Chapter 152

saṃjaya uvāca |
tamāgatamabhiprekṣya bhīmakarmāṇamāhave |
harṣamāhārayāṃ cakruḥ kuravaḥ sarva eva te || 1 ||
[Analyze grammar]

tathaiva tava putrāste duryodhanapurogamāḥ |
aplavāḥ plavamāsādya tartukāmā ivārṇavam || 2 ||
[Analyze grammar]

punarjātamivātmānaṃ manvānāḥ pārthivāstadā |
alāyudhaṃ rākṣasendraṃ svāgatenābhyapūjayan || 3 ||
[Analyze grammar]

tasmiṃstvamānuṣe yuddhe vartamāne bhayāvahe |
karṇarākṣasayornaktaṃ dāruṇapratidarśane || 4 ||
[Analyze grammar]

upapraikṣanta pāñcālāḥ smayamānāḥ sarājakāḥ |
tathaiva tāvakā rājanghūrṇamānāstatastataḥ || 5 ||
[Analyze grammar]

cukruśurnedamastīti droṇadrauṇikṛpādayaḥ |
tatkarma dṛṣṭvā saṃbhrāntā haiḍimbasya raṇājire || 6 ||
[Analyze grammar]

sarvamāvignamabhavaddhāhābhūtamacetanam |
tava sainyaṃ mahārāja nirāśaṃ karṇajīvite || 7 ||
[Analyze grammar]

duryodhanastu saṃprekṣya karṇamārtiṃ parāṃ gatam |
alāyudhaṃ rākṣasendramāhūyedamathābravīt || 8 ||
[Analyze grammar]

eṣa vaikartanaḥ karṇo haiḍimbena samāgataḥ |
kurute karma sumahadyadasyaupayikaṃ mṛdhe || 9 ||
[Analyze grammar]

paśyaitānpārthivāñśūrānnihatānbhaimaseninā |
nānāśastrairabhihatānpādapāniva dantinā || 10 ||
[Analyze grammar]

tavaiṣa bhāgaḥ samare rājamadhye mayā kṛtaḥ |
tavaivānumate vīra taṃ vikramya nibarhaya || 11 ||
[Analyze grammar]

purā vaikartanaṃ karṇameṣa pāpo ghaṭotkacaḥ |
māyābalamupāśritya karśayatyarikarśanaḥ || 12 ||
[Analyze grammar]

evamuktaḥ sa rājñā tu rākṣasastīvravikramaḥ |
tathetyuktvā mahābāhurghaṭotkacamupādravat || 13 ||
[Analyze grammar]

tataḥ karṇaṃ samutsṛjya bhaimasenirapi prabho |
pratyamitramupāyāntaṃ mardayāmāsa mārgaṇaiḥ || 14 ||
[Analyze grammar]

tayoḥ samabhavadyuddhaṃ kruddhayo rākṣasendrayoḥ |
mattayorvāśitāhetordvipayoriva kānane || 15 ||
[Analyze grammar]

rakṣasā vipramuktastu karṇo'pi rathināṃ varaḥ |
abhyadravadbhīmasenaṃ rathenādityavarcasā || 16 ||
[Analyze grammar]

tamāyāntamanādṛtya dṛṣṭvā grastaṃ ghaṭotkacam |
alāyudhena samare siṃheneva gavāṃ patim || 17 ||
[Analyze grammar]

rathenādityavapuṣā bhīmaḥ praharatāṃ varaḥ |
kirañśaraughānprayayāvalāyudharathaṃ prati || 18 ||
[Analyze grammar]

tamāyāntamabhiprekṣya sa tadālāyudhaḥ prabho |
ghaṭotkacaṃ samutsṛjya bhīmasenaṃ samāhvayat || 19 ||
[Analyze grammar]

taṃ bhīmaḥ sahasābhyetya rākṣasāntakaraḥ prabho |
sagaṇaṃ rākṣasendraṃ taṃ śaravarṣairavākirat || 20 ||
[Analyze grammar]

tathaivālāyudho rājañśilādhautairajihmagaiḥ |
abhyavarṣata kaunteyaṃ punaḥ punarariṃdamaḥ || 21 ||
[Analyze grammar]

tathā te rākṣasāḥ sarve bhīmasenamupādravan |
nānāpraharaṇā bhīmāstvatsutānāṃ jayaiṣiṇaḥ || 22 ||
[Analyze grammar]

sa tāḍyamāno balibhirbhīmaseno mahābalaḥ |
pañcabhiḥ pañcabhiḥ sarvāṃstānavidhyacchitaiḥ śaraiḥ || 23 ||
[Analyze grammar]

te vadhyamānā bhīmena rākṣasāḥ kharayonayaḥ |
vinedustumulānnādāndudruvuśca diśo daśa || 24 ||
[Analyze grammar]

tāṃstrāsyamānānbhīmena dṛṣṭvā rakṣo mahābalam |
abhidudrāva vegena śaraiścainamavākirat || 25 ||
[Analyze grammar]

taṃ bhīmasenaḥ samare tīkṣṇāgrairakṣiṇoccharaiḥ |
alāyudhastu tānastānbhīmena viśikhānraṇe |
ciccheda kāṃścitsamare tvarayā kāṃścidagrahīt || 26 ||
[Analyze grammar]

sa taṃ dṛṣṭvā rākṣasendraṃ bhīmo bhīmaparākramaḥ |
gadāṃ cikṣepa vegena vajrapātopamāṃ tadā || 27 ||
[Analyze grammar]

tāmāpatantīṃ vegena gadāṃ jvālākulāṃ tataḥ |
gadayā tāḍayāmāsa sā gadā bhīmamāvrajat || 28 ||
[Analyze grammar]

sa rākṣasendraṃ kaunteyaḥ śaravarṣairavākirat |
tānapyasyākaronmoghānrākṣaso niśitaiḥ śaraiḥ || 29 ||
[Analyze grammar]

te cāpi rākṣasāḥ sarve sainikā bhīmarūpiṇaḥ |
śāsanādrākṣasendrasya nijaghnū rathakuñjarān || 30 ||
[Analyze grammar]

pāñcālāḥ sṛñjayāścaiva vājinaḥ paramadvipāḥ |
na śāntiṃ lebhire tatra rakṣasairbhṛśapīḍitāḥ || 31 ||
[Analyze grammar]

taṃ tu dṛṣṭvā mahāghoraṃ vartamānaṃ mahāhave |
abravītpuruṣaśreṣṭho dhanaṃjayamidaṃ vacaḥ || 32 ||
[Analyze grammar]

paśya bhīmaṃ mahābāho rākṣasendravaśaṃ gatam |
padavīmasya gaccha tvaṃ mā vicāraya pāṇḍava || 33 ||
[Analyze grammar]

dhṛṣṭadyumnaḥ śikhaṇḍī ca yudhāmanyūttamaujasau |
sahitā draupadeyāśca karṇaṃ yāntu mahārathāḥ || 34 ||
[Analyze grammar]

nakulaḥ sahadevaśca yuyudhānaśca vīryavān |
itarānrākṣasānghnantu śāsanāttava pāṇḍava || 35 ||
[Analyze grammar]

tvamapīmāṃ mahābāho camūṃ droṇapuraskṛtām |
vārayasva naravyāghra mahaddhi bhayamāgatam || 36 ||
[Analyze grammar]

evamukte tu kṛṣṇena yathoddiṣṭā mahārathāḥ |
jagmurvaikartanaṃ karṇaṃ rākṣasāṃścetarānraṇe || 37 ||
[Analyze grammar]

atha pūrṇāyatotsṛṣṭaiḥ śarairāśīviṣopamaiḥ |
dhanuściccheda bhīmasya rākṣasendraḥ pratāpavān || 38 ||
[Analyze grammar]

hayāṃścāsya śitairbāṇaiḥ sārathiṃ ca mahābalaḥ |
jaghāna miṣataḥ saṃkhye bhīmasenasya bhārata || 39 ||
[Analyze grammar]

so'vatīrya rathopasthāddhatāśvo hatasārathiḥ |
tasmai gurvīṃ gadāṃ ghorāṃ sa vinadyotsasarja ha || 40 ||
[Analyze grammar]

tatastāṃ bhīmanirghoṣāmāpatantīṃ mahāgadām |
gadayā rākṣaso ghoro nijaghāna nanāda ca || 41 ||
[Analyze grammar]

taddṛṣṭvā rākṣasendrasya ghoraṃ karma bhayāvaham |
bhīmasenaḥ prahṛṣṭātmā gadāmāśu parāmṛśat || 42 ||
[Analyze grammar]

tayoḥ samabhavadyuddhaṃ tumulaṃ nararakṣasoḥ |
gadānipātasaṃhrādairbhuvaṃ kampayatorbhṛśam || 43 ||
[Analyze grammar]

gadāvimuktau tau bhūyaḥ samāsādyetaretaram |
muṣṭibhirvajrasaṃhrādairanyonyamabhijaghnatuḥ || 44 ||
[Analyze grammar]

rathacakrairyugairakṣairadhiṣṭhānairupaskaraiḥ |
yathāsannamupādāya nijaghnaturamarṣaṇau || 45 ||
[Analyze grammar]

tau vikṣarantau rudhiraṃ samāsādyetaretaram |
mattāviva mahānāgāvakṛṣyetāṃ punaḥ punaḥ || 46 ||
[Analyze grammar]

tamapaśyaddhṛṣīkeśaḥ pāṇḍavānāṃ hite rataḥ |
sa bhīmasenarakṣārthaṃ haiḍimbaṃ pratyacodayat || 47 ||
[Analyze grammar]