Chapter 49

śrīnaranārāyaṇa uvāca |
śṛṇu badrīpriye devi cakriṇyāḥ śobhanāṃ kathām |
āsīt kālāntake rāṣṭre gaṇḍavātābhidhā satī || 1 ||
[Analyze grammar]

bhāryā sā yāskavādasya cakriṇo yantrakāriṇaḥ |
putraputrīyutā cāpi kuṭumbinī suviśrutā || 2 ||
[Analyze grammar]

yasyā gṛhe lohayantrāṇyutpadyante sahasraśaḥ |
ikṣupeṣaṇayantrāṇi tilapeṣaṇakāni ca || 3 ||
[Analyze grammar]

bījapeṣaṇayantrāṇi rasotpādanakānyapi |
evaṃvidhāni lauhāni dhātujāni bhavanti ca || 4 ||
[Analyze grammar]

kalābhirdhāturasajānyapi praḍhālakāni ca |
yaṃtrāṇāṃ vikrayaṃ sā tu karoti nityameva ha || 5 ||
[Analyze grammar]

krayaṃ karoti bījānāṃ tailārthaṃ sarvatastathā |
nijagṛhe'pi yantrāṇi calanti viṃśatistadā || 6 ||
[Analyze grammar]

bhramanti tailapeṣāṇi cekṣupeṣāṇi viṃśatiḥ |
cakrāṇāṃ vikrayaṃ nityaṃ bhagnānāṃ yojanaṃ punaḥ || 7 ||
[Analyze grammar]

sandhānaṃ khaṇḍitānāṃ ca kārayatyapi sā satī |
yasyā vaśe karmacārāḥ sahasraśo bhavanti vai || 8 ||
[Analyze grammar]

sahasraśaḥ karmacāriṇyo'pi kurvanti tatkriyāḥ |
pravartante tu yantrāṇi mahiṣoṣṭrakharādibhiḥ || 9 ||
[Analyze grammar]

nāṇakāni pralabhyante sahasrāṇi daśā'nvaham |
evaṃvidhā mahārājñī yathā tathā tu sā satī || 10 ||
[Analyze grammar]

dravyāḍhyā mānavāḍhyā ca sattāḍhyā paśupālinī |
cakriṇī sā dīrgharāṣṭre prasiddhā''sīt kalāvatī || 11 ||
[Analyze grammar]

badrike sā praśuśrāva māhātmyaṃ janavarṇitam |
saṃhitāyāḥ kathājanyaṃ pratāpaṃ mokṣadaṃ param || 12 ||
[Analyze grammar]

sā jānāti mahācakrapeṣaṇaiḥ pāpasañcayam |
bījādau jīvajantūnāṃ peṣaṇādisamudbhavam || 13 ||
[Analyze grammar]

sūnānāṃ ca phalaṃ yāmyapuryāṃ kaṣṭaprabhogitām |
nārakīṃ ca gatiṃ nimnāṃ jānātyevātikaṣṭadām || 14 ||
[Analyze grammar]

tatpāpānāṃ praśāntyarthaṃ jijñāsāpreritā tu sā |
kathāśravaṇe śraddhāḍhyā kṛtabuddhirvyajāyata || 15 ||
[Analyze grammar]

prāha svasvāminaṃ sādhvī pārāyaṇaṃ prajāyate |
śarkarānagare svāmin sarvapāpapraṇāśanam || 16 ||
[Analyze grammar]

camatkārāśca bahavaḥ śrūyante pāpanāśakāḥ |
mokṣado bhagavāṃstatra dṛśyate kṛpayā'dhunā || 17 ||
[Analyze grammar]

vayaṃ tu pāpino nityaṃ cakriṇaḥ cakrapeṣaṇāḥ |
pāpināṃ na gatiḥ śreṣṭhā nārakī gatirīritā || 18 ||
[Analyze grammar]

rājyaṃ rāṣṭraṃ samastaṃ vā yadgṛhe vartate hyapi |
dehānte niraye vāsaścet sarvaṃ tannirarthakam || 19 ||
[Analyze grammar]

dhanaṃ cākṣayakośātma dāsā dāsyo'yutānyapi |
dehānte narake vāsaścettatsarvaṃ nirarthakam || 20 ||
[Analyze grammar]

vāṭīkṣetrāṇi cārāmā udyānāni gṛhāṇyapi |
dehānte narake vāsaścettatsarvaṃ nirarthakam || 21 ||
[Analyze grammar]

prāsādāḥ svarṇakalaśā dhvajāropasuśobhanāḥ |
sampadaḥ kṣayahīnāścā'saṃkhyātā api sarvathā || 22 ||
[Analyze grammar]

dehānte narake vāsaścettatsarvaṃ nirarthakam |
mahiṣīgogajavājikramelakakareṇukāḥ || 23 ||
[Analyze grammar]

haṃsagaruḍamenādyāḥ śukasārasacātakāḥ |
dehānte narake vāsaścettatsarvaṃ nirarthakam || 24 ||
[Analyze grammar]

patnyo bahvyastathā putrāḥ putryo vaṃśe ca pautrakāḥ |
svasāro bhrātaro vṛddhā bāndhavā mātaraḥ striyaḥ || 25 ||
[Analyze grammar]

patayo dāsavargāśca dāsyaścāpi sahasraśaḥ |
apyante narake vāsastadā sarvaṃ nirarthakam || 26 ||
[Analyze grammar]

vyāpārā bahavaṃścāpi śakaṭīnāṃ sahasrakam |
yantrāṇāmayutaṃ cāpi vāhanānāṃ sahasrakam || 27 ||
[Analyze grammar]

ānantyaṃ cāpi bhogānāṃ kīrtīnāmutsavāstathā |
vidyante'pi ca dehānte nārakī cennirarthakāḥ || 28 ||
[Analyze grammar]

tasmāt svāminnātmakalyāṇārthaṃ vicintayāmyaham |
pāpānāṃ nāśanaṃ dānaiḥ satāṃ sevādibhistathā || 29 ||
[Analyze grammar]

kathānāṃ śravaṇaiḥ syācca puṇyodayo bhavedapi |
naiṣā smṛddhiḥ puṇyadā'sti hiṃsātmikā tu cakriṇī || 30 ||
[Analyze grammar]

sā smṛddhiḥ puṇyakāryārthaṃ yojanīyeti me matiḥ |
lakṣādhikaṃ nāṇakaṃ vai labdhvā yāmaḥ kathāsthalīm || 31 ||
[Analyze grammar]

śroṣyāmaḥ satkathāṃ nityaṃ dāsyāmo nāṇakādikam |
kariṣyāmaścātmaśuddhiṃ lapsyāmaścātmano hitam || 32 ||
[Analyze grammar]

drakṣyāmaḥ śrīpatiṃ kṛṣṇaṃ prāpsyāmaḥ paramaṃ padam |
pradhānasyā'gryabhṛtyasya kṛtvā''tmasāt samastakam || 33 ||
[Analyze grammar]

asaṃkhyaṃ vā dhanaṃ nītvā gacchāmo vai kathāsthalīm |
jīvane niścayo nāsti nedaṃ sahā''gamiṣyati || 34 ||
[Analyze grammar]

dharmakarma mahādānaṃ satāṃ prasannatā vratam |
kṛṣṇabhaktiḥ kathāpuṇyaṃ paraloke sahāyadāḥ || 35 ||
[Analyze grammar]

tatkṛtvā'kṣayapuṇyātmadhanaṃ samarjya sarvathā |
mokṣamārge gamiṣyāmo mā vṛthākleśamāvaha || 36 ||
[Analyze grammar]

ityuktaḥ svapatirnāryā mumukṣuścātmavānapi |
sammatiṃ pradadau tasyai yātrārthaṃ muktihetave || 37 ||
[Analyze grammar]

prasannā gaṇḍavātā sā sajjā'bhavattato drutam |
śataputrasutāyuktā śatadāsīsamanvitā || 38 ||
[Analyze grammar]

śatadāsairyutā pautraidviśatāmyāṃ samanvitā |
snuṣābhiḥ sahitā bālairbālikābhiryutā tathā || 39 ||
[Analyze grammar]

vṛddhābhiḥ sahitā rakṣākṛdbhiśca sadbhaṭairyutā |
dveśate śakaṭānāṃ ca vājināṃ dveśate tathā || 40 ||
[Analyze grammar]

uṣṭrāṇāṃ viṃśatiṃ cāpi vṛṣabhāṇāṃ śataṃ tathā |
bhāravāhārthamevaiṣā payodānāṃ gavāṃ śatam || 41 ||
[Analyze grammar]

bhojanānāmapāraṃ ca vastrāṇāṃ cāpyanantakam |
pātrāṇāmapyasaṃkhyatvaṃ nītvā sajjā'bhavattadā || 42 ||
[Analyze grammar]

yāskavādo'pi mudito yātrārthaṃ mokṣahetave |
sajjo babhūva nṛpavat koṭisvarṇasamanvitaḥ || 43 ||
[Analyze grammar]

sarvopaskaraṇairyuktaḥ śreṣṭhavimānamāsthitaḥ |
patnyā sākaṃ vimānena natvā gaṇeśamīśvaram || 44 ||
[Analyze grammar]

vyomnā tu śarkarābhūmiṃ yayau kuṭumbibhiḥ saha |
sārthavāhāśca bhṛtyāśca godhanaṃ sampado'pi ca || 45 ||
[Analyze grammar]

bhūmārgeṇa samāyātaṃ sāyaṃ tu śarkarāpuram |
tatrodyāne sindhutaṭe naije vyāpārayogini || 46 ||
[Analyze grammar]

uvāsa sarvasampanno yāskavādaḥ kuṭumbibhiḥ |
vyavasthāpya samastaṃ svaṃ sainyaṃ snātvā tataśca saḥ || 47 ||
[Analyze grammar]

patnyā yuto yayau śrīmallomaśaṃ draṣṭumutsukaḥ |
gatvā neme pupūjāpi hārdaṃ nyavedayattathā || 48 ||
[Analyze grammar]

lomaśo'pi śubhāśīrbhiḥ protsāhaṃ pradadau tadā |
dadau kṛṣṇāmṛtavāri prasādaṃ pradadau tathā || 49 ||
[Analyze grammar]

saṃhitāyāḥ sthalaṃ nītvā kārayāmāsa darśanam |
cakrī vyāsāsanaṃ vyāsaṃ pūjayāmāsa saddhanaiḥ || 50 ||
[Analyze grammar]

bahubhiścopacāraiśca vrataṃ jagrāha tatra ca |
sabhāryo nityamevā'nnaṃ grahīṣyāmyekabhaktakam || 51 ||
[Analyze grammar]

sādhusevāṃ kariṣyāmi kathāśravaṇamanvaham |
nityaṃ satāṃ bhojanāni dāsye yatheṣṭakānyapi || 52 ||
[Analyze grammar]

nityaṃ suvarṇadānāni vastradānāni nityaśaḥ |
nityaṃ prasādavāryādipānaṃ ca netaradgraham || 53 ||
[Analyze grammar]

svataḥprakāśavyāsasya payaḥpānādi sarvathā |
matsakāśādbhavecceti jagrāha niyamān sa tu || 54 ||
[Analyze grammar]

nityaṃ mālāśatāvarttapradakṣiṇaśatādikam |
daṇḍavanmantrajapanaṃ sahasravāramuttamam || 55 ||
[Analyze grammar]

evaṃvidhāṃstu niyamān tebhyo dadau hi lomaśaḥ |
dadau mantraṃ ca mālāśca nāma japārthamārpayat || 56 ||
[Analyze grammar]

oṃ namaḥ śrīkṛṣṇanārāyaṇāya pataye svāhā |
kṛṣṇanārāyaṇasvāmiprabhonārāyaṇeśvara || 57 ||
[Analyze grammar]

anādiśrīkṛṣṇanārāyaṇaśrīmādhavīśvara |
evaṃ datvā niyamāṃśca lomaśaḥ svāśramaṃ yayau || 58 ||
[Analyze grammar]

yāskavādādayaḥ sarve nivāsaṃ svaṃ yayustataḥ |
yathāniyamamevaite vartante sma sukhasthitāḥ || 59 ||
[Analyze grammar]

kathāyāḥ śravaṇaṃ nityaṃ prakurvanti samutsukāḥ |
sādhūnāṃ sevanaṃ sarve prakurvanti kṛtādarāḥ || 60 ||
[Analyze grammar]

niḥsaṃśayā dehasevāṃ sākṣāt kurvanti vai satām |
evaṃvidhānāṃ sahasā dhvastānyaghāni cakriṇām || 61 ||
[Analyze grammar]

narā nāryaḥ samastāste niṣpāpā hyabhavan drutam |
antaḥkapāṭaṃ nirbhinnaṃ jñānavanto'bhavan drutam || 62 ||
[Analyze grammar]

yāskavādo bhojanāni sādhubhyaścānvahaṃ dadau |
vastradānāni bahūni phaladānāni sandadau || 63 ||
[Analyze grammar]

iṣṭadānāni sarvāṇi godānāni dadau tathā |
dugdhadadhighṛtadānaṃ havyadānāni sandadau || 64 ||
[Analyze grammar]

kambalānāṃ pradānāni patradānāni vai dadau |
śṛṃgāravastudānāni pūjāyāṃ mūrtaye dadau || 65 ||
[Analyze grammar]

yānavāhanadāni chatracāmaradānakam |
upānaduṣṇīṣavarmadānaṃ bhūṣārpaṇaṃ vyadhāt || 66 ||
[Analyze grammar]

śayyādānaṃ cānnadānaṃ dhānyadānaṃ dadau tathā |
svarṇarūpyakamudrādidānaṃ ratnārpaṇaṃ vyadhāt || 67 ||
[Analyze grammar]

vācakāya dadau veṣāmbarāṇi kānakaṃ ghaṭam |
vibhūṣaṇāni sarvāṇi svarṇāmbarāṇi vai tathā || 68 ||
[Analyze grammar]

atha bhāryā gaṇḍavātā prasannamānasā tadā |
viprāṇībhyo dadau svarṇaṃ rūpyakaṃ bhūṣaṇāni ca || 69 ||
[Analyze grammar]

mauktikāni suratnāni hīrakān śāṭikā dadau |
kurcadhrīṃ ca kucadhrīṃ ca kacaloṃ colikāṃ dadau || 70 ||
[Analyze grammar]

suravālīṃ ghargharīṃ ca kucalīṃ kambalīṃ dadau |
raśanāṃ vālapāśīṃ ca lalāṭikāṃ ca karṇikām || 71 ||
[Analyze grammar]

ūrmikāṃ'gulīyakāni kaṃkaṇavalayān dadau |
kaṇṭhikāṃ cāṃgade svarṇamālāśca mudgamālikāḥ || 72 ||
[Analyze grammar]

naro bindvīṃ kuṇḍale ca sauvarṇīḥ śṛṃkhalā dadau |
vātagaṇḍā dadauveva miṣṭānnāpi jalānyapi || 73 ||
[Analyze grammar]

kuṃkumā'kṣatapuṣpāṇi śṛṃgārāṇi dadau tathā |
tasyāḥ putrāśca putryaśca godānāni pracakrire || 74 ||
[Analyze grammar]

vājidānoṣṭradānāni vṛṣadānāni vai tadā |
cakrustatra supātreṣu mahādānāni vai tadā || 75 ||
[Analyze grammar]

anasāmapi dānāni saudhadānāni bhāvataḥ |
tulasīvṛkṣadānāni havyadānāni sandadhuḥ || 76 ||
[Analyze grammar]

saṃhitāpustakadānaṃ sarvadānāni sandadhuḥ |
sarvāstatra saha nītāḥ sampado jaḍacetanāḥ || 77 ||
[Analyze grammar]

dadurdāne harerbhaktyā viditvā'vasaraṃ śubham |
yānavāhanadānāni dāsīdāsapradānakam || 78 ||
[Analyze grammar]

pracakrire yathāyogyaṃ mokṣārthaṃ kṛṣṇamānasāḥ |
gate pakṣe samaye tu kathājñānapariplutāḥ || 79 ||
[Analyze grammar]

divyabhāvā vyajāyanta sarve te cakriṇastadā |
dāsā dāsyo bhṛtyavargā bāndhavāśca kuṭumbinaḥ || 80 ||
[Analyze grammar]

ābālavṛddhāḥ śrīkṛṣṇanārāyaṇasya darśanam |
āturāḥ kartumevā''san mokṣamārgaparāyaṇāḥ || 81 ||
[Analyze grammar]

māghaikādaśikāsāyaṃ kṛṣṇapakṣe'rhaṇottaram |
ārārtrikaṃ viniṣpādya yāvat kīrtanakovidāḥ || 82 ||
[Analyze grammar]

kurvanti kīrtanaṃ tāvat kṛṣṇanārāyaṇaprabhuḥ |
bhāsayaṃstejasā vyoma diśāścāvātarad bhuvi || 83 ||
[Analyze grammar]

kānakena vimānena priyālakṣmīyuto hariḥ |
vimānād bahirāgatya darśanaṃ svaṃ dadau tadā || 84 ||
[Analyze grammar]

āścaryaṃ paramaṃ prāptāḥ śrotāro lakṣaśo janāḥ |
narā nāryaḥ kṣaṇaṃ stabdhāstebhyo'bhibhavadṛṣṭayaḥ || 85 ||
[Analyze grammar]

abhavaṃśca tataḥ kṛṣṇaṃ saṃhṛtātiprabhaṃ śubham |
apaśyaṃste muhuḥ ramyaṃ sundaraṃ gopikāpatim || 86 ||
[Analyze grammar]

gaṇḍavātā'bhavanmugdhā śrīkṛṣṇe mādhavīpatau |
tatputryaścābhavan mugdhāścātīva paramātmani || 87 ||
[Analyze grammar]

tyaktabhānā abhavaṃstāḥ kṛṣṇākṛṣṭātmavṛttayaḥ |
śrīkṛṣṇāya nijadānaṃ tadaiva samacintayan || 88 ||
[Analyze grammar]

dāsyaśca kanyakāścāpi yā yuvatyo'bhavaṃstadā |
sarvā mugdhā nijadānaṃ tadā nārāyaṇe vyadhuḥ || 89 ||
[Analyze grammar]

evaṃ narāśca ye bhṛtyāḥ putrā dāsāśca karmiṇaḥ |
kṛṣṇā''kṛṣṭātmadehāste mokṣaṇaṃ vavrire hareḥ || 90 ||
[Analyze grammar]

jñātvā teṣāmabhiprāyaṃ śrīkṛṣṇaparameśvaraḥ |
tūrṇaṃ vidhāya divyāṃstān samastān divyavigrahān || 91 ||
[Analyze grammar]

dhṛtvā naije vimāne tu kṛtvā muktān surūpiṇaḥ |
vivṛttadehān puruṣān nārīrmuktānikāstathā || 92 ||
[Analyze grammar]

kṛtvā śeṣānavasthāpya bālavargān kuṭumbinaḥ |
poṣakān rakṣakāṃścāpi yugalān varayoṣitaḥ || 93 ||
[Analyze grammar]

avasthāpya kṣitau tatra tebhyo datvā śubhāśiṣaḥ |
netuṃ yogyānnarānnārīrninye dhāmā'kṣaraṃ nijam || 94 ||
[Analyze grammar]

sahasraśo narānāryastadā taddehadhāriṇaḥ |
divyadehāḥ prabhūtvaiva yayurdhāmā'kṣaraṃ hareḥ || 95 ||
[Analyze grammar]

aho vai cakriṇāṃ bhāgyaṃ badrike narayoṣitām |
sarvasvārpaṇakartṝṇāṃ yeṣāṃ netā narāyaṇaḥ || 96 ||
[Analyze grammar]

aho kālasya kavalā api dehā hi bhautikāḥ |
kṛṣṇecchayā vinā pātaṃ divyā bhūtvā yayuḥ saha || 97 ||
[Analyze grammar]

anyathākartṛsāmarthyaṃ tvetadvai paramātmanaḥ |
jaḍaṃ tu cetanaṃ kṛtvā krīḍatyeva ca taiḥ saha || 18 ||
[Analyze grammar]

śeṣāḥ sahasraśaścāpi narā nāryastadā tu ye |
kathāṃ śrutvā viniṣpādyā darśanādabhavaṃstathā || 99 ||
[Analyze grammar]

gaṇḍavātākuṭumbaṃ tad yāskavādasya vaṃśina |
vaiṣṇavāste tu māsānte yayurnaijaṃ gṛhaṃ tataḥ || 100 ||
[Analyze grammar]

svadeśe tanmahāścaryaṃ jagaduḥ sarvataḥ śubham |
muktiṃ prāptāścakradhārā vṛddhā madhyāśca bhāvukāḥ || 101 ||
[Analyze grammar]

anye tathaiva bhajanaṃ badrike svālaye vyadhuḥ |
evaṃ mahāṃścamatkārastadā khyāto'bhavad bhuvi || 102 ||
[Analyze grammar]

paṭhanācchravaṇādasya smaraṇātpāpanāśanam |
bhuktirmuktirbhaveccāpi sarvecchāpūraṇaṃ bhavet || 103 ||
[Analyze grammar]

iti śrīlakṣmīnārāyaṇīyasaṃhitāyāṃ caturthe tiṣyasantāne kathāśravaṇena cakriṇo yāskavādasya tatpatnyā gaṇḍavātāyāśca kathāśravaṇena sahasrādhinaranārībhiḥ |
sahitāyāḥ śrīkṛṣṇanārāyaṇena mokṣaṇaṃ kṛtamityādinirūpaṇanāmā navādhika catvāriṃśo'dhyāyaḥ || 49 ||
[Analyze grammar]