Chapter 63

śrīnārāyaṇīśrīruvāca |
ke dāsā vaiṣṇavāḥ kṛṣṇakānta priya kṛpānidhe |
ke bhaktā kīdṛśāścāpi kīdṛśo mahimā'pi ca || 1 ||
[Analyze grammar]

śrīpuruṣottama uvāca |
dehasevāvidhātāro mama dāsā hi te matāḥ |
rahasyasevinaḥ śreṣṭhā niḥśaṃkā divyadṛṣṭayaḥ || 2 ||
[Analyze grammar]

ahaṃ mānuṣarūpeṇa vicarāmi janaiḥ saha |
janā māṃ vīkṣya laukīyaṃ sevante naiva śaṃkitāḥ || 3 ||
[Analyze grammar]

manvate nijavat kāmakrodhasvabhāvasaṃbhṛtam |
na manvate hi bhaktānāṃ saṃkalpapūrakaṃ prabhum || 4 ||
[Analyze grammar]

sarvāṇi me caritrāṇi dehajāni śubhāni vai |
smṛtānyapi vīkṣitāni mokṣadāni na saṃśayaḥ || 5 ||
[Analyze grammar]

tatra saṃśayakartāro na sevante hi māṃ khalāḥ |
adivyaṃ māṃ pramanvānā nindāṃ kurvanti me tataḥ || 6 ||
[Analyze grammar]

tena pāpena niraye tiryakṣvapi prayānti ca |
āsuratvaṃ na vai teṣāṃ lakṣmi kvacinnivartate || 7 ||
[Analyze grammar]

dāsyaṃ hi kaṭhinaṃ lakṣmi mahat sarvārpaṇātmakam |
naro vā yadi vā nārī dehaṃ daihikamarpayet || 8 ||
[Analyze grammar]

niḥśaṃkaṃ cārpayet sarvaṃ taddāsyaṃ cottamottamam |
tarkamūhaṃ saṃśayaṃ vā na madhye kārayet kriyāt || 9 ||
[Analyze grammar]

dharmaṃ lajjāṃ vyavahāraṃ na madhye sthāpayenmama |
nārāyaṇakṛto dharmo lajjā nārāyaṇaśritā || 10 ||
[Analyze grammar]

nārāyaṇavyavahāro mokṣadā netare iti |
matvā mama kriyāṃ sarvāṃ dharmātmikīṃ vicintayet || 11 ||
[Analyze grammar]

kāmaḥ krodhaśca lobhaśca moho madaśca narma ca |
aślīlaṃ cā'ghaṭitaṃ ca mama divyaṃ hi sarvathā || 12 ||
[Analyze grammar]

na me kāmo nārakī vai na me krodho hi ghātakī |
na me lobhaḥ pāpabhṛcca na me moho hi vañcakaḥ || 13 ||
[Analyze grammar]

na me mado bandhakṛcca na me narma vṛṣojjhitam |
na me'ślīlaṃ kṣudrakṛcca na me'ghaṭitamasti yat || 14 ||
[Analyze grammar]

sarvaṃ divyaṃ kṛtaṃ muktipradaṃ prajāyate hi tat |
tasmād dāsyaṃ hi kaṭhinaṃ kartuṃ sarvairjanairiha || 15 ||
[Analyze grammar]

narā nāryaśca yā dāsyaṃ kartumicchanti me sadā |
taiśca tābhiḥ sadā bhāvyamāśaṃkāvarjitaistathā || 16 ||
[Analyze grammar]

āśaṃkāvarjitābhiśca patnībhirbhāvyamityapi |
lakṣmīrādhāramākāntātulyābhirbhāvyamityapi || 17 ||
[Analyze grammar]

tato dāsyaṃ prakartavyaṃ nirāvaraṇamuttamam |
sarvaṃ premabhṛtaṃ dāsyaṃ śobhate vardhate'tyati || 18 ||
[Analyze grammar]

bhedabhāvaṃ vinā dāsyaṃ vardhate nityameva ca |
śaṃkā vinā paraṃ dāsyaṃ mahānandapradaṃ bhavet || 19 ||
[Analyze grammar]

parameśe patikṛṣṇe svāmini paramātmani |
kathaṃ śaṃkā kathaṃ prātikūlyaṃ vivekino bhavet || 20 ||
[Analyze grammar]

yat karoti svayaṃ kṛṣṇo mokṣadaṃ sarvameva tat |
yat karoti svayaṃ kṛṣṇo dharma eva hi puṇyakṛt || 21 ||
[Analyze grammar]

tasmād dāsyaṃ hi tādātmyapradaṃ kāryaṃ satījanaiḥ |
tādātmye cāvaraṇāni bhedakāni priye śṛṇu || 22 ||
[Analyze grammar]

aikyabhāve bhedabhāvaścāvaraṇaṃ hi tanmatam |
ahamanyā hariścānyaśceti bhānaṃ dvitīyakam || 23 ||
[Analyze grammar]

āvaraṇaṃ vighnakartṛ dāsye kṣatiṃ karoti tat |
ahaṃ nārī naraḥ kṛṣṇaḥ paraśca puruṣo hyayam || 24 ||
[Analyze grammar]

parā'haṃ ceti bhānaṃ cā'varaṇaṃ tat tṛtīyakam |
hareḥ pārśve sthitāyāśca bhayamanyasya yad bhavet || 25 ||
[Analyze grammar]

tadapyāvaraṇaṃ turyaṃ dāsye kṣatiṃ dadhāti vai |
nā'yaṃ vai samayaścā'sti pañcamāvaraṇaṃ hi tat |
nātra naiva mano me'sti ṣaṣṭhamāvaraṇaṃ hi tat || 26 ||
[Analyze grammar]

arthārthitvaṃ saptamaṃ cāvaraṇaṃ cāpi vidyate |
mānaṃ dāsye mahadvighnaṃ cāṣṭamaṃ taddhi gadyate || 27 ||
[Analyze grammar]

navamaṃ svārthasiddhiśca rodhikā dāsyakarmaṇaḥ |
daśamaṃ cā'divyatā ca rodhikā sevane sadā || 28 ||
[Analyze grammar]

yatheṣṭaviniyogaśca dāsye bhavati padmaje |
sa cennāsti tadā dāsyaṃ cotkṛṣṭaṃ naiva padyate || 29 ||
[Analyze grammar]

svatvaṃ dāsyaṃ tvadīyatvaṃ tatparatvaṃ tadātmatā |
pañcakaṃ dāsyasandṛbdhaṃ śobhate dāsyameva tat || 30 ||
[Analyze grammar]

yathā lakṣmi tava dāsyaṃ śobhate sarvameva ha |
tathā dāsyaṃ narāṇāṃ vā nārīṇāṃ śobhate kṛtam || 31 ||
[Analyze grammar]

bhaktiyuktaṃ kṛtaṃ sarvaṃ saprema śobhate mayi |
sarvāvaraṇavarjyaṃ sa śobhate modate mayi || 32 ||
[Analyze grammar]

brahmakriyāratā nityaṃ mama sevāparāyaṇāḥ |
śaṃkhacakrādyaṃkitāśca modante mayi vaiṣṇavāḥ || 33 ||
[Analyze grammar]

satāṃ sevāparāścāpi sādhvīsevāparāstathā |
viṣṇupūjāparāścāpi modante mayi vaiṣṇavāḥ || 34 ||
[Analyze grammar]

harerdāsā hareścāpi priyā haryarthavartinaḥ |
sarvadā mama bhaktyāḍhyā modante mayi vaiṣṇavāḥ || 35 ||
[Analyze grammar]

mahotsāhaparāścāpi mahānaivedyabhojanāḥ |
sarvaprasādayoktāro modante mayi vaiṣṇavāḥ || 36 ||
[Analyze grammar]

viṣṇorayaṃ yataścāste tasmādvai vaiṣṇavo mama |
nārāyaṇasya me cāste tato nārāyaṇīyakaḥ || 37 ||
[Analyze grammar]

sarveṣāmuttamo bhakto nārāyaṇīya eva ha |
brahmaṇo'yaṃ brāhmabhaktaścākṣarasya tathā''kṣaraḥ || 38 ||
[Analyze grammar]

kṛṣṇasyā'yaṃ kārṣṇabhakto modante mayi vaiṣṇavāḥ |
nārāyaṇīyā brāhmāśca tathā''kṣarā mamā'nugāḥ || 39 ||
[Analyze grammar]

brahmarūpadharā bhaktā brāhmaṇāste prakīrtitāḥ |
yataḥ sakāśāt sañjātā brāhmaṇā vedapāragāḥ || 40 ||
[Analyze grammar]

sādhavaste sanakādyā guravo brāhmaṇāḥ purā |
viprādīnāṃ guravaste sādhavo brahmayoginaḥ || 41 ||
[Analyze grammar]

brahmaṇā nirmitāḥ pūrvaṃ sanakādyā hi sādhavaḥ |
brahmaśīlā yatayaśca skandaśca hanumāṃstathā || 42 ||
[Analyze grammar]

evamete pratisṛṣṭisādhavo guravaḥ sadā |
śūdrāṇāṃ hi dvijāḥ santi guravo gṛhamedhinām || 43 ||
[Analyze grammar]

dvijādīnāṃ brāhmaṇāśca guravo gṛhamedhinaḥ |
brāhmaṇānāṃ sādhavaśca guravo mokṣadā yataḥ || 44 ||
[Analyze grammar]

sādhavaḥ sarvataḥ śreṣṭhāḥ surarṣipitṛpūjitāḥ |
surebhyaḥ sādhavaḥ śreṣṭhā maharṣibhyastathottamāḥ || 45 ||
[Analyze grammar]

pitṛbhyaḥ sādhavaḥ śreṣṭhā bhūsurebhyaḥ sadottamāḥ |
trailokye nāsti tacchraiṣṭyaṃ yacchraiṣṭhaṃ satsu vidyate || 46 ||
[Analyze grammar]

satītaḥ sādhavaḥ śreṣṭhā yatayo brahmadarśanāḥ |
gobhyaśca sādhavaḥ śreṣṭhā nityaṃ brahmaparāyaṇāḥ || 47 ||
[Analyze grammar]

bhūdevītaścottamāśca santo vai kṣamayā'nvitāḥ |
mūrtibhyaḥ sādhavaḥ śreṣṭhā jñānadānapramokṣaṇaiḥ || 48 ||
[Analyze grammar]

devatāyatanebhyaśca śreṣṭhāḥ santo hi tārakāḥ |
pativratābhyaḥ śreṣṭhāśca santaḥ śrīpatisevinaḥ || 49 ||
[Analyze grammar]

ṣaḍaṃgavediviprebhyaḥ śreṣṭhāḥ santo haripriyāḥ |
vedebhyaḥ sādhuvākyāni śreṣṭhāni kṛṣṇayojanāt || 50 ||
[Analyze grammar]

vedebhyaḥ sādhavaḥ śreṣṭhā vedāḥ sādhutvasaṃśrayāt |
tīrthebhyaḥ sādhavaḥ śreṣṭhāḥ śīghraṃ pāpavināśanāt || 51 ||
[Analyze grammar]

vratebhyaḥ sādhavaḥ śreṣṭhā yatheṣṭā'nantapuṇyadāḥ |
pāvakāt sādhavaḥ śreṣṭhā māyākalmaṣaśodhakāḥ || 52 ||
[Analyze grammar]

brahmarṣayo'pi sādhūnāṃ pūjayanti padāni vai |
īśvarāḥ kṛṣṇarūpāśca parameśo'hamacyutaḥ || 53 ||
[Analyze grammar]

pūjayāmaḥ sato bhaktān sādhūn sarvasvapāvanān |
santaste sadguṇaiścāḍhyā guṇāḍhyāḥ śreṣṭhino hi te || 54 ||
[Analyze grammar]

santaste brahmarājyena rājānaścakravartinaḥ |
santaste jñānabhaṇḍārā vidvāṃso guravaḥ parāḥ || 55 ||
[Analyze grammar]

ācāryāḥ santa evaite mokṣadā mantradāstathā |
santaste vedavidyādivijñāste brāhmaṇottamāḥ || 56 ||
[Analyze grammar]

ṣaṭkarmaniratāḥ santo viprā eva matā mama |
lakṣmi santo mamātmānaścātmā'haṃ vai satāṃ sadā || 57 ||
[Analyze grammar]

satyaśaucakṣāntiyuktā rāgadveṣavivarjitāḥ |
brahmavidyāvivekajñā vaiṣṇavāḥ sādhavaḥ parāḥ || 58 ||
[Analyze grammar]

agnihotraparāścāpi nityaṃ cātithipūjakāḥ |
pitṛbhaktā mātṛbhaktā vaiṣṇavāḥ sādhavaḥ parāḥ || 59 ||
[Analyze grammar]

dayādharmādisaṃyuktāstathā puṇyaparāyaṇāḥ |
śaṃkhacakrādicihnāḍhyāḥ vaiṣṇavāḥ sādhavaḥ parāḥ || 60 ||
[Analyze grammar]

kaṇṭhe mālā taulaseyī dhṛtā yaiścānane hariḥ |
gītiḥ kṛṣṇasya kurvanto vaiṣṇavāḥ sādhavaḥ parāḥ || 61 ||
[Analyze grammar]

saṃhitāsu ratā nityaṃ makheṣu ca ratāstathā |
sarvadharmeṣvādariṇo vaiṣṇavāḥ sādhavaḥ parāḥ || 62 ||
[Analyze grammar]

pāpāt pāpānmocayanti naiva nindanti mānavān |
dehinaḥ sukhayantyeva vaiṣṇavāḥ sādhavaḥ parāḥ || 63 ||
[Analyze grammar]

gopālakṛṣṇaṃ śrīkṛṣṇaṃ kṛṣṇanārāyaṇaṃ hi mām |
ye'rcayanti pratimāṃ me vaiṣṇavāḥ sādhavaḥ parāḥ || 64 ||
[Analyze grammar]

śālagrāmaṃ pūjayanti pūjayantyavatāriṇam |
anādiśrīhariṃ māṃ ca vaiṣṇavāḥ sādhavaḥ parāḥ || 65 ||
[Analyze grammar]

gopālo'yaṃ ca kṛṣṇo'yaṃ rāmādityo'yamacyutaḥ |
ityevaṃ māṃ pūjayanti vaiṣṇavāḥ sādhavaḥ parāḥ || 66 ||
[Analyze grammar]

kuṃkumavāpyāṃ rūpaṃ me yathā ca siddhapattane |
yathā ca gokule tadvad yathā himālaye'pi ca || 67 ||
[Analyze grammar]

yathā ca nārmade tīre yathā rūpaṃ dhṛtaṃ mayā |
tādṛgrūpaṃ pūjayanti vaiṣṇavāḥ sādhavaḥ parāḥ || 68 ||
[Analyze grammar]

caturbhujāṃ dvinetrāṃ ca śaṃkhacakragadābjagām |
pītāmbarāṃ samuralīṃ vanamālādiśobhanām || 69 ||
[Analyze grammar]

mukuṭena yutāṃ ramyāṃ kaustubhodbhāsitāṃ tathā |
rādhāramādisaṃyuktāṃ sauvarṇīṃ pratimāṃ mama || 70 ||
[Analyze grammar]

raupyāṃ tāmrodbhavāṃ cāpi paittalīṃ maṇijāṃ tathā |
pratiṣṭhāpyā''gamamantrairvedavākyairviśeṣataḥ || 71 ||
[Analyze grammar]

ṣoḍaśopacāramantraiḥ pūjayeyurvidhānataḥ |
premabhaktyā hṛdayena vaiṣṇavāḥ sādhavaḥ parāḥ || 72 ||
[Analyze grammar]

sādhavaste vaiṣṇavā vai manmayāḥ puṇyarūpiṇaḥ |
yathā viṣṇustathā sarve nā'ntaraṃ vartate manāk || 73 ||
[Analyze grammar]

evaṃ vijñāya rājaśri sādhūn sampūjayet sadā |
ahaṃ viṣṇurahaṃ sādhuḥ satī cāhaṃ pativratā || 74 ||
[Analyze grammar]

ahaṃ mātā pitā cāhaṃ patiḥ sādhvī ca yoginī |
ahaṃ nārāyaṇaḥ sādhuḥ svāmī nārāyaṇī tvaham || 75 ||
[Analyze grammar]

rudro rudrīrajaścājī suraḥ surī bhavāmyaham |
sarvabhūteṣu satataṃ vasāmi saṃbhavāmi ca || 76 ||
[Analyze grammar]

patikāmukayā pūjyaścāhaṃ patisvarūpavān |
mokṣakāmukayā pūjyaścā'haṃ śrīpuruṣottamaḥ || 77 ||
[Analyze grammar]

śrīnārāyaṇīśrīruvāca |
kathaṃ kadā bhavān pūjyo vastubhiḥ kaiśca keśava |
vidhinā kena bhagavan patikāmukayā vada || 78 ||
[Analyze grammar]

śrīpuruṣottama uvāca |
caitramāse śuklapakṣe hyekādaśyāṃ prage śubhe |
gatvā''rāme grahītavyā divyā damanamañjarī || 79 ||
[Analyze grammar]

gurvājñayā prakartavyaṃ pūjanaṃ damanasya vai |
damane tiṣṭhate kāmadevaśca ratisaṃyutaḥ || 80 ||
[Analyze grammar]

kāmadeva namaste'stu tvaṃ sadā puruṣottamaḥ |
hariṃ kāmaṃ vicinomi kṛpāṃ kuru mamopari || 81 ||
[Analyze grammar]

gītavāditranirghoṣairānetavyo gṛhaṃ prati |
adhivāsanapūrvaṃ ca sarvatobhadramaṇḍale || 82 ||
[Analyze grammar]

sthāpayitvā hariṃ kāmaṃ ratiṃ ca damanadrumam |
ācchādya śvetavastreṇa pūjayet kanyakā priye || 83 ||
[Analyze grammar]

klīṃ kāmadevāya namo hrīṃ ratyai ca namonamaḥ |
pūrvasyāṃ hrīṃ ca kandarpaṃ pūjayāmi niśā''game || 84 ||
[Analyze grammar]

gandhapuṣpākṣatadhūpadīpanaivedyakaiḥ śubhaiḥ |
ārārtrikādibhirdaivaṃ pūjayāmi patiṃ prabhum || 85 ||
[Analyze grammar]

madanāya namaḥ prācyāṃ manmathāya namo'gnike |
kandarpāya namo yāmye'naṃgāya namo nairṛte || 86 ||
[Analyze grammar]

vāruṇyāṃ mohanāya namaḥ smarāya namo'nile |
kauberyāmīśvarāya namaḥ puṣpabāṇāyeśānyāṃ namaḥ || 87 ||
[Analyze grammar]

sarvadikṣu namaskṛtya māṃ kanyā pūjayet tataḥ |
oṃ kandarpapuruṣāya vidmahe kāmadevāya dhīmahi |
tanno'naṅgaḥ pracodayāt || 88 ||
[Analyze grammar]

iti cāṣṭottaraśatajapān kuryāddhi sannidhau |
namo'stu kāmapataye puṣpaśarāya te namaḥ || 89 ||
[Analyze grammar]

manmathāyā''nandadātre namo ratikarāya te |
prītidāya namaste'stu sarvabījāya te namaḥ || 90 ||
[Analyze grammar]

kāntāya kāntarūpāya sarvavāsāya te namaḥ |
puruṣottamarūpāyā'naṃgadevāya te namaḥ || 91 ||
[Analyze grammar]

anādiśrīkṛṣṇanārāyaṇa vāñcchitakāmada |
hṛtsthāna pūraya kāmānme prabho kāmeśvarīpriya || 92 ||
[Analyze grammar]

stutvaivaṃ mañjarī vāri dātavye mama pādayoḥ |
gītavāditranṛtyaiśca kartavyaścotsavo mahān || 93 ||
[Analyze grammar]

jāgaraṇaṃ prakuryācca prātaḥ snātvā'rcayeddharim |
guruṃ cāpi draviṇādi vastrālaṃkārabhojanam || 94 ||
[Analyze grammar]

dāne'rpayeddhi gurave sahā'śnīyācca vaiṣṇavaiḥ |
bhūmidānaṃ dhenudānaṃ mahādānaṃ tu bhūriśaḥ || 95 ||
[Analyze grammar]

sarvadānaṃ tayā dattaṃ mañjaryāḥ pūjanena me |
gosahasrapradānasya phalaṃ damanakārcane || 96 ||
[Analyze grammar]

mallikākusumairmāṃ yā vasante kāntamuttamam |
arcayetparayā bhaktyā sā kāntaṃ labhate dhruvam || 97 ||
[Analyze grammar]

madhukaśca damanakaścātiprītikarau hareḥ |
tābhyāmahaṃ pūjito drāk patiṃ dadāmi yoṣite || 98 ||
[Analyze grammar]

kanyāyai ratirūpāyai prasannaḥ puruṣottamaḥ |
patiṃ dadāmi tadyogyaṃ kāntaṃ kāntinidhiṃ śubham || 99 ||
[Analyze grammar]

kāmadevasamaṃ ramyaṃ savayaskaṃ madātmakam |
saumyaśīlaṃ ca nīrogaṃ sampadyukta guṇākaram || 100 ||
[Analyze grammar]

prītipātraṃ premapātraṃ dadāmi patimuttamam |
ityevaṃ kathitaṃ lakṣmi muktidaṃ bhuktidaṃ vratam || 101 ||
[Analyze grammar]

pūjanaṃ mama loke'tra bhajanaṃ cāpi cottamam |
gurutīrthaṃ sādhusādhvīrūpaṃ cāpi tathottamam || 102 ||
[Analyze grammar]

dāsadāsīvaiṣṇavādisvarūpāṇi tathā priye |
anāvaraṇasevā ca kathitā mama labdhaye || 103 ||
[Analyze grammar]

paṭhanācchravaṇāccā'sya smaraṇāt karaṇāttathā |
avaśyaṃ phalamāpnoti bhaktā bhakto yathoditam || 104 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparayugasantāne vadhūgītāyāmanāvaraṇasevādāsyasāghusādhvīśraiṣṭhyadamanakavratādinirūpaṇanāmā triṣaṣṭitamo'dhyāyaḥ || 63 ||
[Analyze grammar]