḥ śanairiva savrīḍaṃ praśaśaṃsuryudhiṣṭhiram |
bhīmasenārjunau caiva mādrīputrau ca pāṇḍavau || 4 ||
[Analyze grammar]

dhanyā tvamasi pāñcāli yā tvaṃ puruṣasattamān |
upatiṣṭhasi kalyāṇi maharṣīniva gautamī || 5 ||
[Analyze grammar]

tava karmāṇyamoghāni vratacaryā ca bhāmini |
iti kṛṣṇāṃ mahārāja praśaśaṃsustadā striyaḥ || 6 ||
[Analyze grammar]

praśaṃsāvacanaistāsāṃ mithaḥśabdaiśca bhārata |
prītijaiśca tadā śabdaiḥ puramāsītsamākulam || 7 ||
[Analyze grammar]

tamatītya yathāyuktaṃ rājamārgaṃ yudhiṣṭhiraḥ |
alaṃkṛtaṃ śobhamānamupāyādrājaveśma ha || 8 ||
[Analyze grammar]

tataḥ prakṛtayaḥ sarvāḥ paurajānapadāstathā |
ūcuḥ kathāḥ karṇasukhāḥ samupetya tatastataḥ || 9 ||
[Analyze grammar]

diṣṭyā jayasi rājendra śatrūñśatrunisūdana |
diṣṭyā rājyaṃ punaḥ prāptaṃ dharmeṇa ca balena ca || 10 ||
[Analyze grammar]

bhava nastvaṃ mahārāja rājeha śaradāṃ śatam |
prajāḥ pālaya dharmeṇa yathendrastridivaṃ nṛpa || 11 ||
[Analyze grammar]

evaṃ rājakuladvāri maṅgalairabhipūjitaḥ |
āśīrvādāndvijairuktānpratigṛhya samantataḥ || 12 ||
[Analyze grammar]

praviśya bhavanaṃ rājā devarājagṛhopamam |
śrutvā vijayasaṃyuktaṃ rathātpaścādavātarat || 13 ||
[Analyze grammar]

praviśyābhyantaraṃ śrīmāndaivatānyabhigamya ca |
pūjayāmāsa ratnaiśca gandhairmālyaiśca sarvaśaḥ || 14 ||
[Analyze grammar]

niścakrāma tataḥ śrīmānpunareva mahāyaśāḥ |
dadarśa brāhmaṇāṃścaiva so'bhirūpānupasthitān || 15 ||
[Analyze grammar]

sa saṃvṛtastadā viprairāśīrvādavivakṣubhiḥ |
śuśubhe vimalaścandrastārāgaṇavṛto yathā || 16 ||
[Analyze grammar]

tānsa saṃpūjayāmāsa kaunteyo vidhivaddvijān |
dhaumyaṃ guruṃ puraskṛtya jyeṣṭhaṃ pitarameva ca || 17 ||
[Analyze grammar]

sumanomodakai ratnairhiraṇyena ca bhūriṇā |
gobhirvastraiśca rājendra vividhaiśca kimicchakaiḥ || 18 ||
[Analyze grammar]

tataḥ puṇyāhaghoṣo'bhūddivaṃ stabdhveva bhārata |
suhṛdāṃ harṣajananaḥ puṇyaḥ śrutisukhāvahaḥ || 19 ||
[Analyze grammar]

haṃsavanneduṣāṃ rājandvijānāṃ tatra bhāratī |
śuśruve vedaviduṣāṃ puṣkalārthapadākṣarā || 20 ||
[Analyze grammar]

tato dundubhinirghoṣaḥ śaṅkhānāṃ ca manoramaḥ |
jayaṃ pravadatāṃ tatra svanaḥ prādurabhūnnṛpa || 21 ||
[Analyze grammar]

niḥśabde ca sthite tatra tato viprajane punaḥ |
rājānaṃ brāhmaṇacchadmā cārvāko rākṣaso'bravīt || 22 ||
[Analyze grammar]

tatra duryodhanasakhā bhikṣurūpeṇa saṃvṛtaḥ |
sāṃkhyaḥ śikhī tridaṇḍī ca dhṛṣṭo vigatasādhvasaḥ || 23 ||
[Analyze grammar]

vṛtaḥ sarvaistadā viprairāśīrvādavivakṣubhiḥ |
paraṃsahasrai rājendra taponiyamasaṃsthitaiḥ || 24 ||
[Analyze grammar]

sa duṣṭaḥ pāpamāśaṃsanpāṇḍavānāṃ mahātmanām |
anāmantryaiva tānviprāṃstamuvāca mahīpatim || 25 ||
[Analyze grammar]

ime prāhurdvijāḥ sarve samāropya vaco mayi |
dhigbhavantaṃ kunṛpatiṃ jñātighātinamastu vai || 26 ||
[Analyze grammar]

kiṃ te rājyena kaunteya kṛtvemaṃ jñātisaṃkṣayam |
ghātayitvā gurūṃścaiva mṛtaṃ śreyo na jīvitam || 27 ||
[Analyze grammar]

iti te vai dvijāḥ śrutvā tasya ghorasya rakṣasaḥ |
vivyathuścukruśuścaiva tasya vākyapradharṣitāḥ || 28 ||
[Analyze grammar]

tataste brāhmaṇāḥ sarve sa ca rājā yudhiṣṭhiraḥ |
vrīḍitāḥ paramodvignāstūṣṇīmāsanviśāṃ pate || 29 ||
[Analyze grammar]

yudhiṣṭhira uvāca |
prasīdantu bhavanto me praṇatasyābhiyācataḥ |
pratyāpannaṃ vyasaninaṃ na māṃ dhikkartumarhatha || 30 ||
[Analyze grammar]

vaiśaṃpāyana uvāca |
tato rājanbrāhmaṇāste sarva eva viśāṃ pate |
ūcurnaitadvaco'smākaṃ śrīrastu tava pārthiva || 31 ||
[Analyze grammar]

jajñuścaiva mahātmānastatastaṃ jñānacakṣuṣā |
brāhmaṇā vedavidvāṃsastapobhirvimalīkṛtāḥ || 32 ||
[Analyze grammar]

brāhmaṇā ūcuḥ |
eṣa duryodhanasakhā cārvāko nāma rākṣasaḥ |
parivrājakarūpeṇa hitaṃ tasya cikīrṣati || 33 ||
[Analyze grammar]

na vayaṃ brūma dharmātmanvyetu te bhayamīdṛśam |
upatiṣṭhatu kalyāṇaṃ bhavantaṃ bhrātṛbhiḥ saha || 34 ||
[Analyze grammar]

vaiśaṃpāyana uvāca |
tataste brāhmaṇāḥ sarve huṃkāraiḥ krodhamūrchitāḥ |
nirbhartsayantaḥ śucayo nijaghnuḥ pāparākṣasam || 35 ||
[Analyze grammar]

sa papāta vinirdagdhastejasā brahmavādinām |
mahendrāśaninirdagdhaḥ pādapo'ṅkuravāniva || 36 ||
[Analyze grammar]

pūjitāśca yayurviprā rājānamabhinandya tam |
rājā ca harṣamāpede pāṇḍavaḥ sasuhṛjjanaḥ || 37 ||
[Analyze grammar]

vāsudeva uvāca |
brāhmaṇāstāta loke'sminnarcanīyāḥ sadā mama |
ete bhūmicarā devā vāgviṣāḥ suprasādakāḥ || 38 ||
[Analyze grammar]

purā kṛtayuge tāta cārvāko nāma rākṣasaḥ |
tapastepe mahābāho badaryāṃ bahuvatsaram || 39 ||
[Analyze grammar]

chandyamāno vareṇātha brahmaṇā sa punaḥ punaḥ |
abhayaṃ sarvabhūtebhyo varayāmāsa bhārata || 40 ||
[Analyze grammar]

dvijāvamānādanyatra prādādvaramanuttamam |
abhayaṃ sarvabhūtebhyastatastasmai jagatprabhuḥ || 41 ||
[Analyze grammar]

sa tu labdhavaraḥ pāpo devānamitavikramaḥ |
rākṣasastāpayāmāsa tīvrakarmā mahābalaḥ || 42 ||
[Analyze grammar]

tato devāḥ sametyātha brahmāṇamidamabruvan |
vadhāya rakṣasastasya balaviprakṛtāstadā || 43 ||
[Analyze grammar]

tānuvācāvyayo devo vihitaṃ tatra vai mayā |
yathāsya bhavitā mṛtyuracireṇaiva bhārata || 44 ||
[Analyze grammar]

rājā duryodhano nāma sakhāsya bhavitā nṛpa |
tasya snehāvabaddho'sau brāhmaṇānavamaṃsyate || 45 ||
[Analyze grammar]

tatrainaṃ ruṣitā viprā viprakārapradharṣitāḥ |
dhakṣyanti vāgbalāḥ pāpaṃ tato nāśaṃ gamiṣyati || 46 ||
[Analyze grammar]

sa eṣa nihataḥ śete brahmadaṇḍena rākṣasaḥ |
cārvāko nṛpatiśreṣṭha mā śuco bharatarṣabha || 47 ||
[Analyze grammar]

hatāste kṣatradharmeṇa jñātayastava pārthiva |
svargatāśca mahātmāno vīrāḥ kṣatriyapuṃgavāḥ || 48 ||
[Analyze grammar]

sa tvamātiṣṭha kalyāṇaṃ mā te bhūdglāniracyuta |
śatrūñjahi prajā rakṣa dvijāṃśca pratipālaya || 49 ||
[Analyze grammar]