Chapter 62

śrīpuruṣottama uvāca |
śṛṇu nārāyaṇīśri tvaṃ sarvātmakaṃ narāyaṇam |
sarvakriyānvayaṃ nārāyaṇaṃ vidyāddhi māṃ tu yā || 1 ||
[Analyze grammar]

nārāyaṇaṃ japennityaṃ namenmāṃ puruṣottamam |
svāpe nārāyaṇaṃ yāne gamane māṃ narāyaṇam || 2 ||
[Analyze grammar]

sthāne nārāyaṇaṃ māṃ bhojane nārāyaṇaṃ ca mām |
unmeṣe ca nimeṣe ca nārāyaṇaṃ hi māṃ smaret || 3 ||
[Analyze grammar]

jāgaraṇe'pi māṃ nārāyaṇaṃ namet smarettathā |
bhojyaṃ peyaṃ ca lehyaṃ ca namo nārāyaṇeti yā || 4 ||
[Analyze grammar]

pāvayitvā'bhibhuṃkte yā sā yāti paramāṃ gatim |
anyānabhijanāṃścāpi prāpayatyeva sadgatim || 5 ||
[Analyze grammar]

mama nāmasmṛtisaṃkīrtanāḍhyāyāstu yoṣitaḥ |
tvaṃ lakṣmīrmama sarvasvarūpā kṛṣṇasyavallabhā || 6 ||
[Analyze grammar]

gṛhe kṣetre tathā vāse tasyā vasasi varṣmaṇi |
ṣoḍaśā'kṣaramantraṃ me paṭhamānā purendrajā || 7 ||
[Analyze grammar]

jayantī janmamūkā sā sārvajñyaṃ ca sarasvatīm |
prāpa pāṇḍityamutkṛṣṭaṃ bṛhaspatisamā'bhavat || 8 ||
[Analyze grammar]

oṃ namaḥ śrīkṛṣṇanārāyaṇāya svāmine namaḥ |
ityevaṃ japakartryā vai naipuṇyaṃ jāyate matau || 9 ||
[Analyze grammar]

oṃ namaḥ śrīkṛṣṇanārāyaṇāya pataye svāhā |
iti japaṃ prakurvantyāḥ saubhāgyaṃ susthiraṃ bhavet || 10 ||
[Analyze grammar]

kālamāyāpāpakarmaśatruyāmyakuhṛdbhayāt |
śūlamīnadhvajadhanuścakrasvastikavānava || 11 ||
[Analyze grammar]

ityevaṃ japamānāyā nātho nārāyaṇastvaham |
bhūtvā dadāmi me dhāmā'kṣaraṃ śāśvatamodanam || 12 ||
[Analyze grammar]

brāhmyahaṃ śrīkṛṣṇanārāyaṇabhaktā'smi śāśvatī |
anādiśrīkṛṣṇanārāyaṇaḥ svāmī patiśca me || 13 ||
[Analyze grammar]

ityevaṃ japamānā vai lakṣmīrūpāṃ karomyaham |
bālakṛṣṇaḥ parabrahma mama vai śāśvataḥ patiḥ || 14 ||
[Analyze grammar]

pitā bandhuḥ suhṛnmitraṃ rakṣakaḥ pālako'stu saḥ |
ityevaṃ japamānā vai brahmapriyāṃ karomyaham || 15 ||
[Analyze grammar]

śaraṇaṃ śrīkṛṣṇanārāyaṇo'stu mama sarvadā |
ityevaṃ japamānāyā nāśayāmyaghasaṃcayam || 16 ||
[Analyze grammar]

anādiśrīkṛṣṇanārāyaṇaḥ śrīpuruṣottamaḥ |
parabrahmā'kṣarātīto'vatārāṇāṃ svarūpadhṛk || 17 ||
[Analyze grammar]

antaryāmī sadā'smāsu bhagavān sarvakāraṇam |
sarvāntarātmā sarveśo nirlepo mokṣadaḥ sa hi || 18 ||
[Analyze grammar]

pāvanaḥ sevito bhuktimuktidaśca sadā'vatu |
ityevaṃ japamānāyai dadāmi kamalāpadam || 19 ||
[Analyze grammar]

brahmapriyāḥ samastāśca rādhālakṣmyādiyoṣitaḥ |
parabrahmasvarūpāśca parabrahmārdhamūrtayaḥ || 20 ||
[Analyze grammar]

parabrahmārthasarvasvā divyā bhuktipramuktidāḥ |
tatsambandhikriyāścāpi nirguṇā mokṣadāḥ sadā || 21 ||
[Analyze grammar]

ityevaṃ japamānā vai muktānīṃ prakaromyaham |
yo yo yā yā bālakṛṣṇaṃ tatpriyāśca bhajatyapi || 22 ||
[Analyze grammar]

sa sa sā sā tatsvarūpā divyā mokṣapradā sadā |
ityevaṃ japamānāyā divyarūpaṃ prajāyate || 23 ||
[Analyze grammar]

oṃ namaḥ śrīkṛṣṇanārāyaṇāya svāmine svāhā |
ityevaṃ japamānā sve rūpe'ntarbhāvayāmyaham || 24 ||
[Analyze grammar]

oṃ śrīkṛṣṇanārāyaṇaḥ śaraṇaṃ me itimanum |
japantyāḥ sādhayāmyeva puruṣārthacatuṣṭayam || 25 ||
[Analyze grammar]

kṛṣṇasyapriyabhaktā'haṃ śrīhariṃḥ śaraṇaṃ mama |
śrīkṛṣṇasarvavidyābdhiḥ śrīsvāmī śaraṇaṃ mama || 26 ||
[Analyze grammar]

śrīkṛṣṇo vallabhasvāmī śrīhariḥ śaraṇaṃ mama |
itimantrān japantyā me nityavāso'sti sā mayi || 27 ||
[Analyze grammar]

ime mantrā mayā lakṣmi svamūrtayaḥ prakāśitāḥ |
matsamā matsvarūpāste madvatkāryārthasādhakāḥ || 28 ||
[Analyze grammar]

śrīkṛṣṇovallabhonāthaḥ śaraṇaṃ me iti manuḥ |
sarvārthado dvādaśārṇastanmāhātmyaṃ vadāmi te || 29 ||
[Analyze grammar]

vedhaḥputrī samutpannā sarasvatī subālikā |
sarvavidyāparipūrṇā vedavedāṃgasaṃbhṛtā |
tataśca śāradā kanyā cotpannā brahmaṇaḥ sutā || 30 ||
[Analyze grammar]

sarasvatī vadatyeva saṃskṛtāmuttamāṃ giram |
śāradā na śaśākā'pi kṛtopanayanā'pi sā |
mūkā'bhavattadā jihvā spandate naiva yatnataḥ || 31 ||
[Analyze grammar]

khinno'bhavad vidhātā ca sāvitrī kheditā'bhavat |
tato vai śāradā kanyā śuśoca manasā hyati |
yayau sarasvatīpārśvaṃ darśayantī svajihvikām || 32 ||
[Analyze grammar]

sarasvatī vicāryaiva dvādaśā'kṣaramantravat |
jalaṃ pramantrya pradadau tajjihvāyāṃ tu pāvanam || 33 ||
[Analyze grammar]

śrīkṛṣṇavallabhācāryaḥ śaraṇaṃ me iti muhuḥ |
jalaṃ pramantrya pradadau tajjihvāyāṃ punaḥ punaḥ || 34 ||
[Analyze grammar]

tāvattu śāradādevyā vāṇī jihvāgatā'bhavat |
svaravyañjanavākyāni vedavedāṃgakāni ca || 35 ||
[Analyze grammar]

bhūtabhavyāni sarvāṇi jagau mantrapratāpataḥ |
evaṃ divyā'bhavadvāṇīyuktā vai śāradā satī || 36 ||
[Analyze grammar]

prasanno'bhūd viśvasṛṭ ca sāvitrī ca sarasvatī |
etadvai kathitaṃ lakṣmi dvādaśākṣaravaibhavam || 37 ||
[Analyze grammar]

paṭhatāṃ śṛṇvatāṃ cāpi dhruvaṃ vai paramaṃ padam |
api pāpasamācārā dvādaśā'kṣaratatparā || 38 ||
[Analyze grammar]

prāpnoti paramaṃ sthānaṃ me śubhaṃ tvakṣarābhidham |
omityekākṣaraṃ mantraṃ japan yāti parāṃ gatim || 39 ||
[Analyze grammar]

kṛṣṇetidvyakṣaraṃ mantraṃ japan golokamṛcchati |
śrīkṛṣṇatryakṣaraṃ mantraṃ japan golokamuttamam || 40 ||
[Analyze grammar]

vāsudevetimantraṃ vā rādhākṛṣṇeti vā japan |
caturvarṇaṃ manuṃ yāti tvayā kṛtaṃ nijālayam || 41 ||
[Analyze grammar]

oṃ nārāyaṇapañcārṇaṃ japan śvetākṣaraṃ padam |
namo nārāyaṇāyetijapan brahmākṣaraṃ padam || 42 ||
[Analyze grammar]

oṃ śrīkṛṣṇanārāyaṇaṃ japan yātyakṣaraṃ padam |
lakṣmīnārāyaṇaśrīromiti gṛṇan vikuṇṭhakam || 43 ||
[Analyze grammar]

anādikṛṣṇanārāyaṇetyapi cā'kṣaraṃ padam |
anādiśrīkṛṣṇanārāyaṇetidivyamakṣaram || 44 ||
[Analyze grammar]

oṃ māṇikīśrīkṛṣṇanārāyaṇeti parā'kṣaram |
padaṃ yāti japan dehi lakṣmi dhāmottamottamam || 45 ||
[Analyze grammar]

oṃ sukhadālakṣmīkṛṣṇanārāyaṇeti matpadam |
prāpnoti japavān bhakto bhaktānī japasaṃyutā || 46 ||
[Analyze grammar]

śrīkṛṣṇovallabhaḥsvāmī śaraṇaṃ me manuṃ tvimam |
manumūrdhanyamutsāhājjapan yāti mamā''ntaram || 47 ||
[Analyze grammar]

oṃ śrīkṛṣṇāya namaḥ oṃ nārāyaṇāya namaśca |
oṃ vāsudevāya namaḥ oṃ mahāviṣṇave namaḥ || 48 ||
[Analyze grammar]

oṃ viṣṇave namaśceti oṃ sadāśivāya namaḥ |
o hiraṇyagarbhāya namaḥ oṃ śivāya namastathā || 49 ||
[Analyze grammar]

oṃ rāmādityāya namaḥ oṃ nṛsiṃhāya namaśca |
oṃ kapilāya namaḥ oṃ śrīharaye namaśca || 50 ||
[Analyze grammar]

oṃ dattātreyāya namaḥ omṛṣabhāya namaśca |
oṃ vāmanāya namaśca oṃ parśurāmāya namaḥ || 91 ||
[Analyze grammar]

oṃ yajñāya namaśca oṃ sanatkumārāya namaḥ |
oṃ vyāsāya namaśceti oṃ buddhāya namastathā || 52 ||
[Analyze grammar]

oṃ naranārāyaṇāya namaḥ oṃ brahmaṇe namaḥ |
oṃ parabrahmaṇe namaḥ omantaryāmiṇe namaḥ || 53 ||
[Analyze grammar]

oṃ mādhavāya namaśca oṃ govindāya namaśca |
oṃ keśavāya namaśca oṃ śrīpataye namaśca || 54 ||
[Analyze grammar]

oṃ svāmine namaśca omakṣarātītāya namaḥ |
oṃ puruṣottamāya namaḥ oṃ paramātmane namaḥ || 55 ||
[Analyze grammar]

omanādiśrīkṛṣṇanārāyaṇāya vidmahe |
gopālakṛṣṇātmajāya dhīmahi |
tannaḥ kambharāśrīsutaḥ pracodayāt || 56 ||
[Analyze grammar]

ete mantrāḥ sadā lakṣmi bhuktimuktiphalapradāḥ |
tattaddhāmapradāḥ sarve pāpatāpapraṇāśakāḥ |
sarvapumarthadāścāpi sarvecchāpūrakāstathā || 57 ||
[Analyze grammar]

sahasraṃ cā'yutaṃ cāpi lakṣaṃ koṭirjapā matāḥ |
yathāśraddhaṃ yathāsaṃkhyaṃ yathāvegaṃ phalapradāḥ || 58 ||
[Analyze grammar]

oṃ śriyai namaḥ oṃ lakṣmyai namaḥ oṃ ramāyai namaḥ |
oṃ mahālakṣmyai namaḥ oṃ nārāyaṇyai namaśca vai || 59 ||
[Analyze grammar]

oṃ brāhmayaiva namaḥ oṃ puruṣottamyai namaśca tathā |
oṃ vaiṣṇavyai namaḥ oṃ kamalāyai namaḥ oṃ māyai namaḥ || 60 ||
[Analyze grammar]

oṃ vāsudevyai namaḥ oṃ kṛṣṇāyai nama ityapi |
oṃ mādhavyai namaḥ oṃ parameśvaryai nama iti || 61 ||
[Analyze grammar]

oṃ śivāyai namaḥ omantaryāmiṇyai nama iti |
oṃ mahāvaiṣṇavyai namaḥ oṃ padmāyai namastathā || 62 ||
[Analyze grammar]

oṃ kambharālakṣmyai namaḥ oṃ prajñāyai namastathā |
oṃ rādhāyai namaśca oṃ brahmapriyāyai namaśca || 63 ||
[Analyze grammar]

oṃ hariṇyai namaḥ oṃ haripriyāyai namastathā |
oṃ hiraṇyamayyai namaḥ oṃ kārṣṇavāllabhyai namaḥ || 64 ||
[Analyze grammar]

oṃ pārvatyai namaḥ oṃ māṇikyāyai nama ityapi |
oṃ sukhadālakṣmyai namaḥ oṃ śivarājñīśriyai namaḥ || 65 ||
[Analyze grammar]

oṃ nārāyaṇīśriyai namaḥ oṃ dhāminyai namaḥ |
oṃ sukhadālakṣmyai vidmahe nārāyaṇīśriyai dhīmahi |
tannaḥ śivarājñīśrīḥ pracodayāt || 66 ||
[Analyze grammar]

ā kṛṣṇāya vidmahe vallabhāya dhīmahi |
prajñā tannaḥ pracodayāt |
om ācāryāya vidmahe gurave dhīmahi |
pārvatī naḥ pracodayāt || 67 ||
[Analyze grammar]

ete mantrāḥ sadā lakṣmi bhuktimuktiphalapradāḥ |
yāvatpumarthadāḥ sarvasukhavāñcchāprapūrakāḥ || 68 ||
[Analyze grammar]

śataṃ sahasraṃ cāyutaṃ niyutaṃ koṭirityapi |
japtāḥ śraddhānvitāstvāṃ māṃ smṛtvā śāśvatakāmadāḥ || 69 ||
[Analyze grammar]

tvamahaṃ tvamahaṃ lakṣmi so'haṃ so'haṃ japecca yaḥ |
smṛtvā māṃ cāpi tasmai ca tasyai dadāmyahaṃ nijam || 70 ||
[Analyze grammar]

mamāsanaṃ mama dhāma mamātmānaṃ dadāmi ca |
madbhaktārthaṃ mama sarvaṃ śeṣayāmi na cārpaṇe || 71 ||
[Analyze grammar]

bhaja lakṣmi bhaja rādhe māṃ kṛṣṇaṃ vallabhaṃ patim |
bhaja kānte bhaja cānte prakāśe ca rahasyapi || 72 ||
[Analyze grammar]

bhaja dehe bhaja gehe prāṇapriyaṃ tathā''ntare |
bhaja gupte bhaja supte śāśvatānandakṛtsukham || 73 ||
[Analyze grammar]

bhajanaṃ bhaktiratyantaṃ premasevā vinodinī |
dravyasampadvāṭikādyairvāṅmanaḥkāyakarmabhiḥ |
seveta paramātmānaṃ śrīkṛṣṇaṃ māṃ pareśvaram || 74 ||
[Analyze grammar]

pratyakṣaṃ vartamānaṃ māṃ severan vai narāḥ striyaḥ |
ahaṃ divyasvarūpo'smi paramākṣaradhāmagaḥ |
sa evātra bhavāmyadya saurāṣṭre kaṃbharātmajaḥ || 75 ||
[Analyze grammar]

śrīmadgopālakṛṣṇasya nandanaḥ parameśvaraḥ |
manvantareṣu vai lakṣmi sthāsyāmyatraiva sarvathā || 76 ||
[Analyze grammar]

pāvano'haṃ gururūpo yathā'smi lomaśastathā |
dhātupāṣāṇamūrtyādau yathāhaṃ nivasāmi vai || 77 ||
[Analyze grammar]

tathā cā'smi vaiṣṇavācāryeṣu svayaṃ paraḥ prabhuḥ |
ye ye gurusthale yogyā abhiṣiktā narāḥ striyaḥ || 78 ||
[Analyze grammar]

teṣu tāsu nivatsyāmi sākaṃ tvayā hi padmaje |
tasmādvai guravo loke divyā mamaiva mūrtayaḥ || 79 ||
[Analyze grammar]

darśanāt sparśanāccapi sevanāt tārakā hi te |
māṃ vinā pṛthivī naiva riktā prajāyate kvacit || 80 ||
[Analyze grammar]

pravāhāṃ'śā''veśarūpaiḥ pravarte'haṃ vasāmi ca |
cetanā mūrtayaḥ sarvā gurvātmikā jagattraye || 81 ||
[Analyze grammar]

akṣare'haṃ sadā muktamuktānīpatirasmi ca |
goloke'haṃ gopikānāṃ gopānāṃ patirasmi ca || 82 ||
[Analyze grammar]

vaikuṇṭhe'haṃ pārṣadānāṃ pārṣadīnāṃ patistathā |
avyākṛte'pi caivā'smi tathā'mṛte bhavāmi ca || 83 ||
[Analyze grammar]

śrīpure dhīḥ svayamasmi kailāse śaṃkaro'smi ca |
satye brahmā guruścā'smi pitṛloke tathā'ryamā || 84 ||
[Analyze grammar]

bṛhaspatiḥ suraloke mānave sādhurasmi ca |
daityānāmuśanāścāsmi brāhmaṇānāṃ vasiṣṭhakaḥ |
sādhvī cāsmi yoṣitāṃ ca narāṇāṃ dhiṣṇyaśobhanaḥ || 85 ||
[Analyze grammar]

sarpāṇāṃ śeṣa evā'smi paśūnāṃ vṛṣabho'smi ca |
yādasāṃ kacchapaścāsmi krūrāṇāṃ śarabho'smi ca || 86 ||
[Analyze grammar]

kalpalatā tu vallīnāṃ śākhināṃ kalpapādapaḥ |
vidyārthināṃ śikṣako'smi vadhūnāṃ patimātṛkā || 87 ||
[Analyze grammar]

evaṃ gururevaṃ sarvatra mama sattāmayaṃ priye |
varte'haṃ sarvadā tatra gurau tīrthottamottame || 88 ||
[Analyze grammar]

guruṃ māṃ gocaraṃ jñātvā yo bhajeta nirantaram |
tasya nānyatra me gaveṣaṇaṃ kartuṃ hi śiṣyate || 89 ||
[Analyze grammar]

gurau sthitvā divyarūpaḥ pratīkṣāmi hi sevinaḥ |
ye yā yathā prapadyante tāṃstāṃstathā bhajāmyapi || 90 ||
[Analyze grammar]

sarvakāmān pūrayāmi śraddhābhāvasamanvitān |
premasnehārdrasaṃdṛbdhān karomi saphalān sadā || 91 ||
[Analyze grammar]

bāndhavo'haṃ bandhahartā gurau tiṣṭhāmi sarvathā |
bandhāstu vāsanārūpā vāsanā vṛttisaṃbhavā || 92 ||
[Analyze grammar]

vṛttayo yogalabhyāśca saṃyogo bhogyavastujaḥ |
bhogyadravyādyalabdhiśca viyoge vai sahāyinī || 93 ||
[Analyze grammar]

vṛttīnāṃ tena vilayo vāsanāvilayastataḥ |
nirbandhatā bhavettena yatitavyaṃ tathā sadā || 94 ||
[Analyze grammar]

guroryogo hi nirbandho bhāvanā''pādakaḥ sadā |
mokṣasthānaprāpakaśca mahānandapradastathā || 95 ||
[Analyze grammar]

divyatāpādakaścāpi satsaṃgaḥ śevadhirguroḥ |
evaṃ lakṣmi sadā'vāpyo bhavāmi premabhaktitaḥ || 96 ||
[Analyze grammar]

baddhān sarvān mocayāmi nirbandho'haṃ guruḥ priyaḥ |
tārayāmi mahāpāpān narānnārīrnapuṃsakān || 97 ||
[Analyze grammar]

paśūn pakṣigaṇān vārinivāsān vanino'pi ca |
drumān vallīstārayāmi surān pitṝn munīnapi || 98 ||
[Analyze grammar]

śaraṇāgatasantrātā bhavāmi bhagavānaham |
kāryaṃ me sukhadānaṃ ca duḥkhāt trāṇaṃ hi dehinām || 99 ||
[Analyze grammar]

tadeva sarvasṛṣṭyādau karomi cāpi sṛṣṭiṣu |
sṛṣṭyante'pi tathaivā'haṃ vidadhāmi prarakṣaṇam || 100 ||
[Analyze grammar]

ityetat kathitaṃ sarvaṃ yathā pṛṣṭaṃ priye tvayā |
vadhūgītāmayaṃ jñānaṃ sarvāsāṃ mokṣakṛt priye || 101 ||
[Analyze grammar]

paṭhanācchravaṇādasya jñātavyaṃ nā'vaśiṣyate |
bhuktimuktipradaṃ me vai tādātmyasampradaṃ tathā || 102 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne vadhūgītāyāṃ bahuvidhānāṃ divyamantrāṇāṃ gurorbalasya ca nirūpaṇanāmā dvāṣaṣṭitamo'dhyāyaḥ || 62 ||
[Analyze grammar]