Chapter 11

śrīnaranārāyaṇa uvāca |
badrīpriye śṛṇu tvaṃ ca tato devī sureśvarī |
papraccha dāsyaṃ kanyāyai kiṃvidhaṃ tad vadāmi te || 1 ||
[Analyze grammar]

dāsyaṃ dānamayaṃ sarvamātmadānaṃ mahattaram |
sukhadānaṃ manodānaṃ buddhidānaṃ tu śārṅgiṇe || 2 ||
[Analyze grammar]

cittadānaṃ mānadānaṃ sarvendriyapradānakam |
prāṇadānaṃ dehadānaṃ dāsyaṃ sarvapradānakam || 3 ||
[Analyze grammar]

mātastvevaṃ dāsikā yā brahmapriyā tu sā matā |
etādṛśīṃ parāṃ dāsīṃ mānavaścā'maro'pi vā || 4 ||
[Analyze grammar]

cālayituṃ samartho na kṛṣṇakāntāt pathāntare |
dāsyāścaivaṃvidhāyāstu bhayaṃ manāṅ na vidyate || 5 ||
[Analyze grammar]

dāsī sā devadevasya śrīpateḥ padminīpateḥ |
yathā tathā satāṃ dāsī prajñāvad bālayoginī || 6 ||
[Analyze grammar]

dhanyeyaṃ yā satāṃ yogaṃ hareryogaṃ ca vindate |
naraṃ kāntaṃ bālakṛṣṇaṃ sevate bālayoginī || 7 ||
[Analyze grammar]

siddhaṃ kārya bhavet tasyā mātardāsyaṃ cidambare |
yadatrānubhūyamānaṃ vikāsate'kṣare pade || 8 ||
[Analyze grammar]

tadrūpaṃ caitadevāpi svasiddhaṃ paramātmanaḥ |
śreyase cobhayaṃ rūpaṃ tathā'nantāni yānyapi || 9 ||
[Analyze grammar]

saccidānandarūpāṇi lāvaṇyasaṃbhṛtānyapi |
divyaiśvaryapūritāni sarvālaṃkāravanti ca || 10 ||
[Analyze grammar]

koṭikāmasurūpāṇi cānantataijasāni hi |
naikaśaktikalāvanti sarvāntaryamanāni ca || 11 ||
[Analyze grammar]

anantakoṭirādhāśrīlakṣmīkṣāsukhamuttamam |
anādiśrīkṛṣṇanārāyaṇasya darśanesti ve || 12 ||
[Analyze grammar]

sa kāryārthaṃ bahūnyeva dhatte rūpāṇi mādhavaḥ |
yathopayogaṃ yojayitvā tirodhāpayati prabhuḥ || 13 ||
[Analyze grammar]

indriyātmā ca devātmā viṣayātmā samīkṣyate |
māyikairna tu divyairvai dāsyaṃ prāptairhi dehibhiḥ || 14 ||
[Analyze grammar]

māyāmayīcchayā līlā nārāyaṇasya sā'sti hi |
sarvā kalyāṇarūpā sā divyadhāmapradā hi sā || 15 ||
[Analyze grammar]

narākāre bhāvanā sā divyā dāsītvabodhinī |
narākāreṣu yā satsu divyā sā bhāvanottamā || 16 ||
[Analyze grammar]

kṛṣṇavat sarvathā kāryā kṛṣṇadāsitvabodhikā |
nārīṣvapi ca sādhvīṣu divyā sā bhāvanottamā || 17 ||
[Analyze grammar]

kartavyā sarvadā mātardāsitvabodhikā tathā |
brahmapriyātvaṃ cāpyeta tayā sarvordhvayā tataḥ || 18 ||
[Analyze grammar]

evaṃ bhāvanayā yuktaṃ dāsyaṃ pūrṇaṃ prakāśate |
saṃsādhyaivaṃ paraṃ kāntaṃ kṛṣṇaṃ labhate nā'nyathā || 19 ||
[Analyze grammar]

dāsyāḥ kṛṣṇa indriyāṇi divyāni vidadhāti vai |
kṛṣṇayogena saugandhyaṃ divyaṃ dehe prajāyate || 20 ||
[Analyze grammar]

kṛṣṇayogena ca nityaṃ nirāvaraṇatā bhavet |
kṛṣṇayogena cā''nandapūrṇatā'harniśaṃ bhavet || 21 ||
[Analyze grammar]

uttamāḥ sarvaviṣayāḥ kṛṣṇayogena kṛṣṇavat |
jāyante śāntaye mātarniratyayāstathā'vyayāḥ || 22 ||
[Analyze grammar]

asaṃkhyasṛṣṭināthasya sukhordhvaṃ tvākṣaraṃ sukham |
tato'nantaguṇaṃ kṛṣṇakāntasya sukhamuttamam || 23 ||
[Analyze grammar]

brahmādyā īśvarāstasyā'ntike raṃkajanā iva |
bhavanti sarvathā mātastaṃ kṛṣṇaṃ hṛdi dhārayet || 24 ||
[Analyze grammar]

pūrṇānandanidhestveke sukhaṃ sarvaṃ samāpyate |
na dūre tādṛśaṃ cāste tasmāt kṛṣṇe'rpitā bhavet || 25 ||
[Analyze grammar]

evaṃ śrīmatkṛṣṇamūrtibhūryānandapariplutā |
jātā'smi te kṛpayā'tra mātardāsyaṃ bhajāmi ca || 26 ||
[Analyze grammar]

tādātmyānubhavenaiva kṛṣṇakānto'dhibhujyate |
nairguṇyabhāvamāpannā sevate yā tu dāsikā || 27 ||
[Analyze grammar]

sevinaṃ kṛṣṇakāntaṃ taṃ labhate sā nijānvitam |
mahānandapradaṃ sarvabhogatṛptipradaṃ prabhum || 28 ||
[Analyze grammar]

alpāpi kṛṣṇakāntārthā yasyā buddhiḥ kriyā'pi ca |
sā divyā brahmaśaktyākhyā sarvasiddhipravarṣiṇī || 29 ||
[Analyze grammar]

nirguṇā kṛṣṇasambandhād divyā'kṣayā'kṣarā'bhidhā |
darśanaṃ sparśanaṃ ghrāṇaṃ rasanaṃ śravaṇādi ca || 30 ||
[Analyze grammar]

svapanaṃ ramaṇaṃ dāsyamāśleṣaṇaṃ hareḥ prabhoḥ |
kṛṣṇasyaiva sadā mātaḥ kāryaṃ dāsyā na cetarat || 31 ||
[Analyze grammar]

nānyatra preraṇīyāni dehendriyāṇi sarvathā |
viśvastāni kṛṣṇayogāt pātayanti hi yoginīm || 32 ||
[Analyze grammar]

hare kṛṣṇa priyākṛṣṇa mādhavīkṛṣṇa sevikām |
dāsīṃ māṃ rakṣaya cānyāt prārthayet parameśvaram || 33 ||
[Analyze grammar]

evaṃ samprārthitaḥ kṛṣṇakānto rakṣati dāsikām |
brahmāṇḍe tādṛśo nāsti yādṛśaḥ kṛṣṇasadvaraḥ || 34 ||
[Analyze grammar]

akṣare brahmaṇi svīye rājate yo'tra vidyate |
divyābhiḥ śaktibhirdivyapārṣadaiḥ sevitaḥ prabhuḥ || 35 ||
[Analyze grammar]

rādhāramādibhirbhaktyā sevyate puruṣottamaḥ |
brahmāṇḍādhisvāmibhiśca prārthyate'ṇḍāgamāya saḥ || 36 ||
[Analyze grammar]

kṛpayā sa bālakṛṣṇastvāvirbhavati tatra tu |
devamānavapaśvādau karoti tanmayīṃ kriyām || 37 ||
[Analyze grammar]

yugānurūpaṃ svā''yuṣyaṃ dadhāti parameśvaraḥ |
balaṃ sāmarthyamevāpi dehaṃ cāpi yathāyugam || 38 ||
[Analyze grammar]

guṇā doṣāśca dṛśyante divyā eva harau tu te |
hitaṃ bhavennṛṇāṃ yadvad vartate sa tathā bhuvi || 39 ||
[Analyze grammar]

sajātīyaprasaṃgaṃ sa dadātyeva tathābhavan |
tejaḥ saṃkocayitvaiva mānavaḥ san pravartate || 40 ||
[Analyze grammar]

divye tatra nātiprītirmānavānāṃ yato bhavet |
tejasāṃ cā'sahā lokāḥ saumanasyaṃ na yanti hi || 41 ||
[Analyze grammar]

kvacit kāryavaśānmātarmahaiśvaryaṃ dadhāti saḥ |
pradarśayati bhaktebhyaḥ punarlīnaṃ karoti tat || 42 ||
[Analyze grammar]

anādiśrīkṛṣṇanārāyaṇāryaḥ puruṣottamaḥ |
gopālanandano mātaḥ sarvāvatāradhṛk sa hi || 43 ||
[Analyze grammar]

tasyāśraye bhaved bhaktānikā sadā'kutobhayā |
śarkarārasamūrtirvai yathaikatāttvikī bhavet || 44 ||
[Analyze grammar]

tathaikatattve śrīkānte saccidānandadhāmani |
parabrahmaṇi me mātastādātmyaṃ vidyate'dhunā || 45 ||
[Analyze grammar]

yathā vahniḥ praviṣṭo vai tvayogole vilokyate |
na lokyate'yogolastu tathā mātarmayi prabhuḥ || 46 ||
[Analyze grammar]

lokyate paśya sarveśaṃ nā'haṃ dṛṣṭipathā'smi hi |
aitadātmyamidaṃ sarvaṃ cā'haṃ vyāptā mahātmanā || 47 ||
[Analyze grammar]

cidānandena kṛṣṇena yatra tyājyaṃ na vidyate |
evaṃvettrī parābrāhmī jñeyā sā brahmavittamā || 48 ||
[Analyze grammar]

prāptā nirvikalpabhāvaṃ sthitaprajñā'tinirbhayā |
aikāntikīṃ sthitiṃ prāptā kṛṣṇe nirodhitāṃ gatā || 49 ||
[Analyze grammar]

narākṛtau harau jātā dṛḍhasnehānubandhinī |
snehamayī sadā bhaktā nirvikalpā matā sakhī || 50 ||
[Analyze grammar]

matiḥ kṛṣṇe dṛḍhā yasyāḥ kārṣṇī sā kṛtamokṣaṇā |
vikalpaiḥ saha yoddhavyaṃ nirvikalpecchayā sadā || 51 ||
[Analyze grammar]

ayudhyamānā viṣayairākṛṣyate patatyapi |
sarveśvaraṃ viditvāpi yeśvareśaṃ tyajatyapi || 52 ||
[Analyze grammar]

sā bhaved drohiṇī patyau kṛṣṇe kānte prabheśvare |
evaṃ drohavidhātryāṃ vai kṛṣṇo naiva prasīdati || 53 ||
[Analyze grammar]

kālaṃ karma svabhāvaṃ vā māyāṃ vetti tukāraṇam |
kṛṣṇanārāyaṇaṃ hitvā sā bhaved drohiṇī hareḥ || 54 ||
[Analyze grammar]

kṛṣṇanārāyaṇe muktā brahma kṛṣṇanarāyaṇe |
kṛṣṇanārāyaṇe santi hyavatārā asaṃkhyakāḥ || 55 ||
[Analyze grammar]

kṛṣṇanārāyaṇe sarvāḥ śaktayaśca tapāṃsi ca |
aiśvaryāṇi makhāścamatkārāḥ kṛṣṇanarāyaṇe || 56 ||
[Analyze grammar]

devā lokāśca gatayaḥ santi kṛṣṇanarāyaṇe |
sṛṣṭayaśca samastā vai santi kṛṣṇanarāyaṇe || 57 ||
[Analyze grammar]

paraṃ tattvaṃ priyaṃ kāntaṃ viduryā jñānasāgarā |
sā vettrī śrīkṛṣṇadāsau brahmī sā brahmavittamā || 58 ||
[Analyze grammar]

evaṃvidhāyāṃ bhaktāyāṃ bhavet kṛṣṇaprasannatā |
snehātiśayamāptāyāṃ guṇāḥ sarve vasanti hi || 59 ||
[Analyze grammar]

māhātmyajñānayugbhaktā bhavedekāntinī prabhau |
satāṃ sevāprasaṃgena kṛṣṇe bhaktiḥ prajāyate || 60 ||
[Analyze grammar]

manovāktanubhiḥ sevyāḥ santaḥ kṛṣṇasvarūpiṇaḥ |
sevātmakena dharmeṇa sādhanena kṛtena vai || 61 ||
[Analyze grammar]

sarvaṃ kṛtaṃ bhavedatra kartavyaṃ śiṣyate nahi |
satāṃ yogena bhagavān bahiścāntaḥ prakāśate || 62 ||
[Analyze grammar]

pataṃgavat svayaṃ kṛṣṇastasyā vṛttimayo bhavet |
ānandaṃ paramaṃ tena yāti mātarharerhi sā || 63 ||
[Analyze grammar]

dhṛtasya śuddhakāntasya hṛdi cātmani cā'kṣare |
harermāyā sneharūpā sukhayatyeva tāṃ satīm || 64 ||
[Analyze grammar]

pratyakṣe bhagavatkānte rasalīnā prajāyate |
kāntā kāntaṃ samāśliṣya brahmānande pramodate || 65 ||
[Analyze grammar]

nimajjati mahānande pare brahmaṇi svāmini |
guṇātīte mahānande premarasaṃ pibatyapi || 66 ||
[Analyze grammar]

māyātītaṃ patiṃ prāpya māyātītā prajāyate |
harau lagnā hariṃ yāti mocayatyeva tāṃ hariḥ || 67 ||
[Analyze grammar]

evaṃ kṛṣṇaṃ prapannāyāḥ kamalātvaṃ prajāyate |
yadyat sukhamabhīṣṭaṃ syādasyāḥ sarvaṃ pravarṣati || 68 ||
[Analyze grammar]

prapannāyā prapattirvai harermithaḥ prajāyate |
mithaścaikāntikatā'pi bhaktāyāścā'cyutasya ca || 69 ||
[Analyze grammar]

muktavat sarvakarmāṇi mithastayorbhavanti hi |
evaṃvidhāyāṃ bhaktāyāṃ mātaḥ satyayugasya tu || 70 ||
[Analyze grammar]

sarve dharmāḥ pravartante saṃkalpāḥ satyasaṃbhṛtāḥ |
mānasyastatra sarvā vai sṛṣṭayaśceṣṭadāyikāḥ || 71 ||
[Analyze grammar]

bhavanti kṛtakṛtyāyāṃ kṛṣṇayogena kṛṣṇavat |
kṛpālurbhagavān kṛṣṇaścaudāryaṃ vitaratyapi || 72 ||
[Analyze grammar]

mayā sarvavarṣmavatāṃ kartavyaṃ śreya uttamam |
evaṃ kṛpāṃ parāṃ kṛtvā narānnārīrnapuṃsakān || 73 ||
[Analyze grammar]

paśūn drumān pakṣiṇaścoddhārayatyeva yogadaḥ |
api śatrūn rākṣasāṃśca daityānuddhārayatyapi || 74 ||
[Analyze grammar]

pāpasthān strīsamudāyān bhogenoddhārayatyapi |
pāpāḥ prasaṃgamāsādya divyā muktā bhavanti hi || 75 ||
[Analyze grammar]

sarvatattvāni kṛṣṇasya cānupraveśato drutam |
brahmatāṃ yānti māyā'pi prayātyakṣarabhāvatām || 76 ||
[Analyze grammar]

netravṛttiḥ sthūlabhāvā raśmirūpā'pi taijasī |
bhautikyapi harau lagnā brahmabhāvamupaiti sā || 77 ||
[Analyze grammar]

ataḥ sā nirguṇā bhūtvā brahmaprakāśikā bhavet |
kṛṣṇākārā mahānandasukhamodapariplutā || 78 ||
[Analyze grammar]

kṛṣṇe sā līyate divye tvātmā'śnute sukhaṃ tu tat |
evaṃ bhūtvā kṛṣṇarūpā kṛṣṇānandaṃ samaśnute || 79 ||
[Analyze grammar]

mahābhāgavataṃ mātaḥ sukhaṃ kṛṣṇāt prapadyate |
samādhau divyanetrāptaṃ kṛṣṇasya darśanaṃ śubham || 80 ||
[Analyze grammar]

kṣaṇaṃ labdhamapi syāttat sahasrābdakṛtaṃ yathā |
akhaṇḍaṃ nirguṇaṃ pūrṇabrahmānandabhṛtaṃ sukham || 81 ||
[Analyze grammar]

bhaktābhiḥ śāśvataṃ vyavasthāsu kṛṣṇe'nubhūyate |
narākāre prabhau kṛṣṇe nṛpe vā sādhurūpiṇi || 82 ||
[Analyze grammar]

antaḥsthe divyarūpe vā tat sukhaṃ tvanubhūyate |
tasya kṛpālayāḥ santo mileyusteṣu cānvaham || 83 ||
[Analyze grammar]

snehavṛttyā sevayāpi tādṛśaṃ sukhamāpyate |
gurormūrteḥ paraṃ divyaṃ sukhaṃ tu sevayā'pyate || 84 ||
[Analyze grammar]

gurordrohaḥ satāṃ drohaḥ kṛṣṇadroho vināśakṛt |
guroḥ sevā satāṃ sevā kṛṣṇasevā'kṣarapradā || 85 ||
[Analyze grammar]

drogdhurbhavet kṛmikīṭaśilākāṣṭhā'drilokatā |
yatra mokṣārthayogo na tasmād drohaṃ vivarjayet || 86 ||
[Analyze grammar]

mānaṃ vivarjayeccāpi bhaktāgre kṛṣṇasannidhau |
mānaṃ hi kāraṇaṃ cāsti mahā'surapadasya vai || 87 ||
[Analyze grammar]

āsuratvaṃ nirayāya jāyate dveṣakāritam |
tena mānaṃ nayatyeva nirayādhvani sarvathā || 88 ||
[Analyze grammar]

māninastu harau sādhau kalpayantyaguṇān muhuḥ |
āpakārṣṭyakhyāpanārthaṃ tato yāntyadhamāṃ gatim || 89 ||
[Analyze grammar]

mānadveṣādināśārthaṃ sevanīyā hi sādhavaḥ |
kṛṣṇā'bhinnāḥ sādhavaste pāvayantyapi dūṣitān || 90 ||
[Analyze grammar]

sādhau snehaḥ paraḥ kāryo yena doṣo na codbhavet |
snigdhe doṣo bhavennaiva guṇagrāho bhavet sadā || 91 ||
[Analyze grammar]

satāṃ guṇagraheṇaiva kṛṣṇaguṇagraho bhavet |
brahmātmadarśanaṃ tena sākṣāddhareśca darśanam || 92 ||
[Analyze grammar]

sarvadā yaugalaṃ bhāvaṃ hariṇā saha vindate |
nā'syā nyūnaṃ bhavet sakhyāḥ sakhyuḥ patyuḥ samarjanāt || 93 ||
[Analyze grammar]

anantakoṭisūryenduvahnividyutsamaprabham |
akṣarasthaṃ kṛṣṇanārāyaṇaṃ sā labhate sakhī || 94 ||
[Analyze grammar]

pṛthvyāṃ sthitaṃ bālakṛṣṇaṃ kāntaṃ sā labhate sakhī |
mahāvīryaṃ mahārūpaṃ mahāśaktiprapūritam || 95 ||
[Analyze grammar]

ānandānāṃ mahāvārdhi kāntaṃ sā labhate sakhī |
muktibījāni sarvāṇi labhate kṛṣṇakāntataḥ || 96 ||
[Analyze grammar]

divyonmattā vartate sā manute svakṛtārthatām |
tasyā darśanakartṝṇāṃ śrotṝṇāṃ vacasāmapi || 97 ||
[Analyze grammar]

muktirdivyā'kṣaradhāmni bhaved yāntyakṣaraṃ hi te |
mātaścaivaṃ bālakṛṣṇaṃ kṛṣṇanārāyaṇaṃ patim || 98 ||
[Analyze grammar]

prāptā'smi sarvahṛdayaṃ kṛtakṛtyā'smi sarvathā |
na me kṛṣṇādṛte kaścit saṃsāro mānamarhati || 99 ||
[Analyze grammar]

madvidhā śrīpatiṃ nārāyaṇaṃ śrībadarīśvaram |
yā bhajiṣyati bhaktānī muktānī sā bhaviṣyati || 100 ||
[Analyze grammar]

evamuktvā virarāma kṣaṇaṃ sā bālayoginī |
badrīpriye punaḥ sā ca mātaraṃ prāha vacmi tat || 101 ||
[Analyze grammar]

iti śrīlakṣmīnārāyaṇīyasaṃhitāyāṃ caturthe tiṣyasantāne bālayoginīgītāyāṃ dāsyena nārāyaṇīsvarūpatāprāptyādinirūpaṇanāmaikādaśo'dhyāyaḥ ḥ || 11 ||
[Analyze grammar]