Chapter 36

vyāsa uvāca |
tapasā karmabhiścaiva pradānena ca bhārata |
punāti pāpaṃ puruṣaḥ pūtaścenna pravartate || 1 ||
[Analyze grammar]

ekakālaṃ tu bhuñjānaścaranbhaikṣaṃ svakarmakṛt |
kapālapāṇiḥ khaṭvāṅgī brahmacārī sadotthitaḥ || 2 ||
[Analyze grammar]

anasūyuradhaḥśāyī karma loke prakāśayan |
pūrṇairdvādaśabhirvarṣairbrahmahā vipramucyate || 3 ||
[Analyze grammar]

ṣaḍbhirvarṣaiḥ kṛcchrabhojī brahmahā pūyate naraḥ |
māse māse samaśnaṃstu tribhirvarṣaiḥ pramucyate || 4 ||
[Analyze grammar]

saṃvatsareṇa māsāśī pūyate nātra saṃśayaḥ |
tathaivoparamanrājansvalpenāpi pramucyate || 5 ||
[Analyze grammar]

kratunā cāśvamedhena pūyate nātra saṃśayaḥ |
ye cāsyāvabhṛthe snānti kecidevaṃvidhā narāḥ || 6 ||
[Analyze grammar]

te sarve pūtapāpmāno bhavantīti parā śrutiḥ |
brāhmaṇārthe hato yuddhe mucyate brahmahatyayā || 7 ||
[Analyze grammar]

gavāṃ śatasahasraṃ tu pātrebhyaḥ pratipādayan |
brahmahā vipramucyeta sarvapāpebhya eva ca || 8 ||
[Analyze grammar]

kapilānāṃ sahasrāṇi yo dadyātpañcaviṃśatim |
dogdhrīṇāṃ sa ca pāpebhyaḥ sarvebhyo vipramucyate || 9 ||
[Analyze grammar]

gosahasraṃ savatsānāṃ dogdhrīṇāṃ prāṇasaṃśaye |
sādhubhyo vai daridrebhyo dattvā mucyeta kilbiṣāt || 10 ||
[Analyze grammar]

śataṃ vai yastu kāmbojānbrāhmaṇebhyaḥ prayacchati |
niyatebhyo mahīpāla sa ca pāpātpramucyate || 11 ||
[Analyze grammar]

manorathaṃ tu yo dadyādekasmā api bhārata |
na kīrtayeta dattvā yaḥ sa ca pāpātpramucyate || 12 ||
[Analyze grammar]

surāpānaṃ sakṛtpītvā yo'gnivarṇāṃ pibeddvijaḥ |
sa pāvayatyathātmānamiha loke paratra ca || 13 ||
[Analyze grammar]

meruprapātaṃ prapatañjvalanaṃ vā samāviśan |
mahāprasthānamātiṣṭhanmucyate sarvakilbiṣaiḥ || 14 ||
[Analyze grammar]

bṛhaspatisaveneṣṭvā surāpo brāhmaṇaḥ punaḥ |
samitiṃ brāhmaṇairgacchediti vai brāhmaṇī śrutiḥ || 15 ||
[Analyze grammar]

bhūmipradānaṃ kuryādyaḥ surāṃ pītvā vimatsaraḥ |
punarna ca pibedrājansaṃskṛtaḥ śudhyate naraḥ || 16 ||
[Analyze grammar]

gurutalpī śilāṃ taptāmāyasīmadhisaṃviśet |
pāṇāvādhāya vā śephaṃ pravrajedūrdhvadarśanaḥ || 17 ||
[Analyze grammar]

śarīrasya vimokṣeṇa mucyate karmaṇo'śubhāt |
karmabhyo vipramucyante yattāḥ saṃvatsaraṃ striyaḥ || 18 ||
[Analyze grammar]

mahāvrataṃ caredyastu dadyātsarvasvameva tu |
gurvarthe vā hato yuddhe sa mucyetkarmaṇo'śubhāt || 19 ||
[Analyze grammar]

anṛtenopacartā ca pratiroddhā gurostathā |
upahṛtya priyaṃ tasmai tasmātpāpātpramucyate || 20 ||
[Analyze grammar]

avakīrṇinimittaṃ tu brahmahatyāvrataṃ caret |
kharacarmavāsāḥ ṣaṇmāsaṃ tathā mucyeta kilbiṣāt || 21 ||
[Analyze grammar]

paradārāpahārī ca parasyāpaharanvasu |
saṃvatsaraṃ vratī bhūtvā tathā mucyeta kilbiṣāt || 22 ||
[Analyze grammar]

steyaṃ tu yasyāpaharettasmai dadyātsamaṃ vasu |
vividhenābhyupāyena tena mucyeta kilbiṣāt || 23 ||
[Analyze grammar]

kṛcchrāddvādaśarātreṇa svabhyastena daśāvaram |
parivettā bhavetpūtaḥ parivittiśca bhārata || 24 ||
[Analyze grammar]

niveśyaṃ tu bhavettena sadā tārayitā pitṝn |
na tu striyā bhaveddoṣo na tu sā tena lipyate || 25 ||
[Analyze grammar]

bhajane hyṛtunā śuddhaṃ cāturmāsyaṃ vidhīyate |
striyastena viśudhyanti iti dharmavido viduḥ || 26 ||
[Analyze grammar]

striyastvāśaṅkitāḥ pāpairnopagamyā hi jānatā |
rajasā tā viśudhyante bhasmanā bhājanaṃ yathā || 27 ||
[Analyze grammar]

catuṣpātsakalo dharmo brāhmaṇānāṃ vidhīyate |
pādāvakṛṣṭo rājanye tathā dharmo vidhīyate || 28 ||
[Analyze grammar]

tathā vaiśye ca śūdre ca pādaḥ pādo vidhīyate |
vidyādevaṃvidhenaiṣāṃ gurulāghavaniścayam || 29 ||
[Analyze grammar]

tiryagyonivadhaṃ kṛtvā drumāṃśchittvetarānbahūn |
trirātraṃ vāyubhakṣaḥ syātkarma ca prathayennaraḥ || 30 ||
[Analyze grammar]

agamyāgamane rājanprāyaścittaṃ vidhīyate |
ārdravastreṇa ṣaṇmāsaṃ vihāryaṃ bhasmaśāyinā || 31 ||
[Analyze grammar]

eṣa eva tu sarveṣāmakāryāṇāṃ vidhirbhavet |
brāhmaṇoktena vidhinā dṛṣṭāntāgamahetubhiḥ || 32 ||
[Analyze grammar]

sāvitrīmapyadhīyānaḥ śucau deśe mitāśanaḥ |
ahiṃsro'mandako'jalpanmucyate sarvakilbiṣaiḥ || 33 ||
[Analyze grammar]

ahaḥsu satataṃ tiṣṭhedabhyākāśaṃ niśi svapet |
trirahnastrirniśāyāśca savāsā jalamāviśet || 34 ||
[Analyze grammar]

strīśūdrapatitāṃścāpi nābhibhāṣedvratānvitaḥ |
pāpānyajñānataḥ kṛtvā mucyedevaṃvrato dvijaḥ || 35 ||
[Analyze grammar]

śubhāśubhaphalaṃ pretya labhate bhūtasākṣikaḥ |
atiricyettayoryattu tatkartā labhate phalam || 36 ||
[Analyze grammar]

tasmāddānena tapasā karmaṇā ca śubhaṃ phalam |
vardhayedaśubhaṃ kṛtvā yathā syādatirekavān || 37 ||
[Analyze grammar]

kuryācchubhāni karmāṇi nimitte pāpakarmaṇām |
dadyānnityaṃ ca vittāni tathā mucyeta kilbiṣāt || 38 ||
[Analyze grammar]

anurūpaṃ hi pāpasya prāyaścittamudāhṛtam |
mahāpātakavarjaṃ tu prāyaścittaṃ vidhīyate || 39 ||
[Analyze grammar]

bhakṣyābhakṣyeṣu sarveṣu vācyāvācye tathaiva ca |
ajñānajñānayo rājanvihitānyanujānate || 40 ||
[Analyze grammar]

jānatā tu kṛtaṃ pāpaṃ guru sarvaṃ bhavatyuta |
ajñānātskhalite doṣe prāyaścittaṃ vidhīyate || 41 ||
[Analyze grammar]

śakyate vidhinā pāpaṃ yathoktena vyapohitum |
āstike śraddadhāne tu vidhireṣa vidhīyate || 42 ||
[Analyze grammar]

nāstikāśraddadhāneṣu puruṣeṣu kadācana |
dambhadoṣapradhāneṣu vidhireṣa na dṛśyate || 43 ||
[Analyze grammar]

śiṣṭācāraśca śiṣṭaśca dharmo dharmabhṛtāṃ vara |
sevitavyo naravyāghra pretya ceha sukhārthinā || 44 ||
[Analyze grammar]

sa rājanmokṣyase pāpāttena pūrveṇa hetunā |
trāṇārthaṃ vā vadhenaiṣāmatha vā nṛpakarmaṇā || 45 ||
[Analyze grammar]

atha vā te ghṛṇā kācitprāyaścittaṃ cariṣyasi |
mā tvevānāryajuṣṭena karmaṇā nidhanaṃ gamaḥ || 46 ||
[Analyze grammar]