Chapter 13

śrīnaranārāyaṇa uvāca |
śṛṇu badrīpriye devi tataḥ sā bālayoginī |
svamātre yatpunaścāha bālayogavṛṣān śubhān || 1 ||
[Analyze grammar]

mātarbālatvamādyaṃ vai sarveṣāṃ dehināmiha |
tatra kāmo na na krodho na svārtho nāpi rāgitā || 2 ||
[Analyze grammar]

na doṣāścātmani dhrovyā nā'ntaḥkaraṇe nendriye |
na dehe nāpi tattveṣu vaiśadyaṃ bālake'nvaham || 3 ||
[Analyze grammar]

svacchadarpaṇavad bālyaṃ sadā pālyaṃ mumukṣuṇā |
yauvanaṃ na spṛśed yasyāḥ sā sadā bālayoginī || 4 ||
[Analyze grammar]

kāmanā yauvane vṛttirlajjācauryādikāriṇī |
bahvanarthāvahā sā tu vāsanādripravardhinī || 46 ||
[Analyze grammar]

vikārāśca svabhāvāśca kriyāḥ sarvāḥ kṛtistathā |
vijātīyāḥ pravartante ceṣṭāstu yauvane khalu || 6 ||
[Analyze grammar]

ta eva doṣāḥ sarve vai nodbhavanti kadācana |
śrīkṛṣṇakāntamāśritya yasyāṃ sā bālayoginī || 7 ||
[Analyze grammar]

tapo dharmo virāgaśca niyamaḥ saṃyamastathā |
indriyāṇāṃ jaye heturmanojaye'pi vartate || 8 ||
[Analyze grammar]

bālyaṃ sarvajayakāraṃ sahajaṃ bālayogavat |
bālakṛṣṇasya yogo vai sarvendriyajayapradaḥ || 9 ||
[Analyze grammar]

anādiśrīkṛṣṇanārāyaṇasakhyaṃ sukhāvaham |
māyākālādijayakṛt karmaṇāṃ gaṇanā tu kā || 10 ||
[Analyze grammar]

ātyantikī mahāśaktirmātaḥ kṛṣṇe bhavet sadā |
kṛṣṇe snehācca kārṣṇeṣu snehācchāntiḥ parā bhavet || 11 ||
[Analyze grammar]

avarāyāṃ ca bhaktāyā snehācchāntirhi dāsyavat |
kṛṣṇanārāyaṇabhaktimatyāṃ śāntirhi śāśvatī || 12 ||
[Analyze grammar]

gurvyāṃ pūjyatayā śāntiḥ samānāyāṃ sakhītayā |
evaṃ guṇān gṛhītvaiva bhajet kṛṣṇapadāmbujam || 13 ||
[Analyze grammar]

itastato bhramamāṇo jīvaḥ karmānubandhanaḥ |
kyacinnārī kvacit klībaḥ kvacinnaro bhavatyapi || 14 ||
[Analyze grammar]

svatantraḥ paratantro vā duḥkhī sukhī kvacittathā |
vane'raṇye pattane vā gṛhe bāhye kvacid raṇe || 15 ||
[Analyze grammar]

kārāgāre yāmyaloke svarge kvacittu mānave |
evaṃ karmānucārasya kṛṣṇaprāptirhi durlabhā || 16 ||
[Analyze grammar]

sā cejātā tataścā'nyanneṣṭavyaṃ dehinā tviha |
cakravartinṛpaddhistu malavat kardamādivat || 17 ||
[Analyze grammar]

saṃbodhyā siddhayaścāpi tṛṇavanmṛttikeva ca |
ātmā kṛṣṇe yojanīyo girivad dhruvavattathā || 18 ||
[Analyze grammar]

mātarbaddhā'smi kamalākānte satsu ca sarvadā |
snehapāśena hariṇā svāyattīkāritā'smi hi || 19 ||
[Analyze grammar]

ato nārāyaṇasaṃgaṃ satāṃ saṃgaṃ prasevanam |
notsahe sarvadā tyaktuṃ śirodānaṃ kṛtaṃ mayā || 20 ||
[Analyze grammar]

īdṛśyasmi harau tasya bhakteṣu prītisañjitā |
tadvinā'nyatra lagnā na manovṛttirmamā'sti hi || 1 ||
[Analyze grammar]

kṛṣṇasya kīrtane mātarmattatā me prajāyate |
vihvalāyā mama kṛṣṇe jāyate dehavismṛtiḥ || 22 ||
[Analyze grammar]

tathāpi prājñavad dehe tiṣṭhāmi śaktiyoginī |
dāsītvena harau cāsmi svāmitvena harirmayi || 23 ||
[Analyze grammar]

ataḥ svecchānusāreṇa prabhunaktu harirhi mām |
vimāne vā gaje haṃse vaikuṇḍe vā kṣitāvapi || 24 ||
[Analyze grammar]

svarge badrīvane śvetadvīpe vā kṣīrasāgare |
goloke śrīpure vāpi brahmaloke'kṣare pare || 25 ||
[Analyze grammar]

avyākṛte'mṛte vāpi harirnayatu māṃ sakhīm |
ruciḥ syād yādṛśī tasya tathaiva vidadhātu mām || 26 ||
[Analyze grammar]

na me kṛṣṇapriyād bhinnaṃ naijaṃ priyaṃ hi vidyate |
kṛṣṇasyaiva priyaṃ yattat priyaṃ me mānaruttamam || 27 ||
[Analyze grammar]

na vā kṛṣṇecchayā vṛttau viparītaṃ kvacinmama |
na ca nārāyaṇecchātaḥ prārabdhaṃ tvaparaṃ mama || 28 ||
[Analyze grammar]

sarveśvare prabhau kṛṣṇe sadā prāptā'smi lagnatām |
tataḥ sarvāsvavasthāsu brāhmī sthitirmamā'sti hi || 29 ||
[Analyze grammar]

yāmāśritya parā nārī kṛṣṇaikāntikatā vrajet |
tatprasādādbhayaṃ tasyā vighnajanyaṃ na cāsti hi || 30 ||
[Analyze grammar]

sāraṃ kṛṣṇetarannāsti sāraṃ bhayaṃ na vidyate |
aśīlāyāṃ na sāro'sti kṛṣṇastatra na tiṣṭhati || 31 ||
[Analyze grammar]

śīlasthāyāṃ hariścāste jāyate bālayoginī |
kārṣṇaṃ sukhaṃ māyikādvai divyaṃ śreṣṭhaṃ ca durlabham || 32 ||
[Analyze grammar]

prāptaṃ mayā tayā prāptaṃ sarvaṃ sāmrājyamuttamam |
kṛpayaiva prajeśasya tatprāptaṃ sāmprataṃ mayā || 33 ||
[Analyze grammar]

brāhmī brahmapriyā jātā nārāyaṇī pareśvarī |
bhūyasīṃ paramāṃ prītiṃ prāptā'smi badarīśvarī || 34 ||
[Analyze grammar]

yādṛśī tādṛśī vāpi kṛṣṇakāntā'smi saṃgatā |
ikṣurasaṃ paraṃ prema prāptā'smi cā'mṛtaṃ harau || 35 ||
[Analyze grammar]

antarāyakaraṃ kṛṣṇe mātastyajāmi dūrataḥ |
āsañjanavidhātṛ yad gṛhṇāmi taddhi sādhanam || 36 ||
[Analyze grammar]

viśvāsinī harau nityaṃ bhavāmi bhavanāśinī |
anāsaktā paratrāpi bhavāmi kṛṣṇakāminī || 37 ||
[Analyze grammar]

khānapānaśiraḥpāṇipādasaṃvāhanādibhiḥ |
sādhūnāṃ sevane raktā varte'haṃ kṛṣṇasevane || 38 ||
[Analyze grammar]

atipriyaṃ samastaṃ me'rpayāmi mādhavāya vai |
arpayitvā satībhyaśca sādhubhyaścāpi sarvathā || 39 ||
[Analyze grammar]

upayogaṃ tatastasya vastunaḥ prakaromyaham |
dayayā sampradāyaiva śeṣaṃ bhunajmi cājñayā || 40 ||
[Analyze grammar]

karomi śrīhareḥ sākṣād divyamūrteḥ samarhaṇam |
mānasaṃ pūjanaṃ cāpi karomi ṛtuvattathā || 41 ||
[Analyze grammar]

pātivratyaṃ puraskṛtya karomi sevanaṃ hareḥ |
pativratāyāḥ kāntā'nye svapne'pi nāsti cādaraḥ || 42 ||
[Analyze grammar]

patyāveva tathā kṛṣṇe prītiṃ karomi nityadā |
kṛṣṇabhakteṣu caivā'pi kṛṣṇasambandhatastathā || 43 ||
[Analyze grammar]

aikapatyaṃ harau kṛṣṇanārāyaṇe'smi me sadā |
sarvāśceṣṭā prabheśārthaṃ niṣkāmā bandhanojjhitā || 44 ||
[Analyze grammar]

bharjitāni ca bījāni coptāni kṣetrake yathā |
nāṃ'kurāya prabhavanti tathā karmāṇi mādhave || 45 ||
[Analyze grammar]

na janmādipradānyeva jāyante nirguṇāni hi |
śrīkṛṣṇasya prasaṃgena jīrṇānīva bhavanti hi || 46 ||
[Analyze grammar]

vāsanāḥ praśamaṃ yānti saṃkalpā na bhavanti ca |
naṣṭā bhavati sarvā caiṣaṇā viṣayagocarā || 47 ||
[Analyze grammar]

kriyāḥ sarvā harerājñāmayyo nānyā hi me kvacit |
yayā tyaktaṃ jagat sarvaṃ kṛṣṇe prītiḥ kṛtā yayā || 48 ||
[Analyze grammar]

tasyā nānyad gṛhaṃ kṛṣṇaṃ vinā mātarhi vidyate |
kṛṣṇārthaṃ yoginī jātā kārṣṇī sā'haṃ tathā'smi ca || 49 ||
[Analyze grammar]

jagaddhartā mato dharmaḥ sa me kṛṣṇo'sti netaraḥ |
ātmaparicayo jñānaṃ sa me paricayo harau || 50 ||
[Analyze grammar]

snehaścākṛṣṭabhāvo me kṛṣṇe nānyatra kutracit |
bhaktiḥ sevā sarvarītyā kṛṣṇasyaiva na cetarā || 51 ||
[Analyze grammar]

sā me sevā kṛṣṇanārāyaṇe nivṛttiruttamā |
hareḥ sambandhaśūnyastu dharmo janmāntarapradaḥ || 52 ||
[Analyze grammar]

pravṛttirvā nivṛttirvā nārāyaṇasuyoginī |
mahābhāgavatī bodhyā dharmiṇī satkriyā hi sā || 53 ||
[Analyze grammar]

kṛṣṇārthaṃ kṛṣṇasādhvarthaṃ sevā'rhaṃ divyameva tat |
prītiyogyaṃ tadevā'sti heyaṃ cānyattu sarvathā || 54 ||
[Analyze grammar]

asaṃkhyānāṃ manuṣyāṇāṃ sammarde'pi hareḥ kṛte |
vāsaṃ kartuṃ samicchāmi nānyathā tu vane'pi vai || 55 ||
[Analyze grammar]

kṛṣṇārthaṃ kṛṣṇasādhvarthaṃ vanaṃ me nagarāyate |
yatra kṛṣṇastatra haṃsā dṛśyante tu mayā sadā || 56 ||
[Analyze grammar]

yatra kṛṣṇo na milati vyāghrāyante dvijā api |
api badrīvanaṃ śītaṃ nārāyaṇena pattanam || 57 ||
[Analyze grammar]

smṛddhaṃ me vidyate mātaḥ sāmrājyaṃ netaranmama |
yatra kṛṣṇaḥ pūjyate na tatsthalaṃ me sakaṇṭakam || 58 ||
[Analyze grammar]

bāṇaśayyā vinā kṛṣṇaṃ puṣpaśayyā tadanvitā |
kṛṣṇaṃ vinā hyabhaktāyā jalānnaṃ rocate na me || 59 ||
[Analyze grammar]

akṛṣṇāyā na me prītirdīpo me mānaso hariḥ |
hāro me hṛdaye kṛṣṇo maṇirme keśaveśane || 60 ||
[Analyze grammar]

kalpānando mānase me kṛṣṇaḥ kānto rahaḥpatiḥ |
yāsu bhaktirhareścāste yāstvasti kṛṣṇavallabhā || 61 ||
[Analyze grammar]

tā me'pi vallabhāḥ santi mātarnānyāḥ kvacit khalu |
śrīkṛṣṇavallabhācārā śrīkṛṣṇavallabhakriyā || 62 ||
[Analyze grammar]

śrīkṛṣṇavallabhaudāryā śrīkṛṣṇavallabhāntarā |
śrīkṛṣṇo vallabho yasyā sā satī badarīśvarī || 63 ||
[Analyze grammar]

māṇikyā cā'kṣare dhāmni tvadgṛhe bālayoginī |
nārāyaṇī camatkāre rādhā kṛṣṇasya mānase || 64 ||
[Analyze grammar]

lakṣmīḥ kṛṣṇasya pārśve sā himādrau badarīśvarī |
sureśvaryā gṛhe kanyā varte'haṃ parameśvarī || 65 ||
[Analyze grammar]

yā pārvatī harapatnī sāhaṃ prabhośca badrikā |
naranārāyaṇavāsā badarī bālayoginī || 66 ||
[Analyze grammar]

kārṣṇyo yā vaiṣṇavīdevyo bāndhavyo mama tāḥ sadā |
sadā tābhiḥ saha vāso rocate me'tra vā pare || 67 ||
[Analyze grammar]

snigdhāḥ satyo durlabhā vai bhavanti mānave bhave |
premabhaktiprapūrāśca sadā kṛṣṇārthakāmanāḥ || 68 ||
[Analyze grammar]

dāsībhāvena vā sādhvībhāvena kṛṣṇamāśritāḥ |
cidrūpā''sajjanaprāptyā cidrūpāstāḥ striyo narāḥ || 69 ||
[Analyze grammar]

paraṃ bhāgavataṃ sthānaṃ labdhvā cā'kṣaradhāmani |
premṇā kāntaṃ prabhuṃ nārāyaṇaṃ prasādayanti vai || 70 ||
[Analyze grammar]

snigdhayā bhaktayā bhāvyaṃ kṛṣṇe rasikayā mudā |
niśchadmasevayā kṛṣṇaḥ prasādaṃ prakaroti hi || 71 ||
[Analyze grammar]

anuvṛttyā sādhavaśca prasannāḥ saṃbhavanti vai |
mānyāḥ prasādyāḥ santaste namanādyairmuhurmuhuḥ || 72 ||
[Analyze grammar]

yathā yathā prasannāḥ syurvidhātavyaṃ tathā tathā |
teṣāṃ prasādalabhyā vai mahatī padavī matā || 73 ||
[Analyze grammar]

kṛṣṇanārāyaṇasvāmisantaḥ pūjyāḥ sadā mudā |
mānasī cā'rhaṇā kāryā yathartusūpacārakaiḥ || 74 ||
[Analyze grammar]

mātaścāhaṃ sadā prātaḥ karomi pūjanaṃ hareḥ |
uṣṇakāle śītavāri sugandhi cārpayāmi vai || 75 ||
[Analyze grammar]

snapayāmi śītajalaiḥ premṇā sammardayāmi ca |
śītasugandhitailaiśca sugandhisārasadrasaiḥ || 76 ||
[Analyze grammar]

mārjayāmi hareḥ samastāṃgāni sūkṣmavāsasā |
sūkṣmāṇi śobhanānyeva navāni cāmbarāṇyapi || 77 ||
[Analyze grammar]

sugandhipuṣpahārāṃśca śṛṃgāraṃ bhūṣaṇāni ca |
rājādhirājavibhavān taṃ paridhāpayāmi ca || 78 ||
[Analyze grammar]

candanena harerbhāle tilakaṃ candrakaṃ tathā |
kauṃkumaṃ saṃvidhāyaiva karapādatalārcanam || 79 ||
[Analyze grammar]

karomi candanairmātarvakṣaudarapūjanam |
sakthijānuphaṇāgrāṇāṃ karomi pūjanaṃ tataḥ || 80 ||
[Analyze grammar]

dhūpaṃ dīpaṃ sunaivedyaṃ śrīkhaṇḍādi yathāruci |
śītaṃ vāri polikādi samarpayāmi cakriṇe || 81 ||
[Analyze grammar]

uttarāpośanaṃ datvā datvā tāmbūlakaṃ tathā |
ārārtrikaṃ tataḥ kṛtvā cāśliṣyāmi muhurharim || 82 ||
[Analyze grammar]

śīrṣṇi bhāle stanayośca dhārayāmi pade hareḥ |
tallagnakuṃkumāktāni mamāṃgāni bhavanti vai || 83 ||
[Analyze grammar]

pariṣvaṃge tadaṃgasthacandanādyaiḥ sucihnitam |
samastaṃ maccharīraṃ ca divyaṃ paśyāmi taddhṛtam || 84 ||
[Analyze grammar]

puṣpodyāne ramayāmi nikuñje svāminaṃ harim |
viharantaṃ ramamāṇaṃ seve prasannamānasam || 85 ||
[Analyze grammar]

komale śayane puṣpadalālaṃkṛtaśobhane |
svāpayāmi prabhuṃ kāntaṃ kāmayāmi yathāyatham || 86 ||
[Analyze grammar]

saṃvāhayāmi cāṃgāni prātarudbodhayāmi ca |
varṣāyāṃ pūjanaṃ naijavallabhasya yathocitam || 87 ||
[Analyze grammar]

karomi tu yathā varṣāśaityaṃ tasya na bādhate |
īṣaduṣṇajalaiḥ kāntaṃ snapayāmi tathā'mbaram || 88 ||
[Analyze grammar]

iṣaddhanaṃ tathā'nyāni dhārayāmi śubhāni ca |
kaisarāktaṃ candanaṃ ca dadāmi pūjane tadā || 89 ||
[Analyze grammar]

tatkālīnasupuṣpādyaiḥ pūjayāmi mameśvaram |
bhojanāni samaśītoṣṇāni cā'vātulānyapi || 90 ||
[Analyze grammar]

dadāmi svāmino mātaḥ sebe śayyāgataṃ harim |
śītakāle paramoṣṇavāriṃ dadāmi sarvathā || 91 ||
[Analyze grammar]

uṣṇāmbarāṇi sarvāṇi tathoṣṇabhojanānyapi |
uṣṇamiṣṭānnapakvānnānyarpayāmi tu śārṅgiṇe || 92 ||
[Analyze grammar]

śayyāyāṃ bālakṛṣṇasya pārśvalīnā bhavāmi ca |
prātaryathā na vai śaityaṃ bādhate'sya karomi tat || 93 ||
[Analyze grammar]

evaṃ svasyā mahadbhāgyaṃ jānāmi kṛṣṇasevane |
brahmānandaṃ mahānandaṃ sadā prāpnomi vai hareḥ || 94 ||
[Analyze grammar]

akṣare'pi pare dhāmni sevāprāptestu hetavaḥ |
akṣarasyā'dhigamanecchāvattvaṃ satataṃ nijam || 95 ||
[Analyze grammar]

ātmaniṣṭhatayā jñānaṃ bhagavanniṣṭhabhāvanā |
bhaktirbhagavataścāpi kṛṣṇanārāyaṇasya vai || 96 ||
[Analyze grammar]

māyāyā varjanaṃ nityaṃ divyasvātmavicintanam |
mṛṣājñānādivilayaḥ pramājñānodayastathā || 97 ||
[Analyze grammar]

snigdhatā māṃsatīnāthe pātivratyaṃ harau tathā |
satsaṃgaḥ sādhusevā ca śrīkṛṣṇārādhanā sadā || 98 ||
[Analyze grammar]

evamādibhirhetubhiścākṣaraṃ dhāma labhyate |
tatra kṛṣṇasnehapātrībhūtā prāpnoti sevanam || 99 ||
[Analyze grammar]

kṛṣṇāptau svārthadārḍhyaṃ vai yasyāstu vartate sadā |
sā śrīkṛṣṇaṃ prabhuṃ kāntaṃ prāpnotyeva na muñcati || 100 ||
[Analyze grammar]

harermāhātmyajñānena jayatyeva hare priyā |
harau prītimatī patnī vivardhate'tisadguṇaiḥ || 101 ||
[Analyze grammar]

śrutvā kṛṣṇaguṇān kṛṣṇaṃ cintayet kṛṣṇakāminī |
viniścinuyāt hṛdaye pārvatīśaṃ narāyaṇam || 102 ||
[Analyze grammar]

taṃ tu bhuñjīta satataṃ divyaṃ pratyakṣatāṃ gatam |
sa eva śrīharerbodhyaḥ prasādo bhoganāmakaḥ || 103 ||
[Analyze grammar]

raṃke vā rājasadṛśe samā prasannatā hareḥ |
patrapuṣpārpaṇādyaiśca drutaṃ kṛṣṇaḥ prasīdati || 104 ||
[Analyze grammar]

śraddhāsnehapremabhaktyādibhiḥ śīghraṃ prasīdati |
ityevaṃ badrike bālayoginī mātaraṃ prati || 105 ||
[Analyze grammar]

bahudhoktvā sthitiṃ svīyāṃ virarāma harau kṣaṇam |
punaśca bahirāgatya prabhokṛṣṇeti sañjagau || 106 ||
[Analyze grammar]

iti śrīlakṣmīnārāyaṇīyasaṃhitāyāṃ caturthe tiṣyasantāne bālayoginīgītāyāṃ bālayoginyā kathitānāṃ bālayogadharmāṇāṃ nirūpaṇamityādināmā trayodaśo'dhyāyaḥ || 13 ||
[Analyze grammar]