Chapter 43

śrīnaranārāyaṇa uvāca |
śṛṇu badrīpriye devi śrīkṛṣṇasya mahotsavam |
ekaviṃśatike janmadine kṛṣṇe tu kārtike || 1 ||
[Analyze grammar]

prātareva hariṃ rājñyaḥ snapayitvā janārdanam |
sarvakāmapradaṃ kāntaṃ kṛṣṇanārāyaṇaṃ prabhum || 2 ||
[Analyze grammar]

candanairgandhasāraiśca mahauṣadhirasānvitaiḥ |
jalaistīrthāhṛtaistailamiśritaiḥ kaisarai rasaiḥ || 3 ||
[Analyze grammar]

upasaṃprasumṛdyā'bhiṣiñcya mārjanamācaran |
vastradhāraṇaśṛṃgārabhūṣāpuṣpādyadhārayan || 4 ||
[Analyze grammar]

mukuṭaṃ kaṭake svarṇajāte hārāṃśca kānakān |
ratnamāṇikyahīrakamauktikasphaṭikānvitān || 5 ||
[Analyze grammar]

adhārayan hareḥ kaṇṭhe tilakaṃ candrakaṃ vyadhuḥ |
bhāle kaisaracandraṃ ca kajjalaṃ netrayostathā || 6 ||
[Analyze grammar]

karṇāvataṃsakau ramyau karṇapūrau nyadhārayan |
raśanāṃ kānakīṃ kaṭyāṃ nūpure pādayostathā || 7 ||
[Analyze grammar]

prakoṣṭhayoḥ śṛṅkhale cā'ṅgulyādāvūrmikādikam |
cūḍāmaṇiṃ kuṇḍale ca graiveyakīyamālikāḥ || 8 ||
[Analyze grammar]

kaṭake ca maṇīn nyadhārayan suvarṇapāduke |
koṭyarbudābjamūlyādhimahāmaṇīnadhārayan || 9 ||
[Analyze grammar]

yatprakāśastu sarvatra madhyandinabhramāvahaḥ |
pādahastatalayoścālaktakādi nyadhārayan || 10 ||
[Analyze grammar]

sauvarṇacūrṇasaṃvyāptagātrāṇyapi hyakārayan |
saindhavāśvanibhe svarṇāsane śrīsvāmivallabham || 11 ||
[Analyze grammar]

nyaṣādayaṃstadā rājñyaḥ sindhujānāṃ tu bhūbhujām |
prathamaṃ tā maṃgalāni kṛtvā kṛṣṇamapūpujan || 12 ||
[Analyze grammar]

dhṛtvopadāḥ svarṇarūpyamaṇihāramayīḥ puraḥ |
nyadhuste pādayorvāri prakṣālitaṃ papuḥ payaḥ || 13 ||
[Analyze grammar]

ārārtrikaṃ vyadhū rājñyaḥ puṣpākṣatādivardhitam |
duḥkhahānyañjalīn kṛṣṇaśiraṣṭaścāvatārayan || 14 ||
[Analyze grammar]

pradakṣiṇaṃ daṇḍavacca kṣamāṃ yayācire dayām |
dineśvarī bhāṇavāṇyā rāyaharervicittatām || 15 ||
[Analyze grammar]

nivedyā'yācata svāsthyaṃ sukhaṃ ca śāśvataṃ tataḥ |
haristāṃ samuvācā'pi svāsthyamadyaiva śobhanam || 16 ||
[Analyze grammar]

bhaviṣyatyeva mā cintā kuru rājñi sukhaṃ bhavet |
kṣaṇānte koṭirāyo'pi rāyahariṃ nṛpaṃ tviha || 17 ||
[Analyze grammar]

nītvā tvāyāspati pūjāṃ kartuṃ me svasthamānasam |
bhāṇavāṇīṃ puro me'tra samānaya dineśvari || 18 ||
[Analyze grammar]

ityuktā badrike dineśvarī rājñī drutaṃ tadā |
bhāṇavāṇīṃ vicittāṃ śrīkṛṣṇanārāyaṇāntike || 19 ||
[Analyze grammar]

dineśvaryānayat kṛṣṇo bhāṇavāṇīṃ tu mastake |
pasparśa pāṇinā mīnadhvajaśūladhanuṣmatā || 20 ||
[Analyze grammar]

tāvat sā svasthitimatī pāvanī jñānayoginī |
nirāmayā ca nirvyādhiḥ paṇḍitevā'bhavad drutam || 21 ||
[Analyze grammar]

vaicittyaṃ vigataṃ tasyāḥ subuddhātvaṃ samāgatam |
patitā pādayoḥ kṛṣṇanārāyaṇasya sā tataḥ || 22 ||
[Analyze grammar]

pūjāṃ kṛtvā śrīhareścopadā dadau ramājuṣe |
ārārtrikaṃ vidhāyā'pi kṛṣṇapādajalaṃ papau || 23 ||
[Analyze grammar]

arthayāmāsa mokṣaṃ sā sarvapāpavināśanam |
bandhanānāṃ vāsanānāṃ mūlanāśaṃ samārthayat || 24 ||
[Analyze grammar]

dyūtapāpavināśaṃ ca vyavāyapāpanāśanam |
muktānikāsthitiṃ sā'pi prārthayat paramātmataḥ || 25 ||
[Analyze grammar]

tathā'stviti hariḥ prāha tāvat sā divyatāṃ gatā |
divyadehā devatāvad divyaiśvaryā babhūva ha || 26 ||
[Analyze grammar]

kṛpāleśena kṛṣṇasya nirvāṇikā'bhavat satī |
jīvanmuktā'bhavattūrṇaṃ dehāvaraṇavarjitā || 27 ||
[Analyze grammar]

aho kṛpā harerjātā yatnaśūnye'pi vigrahe |
sayatnānāṃ tu vai siddhiḥ pūrvabhāvaṃ na saṃgatā || 28 ||
[Analyze grammar]

atha tatra mahāścaryaṃ vīkṣya kanyāḥ sahasraśaḥ |
saubhāgyavatyo nāryaśca sadhavā vidhavā api || 29 ||
[Analyze grammar]

bālikāścāpi vṛddhāśca pupūjuḥ parameśvaram |
bhāṇavāṇīṃ divyadehāṃ vyadhāt kṛṣṇeti mohitāḥ || 30 ||
[Analyze grammar]

tāḥ sarvā bhāvanāyuktā yathābhāvāstathā'bhavan |
divyaguṇā divyadehā divyakriyāḥ sudevatāḥ || 31 ||
[Analyze grammar]

divyanetrā divyabhāvā rādhāramāsamāstadā |
anādiśrīkṛṣṇanārāyaṇasparśena yoṣitaḥ || 32 ||
[Analyze grammar]

brahmapriyā abhavaṃśca haripriyāḥ sahasraśaḥ |
mantraṃ tā jagṛhuḥ kṛṣṇamukhāt kārṣṇībhavecchayā || 33 ||
[Analyze grammar]

oṃ namaḥ śrīkṛṣṇanārāyaṇāya pataye svāhā |
bahvyastatrā'bhavan rugṇāstadrogān sa nyavārayat || 34 ||
[Analyze grammar]

bahvīnāṃ tvanapatyatvaṃ kṛṣṇastat sannyavārayat |
anyāsāṃ kleśavattvādi kleśāṃstāsāṃ nyavārayat || 35 ||
[Analyze grammar]

tathā'nyāsāṃ nirdhanatvaṃ dāridryaṃ sa nyavārayat |
anyāsāṃ tu patiprāptimattvaṃ sa kṛpayā'karot || 36 ||
[Analyze grammar]

saubhāgyavattvamanyāsāṃ sampadvattvaṃ samuttamam |
cakāra śrīkṛṣṇanārāyaṇaḥ sarvasukhārpaṇam || 37 ||
[Analyze grammar]

rājñīnāṃ pūjanakāryaṃ samāptaṃ ca prajāstriyaḥ |
apūjayan hariṃ sarvā lakṣaśaḥ koṭiśaḥ striyaḥ || 38 ||
[Analyze grammar]

koṭirūpadharaḥ kṛṣṇanārāyaṇo vyajāyata |
tattannārīpuraḥsthitvā kāntaḥ pūjāmavālabhat || 39 ||
[Analyze grammar]

āśīrvādāṃstā agṛhṇan śubhāśiṣo dadau hariḥ |
sarvāsāṃ hṛdaye kṛṣṇo divyavāsaṃ sadā vyadhāt || 40 ||
[Analyze grammar]

evaṃ ghaṭikāmātraṃ vai mahāścaryacamatkṛtim |
pradarśya tu tatastirobhūyaikarūpatāṃ yayau || 41 ||
[Analyze grammar]

nārīvarge na cā'pyekā kṛṣṇayoge'vaśiṣyate |
dayāṃ kṛtvā tathā kṛṣṇaḥ pūjāṃ jagrāha sarvadhṛk || 42 ||
[Analyze grammar]

atha tṛptiṃ gatā nāryo dṛṣṭvā spṛṣṭvā prapūjya tam |
prāpya prāsādikaṃ bhojyaṃ phalaṃ puṣpaṃ dalaṃ jalam || 43 ||
[Analyze grammar]

snehaṃ netrakaṭākṣaṃ ca saumyahāsyaṃ manastathā |
kṛtakṛtyā abhavaṃstā divyabhautikavigrahāḥ || 44 ||
[Analyze grammar]

evaṃ hariḥ prāpya pūjāṃ nārīṇāṃ divyabhāvanām |
divyaiśvaryayutāṃ cāpi tirobhāvaṃ gato'cyutaḥ || 45 ||
[Analyze grammar]

tataḥ sarvāḥ sthiravṛttyā śrīkṛṣṇaṃ vilulokire |
parabrahma punaḥ kaścinnārāyaṇaṃ śriyaḥ patim || 46 ||
[Analyze grammar]

śrīkṛṣṇaṃ rādhikākāntaṃ lalitāsvāminaṃ harim |
svāmināthaṃ tu māṇikyāḥ padmāvatyāḥ patiṃ tathā || 47 ||
[Analyze grammar]

kāścittu badrikānāthaṃ kāścicchrībhūpatiṃ tathā |
kāścittu kamalānāthaṃ prajñeśaṃ vilulokire || 48 ||
[Analyze grammar]

tataḥ śrīkuṃkumavāpīnāthaṃ taṃ vilulokire |
evaṃ vīkṣya mahānandaṃ sarvānandāṃśca lebhire || 49 ||
[Analyze grammar]

saindhavyaḥ śrīhariṃ prāpya dhāminyaḥ saṃbabhūvire |
vaiṣṇavyaḥ paramā jātāḥ puṇyānāṃ sarito yathā || 50 ||
[Analyze grammar]

kṛṣṇanārāyaṇasvāminvallabhā''yeti tā jaguḥ |
dadhyuḥ śrīparamātmānaṃ cā'ntarasthaṃ bahiḥsthitam || 51 ||
[Analyze grammar]

evaṃ badrīpriye prātarnārīpūjanamuttamam |
nivṛttaṃ ca tato rājā koṭirāyaḥ samāyayau || 52 ||
[Analyze grammar]

bahubhirnṛpaśārdūlai rājanyai rājayogibhiḥ |
rājyapālai rāṣṭrapālaiḥ sainyapālaiḥ sahā''yayau || 53 ||
[Analyze grammar]

rājopacāraiḥ sakalaiḥ pūjayāmāsa mādhavam |
koṭimūlyamaṇiratnanaddhaṃ mukuṭaṃ kānakam || 54 ||
[Analyze grammar]

kuṇḍale ratnakhacite kaṇṭhahārān suvarṇajān |
karṇapūrān kaṭakāṃścāṃgadān suvarṇaśṛṃkhalāḥ || 55 ||
[Analyze grammar]

ūrmikā raśanāṃ ratnanaddhāṃ hārān suvarṇajān |
maṇimālā maṇikalgiṃ maṇimañjīranūpurān || 96 ||
[Analyze grammar]

ārpayaddharaye bhāle kṛtvā cāndanacandrakam |
sugandhamarpayāmāsa puṣpahārān sumālikāḥ || 57 ||
[Analyze grammar]

bhūṣāśṛṃgāravastrāṇi bahumūlyāni cārpayat |
svarṇapātrāṇi ramyāṇi svarṇahetīn susundarān || 58 ||
[Analyze grammar]

sauvarṇakhelakāṃścāpi śrīkṛṣṇāya tadā''rpayat |
dhūpadīpā'kṣatavārinaivedyā''rārtrikādibhiḥ || 59 ||
[Analyze grammar]

amūlyaratnamaṇibhirbhṛtaiḥ sthālaiḥ suvarṇajaiḥ |
svarṇāḍhyopakaraṇādyaiśchatracāmaravetrakaiḥ || 60 ||
[Analyze grammar]

pūjayitvā hariṃkṛṣṇaṃ toṣayāmāsa bhūpatiḥ |
tilakaṃ subhagaṃ bhāle kṛṣṇasya nṛpamācarat || 61 ||
[Analyze grammar]

nṛpāścānye ca rājanyāḥ kumārā rājayoginaḥ |
rājasambandhinaḥ śreṣṭhivaryā rājyādhikāriṇaḥ || 62 ||
[Analyze grammar]

kastūrīkesaragandhasārakuṃkumakardamaiḥ |
puṣpā'kṣatajalavṛndāpatrayavāṃkurādibhiḥ || 63 ||
[Analyze grammar]

prapūjya mādhavīkṛṣṇaṃ natvā pītvā padā'mṛtam |
ārārtrikaṃ vyadhuścāśīrvādān daduḥ śubhāvahān || 64 ||
[Analyze grammar]

koṭirāyastadā rāyahariṃ svasthasthitiṃ gatam |
prairayat parameśasya pūjārthaṃ tatra sotsukam || 65 ||
[Analyze grammar]

nirāmayo gataśāpaḥ sarvabhānaprabodhavān |
śrīkṛṣṇaṃvallabhaṃcā''ryaṃ pupūja paramādarāt || 66 ||
[Analyze grammar]

atha sarvaprajāḥ kṛṣṇaṃ janmajayantikotsave |
utsukāḥ pūjayāmāsurīśeśvareśvareśvaram || 67 ||
[Analyze grammar]

tadā'nādikṛṣṇanārāyaṇadivyasvarūpakam |
vyadyotatā'kṣaradhāmāśritaṃ yadvat parātparam || 68 ||
[Analyze grammar]

lomaśādyā munayo'pi maharṣayaśca devatāḥ |
siddhāḥ satyaḥ sādhavaścā''narcuḥ śrībālakṛṣṇakam || 69 ||
[Analyze grammar]

āśīrvādān daduścāpi sūtamāgadhacāraṇāḥ |
bandinaḥ kavayo bhaṭṭā vavandire śubhāśayāḥ || 70 ||
[Analyze grammar]

evaṃ madhyāhnavelāntaṃ janmajayantikotsavaḥ |
samabhavattadā badri bhojanāni tato'bhavan || 71 ||
[Analyze grammar]

sāyaṃ sabhā'bhavad ramyā lakṣādhimānavā''śritā |
svaprakāśo hi bhagavānnupādideśa tatra ha || 73 ||
[Analyze grammar]

mānave khalu loke'tra śreṣṭhaṃ mānaṃ pareśvaraḥ |
parameśakṛtamānā mānitā netare kvacit || 73 ||
[Analyze grammar]

śrīkṛṣṇaśrīpatinārāyaṇā'nādipumuttamaḥ |
virājate'tra bhagavān bhavatāṃ mānakārakaḥ || 74 ||
[Analyze grammar]

bhavadbhirmānitaḥ kṛṣṇo bhavanto mānitāstataḥ |
yeṣāṃ mānaṃ hareragre teṣāṃ sarvatra mānitā || 75 ||
[Analyze grammar]

yadgṛhe bhagavānāste sarve divyā hi te matāḥ |
gṛhastho'pi hariṃ naije gṛhe yaḥ sthāpayet sadā || 76 ||
[Analyze grammar]

sādhureva gṛhasthaḥ sa yadgṛhaṃ mādhavātmakam |
nārī nārāyaṇapūjākarī sādhvī tu sā matā || 77 ||
[Analyze grammar]

rājā'pi rājate yatra śrīkṛṣṇena parātmanā |
sa rājā sādhurevā'sti yadgṛhe śrīnarāyaṇaḥ || 78 ||
[Analyze grammar]

rājñī nirmānadāsīva sevate parameśvaram |
sā rājñī sarvadā sādhvī yato nārāyaṇaśritā || 79 ||
[Analyze grammar]

rāṣṭrīyāstu prajā yā yāḥ sevante mādhavīśvaram |
sarvāḥ sādhvyo hi mantavyā yadgṛhe bhagavāniti || 80 ||
[Analyze grammar]

dhanavanto hariṃ ye tu sevante sādhavo'pi te |
dhanaṃ nārāyaṇo yeṣāṃ te santaḥ sādhubhūṣaṇāḥ || 81 ||
[Analyze grammar]

san vai nārāyaṇastaṃ ye cānte dharanti sarvathā |
taranti tena cānyāṃśca tārayanti bhavārṇavāt || 82 ||
[Analyze grammar]

santaste tvatra saṃsāre sādhnuvanti pumarthakam |
vyāpārastu bhaved yeṣāṃ kṛṣṇārthaṃ sādhavastu te || 83 ||
[Analyze grammar]

vyavasāyo bhaved yeṣāṃ kṛṣṇātmā sādhavo'pi te |
yatayo yatnavanto ye harau te santa īritāḥ || 84 ||
[Analyze grammar]

saṃnyāsino harau ye te santo mokṣaparāyaṇāḥ |
vane vāsakarāḥ kṛṣṇe magnāste sādhavo matāḥ || 85 ||
[Analyze grammar]

yogaṃ kṛṣṇe prayuñjānāḥ sādhavaste'pi yoginaḥ |
tapaḥ kṛṣṇaparaṃ yeṣāṃ tāpasāḥ sādhavastu te || 86 ||
[Analyze grammar]

vrataṃ yeṣāṃ pare kṛṣṇe sādhavo vratinaśca te |
yajñā yeṣāṃ harau kṛṣṇe sādhavo yajñinastu te || 87 ||
[Analyze grammar]

jīvanaṃ śrīharau yeṣāṃ jīvanmuktā hi sādhavaḥ |
rāgo'rpito harau kṛṣṇe vītarāgā hi sādhavaḥ || 88 ||
[Analyze grammar]

indriyārthāḥ kṛtāḥ kṛṣṇe sādhakāḥ sādhavastu te |
pravṛttiṃ parameśe ye kurvanti sādhavo'pi te || 89 ||
[Analyze grammar]

brahma śrīparamātmaiva tatra caranti muktaye |
ye te brahmacarāḥ proktā brahmacāriṇa eva te || 90 ||
[Analyze grammar]

mananaṃ śrīhareryeṣāṃ munayaḥ sādhavo hi te |
ārṣaṃ jñānaṃ hareryeṣām ṛṣayaḥ sādhavastu te || 91 ||
[Analyze grammar]

divyabhāvo harau yeṣāṃ devatā api sādhavaḥ |
karma sarvaṃ pare yeṣāṃ parārthāḥ sādhavo'pi te || 92 ||
[Analyze grammar]

vṛttayaḥ sarvathā kṛṣṇe yeṣāṃ te dhyānisādhavaḥ |
samādhānaṃ harau yeṣāṃ samādhisthā hi sādhavaḥ || 93 ||
[Analyze grammar]

kuṭumbaṃ yasya kṛṣṇārthaṃ santaḥ kuṭumbinastu te |
saṃkhyāḥ sarvā harau yeṣāṃ sāṃkhyāste sādhavo matāḥ || 94 ||
[Analyze grammar]

ajñānāt prathamaṃ janma tato jñāne dvitīyakam |
dvijāste sādhavo bodhyā mokṣajñānaparāyaṇāḥ || 95 ||
[Analyze grammar]

dehāttu prathamaṃ janma dīkṣayā tu dvitīyakam |
nārāyaṇe dīkṣitā ye dvijāste sādhavo matāḥ || 96 ||
[Analyze grammar]

saṃsāraḥ prathamaṃ janma mokṣo janma dvitīyakam |
mokṣadvijāḥ sādhavaste sarveṣāṃ tārakā bhuvi || 97 ||
[Analyze grammar]

māyāyāṃ sādhanaṃ tvādyaṃ tataḥ sādhuṣu sādhanam |
ta ete tyāginaḥ santaḥ sarvamāyāvivarjitāḥ || 98 ||
[Analyze grammar]

patiyogaṃ prapannāpi prapannā yā narāyaṇam |
sā patnī strī bhavet sādhvī nārāyaṇī satīśvarī || 99 ||
[Analyze grammar]

udāsīnā gṛhe yā tu nārāyaṇe tu yā sthitā |
sādhusevāparā sādhvī bhavet sā brahmacāriṇī || 100 ||
[Analyze grammar]

ātmasādhanasañcārā mokṣasādhanatatparāḥ |
sakriyāste sādhavo vai kṛṣṇakarmaparāyaṇāḥ || 101 ||
[Analyze grammar]

kṛṣṇe śaucaṃ sadā yeṣāṃ śucayaḥ sādhavastu te |
kīrtanaṃ sarvadā kṛṣṇe svādhyāyasādhavastu te || 102 ||
[Analyze grammar]

hareḥ puro bhaved yasyā''sanaṃ sādhuḥ sadāsanaḥ |
prāṇe prāṇe hariryasya sādhuḥ prāṇāsanaḥ sa hi || 103 ||
[Analyze grammar]

āhāre bhagavān yasya sādhurāhāranāmavān |
śāntirharau bhaved yasya śāntaḥ sādhuḥ sa vai mataḥ || 104 ||
[Analyze grammar]

yoginā śrīharau kṛṣṇe bhavitavyaṃ tu dehinā |
sahanīyaṃ kaṣṭamādyaṃ kṣamā kāryā'parādhiṣu || 109 ||
[Analyze grammar]

na kaṣṭaṃ sampradātavyaṃ kasyacidapi karmaṇā |
manasā vāpi dehena vacasāpi kadācana || 106 ||
[Analyze grammar]

satyaṃ sampālanīyaṃ ca stainyaṃ tyājyaṃ tu yoginā |
santoṣaḥ sarvathā rakṣyo bhāvyaṃ pāṣāṇakalpinā || 107 ||
[Analyze grammar]

svādastu sarvathā grāhyo yoginā paramātmani |
ratiḥ prītirharau deyā yoginā brahmacāriṇā || 108 ||
[Analyze grammar]

ācāro'pi harau pālyaḥ sādhunā kṛṣṇayoginā |
śrutārthaṃ śrīharau kuryācchrautaḥ sādhuḥ sa yogirāṭ || 109 ||
[Analyze grammar]

smṛtārthaṃ sarvathā kṛṣṇe yuñjyāt sādhuḥ sa yojakaḥ |
bālyaṃ vā yauvanaṃ vāpi vārdhakyaṃ parameśvare || 110 ||
[Analyze grammar]

naratvaṃ pramadātvaṃ cārpaṇīyaṃ parameśvare |
ta ete sādhavaḥ santi sādhanācchrīpaterhṛdi || 111 ||
[Analyze grammar]

bhūtvā sādhava evātra kṛṣṇaṃ kṛtvā nijaṃ patim |
prayāntu vai narā nāryo dhāmā'kṣaraṃ paraṃ prabhoḥ || 112 ||
[Analyze grammar]

adyajanmajayantyasti hyanādiparamātmanaḥ |
vardhitā sā bhavadbhirvai mahotsavena yojitā || 113 ||
[Analyze grammar]

bhavatāṃ sindhulokānāṃ karotvabhyudayaṃ param |
paraṃ niḥśreyasaṃ cāpi kalyāṇaṃ paramaṃ tathā || 114 ||
[Analyze grammar]

śāśvataṃ ca mahānandaṃ karotu śrīhareḥ pade |
enaṃ tvanādinidhanaṃ śrīpatiṃ puruṣottamam || 115 ||
[Analyze grammar]

sadā dhyāyantu hṛdaye santo bhavantu sādhavaḥ |
sarvavidhāni svargāṇi bhavantu bhavatāmiha || 116 ||
[Analyze grammar]

anādiśrīkṛṣṇanārāyaṇaprasādatastviha |
prasanno bhagavānnasti bālakṛṣṇaḥ paraḥ prabhuḥ || 17 ||
[Analyze grammar]

svasti vo'stu kuśalaṃ vo mahāsvargaṃ sadā'stu vaḥ |
mahāvaṃśādivistāro vaiṣṇavo'stu sadā tu vaḥ || 118 ||
[Analyze grammar]

bhavatāṃ ca gṛhe kṣetre sādhuvāso'stu mokṣadaḥ |
anādiśrīkṛṣṇanārāyaṇavāso bhavatsu ca || 119 ||
[Analyze grammar]

ityāśīrvacanānyuktvā prasvaprakāśaḥ īśvaraḥ |
upārarāma yugapajjayanādāstato'bhavan || 120 ||
[Analyze grammar]

jayatvanādibhagavān bālakṛṣṇo jayatviha |
sarvāntargatiḥ kṛṣṇanārāyaṇo jayatviha || 121 ||
[Analyze grammar]

ityevaṃ jayanādaiśca tūryanādaiḥ surādibhiḥ |
kṛtābhivādanādaiśca sabhā samāptimāgamat || 122 ||
[Analyze grammar]

hariryayau nijāvāsaṃ yayuḥ sarve nijālayān |
koṭirāyo rāyahariṃ natvā kṛṣṇālayaṃ yayau || 123 ||
[Analyze grammar]

uvāca paramātmānaṃ yadarthaṃ bhagavānniha |
āhūtaḥ sarvamevātra sampannaṃ nṛpamokṣaṇam || 124 ||
[Analyze grammar]

śāpamokṣo'tra sañjātaḥ paro mokṣo'pi vartate |
kare gato bhagavato vīkṣaṇena hi dehinām || 125 ||
[Analyze grammar]

atha kṛṣṇājñayā rājyaṃ sindhudeśapradeśajam |
ardhamardhaṃ cakratustau hāyaudaryaṃ ca śārkaram || 126 ||
[Analyze grammar]

kṛṣṇanārāyaṇaṃ dhyātvā lebhāte śāśvataṃ sukham |
rātrau bhojanapānādi kṛtvā kṛṣṇanarāyaṇaḥ || 127 ||
[Analyze grammar]

viśrāntiṃ paramāṃ lebhe siṣevire janāstu tam |
badrike śrīharirnidrāmavāpa divyavigrāhām || 128 ||
[Analyze grammar]

evaṃ siddhiṃ parāṃ divyāṃ dadau tebhyo hariḥ svayam |
hareḥ kṛpā satāṃ yadvā mokṣadā sarvaśāntidā || 129 ||
[Analyze grammar]

lakṣmīnārāyaṇasaṃhitā tu sādhvī hi mokṣadā |
sarvasiddhimayī vidyā parabrahmaprasañjinī || 130 ||
[Analyze grammar]

iti śrīlakṣmīnārāyaṇīyasaṃhitāyāṃ caturthe tiṣyasantāne janmajayantyutsave nārīṇāṃ narāṇāṃ pūjāgrahaṇaṃ bhāṇavāṇīrāyaharyornirāmayatākaraṇaṃ sabhā sādhutvavivecanaṃ viśrāntiścetyādinirūpaṇanāmā |
tricatvāriṃśo'dhyāyaḥ || 43 ||
[Analyze grammar]