Chapter 50

śrīnaranārāyaṇa uvāca |
śṛṇu badrīpriye devi kathāṃ nindakayoṣitaḥ |
bālavane pure tvāsīnnāstikā dveṣakāriṇī || 1 ||
[Analyze grammar]

dvirvadantītināmnyeva prasiddhā śūdrabhāminī |
anapatyā rugṇapatibhāryā sarvasya nindikā || 2 ||
[Analyze grammar]

yasya kasyāpi śraiṣṭhyaṃ vā'bhyudayaṃ sā śṛṇoti cet |
khaṇḍayatyeva sāmarṣā svabhāvājjvalanātmikā || 3 ||
[Analyze grammar]

tejodveṣakarī cāpyasahamānā'nyagauravam |
nindatyeva satī lokān sajjanāṃśca satīstathā || 4 ||
[Analyze grammar]

vipraṃ guruṃ pitarau ca vṛddhān kuṭumbino'pi ca |
nṛpaṃ rājñīṃ satīṃ sādhvīṃ sādhūnnindati vai vṛthā || 5 ||
[Analyze grammar]

etādṛśyāstu nindāyāḥ pāpaṃ tasyā mahaddhyabhūt |
anapatyā tataścāste rugṇaścāsyāḥ patistathā || 6 ||
[Analyze grammar]

nindanaṃ khananaṃ proktaṃ bhāgyasya vaṃśajasya ca |
vaṃśasyocchedanaṃ tena pāpena jāyate tataḥ || 7 ||
[Analyze grammar]

narake vasatiḥ syācca nirvaṃśasya mṛtasya vai |
puṇyanāśo nindayā syād dharmanāśo'pi nindayā || 8 ||
[Analyze grammar]

yaśohānirnindayā cā'nṛtaṃ sarvaṃ hi nindayā |
mṛṣā kṣepo nindayā syādanartho nindayā bhavet || 9 ||
[Analyze grammar]

aparādho nindayā syād devadharmādikhaṇḍanam |
nindayā śāstranāstikyaṃ vratotsavādikhaṇḍanam || 10 ||
[Analyze grammar]

evamādīni pāpāni prajāyante hi nindayā |
nindāsvabhāvinī nārī nindati svapatiṃ hyapi || 11 ||
[Analyze grammar]

mātaraṃ pitaraṃ śvaśrūṃ śvaśuraṃ nindati hyapi |
yoginaṃ ca mahātmānaṃ guruṃ pūjyaṃ pareśvaram || 12 ||
[Analyze grammar]

lakṣmīṃ rādhāṃ māṇikīṃ ca lalitāṃ cāpi nindati |
muktān muktānikāścāpi mandirāṇi harestathā || 13 ||
[Analyze grammar]

devālayān daivijanān satpuruṣān vinindati |
kathāṃ mokṣakarīṃ mokṣaṃ svagṛhaṃ ca paragṛham || 14 ||
[Analyze grammar]

nindatyeṣā caritrāṇi śrīkṛṣṇasyāpi sarvathā |
pāvanāni ca kāryāṇi tīrthānyapi ca nindati || 15 ||
[Analyze grammar]

yajñayāgādikaṃ ceṣṭāpūrttaṃ cāpi vinindati |
nindakaḥ sarvathā dveṣyakāraṇakaḥ prajāyate || 16 ||
[Analyze grammar]

tasmānnindā mahāpāpaṃ duṣṭanirayasadṛśam |
adhonirayadā nindā mahārauravadāyinī || 17 ||
[Analyze grammar]

vaṃśanāśakarī nindā badrike'rthavināśinī |
evaṃpāpābhisaṃvyāptā dvirvadantī tu śūdrikā || 18 ||
[Analyze grammar]

śuśrāva lokamukhato māhātmyaṃ pāpanāśakam |
saṃhitāyāḥ kathāyā vai kṛṣṇanārāyaṇasya ca || 19 ||
[Analyze grammar]

dvirvadantī patiṃ prāha nāmnā dvirgarjanaṃ tadā |
śarkarānagare kṛṣṇanārāyaṇasya gauravam || 20 ||
[Analyze grammar]

śrūyate ca camatkāraḥ pratyakṣadarśanaṃ tathā |
kathāyāḥ śravaṇaṃ cāpi sarvapāpavināśanam || 21 ||
[Analyze grammar]

gacchanti tīrthayātrārthaṃ mānavāstatra saṃghaśaḥ |
na manye'haṃ tādṛśaṃ vai māhātmyaṃ tīrthabhūmijam || 22 ||
[Analyze grammar]

tīrthaṃ vrataṃ kathā yātrā dānaṃ sarvaṃ mṛṣā sadā |
kiṃ tīrthena kathayā vā vṛthā yānti janāḥ khalāḥ || 23 ||
[Analyze grammar]

gatānugatiko loko luṇṭako miṣamātrakṛt |
vṛthā gāyanti māhātmyaṃ lokāḥ kṛṣṇasya tatra vai || 24 ||
[Analyze grammar]

svāmin kiṃ tadbhavet satyaṃ mayā'nṛtaṃ tu manyate |
kapaṭaṃ sarvamevaitajjaḍānāṃ tat pratāraṇam || 25 ||
[Analyze grammar]

ityuktaḥ sa patirnāmnā dvirgarjano jagāda tām |
maivaṃ maivamavocastat satyamevā'nṛtaṃ nahi || 26 ||
[Analyze grammar]

satyo nārāyaṇaḥ kṛṣṇaḥ satyā kathā'ghahāriṇī |
satyaḥ sarvaścamatkāro māhālayaṃ ca ṛtaṃ hareḥ || 27 ||
[Analyze grammar]

tīrthaṃ vrataṃ kathā yātrā dānaṃ sarvamṛtaṃ priye |
tīrthena kathayā'ghānāṃ kṣālanaṃ jāyate priye || 28 ||
[Analyze grammar]

na loko luṇṭakaḥ patni na gatānugato'pi ca |
yatra śrībhagavadvārtāyajño bhavati sarvathā || 29 ||
[Analyze grammar]

vārṣikaḥ sa mahāyajñastatroddharanti pāpinaḥ |
nindikā nāstikā tvaॆ tu pāpā pāpamayī sadā || 30 ||
[Analyze grammar]

pāpameva kalpayasi nindanaṃ prakaroṣi ca |
kiṃ tvayā nindayā bhārye prāpyate duṣṭavādini || 31 ||
[Analyze grammar]

maivaṃ punaravoco māṃ na śroṣyāmi hi nindanam |
nindāphalaṃ mahāghoraṃ bhujyate tvanapatyatā || 32 ||
[Analyze grammar]

punarnindāphalena tvaṃ prayāsyasi yamālayam |
ityuktā sā dvirvadantī prāhā'nṛto yamālayaḥ || 33 ||
[Analyze grammar]

na yamā na yamāvāso bālānāṃ bhayameva tat |
asatyā vai yamāḥ sarve yamālayo'nṛtālayaḥ || 34 ||
[Analyze grammar]

evamāha tadā tāṃ ca patiḥ prāha hitāvaham |
duṣṭe vīkṣya camatkāraṃ satyaॆ sarvamavāpsyasi || 35 ||
[Analyze grammar]

pāpaphalaṃ bhavatyeva kṛṣṇanindotthamulbaṇam |
tadā jñāsyasi satyaṃ tad yamālayaṃ yamānapi || 36 ||
[Analyze grammar]

virarāma patistūktvā sāpi nāstikyabhāvataḥ |
nindatyeva hariṃ dharmaṃ kathāṃ sādhūn yamādikān || 37 ||
[Analyze grammar]

tāvadevāmbarāttatra yamadūto viniryayau |
śrutvā vākyaṃ dvirvadantyāḥ ṛddhaśca darśanaṃ gatāḥ || 38 ||
[Analyze grammar]

adṛśyata karālo'ti parvataprāyadehavān |
daṃṣṭrākarālaḥ kṛṣṇaśca kajjalābho bhayāvahaḥ || 39 ||
[Analyze grammar]

ūrdhvaromā bahirdanto raktasphāritanetrakaḥ |
mahāmudgarahetiśca lalajjihvo vivastrakaḥ || 40 ||
[Analyze grammar]

vajrakāṭhinyapuṣṭaśca mahākapardimālikaḥ |
śaṃkukarṇo dviśṛṃgaśca dīrghapāśāḍhyahastakaḥ || 41 ||
[Analyze grammar]

loṣṭhaśṛkhalāskandhaśca baddhā'yomekhalākaṭiḥ |
lohadaṇḍaṃ saśūlaṃ ca kare dadhan saroṣakaḥ || 42 ||
[Analyze grammar]

udyamya mudgaraṃ vegāt kruddhastāḍayituṃ ca tām |
abhyāyau dvirvadantīṃ garjayan sarvato diśaḥ || 43 ||
[Analyze grammar]

tāvat sā taṃ vilokyaivā'bhavat trastā savepathuḥ |
śaithilyadehabandhāśca tyaktaviṇmūtramūrchitā || 44 ||
[Analyze grammar]

ākrośaṃ duḥśravaṃ kṛtvā papāta tatra bhūtale |
rakṣāṃ rakṣāṃ karotvevaṃ vadamānā papāta sā || 45 ||
[Analyze grammar]

prasāritāṃ'ghrihastā cottānā vyāttānanā'bhavat |
svedaklinnā'bhavat tāvad yamadūtena vai krudhā || 46 ||
[Analyze grammar]

tāḍitā mudgareṇaiva śikṣārthaṃ dvirvadantikā |
mahākaṣṭaṃ ca lebhe sā drutaṃ bhagnā'sthikā'bhavat || 47 ||
[Analyze grammar]

cūrṇadehā mahāmāramāpannā maraṇonmukhī |
sañjātā sā tadā dūtaḥ pasparśa tāṃ kareṇa vai || 48 ||
[Analyze grammar]

sampannadehā sañjātā yathāpūrvaśarīriṇī |
punaḥ sā gadayā vahni tāḍitā śikṣaṇāya vai || 49 ||
[Analyze grammar]

bhagnavaṃśā bhagnadehā prabhagnamastaka'bhavat |
vihvalā cūrṇitadehā sravadraktā'bhito'bhavat || 50 ||
[Analyze grammar]

tathāpi sā sthiraprāṇā mahākaṣṭamavāpa ha |
punaḥ kareṇa dūtastaṃ pasparśa sā samantataḥ || 51 ||
[Analyze grammar]

yathāpūrvaśarīrā sā'bhavat tāvad yamānugaḥ |
lohadaṇḍena tāṃ pṛṣṭhe mārayāmāsa vai balāt || 52 ||
[Analyze grammar]

praphullapṛṣṭhabhāgā sā mahāmāraprapīḍitā |
ākrandanaṃ mahaccakre muktakaṇṭhā'titāḍitā || 93 ||
[Analyze grammar]

pāśenā''badhya tāṃ dūtastasthau nagnāṃ vidhāya vai |
prakāśaṃ vyaktarūpo'bhūd gocaraḥ sarvadehinām || 54 ||
[Analyze grammar]

ākrandanaṃ mahacchrutvā patiḥ pārśvanivāsinaḥ |
narā nāryaḥ prapaśyanto mahātrāsā'tivihvalāḥ || 55 ||
[Analyze grammar]

dūre eva sthitāstrastā nā''yayuḥ sannidhau bhayāt |
dūtadarśanamātreṇa nirbalā viviśurgṛham || 56 ||
[Analyze grammar]

dūtastu tāṃ mahāpāpāṃ sarveṣāṃ śṛṇvatāṃ tadā |
garjayan digvibhāgāṃśca jagāda marmabhedakam || 57 ||
[Analyze grammar]

raṇḍe duṣṭe pāpakartri nindike nāstiki khale |
kathaṃ nindasi dharmaṃ tvaṃ vrataṃ puṇyaṃ hariṃ kathām || 58 ||
[Analyze grammar]

kasmānnindasi sādhūṃstvaṃ vaṃśavināśakāriṇi |
jihvāṃ te kartayiṣyāmi karṇau ca nāsikāṃ tathā || 59 ||
[Analyze grammar]

bhedayiṣyāmi vakṣojau nāśayiṣyāmi mastakam |
mūrdhajān kartayiṣyāmi pāṭayiṣye'rdhavarṣma te || 60 ||
[Analyze grammar]

tvacaṃ cotkartayiṣyāmi pātayiṣyāmi dantakān |
udaraṃ troṭayiṣyāmi vahniṃ dāsyāmi guhyake || 61 ||
[Analyze grammar]

lauhena śaṃkunā dehaṃ bhedayiṣyāmi pāpini |
kathaṃ tvaṃ nindasi sarvān mṛṣāvādān prakatthase || 62 ||
[Analyze grammar]

yamadūtān yamaṃ naiva gaṇayasyatināstike |
jīvato mārayiṣyāmi punarnaivaṃ kṛthā yathā || 63 ||
[Analyze grammar]

vadanneva mamāraināṃ pāśabaddhāṃ vaśaṃgatām |
sparśena sajvarā cāpi kurvanmuhurgatajvarām || 64 ||
[Analyze grammar]

hāhākāro mahān jāto nagare tatra sarvaśaḥ |
rakṣako nahi tatrā''sīd balavān harimantarā || 65 ||
[Analyze grammar]

sā tadā'timahāduḥkhā tāḍyamānā nirāśrayā |
anāthā nāstikā svārtharakṣārthaṃ tvāstikā'bhavat || 66 ||
[Analyze grammar]

sasmāra śrīkṛṣṇanārāyaṇaṃ trātāramacyutam |
hṛdaye prāñjalirbhūtvā dadhyau śrīpārśvagaṃprabhum || 67 ||
[Analyze grammar]

tāvad dūto nijahetīn vṛtvā mārānnyavartata |
tadā jñātavatī duṣṭā kṛṣṇasmṛterbalaṃ mahat || 68 ||
[Analyze grammar]

atha kaṣṭā'timagnā sā vyājahāra hare hare |
kṛṣṇanārāyaṇasvāminnārāyaṇanarāyaṇa || 69 ||
[Analyze grammar]

tāvad dūtaḥ sthalaṃ tyaktvā dudrāva dūrato yayau |
adṛśyatāṃ gato vyomni durvadantī sukhaṃ gatā || 70 ||
[Analyze grammar]

svāsthyamāsādya cotthāya dhṛtvā vastrāṇi varṣmaṇi |
galitagarvā lokena dhikkṛtā ca tiraskṛtā || 71 ||
[Analyze grammar]

viveśa lajjitā tūrṇaṃ svaṃ gṛhaṃ cāpyaghomukhī |
viveda kṛṣṇamāhātmyaṃ māhātmyaṃ kṛṣṇasaṃsmṛteḥ || 72 ||
[Analyze grammar]

kṛṣṇanāmnāṃ ca māhātmyaṃ viveda yāmyamārataḥ |
atha sā svapatiṃ prāha śreyase pāpanuttaye || 73 ||
[Analyze grammar]

saṃhitāyāḥ kathāsthānaṃ gantavyaṃ tīrtharūpi yat |
yatra pārāyaṇaṃ mokṣapradaṃ pāpaghnamuttamam || 74 ||
[Analyze grammar]

anādiśrīkṛṣṇanārāyaṇasyāsti kathāmṛtam |
tatpānārthaṃ ca sādhūnāṃ sevārthaṃ gamyameva tat || 75 ||
[Analyze grammar]

yāmyaduḥkhavināśārthaṃ gantavyaṃ tatra sarvathā |
ityuktaḥ svapatistvāha tathāstvevaṃ kuru priye || 76 ||
[Analyze grammar]

mayāpi śreyase tatrā''gantavyaṃ mokṣade sthale |
ityevaṃ badrike kṛtvā niścayaṃ tau tu dampatī || 77 ||
[Analyze grammar]

sajjāvabhavatāṃ tūrṇaṃ padbhyāṃ mārgeṇa nirgatau |
prāpya vai śarkarābhūmiṃ snātvā sindhujale tataḥ || 78 ||
[Analyze grammar]

saṃhitāyā maṇḍapau tau gatvā vṛttāntamātmanoḥ |
nivedayāmāsaturvai lomaśāya mahātmane || 79 ||
[Analyze grammar]

lomaśastatsamaye ca dadau kṛṣṇapadāmṛtam |
vāri prasādaṃ miṣṭaṃ ca vrataṃ dadau tataḥ param || 80 ||
[Analyze grammar]

ekabhuktaṃ nityakathāśravaṇaṃ sādhusevanam |
prasādabhojanaṃ cāpi sabhāsthānādimārjanam || 81 ||
[Analyze grammar]

vaiṣṇavānāṃ dehasaṃvāhanādikaṃ ca pratyaham |
sevāvrataṃ dadau tābhyāṃ tathā mantraṃ sukhapradam || 82 ||
[Analyze grammar]

oṃ namaḥ śrīkṛṣṇanārāyaṇāya pataye svāhā |
kṛṣṇanārāyaṇasvāminnārāyaṇanarāyaṇa || 83 ||
[Analyze grammar]

anādiśrīkṛṣṇanārāyaṇabhaktaparāyaṇa |
evaṃ dhunyaṃ sadā kartuṃ śikṣayāmāsa nāma ca || 84 ||
[Analyze grammar]

tau tataḥ pāvanau nityaṃ dhunyaṃ vidadhataḥ śubham |
naṣṭapāpau gatakleśau kathāśravaṇapāvitau || 85 ||
[Analyze grammar]

sādhusevādibhirnaṣṭavāsanau saṃbabhūvatuḥ |
māsamātraṃ śrutavantau pārāyaṇakathāmṛtam || 86 ||
[Analyze grammar]

divārātraṃ satāṃ sevāṃ cakratuśca yathocitām |
sarvasvārpaṇabhāvau tau sādhuprasādabhojinau || 87 ||
[Analyze grammar]

bhaktimantau snehavantau babhūvaturnarāyaṇe |
kṛtadhyānau nimagnau ca harermūrtau babhūvatuḥ || 88 ||
[Analyze grammar]

nindāpāpaṃ samastaṃ tat satsevayā layaṃ gatam |
mahimā sādhuṣu kṛṣṇanārāyaṇe vyavardhata || 89 ||
[Analyze grammar]

athā''yuḥpūrṇatāṃ prāptau gatasaṃsārabandhanau |
dvirgarjano dvirvadantī hyubhau pārāyaṇasthale || 90 ||
[Analyze grammar]

māghe vasantapañcamyāṃ vasantotsavanottaram |
prāptamūrchau drutaṃ tyaktvā dehau divyau babhūvatuḥ || 91 ||
[Analyze grammar]

dehābhyāṃ ṣoḍaśavarṣau divyābhyāṃ taijasānvitau |
paśyatāṃ sarvalokānāṃ gocarau sundarau śubhau || 92 ||
[Analyze grammar]

divyabhūṣaṇamālāḍhyau divyagandhānugandhitau |
divyaveṣābhisampannau muktau tau sambabhūvatuḥ || 93 ||
[Analyze grammar]

tāvattatra samāyātaṃ vimānaṃ bhāsvaraṃ śubham |
sauvarṇaṃ tejasā vyāptaṃ vyomamārgādavātarat || 94 ||
[Analyze grammar]

yatra nārāyaṇasvāmī kṛṣṇanārāyaṇo hariḥ |
śriyā sākaṃ vimāne śrīmāṇikyayā yuto'bhavat || 95 ||
[Analyze grammar]

divyamālāmbarabhūṣādivyaśṛṃgāraśobhanaḥ |
divyābhiśca samastābhiḥ śaktibhiḥ parisevitaḥ || 96 ||
[Analyze grammar]

hasan prasādaṃ janayan paśyatāṃ sarvadehinām |
tau dvau muktau vimāne sve nītvā dhāmā'kṣaraṃ yayau || 97 ||
[Analyze grammar]

jayaśabdā jayanādāstadā'bhavan samantataḥ |
evaṃ śrībadrike kṛṣṇanārāyaṇaḥ priyeśvaraḥ || 98 ||
[Analyze grammar]

kathāśravaṇapuṇyena satāṃ sevāphalena ca |
nināya tau mahābhaktau kṛpayā svā'kṣaraṃ padam || 99 ||
[Analyze grammar]

śaraṇāgatabhaktānāṃ gaṇayatyeva naiva saḥ |
dūṣaṇānyaparādhān śrīkṛṣṇanārāyaṇaprabhuḥ || 100 ||
[Analyze grammar]

dayāluḥ sa dayāṃ kṛtvā śaraṇāgatarakṣakaḥ |
āpadduḥkhaṃ vārayati nayatyakṣaramuttamam || 101 ||
[Analyze grammar]

paṭhanācchravaṇādasya smaraṇāccintanādapi |
bhuktiḥ svargaṃ badri muktiḥ kṛṣṇasya kṛpayā bhavet || 102 ||
[Analyze grammar]

iti śrīlakṣmīnārāyaṇīyasaṃhitāyāṃ caturthe tiṣyasantāne sarvanindāparāyaṇayoḥ dvirvadantīdvirgajanayoryamadūtadarśanottaraṃ saṃhitāśravaṇārthaṃgatayoḥ kṛpālurbhagavān paramamuktiṃ kṛtavānityādinirūpaṇanāmā pañcāśattamo'dhyāyaḥ || 50 ||
[Analyze grammar]