Chapter 10

śrīnaranārāyaṇa uvāca |
tataḥ sureśvarī mātā punaḥ papraccha kanyakām |
kathaṃ prāpyeta bhagavān punarme vada vistarāt || 1 ||
[Analyze grammar]

ityuktā sā punaḥ prāha prasannā bālayoginī |
tatsarvaṃ te kathayāmi śṛṇu badrīrame hitam || 2 ||
[Analyze grammar]

mātaḥ prāpyo bhavet kṛṣṇanārāyaṇo'tisevayā |
dāsyena snehapūreṇa tadarthārpaṇakarmabhiḥ || 3 ||
[Analyze grammar]

dehastasya kṛte kāryastadarthānīndriyāṇyapi |
tadarthaṃ mānasaṃ cāhaṃ cittaṃ buddhistadarthikā || 4 ||
[Analyze grammar]

kāmo modaḥ pramodaścotsavo mahastadarthakāḥ |
ramaṇaṃ svapanaṃ keliḥ sparśaḥ śayyā tadarthikāḥ || 5 ||
[Analyze grammar]

antaraṃ vā bahiścāpi rahasyaṃ ca tadarthakam |
guptaṃ prakāśaṃ sarvaṃ vā tadarthaṃ kāryamañjasā || 6 ||
[Analyze grammar]

tena labhyeta kamalākāntaḥ kāntatayā prabhuḥ |
mayā tadarthaṃ sarvaṃ vai kṛtaṃ cāharniśaṃ mama || 7 ||
[Analyze grammar]

miliṣyatīti bhagavān bhaktāyāḥ snehapāśavān |
bhagavantaṃ hṛdaye me paśyāmi saṃsmarāmi ca || 8 ||
[Analyze grammar]

śayane bhojane yāne mātaḥ paśyāmi taṃ manāk |
hasamānaṃ kvacit kāntaṃ cāhvayantaṃ nijāntike || 9 ||
[Analyze grammar]

ramamāṇaṃ rāmaye taṃ ramamāṇā hi tanmayī |
sa evaṃ me vyavasthāsu sahayukto vibhāvyate || 10 ||
[Analyze grammar]

nainaṃ tyaktvā paraṃ kaṃcit smarāmi mātaranvaham |
khānapānagatisthānaśayanaśravaṇādiṣu || 11 ||
[Analyze grammar]

tameva śrīprabhākāntaṃ praseve sahayoginī |
ramābhartuśca sādhūnāṃ kṛpayā'haṃ tathāvidhā || 12 ||
[Analyze grammar]

āhāraniyamaṃ prāptā nārāyaṇe parātmani |
ātmanaḥ saṃyamaṃ prāptā mālatīśe parātmani || 13 ||
[Analyze grammar]

etādṛśī sadā sādhyā kṛṣṇekāntikatā sthirā |
sarvābhiścāpi nārībhistadā mokṣaḥ kare sthitaḥ || 14 ||
[Analyze grammar]

brahmacaryavrataṃ tadvai yadvai brahmaṇi kāmanā |
brahmacaryavratenaiva dharmāḥ siddhyanti sarvaśaḥ || 15 ||
[Analyze grammar]

mukhyaṃ kāryaṃ kṛṣṇayogo nārīṇāṃ sarvadottamaḥ |
divyatā''pādako mātarmokṣastena prajāyate || 16 ||
[Analyze grammar]

śrīkṛṣṇe kāntavṛttiryā parāvarttyā na sā kvacit |
poṣaṇīyā sādhusaṃgāt prayatnena hi yoṣitā || 17 ||
[Analyze grammar]

kṛṣṇasyā'rucikṛd yattat parāvṛttyaṃ drutaṃ khalu |
aprasādakaro bhāvastyājyo nisargajo'pi vai || 18 ||
[Analyze grammar]

nityaṃ sadanurodhena vartitavyaṃ suyoṣitā |
sā jāyate saṃgayogyā divyamuktipradāyinī || 19 ||
[Analyze grammar]

dehābhimānaṃ mānaṃ vā tyājyaṃ kṛṣṇāntike sadā |
evaṃvidhāyā bhaktāyā śreyaḥsiddhirbhavediha || 20 ||
[Analyze grammar]

satsaṃgastādṛśīnāryāḥ kartavyaḥ śreyasāmpradaḥ |
yā kṛṣṇe yojayet snigdhā saiva mātā pitā prabhuḥ || 21 ||
[Analyze grammar]

yā kṛṣṇaṃ smārayennaiva yojayenna pareśvare |
śreyohetuṃ bodhayenna śaithilyaṃ darśayeddharau || 22 ||
[Analyze grammar]

doṣān pradarśayet satsu śrīkṛṣṇe durguṇāṃstathā |
pātayed bhagavadyogāt sā saṃgārhā na sarvathā || 23 ||
[Analyze grammar]

tasyā vacanaṃ mānyaṃ na stheyaṃ sākaṃ tayā na ca |
nirayāṇāṃ pradātrī yā sā na mātā śubhāvahā || 24 ||
[Analyze grammar]

kṛṣṇaścyaveta yadvākyānmānyaṃ tasyā vaco nahi |
kutarkāścet hṛdaye'pi bhaveyuḥ kṛṣṇabādhakāḥ || 25 ||
[Analyze grammar]

tadā kṛṣṇasya satataṃ kartavyaṃ kīrtanaṃ śubham |
prārthanīyo'pi bhagavān dīnabandhurdayārṇavaḥ || 26 ||
[Analyze grammar]

hare nārāyaṇa kṛṣṇa tavā'smi pāhi māmiha |
satāṃ nāmāni divyāni kīrtanīyāni vai tathā || 27 ||
[Analyze grammar]

ātmaniṣṭhā tathā kṛṣṇaniṣṭhā kāryā dṛḍhā sadā |
divyatā ca bhavecchreṣṭhā kutarkāṇāṃ vināśinī || 28 ||
[Analyze grammar]

kṛṣṇasyākārasaṃsphūrtiryathā syāt kāryameva tat |
yatra rūpe na vai kṛṣṇo draṣṭavyaṃ rūpameva na || 29 ||
[Analyze grammar]

yatra gandhe na vai kṛṣṇo ghrātavyo gandha eva na |
yatra sparśe na vai kṛṣṇaḥ spraṣṭavyaḥ sparśa eva na || 30 ||
[Analyze grammar]

yatrā''nande na vai kṛṣṇa ānandayitavya eva na |
yatra svāde na vai kṛṣṇa āsvādanīya eva na || 31 ||
[Analyze grammar]

yatra svāpe na vai kṛṣṇaḥ svapitavyaṃ na tatra ha |
yatra sthāne na vai kṛṣṇaḥ sthātavyaṃ tatra naiva ca || 32 ||
[Analyze grammar]

yatra veṣe harirnāsti veṣo viṣāyate mama |
yatra tattve na vai kṛṣṇaḥ sarvaṃ duḥkhāyate mama || 33 ||
[Analyze grammar]

īdṛgbhāvādisaṃsiddhyā kṛṣṇaḥ siddhyati kāntavat |
īdṛk śrīkṛṣṇayogena mātarmuktā bhavāmyaham || 34 ||
[Analyze grammar]

muktayā ca mayā nityaṃ sevyate parameśvaraḥ |
evaṃvidhā brahmavettrī paramāpnoti māpatim || 35 ||
[Analyze grammar]

bhaktyāśrayaṃ parabrahma pratyakṣaṃ puruṣottamam |
bhaktyā tvananyayā mātaścāpnoti kṛṣṇakāminī || 36 ||
[Analyze grammar]

pṛthivī strī sadā bodhyā bījapradaḥ patiḥ prabhuḥ |
sarvā nāryaḥ kṛṣṇapatnyaḥ pārthivyo mādhavāṃganāḥ || 37 ||
[Analyze grammar]

akṣaraṃ cāvatārāśca muktā muktānikāstathā |
īśvarāśca surā māyā tattvāni cetanāstathā || 38 ||
[Analyze grammar]

śarīraṃ yasya kṛṣṇasya śarīraṃ tvaṃganātmakam |
sa kṛṣṇaḥ sarvatattvātmā sarvarūpapatiḥ prabhuḥ || 39 ||
[Analyze grammar]

puruṣottamarūpaḥ sa brahmapureśvaro naraḥ |
anantaiśvaryasampannaḥ sākṣāt sevyo'sti naḥ patiḥ || 40 ||
[Analyze grammar]

evaṃ jñānaṃ parajñānaṃ muktisādhanamuttamam |
pūrṇajñānavatī sā syāt kṛṣṇasyaiva hi kāminī || 41 ||
[Analyze grammar]

cāñcalyavarjitā syāt sā kṛṣṇetarasmin sarvathā |
kṛṣṇe netraṃ yojanīyaṃ tvak kṛṣṇe śrīrameśvare || 42 ||
[Analyze grammar]

hastapādāstathā kṛṣṇe yoktavyāḥ mādhavīśvare |
indriyāṇi samastāni yoktavyāni rameśvare || 43 ||
[Analyze grammar]

cāñcalyaṃ sarvathā kṛṣṇe lagnaṃ sthirataraṃ bhavet |
śraddhāyāstāratamyena yatnaśaithilyayogataḥ || 44 ||
[Analyze grammar]

tāratamyaṃ sthiratve'pi harau bhaktasya saṃbhavet |
satsevāyāṃ parā śraddhā yasyāstasyā harāvapi || 45 ||
[Analyze grammar]

bhavatyeva na sandehaḥ sā divyā jāyate drutam |
lakṣmīnārāyaṇasaṃhitāyāstu satkathā muhuḥ || 46 ||
[Analyze grammar]

śrotavyāstābhirudayo bhakteḥ snehasya jāyate |
harau snigdhā hariṇyeva nārāyaṇī prajāyate || 47 ||
[Analyze grammar]

gāḍhaḥ sneho harau nityaviyogā'sahanātmakaḥ |
jāyate yoṣito yasyāḥ sā svābhīṣṭaviyojane || 48 ||
[Analyze grammar]

prāṇān jahyād vinā kṛṣṇaṃ sarvaṃ tasyā viṣāyate |
vikalā jāyate kṛṣṇaṃ vinā saukhyaṃ labheta na || 45 ||
[Analyze grammar]

raktā'sthimalamāṃsādibhṛteṣu sarvadehiṣu |
virāgabhāvamāpannā sthairyaṃ naiti hi kutracit || 50 ||
[Analyze grammar]

puruṣā durlabhā naiva śreyo'dhvaparipanthinaḥ |
saṃsārabhramadātāraḥ paratrā'tra ca duḥkhadāḥ || 51 ||
[Analyze grammar]

duṣpūrakāmāḥ sarvasvahartāro na hitāḥ pare |
bahujanmasu bhuktāste muhurjanmapradā narāḥ || 52 ||
[Analyze grammar]

eka eva hi satsaṃgaḥ śrīkṛṣṇo mokṣado mama |
taṃ vinā puttalaṃ sarvaṃ kathaṃ puttalamāśraye || 53 ||
[Analyze grammar]

ātmaniṣṭhāvatī nārī narekṣaṇānna muhyati |
nāpi kṣubhyati yuktātmā divyā kṛṣṇapriyā kvacit || 54 ||
[Analyze grammar]

ātmātmā nityasukhavān sa prāpyo mādhavīśvaraḥ |
ātmā'haṃ brahmarūpā'smi dāsyasmi vai prabhāpateḥ || 55 ||
[Analyze grammar]

brahmātmā'saṃkhyasakhībhiḥ sevitasya priyā'smyaham |
sa kṛṣṇo'sti narākāraḥ sa kṛṣṇaḥ śaraṇaṃ mama || 56 ||
[Analyze grammar]

evaṃvidhāyā bhaktāyā divyā dṛṣṭirvivardhate |
ato na svargabhogānāmicchāstasyāḥ pravartate || 57 ||
[Analyze grammar]

tadā laukikadehānāṃ bhogatṛṣṇā kutastarām |
etādṛśyā nityasādhvyā yoginyāḥ paramaṃ sukham || 58 ||
[Analyze grammar]

māyā tu duḥkharūpā'sti hyabhaktāyāḥ kṛte sadā |
bhaktāyāstu kṛte kṛṣṇe sevāyāṃ puṣṭidā hi sā || 59 ||
[Analyze grammar]

bhaktāyāḥ sukhadā kṛṣṇayogadā divyatāpradā |
mokṣadā'pi bhavatyeva kṛṣṇaprasādadāyinī || 60 ||
[Analyze grammar]

māyā bandhakarī yā vai hyabhaktānāṃ kṛte matā |
bhaktānāṃ yoṣitāṃ sā tu bhaktipuṣṭikarī matā || 61 ||
[Analyze grammar]

dehena manasā vācā'rpaṇena kāmanādibhiḥ |
sevante yoṣitaḥ kṛṣṇaṃ dehādyāstatra mokṣadāḥ || 62 ||
[Analyze grammar]

kṛṣṇaprasannatāprāptisādhanaṃ strīvapustataḥ |
prasādito gopikābhirmokṣado mādhavīśvaraḥ || 63 ||
[Analyze grammar]

tathā mayā prasādyo'yaṃ ramākṛṣṇanārāyaṇaḥ |
sarvātmā'kṣaranāthaśca kālakāleśvareśvaraḥ || 64 ||
[Analyze grammar]

yatra kṛṣṇācāryakānte vikalpo'nyo na jāyate |
nirvikalpā sthitiḥ sā vai sādhanīyā hi yoṣitā || 65 ||
[Analyze grammar]

naravat kāmabhāveṣu pravarteta prabhuryadi |
adhiko'pi pravarteta pravarteta tato'dhikaḥ || 66 ||
[Analyze grammar]

sarvaviṣayabhogeṣu pravarteta tato'tigaḥ |
sarvalokavigarhyeṣu tathāpi mādhavīśvare || 67 ||
[Analyze grammar]

śaṃkā yasyā na jāyeta divyatā utajāyate |
sarvakartari kṛṣṇe vai ghaṭate sarvakāraṇe || 68 ||
[Analyze grammar]

sarvameveti jānāti sevate sā haripriyā |
haristu vahnivad vyomavattathā lepavarjitaḥ || 69 ||
[Analyze grammar]

koṭiśvarāṇībhoktā'pi koṭimuktānikāpatiḥ |
boddhavyaḥ sarvadā dhāmni rādhāprajñāramāpatiḥ || 70 ||
[Analyze grammar]

yaddivyaṃ bhagavaddhāma brahma cāmṛtamakṣaram |
tatra mayā prāpaṇīyaḥ kṛṣṇaḥ kāntaḥ priyaḥ patiḥ || 71 ||
[Analyze grammar]

evaṃvidhā mama prajñā pramā vikalpavarjitā |
śrīkṛṣṇe sarvadā cāstu svāmiśrīmativallabhe || 72 ||
[Analyze grammar]

evaṃ śiṣyā nirvikalpaniścayāḍhyā hariprayā |
kṛtakṛtyā nirbhayā ca kārṣṇī nārāyaṇī matā || 73 ||
[Analyze grammar]

kṛṣṇasampattiyuktādvai gurornijeṣṭasiddhayaḥ |
prajāyante tataḥ sevyo gururnārāyaṇasthitiḥ || 74 ||
[Analyze grammar]

gurorbalena śiṣyā'pi kaniṣṭhotkṛṣṭatāṃ vrajet |
nirvikalpasthitiryasyāḥ sākṣātkṛṣṇapadāmbuje || 75 ||
[Analyze grammar]

sā naivā''kṛṣyate tvanyaiḥ kṛṣṇaśūnyaistaraṃgakaiḥ |
bhagavantaṃ prapannā yā na tvanyamānasā kvacit || 76 ||
[Analyze grammar]

sā māyāpāramāpannā brahmapriyā na saṃśayaḥ |
kṛṣṇe kṛṣṭaśarīrā sā jāyate puruṣottamī || 77 ||
[Analyze grammar]

kṛṣṇānande kṛṣṇapatnī bhūtvā'śnute'tikāmanāḥ |
kṛṣṇasevāṃ tu samprāptā modate kṛṣṇakāntake || 78 ||
[Analyze grammar]

evaṃ mātarmahānārāyaṇakṛṣṇaṃ bhajāmyaham |
dāsī bhūtvā'ṅganārūpā seve śrīvallabham prabhum || 79 ||
[Analyze grammar]

arucirbhūyasī me'sti kṛṣṇahīne tu vastuni |
atastu māyike tyāge sadā'sti vai rucirmama || 80 ||
[Analyze grammar]

satsu prītirharau prītirnaisargikī mamā'sti ca |
śrīkṛṣṇe vallabhe sarvasvāmini rucirasti me || 81 ||
[Analyze grammar]

nityaṃ maṃgalamūrtirvai kṛṣṇanārāyaṇaḥ prabhu |
avatārī samastāvirbhāvānāṃ parameśvaraḥ || 82 ||
[Analyze grammar]

paritaścāntare bāhye so'yaṃ kānto mayekṣyate |
divyo divyaguṇāgāraḥ sākāro divyabhūṣaṇaḥ || 83 ||
[Analyze grammar]

koṭimuktānikākāntaścātitejaḥprapūritaḥ |
divyalāvaṇyamādhuryaujjvalyaśītalatā'nvitaḥ || 84 ||
[Analyze grammar]

divyacandanapuṣpādyairarcito brahmaśaktibhiḥ |
atiprītyā vīkṣamāṇo māṃ kaṭākṣeṇa harṣakṛt || 85 ||
[Analyze grammar]

pratikṣaṇaṃ cekṣyate'yaṃ navo navo hariḥ patiḥ |
tatra bhaktirmama mātarniṣkāmā niścalā sadā || 86 ||
[Analyze grammar]

putre dhane striyāṃ kānte iva sneho harau mama |
evaṃ satsu hareścāpi prema sāhajikaṃ mam || 87 ||
[Analyze grammar]

teṣāṃ kīrtanavelāyāṃ mano me tatra dhāvati |
śrīkṛṣṇe vallabhācārye gopīnāṃ vallabhe prabhau || 88 ||
[Analyze grammar]

tārābhe tvātmahṛdaye vidyudābhe'nalaprabhe |
vāḍavābhe mahātejonibhe cātmani me dhavaḥ || 89 ||
[Analyze grammar]

mamā''nandapradaścāste brahmānandapravarṣakaḥ |
sarvānandapradaścāste tādātmyena sadā mayi || 90 ||
[Analyze grammar]

nirāvaraṇarūpā'haṃ paśyāmi svāminaṃ mayi |
mahāmodapradaṃ śuddhaṃ pūrṇaṃ paśyāmi matparam || 91 ||
[Analyze grammar]

etādṛśyā mama mātarmāyārāgo na vidyate |
nairguṇye vartamānāyāḥ kuto vai guṇalepanā || 92 ||
[Analyze grammar]

kuto'tra vāsanāścāpi kutaḥ karmāśayāstathā |
kutaḥ kośā bhautikāśca kuta saṃgo vināśinām || 93 ||
[Analyze grammar]

kuto drohaśca bhaktānāṃ kuto doṣekṣaṇaṃ satām |
kuto'haṃmamatāsparśaḥ kuto bhedādi kalmaṣam || 94 ||
[Analyze grammar]

kuto mānaṃ sarvadoṣanikaraṃ satsu māpatau |
rādhāramaṇayogena mātardivyaṃ samastakam || 95 ||
[Analyze grammar]

vidyate me śarīraṃ ca śārīro'pi susevakaḥ |
etādṛśīnāṃ muktānāmanyāsāṃ kṛṣṇayoṣitām || 96 ||
[Analyze grammar]

mātarbhavāmi pattrāṇā rajodhūlyādidhūsarā |
bhṛtyā dāsī preṣyadharmā dīnā ca sevikā'pi ca || 97 ||
[Analyze grammar]

evaṃ māhātmyapānā ca matiḥ kṛṣṇāccalennahi |
nā'syā duṣyati dāsītvaṃ kṛpāvedī tu sā hareḥ || 98 ||
[Analyze grammar]

nā'syāḥ patanaṃ dāsītvāt kṛṣṇakāntātvataḥ kvacit |
sā śaktiḥ syāt parābrāhmī kṛṣṇanārāyaṇī priyā || 99 ||
[Analyze grammar]

tasyā bhayād vāti vātastapatyarko'pi tadbhayāt |
meghāḥ ṛtūnāśrayanti tasyā bhayāt sadāmbare || 100 ||
[Analyze grammar]

abdhistiṣṭhati velāyāṃ bhayāttasya dhruvaḥ sthiraḥ |
lokapālāstathā mṛtyuḥ kālo māyā ca tadbhayāt || 101 ||
[Analyze grammar]

vartante nijakāryeṣu yathāyuktā yathāyatham |
etādṛśī mahāśaktirjāyate sā hariśritā || 102 ||
[Analyze grammar]

tamanādikṛṣṇanārāyaṇaṃ gopālanandanam |
prāptā'smyanādikāntaṃ śrīpatiṃ śrīkāntavallabham || 103 ||
[Analyze grammar]

tathā varteta yā nārī prāpnuyāttaṃ patiṃ prabhum |
tvaṃ mātastaṃ kṛṣṇakāntaṃ prāpnuhi śrīprasevitam || 104 ||
[Analyze grammar]

ityuktvā virarāmā'pi sā kanyā bālayoginī |
sureśvarī dadhārāpi hṛdaye badarīśvari || 105 ||
[Analyze grammar]

iti śrīlakṣmīnārāyaṇīyasaṃhitāyāṃ caturthe tiṣyasantāne bālayoginīgītāyāṃ sureśvaryai bhagavatprāptisthitiprabhṛti bālayoginyuktamityādinirūpaṇanāmā daśamo'dhyāyaḥ || 10 ||
[Analyze grammar]