Chapter 274

śrīkṛṣṇa uvāca |
rādhike śrībālakṛṣṇo mumude vīkṣya patrikām |
bṛhaspatiṃ praṇeme ca ratnahāraṃ dadau gale || 1 ||
[Analyze grammar]

bṛhaspatirharestasya janmadinaṃ vyalokayat |
cāndre māsi kārtike ca dale kṛṣṇe'ṣṭamīdine || 2 ||
[Analyze grammar]

kṛṣṇanārāyaṇajanma satīśrīkambharodarāt |
jātaṃ tasya caturdaśasamā māso dināni ṣaṭ || 3 ||
[Analyze grammar]

vyatītaḥ samayaścādya vartate tu caturdaśī |
mārgaśīrṣasya kṛṣṇasyodvāhasvīkṛtiyugdinam || 4 ||
[Analyze grammar]

protsavo bhavitā kāśyāmitaśca pañcame dine |
mārgaśuklacaturthyāṃ vai sarvaśreṣṭhamuhūrtake || 5 ||
[Analyze grammar]

yogapatrī tathā cāvedayatyeva sumaṃgalam |
śiveśvareṇa devena preṣito'haṃ sapatrakaḥ || 6 ||
[Analyze grammar]

sarvaṃ śubhaṃ subhagaṃ syād gopālakṛṣṇa cottamam |
gopālakṛṣṇo devarṣiṃ vilokya lomaśaṃ munim || 7 ||
[Analyze grammar]

āhvayāmāsa tūrṇaṃ sa munistatra samāyayau |
kṛtādaraḥ kṛtadevagurupūjaḥ śubhāsane || 8 ||
[Analyze grammar]

niṣasāda kuśalaṃ ca pṛṣṭavān sa bṛhaspatim |
gopālakṛṣṇadattāṃ ca patrikāṃ sa vyalokayat || 9 ||
[Analyze grammar]

kṛtanāradaśaṃsāṃ tāṃ vācayāmāsa lomaśaḥ |
śrāvayāmāsa māṃgalyaṃ vardhayāmāsa so'pi ca || 10 ||
[Analyze grammar]

bālakṛṣṇastu mumude kaṃbharā mumude bhṛśam |
kuṭumbino mumudire śrutvā tāṃ yogapatrikām || 11 ||
[Analyze grammar]

sarvā brahmapriyāścāpi śrutvā harṣaṃ paraṃ yayuḥ |
parīgaurīhāritīśaktyamaryādyā mudaṃ yayuḥ || 12 ||
[Analyze grammar]

gopālakṛṣṇo vādyāni vādayāmāsa vai tadā |
gurave pradadau pāritoṣikaṃ dakṣiṇāṃ śubhām || 13 ||
[Analyze grammar]

bhojayāmāsa vidhinā pāyasānnaṃ sumiṣṭakam |
pūjayāmāsa śanakaiścandanādyaistataḥ param || 14 ||
[Analyze grammar]

gopālakṛṣṇo bhagavān papraccha nāradarṣaye |
kanyāguṇān lakṣaṇāni kanyāyā nārado'vadat || 15 ||
[Analyze grammar]

brahmāṃśaḥ śaṃkaro devaḥ śiveśvaro virājate |
mahābhāgavataścāpi mahālakṣmīrhi pārvatī || 16 ||
[Analyze grammar]

ubhau nārāyaṇāṃśau hi gariṣṭhau ca variṣṭhakau |
pūjitau sarvalokaiśca garīyāṃsau pareśvarau || 17 ||
[Analyze grammar]

tayoḥ putrī svayaṃ lakṣmīrduḥkhadāridryanāśinī |
kanyakānāṃ yoṣitāṃ ca varā cātīva sundarī || 18 ||
[Analyze grammar]

kāṃ praśaṃsāmahaṃ kurve śaṃbhuputryā viśeṣataḥ |
ramaṇīyā'tiramyā sā ramā rāmāsu pūjitā || 19 ||
[Analyze grammar]

udbhinneṣadyauvanā ca nidhirvai sarvasampadām |
lakṣmīcihnasahasraiśca śobhitā parameśvarī || 20 ||
[Analyze grammar]

pītacampakavarṇābhā ratnābharaṇabhūṣitā |
vidyullateva cāñcalyahāsavilāsamaṇḍitā || 21 ||
[Analyze grammar]

taptakāñcanabhāyuktā tejasojjvalitā satī |
divyāṃgā divyatattvā ca śuddhasattvānvitā sadā || 22 ||
[Analyze grammar]

satyadayākṛpāśīlā tāpasī ca harivratā |
śāntā dāntā ca subhagā'nantaudāryanidhānikā || 23 ||
[Analyze grammar]

mastake svastikasvarṇagūḍhalekhāvirājitā |
vakradīrghasvarṇavarṇaprāntakṛṣṇamanoharaiḥ || 24 ||
[Analyze grammar]

satejaskaiśca caṃcadbhiḥ śiraḥkeśairvirājitā |
svarṇarekhasamaṃ ramyaṃ tilakaṃ tu viśālake || 25 ||
[Analyze grammar]

bhāle naisargacandraṃ ca dadhānā rājate hi sā |
rādhā vā kamalā vā sā māṇikī vā'rkajā ca kim || 26 ||
[Analyze grammar]

pārvatī sāramā vāpi sarasvatī ca śāradā |
vairājī vāsudevī vā nārāyaṇī sadāśivā || 27 ||
[Analyze grammar]

padmā vā virajā vāpi sāvitrī vā ca vaiṣṇavī |
indrāṇī ca varuṇānī candrāṇī rohiṇī ca vā || 28 ||
[Analyze grammar]

kuberāṇī sūryapatnī svāhā vā'halyikā ca vā |
dyauḥ svayaṃ kiṃ ca vā brāhmī śaktirvā śīlikā svayam || 29 ||
[Analyze grammar]

yadvā'nyāsu ramaṇīṣu śreṣṭhāḥ santi manoharāḥ |
tāḥ sarvāḥ śivakanyāyāḥ kalāṃ nārhanti ṣoḍaśīm || 30 ||
[Analyze grammar]

śaratpūrṇenduśobhāḍhyā śaratkamalalocanā |
tava putrasamā mūrtiḥ kimayaṃ tattanuṃ gataḥ || 31 ||
[Analyze grammar]

vivāhayogyā yuvatī vartate sātiśobhanā |
divyadehā nārikā'pi bhautikāṃśavivarjitā || 32 ||
[Analyze grammar]

bālakṛṣṇasvarūpā sā kṛṣṇanārāyaṇī hi sā |
manye cāyaṃ parabrahma dvedhā bhūto virājate || 33 ||
[Analyze grammar]

kimatra varṇanīyaṃ vai yā hi sākṣāddharirhi sā |
gopālakṛṣṇa putraste bhāgyavān bhagavān svayam || 34 ||
[Analyze grammar]

puruṣottamasaṃjñāya sarvasṛṣṭiṣu gīyate |
seyaṃ tadaṃśā sarvāṃgī śrīlakṣmīḥ puruṣottamī || 35 ||
[Analyze grammar]

bālakṛṣṇakṛte jātā loke'tra muktidā nṛṇām |
jaganmātā sarvamātā kimu tāṃ varṇaye nviha || 36 ||
[Analyze grammar]

śṛṇu cihnāni sarvāṇi yaiḥ sā jñāyeta cedṛśī |
kīdṛśī vā svayaṃ kā vā nirṇetavyaṃ na yatparam || 37 ||
[Analyze grammar]

yāni lokāḥ samākarṇya muktimīyurna saṃśayaḥ |
divyadṛṣṭyā gurubhāvānmayā dṛṣṭāni varṇaye || 38 ||
[Analyze grammar]

śivakanyāhṛdaye'sti bālakṛṣṇākṛtiḥ śubhā |
pādayoḥ puṇḍrarekhordhvarekhe staḥ śobhane śubhe || 39 ||
[Analyze grammar]

jaghane bāṇarekhā'syā lalāṭe mukuṭākṛtiḥ |
gaṇḍe tu dakṣiṇe bhāle śoṇabinduḥ praśobhate || 40 ||
[Analyze grammar]

urasi viṣṇurekhā ca vāmabāhau gadā śubhā |
vāmasakthni pādukā ca vaijayantī hṛdi sthitā || 41 ||
[Analyze grammar]

kare'syāḥ kamalaṃ cāste gajacihnaṃ tathā'param |
dakṣe pāde śaṃkhacihnaṃ naukācihnaṃ vimānakam |
gadā matsyaḥ śikharaṃ ca jhaṣastāmbūlavallikā || 42 ||
[Analyze grammar]

vāme pāde yavarekhā prāsādaśchatramityapi |
ūrdhvarekhā kamalaṃ ca dhvajoṃ'kuśo ghaṭo'pi ca |
kumudaṃ śrīphalaṃ cāpi sthalapadmaṃ ca candramāḥ || 43 ||
[Analyze grammar]

daśacakrāṇi pūrṇāni svarṇarekhā'ṅgulīṣu ca |
lalāṭe pauraṭo hāraḥ svarṇarekhāśca bindukaḥ || 44 ||
[Analyze grammar]

cibuke binduko hastarekhā dakṣastanopari |
cakraṃ vāmastane kaṇṭhe hāro vakṣasi kānakaḥ || 45 ||
[Analyze grammar]

dhvajo matsyaśca vaṃśī ca svastiśca dakṣiṇe kare |
dhanurmatsyaḥ kalaśaśca dakṣe kare ca santyapi || 46 ||
[Analyze grammar]

prākārastoraṇaṃ cāpi kamalaṃ santi dakṣake |
pādaphaṇāyāmaśvaśca lāṃgalaṃ ca karī tathā || 47 ||
[Analyze grammar]

vṛkṣo yūpastathā bāṇastomaraṃ santi pādake |
haste ca mālikārekhā dīparekhā ca cāmaram || 48 ||
[Analyze grammar]

śolaśca kuṇḍalaṃ vedī cakraṃ santi śubhāni vai |
śobhanāni sucihnāni santyasyāścetarāṇyapi || 49 ||
[Analyze grammar]

nā'nyā tvetādṛśī dṛṣṭā trailokye kamalāṃ vinā |
naitādṛśāni cihnāni sarvāṇi vai śriyaṃ vinā || 50 ||
[Analyze grammar]

gopālakṛṣṇa putro'yaṃ tava sākṣāt pareśvaraḥ |
sarvaṃ jānāti tadvṛttaṃ nityaṃ gatvā ca pūjanam || 51 ||
[Analyze grammar]

tayā kṛtaṃ pragṛhṇāti tatpitṛbhyāṃ kṛtaṃ tathā |
tathā'pyajña ivā''ste'tra māyāṃ kurvan hariḥ svayam || 52 ||
[Analyze grammar]

hemaśālāyananāmā jānāti munirāḍidam |
hanumāṃśca vijānāti lakṣyāstapo hareḥ kṛte || 53 ||
[Analyze grammar]

bālakṛṣṇo varadānaṃ svayogārthaṃ dadau tadā |
sarvametacchubhaṃ cāste lakṣmyarpaṇaṃ narāyaṇe || 94 ||
[Analyze grammar]

gopālarāja paśyemaṃ devaguruṃ bṛhaspatim |
māṃgalike mahākārye patraṃ nītvā tava gṛhe || 55 ||
[Analyze grammar]

āgataṃ yatpādapadme pūjayanti sureśvarāḥ |
dhanyaṃ puṇyaṃ yaśasyaṃ te gṛhaṃ tenāpi pāvitam || 56 ||
[Analyze grammar]

aho bhāgyamahaṃ manye yo'haṃ godohanasthiraḥ |
lakṣmīnārāyaṇayogotsavadarśanabhāgyavān || 57 ||
[Analyze grammar]

bhaviṣyāmi nivatsyāmi hyaśvapaṭṭataṭe sadā |
praseviṣye'saṃkhyapatnīpatiṃ śrīpuruṣottamam || 58 ||
[Analyze grammar]

subhaktyā bālakṛṣṇaṃ taṃ śrāvayiṣye ca gītikāḥ |
utsaveṣu sadā sārdhaṃ vicariṣyāmi śārṅgiṇā || 59 ||
[Analyze grammar]

idaṃ vai janmasāphalyaṃ hareryogo bhavediha |
yena kenāpi bhāvena bhajanīyaḥ pareśvara || 60 ||
[Analyze grammar]

gopālakṛṣṇa dhanyo'si dhanyo'sti śivaśaṃkaraḥ |
dhanyā'sti kambharālakṣmīrdhanyā devī ca pārvatī || 61 ||
[Analyze grammar]

dhanyā kuṃkumavāpī ca dhanyā vārāṇasī kṣitiḥ |
dhanyo bṛhaspatiścāpi dhanyo devarṣināradaḥ || 62 ||
[Analyze grammar]

yeṣāṃ hṛdi cakṣuṣośca vasati śrīnarāyaṇaḥ |
dhanyaścaturthīdivasaḥ sarvapūjyo bhaviṣyati || 63 ||
[Analyze grammar]

bhaviṣyanto'vatārāśca vidhāsyantyatra cotsavam |
tatra dine'rpitā kanyā lakṣmītulyā bhaviṣyati || 64 ||
[Analyze grammar]

ityuktvā nārado maunaṃ jagrāha ca bṛhaspatiḥ |
viśrāntiṃ śāntibhavane jagṛhatuśca tau tataḥ || 65 ||
[Analyze grammar]

atha śrīnāradarṣiśca lakṣmyuktaṃ surahasyakam |
nivedayituṃ kṛṣṇāya bālakṛṣṇālayaṃ yayau || 66 ||
[Analyze grammar]

bālakṛṣṇo'pi bhagavān lakṣmyuktaṃ vettumāturaḥ |
pratīkṣate nārado me kadā hṛdyaṃ vadiṣyati || 67 ||
[Analyze grammar]

tāvacchrīnāradastatra kṛṣṇasaudhe samāyayau |
natvā śrībālakṛṣṇaṃ taṃ vihasya bhagavannamaḥ || 68 ||
[Analyze grammar]

samuccāryā''nanditaśca niṣasāda hi bhūtale |
tāvacchrībālakṛṣṇo'sau samutthāpya ca satvaram || 69 ||
[Analyze grammar]

devarṣiṃ kānake naije paryaṅke taṃ nyaṣādayat |
kṛtvā vakṣasi harṣeṇa samasaṅkta mahāmunim || 70 ||
[Analyze grammar]

prapraccha kuśalaṃ lakṣmyā vada nārada hṛdgatam |
kiṃ svit sukhaṃ samāste sā kiyanmaddharṣasaṃbhṛtā || 71 ||
[Analyze grammar]

kiṃsvidvicāravatyāste madarthaṃ śivakanyakā |
kimuktavatī vā kiñcid rahasyaṃ jñāpitaṃ tayā || 72 ||
[Analyze grammar]

vada me nārada śīghraṃ jijñāsitaṃ sukhāvaham |
ityukto nārado rādhe vaktukāmaḥ praharṣavān || 73 ||
[Analyze grammar]

uvāca vidhivat sarvaṃ yathoktaṃ śivakanyayā |
ākarṇaya harekṛṣṇa sukhamāste tvadarthinī || 74 ||
[Analyze grammar]

yadā'haṃ gatavān kāśyāṃ varaṇāyāstaṭe śubhe |
udyānaramyabhūbhāge śiveśvaragṛhāntike || 75 ||
[Analyze grammar]

sauvarṇakalaśairvyāpte śobhane viṣṇumandire |
tadā sā mātṛsahitā svasrā ca kṛṣṇayā yutā || 76 ||
[Analyze grammar]

darśanārthaṃ tvāgatā vā'bhavad viṣṇuṃ praṇamya ca |
pradakṣiṇāyāṃ sahasā yāntīṃ cāñcalyaśobhanā || 77 ||
[Analyze grammar]

mayā dṛṣṭā dehacihnairlakṣmīste'rdhaśarīriṇī |
ahaṃ vicitrarūpaśca bālako vai tadā'bhavam || 78 ||
[Analyze grammar]

tatsamo vayasā yena bālakhelanake sthitaḥ |
pradakṣiṇapramiṣeṇa tayā saha ca mandiram || 79 ||
[Analyze grammar]

abhramaṃ vegataścāpi bālakṛṣṇo'vadaṃ muhuḥ |
graśvapaṭṭasaraścāpi śiveśvarasuteti ca || 80 ||
[Analyze grammar]

evaṃ śabdānaśṛṇot sā manmukhācca tadā hi sā |
apṛcchanmāṃ namaste'stu kiśora tvamitaḥ kutaḥ || 81 ||
[Analyze grammar]

samāgato'si vada me jānāsi bālakṛṣṇakam |
aśvapaṭṭasarovāsaṃ tathyamāvedaya drutam || 82 ||
[Analyze grammar]

tadā'haṃ dhṛtavāṃstatra rūpaṃ nāradasammatam |
sā tu vijñāya māṃ bhūtaṃ jahāsa praṇanāma mām || 83 ||
[Analyze grammar]

tato'haṃ bālarūpaśca punastatrā'bhavaṃ ca sā |
prakāśe catvarabhāge kadambadrumaśobhite || 84 ||
[Analyze grammar]

khelanādipramiṣeṇā''hūyākathayadāntaram |
kathaṃ kasmād vada me'tra maharṣe yadi tadbhavam || 85 ||
[Analyze grammar]

mayā niveditā sādhvi bālakṛṣṇā''jñayā'pyaham |
āgato'smi vivāhasya jijñāsārthaṃ śivaṃ prati || 86 ||
[Analyze grammar]

vada śīghraṃ tava hṛdyaṃ jānīyānna yathā satī |
pañcakaṃkarakhelādimiṣeṇa vada mā ciram || 87 ||
[Analyze grammar]

sā kṛṣṇa māṃ vilokyaiva modapramodasaṃbhṛtā |
akathayanmama prāṇapatiḥ kṛṣṇanarāyaṇaḥ || 88 ||
[Analyze grammar]

kadā tvāyāsyati śīghraṃ kadā māṃ svīkariṣyati |
ahaṃ kṣaṇaviyogaṃ vai soḍhuṃ śaknomi naiva ha || 89 ||
[Analyze grammar]

śīghraṃ ca satvaraṃ kṛṣṇaṃ vadā''gaccheddhi satvaram |
ayaṃ me samayaścāste pradānasya guro vada || 90 ||
[Analyze grammar]

tena me vacanaṃ dattaṃ caturdaśasamottaraḥ |
svayamāgatya bhagavān grahīṣyati karaṃ mama || 91 ||
[Analyze grammar]

yadyadya vatsare kṛṣṇo na māṃ cet saṃgrahīṣyati |
prāṇāṃstyaktvā divyarūpā tatrā''yāsyāmi niścitam || 92 ||
[Analyze grammar]

vada me janakāya tvaṃ mātre cāpi nivedaya |
mā madvācaṃ tayoragre prakāśaṃ kuru buddhiman || 93 ||
[Analyze grammar]

śīghraṃ yathā sa vā me syāttathā klṛptiṃ vidhāpaya |
ityuktvā pulakāṃgī sā premaplutā tadā'bhavat || 94 ||
[Analyze grammar]

snehāśrubhṛtanetrā ca samādhimiva saṃgatā |
punaḥ svalpaṃ prākathayat nivedaya samarpitām || 95 ||
[Analyze grammar]

nā'dhikaṃ śrīhareragre vada nārada yāhi ca |
madgṛhe tvāgatāṃ tatra mātaraṃ pitaraṃ vada || 96 ||
[Analyze grammar]

ityuktvā ca namaskṛtya matpādayorhi līlayā |
utthāya khelānāsaktā śīghraṃ pradakṣiṇaṃ gatā || 97 ||
[Analyze grammar]

mandire tatra sā mātrā saha dṛṣṭvā hariṃ punaḥ |
yātā nijaṃ gṛhaṃ kṛṣṇa nārado'haṃ tataḥ param || 98 ||
[Analyze grammar]

varaṇāyāṃ ca gaṃgāyāṃ snātvā tatra gato'bhavam |
nāradena svarūpeṇa nārāyaṇeti saṃvadan || 99 ||
[Analyze grammar]

jaṭādharaṃ vilokyaiva satī me namanaṃ vyadhāt |
mayā tvāśīḥ pradattā ca sā māṃ dṛṣṭvā mudaṃ hyagāt || 100 ||
[Analyze grammar]

apṛcchat kuśalaṃ sarvaṃ dattāsane sthitaṃ ca mām |
gṛhṇantaṃ madhuparkādi tatrā'kasmāt samāgatam || 101 ||
[Analyze grammar]

ahaṃ nārāyaṇa viṣṇo bālakṛṣṇa hare prabho |
anādiśrīkṛṣṇanārāyaṇetyāśrāvayaṃ tadā || 102 ||
[Analyze grammar]

tava nāmāni sarvāṇi pāvanāni śubhāni ca |
smārakāṇi tava kṛṣṇa tato'pibaṃ jalaṃ manāk || 103 ||
[Analyze grammar]

atha śāntiṃ samāgṛhya vivakṣyāmi yadā tadā |
sabhāyācca mamā'gre sukhadālakṣmīḥ śravā''turā || 104 ||
[Analyze grammar]

jyeṣṭhā kṛṣṇā tathā sakhyaścāparā divyadṛṣṭikāḥ |
anamanmāṃ satīṃ cāpi nyaṣīdaṃstāḥ samantataḥ || 105 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne bṛhaspatipradattamaṃgalapatrikāyā lomaśakṛtasavidhipūjanavācanādikam gopālakṛṣṇādyāḥ svāgatamadhuparkādyuttaraṃ |
bhojayāmāsuḥ nārado gopālakṛṣṇāya kanyaiśvaryaguṇadivyalakṣaṇānyāha bālakṛṣṇāya kanyoktarahasyārthaṃ cāhetyādinirūpaṇanāmā catuḥsaptatyadhikadviśatatamo'dhyāyaḥ || 274 ||
[Analyze grammar]