Chapter 140

śrīkṛṣṇa uvāca |
śṛṇu tvaṃ rādhike devāyatanāyā''ha yaddhariḥ |
merujātīyasubhagaprāsādaṃ tadvibhāgakān || 1 ||
[Analyze grammar]

prāsādeṣu śataikāni cāṇḍāni kānakāni vai |
sahasraikānyapi daive prāsāde saṃbhavanti hi || 2 ||
[Analyze grammar]

prāsādarājo merurvai sarvadevāśrayo mataḥ |
prāsādastvakṣarākhyaśca golokākhyaśca kīrtitaḥ || 3 ||
[Analyze grammar]

vaikuṇṭhākhyo'vyākṛtākhyo'mṛtā'khyaśca hiraṇmayaḥ |
vāhneyaścāpi vairājo bhūmā ca vaiṣṇavo'pi ca || 4 ||
[Analyze grammar]

kailāsaścāpi vaiśālaḥ śvetadvīpo'pi mandaraḥ |
sarvatobhadranāmā ca śrīvatsaḥ svastikastathā || 5 ||
[Analyze grammar]

haimo haṃso gāruḍaśca gajo vṛṣabha ityapi |
mandiro brāhmasaṃjñaśca paṃcaviṃśatijātikāḥ || 6 ||
[Analyze grammar]

vartulo'nantaśikharo merurājaḥ prakīrtitaḥ |
sahāsrāsraścākṣaraścā'nantabhavanasaṃkulaḥ || 7 ||
[Analyze grammar]

navaśatanavatistaṃbhāḍhyo goloka iṣyate |
sarvathā śikharāḍhyaśca vaikuṇṭhākhyaḥ prakīrtitaḥ || 8 ||
[Analyze grammar]

sarvathā ghūmmaṭāḍhyaścā'vyākṛtākhyaḥ prakīrtyate |
sarvathā gṛhamātrāḍhyaścāmṛtaḥ parikīrtyate || 9 ||
[Analyze grammar]

sarvathā kammānikāḍhyo hiraṇmayaḥ prakīrtyate |
sarvathā pāṭakādhāro vāhneyaḥ parikīrtyate || 10 ||
[Analyze grammar]

sarvathā gajaśobhāḍhyo vairājaḥ saṃprakīrtyate |
sarvathā'ścādiśobhāḍhyo bhūmāsaudhaḥ prakīrtyate || 11 ||
[Analyze grammar]

dāsībhirvaiṣṇavadūtairvyāpto vaiṣṇava ucyate |
sarvathā tu gaṇairvyāptaḥ kailāsaḥ sa prakīrtyate || 12 ||
[Analyze grammar]

sarvathā ṛṣibhirvyāpto vaiśālaḥ saprakīrtyate |
tāpasaiḥ sarvathā vyāptaḥ śvetadvīpākhya ucyate || 13 ||
[Analyze grammar]

catuṣkoṇaḥ sarvabhadraḥ śrīyantravacchrīvatsakaḥ |
svastikena samaḥ svastirbahukhaṇḍastu haimakaḥ || 14 ||
[Analyze grammar]

bahuhaṃso hāṃsakaśca gāruḍāḍhyaśca gāruḍaḥ |
pañcapādo gajākhyaśca catuṣpādo vṛṣābhidhaḥ || 15 ||
[Analyze grammar]

śatapādo mandiraṃ ca daśapādastu brāhmakaḥ |
iti mukhyā bhavantyeva tvaṃgabhedairvibhinnakāḥ || 16 ||
[Analyze grammar]

śilpabhedaiḥ rūpabhedairdṛśyabhedairvibhinnakāḥ |
yathābuddhi yathāśakti yathālokaṃ yathāsukham || 17 ||
[Analyze grammar]

śilpabuddhisamutpannā mānavedhavivarjitāḥ |
vaimānikāstu prāsādā bahudhā saṃbhavanti hi || 18 ||
[Analyze grammar]

yāvanto dehinaḥ santi tāvantastādṛśālayāḥ |
bhaviṣyantyapare cāpi prāsādā bahurūpiṇaḥ || 19 ||
[Analyze grammar]

talabhāgāṣṭakaścāṇḍapaṃcakastu sa kesarī |
navāṇḍaḥ sarvatobhadrastalatilāṣṭako hi saḥ || 20 ||
[Analyze grammar]

prāsādo nandanākhyastu trayodaśāṇḍasaṃyutaḥ |
nandiśālikasaudhastu saptadaśāṇḍakaḥ smṛtaḥ || 21 ||
[Analyze grammar]

talabhāgā daśa tatra tilakānāṃ catuṣṭayam |
talabhāgā daśa caikaviṃśatyaṇḍastu nandiśaḥ || 22 ||
[Analyze grammar]

dvādaśa talabhāgāśca pañcaviṃśatikāṇḍakaḥ |
aṣṭatilakasaṃśobho mandirākhyaḥ sa ucyate || 23 ||
[Analyze grammar]

caturdaśatalabhāgo navaviṃśatikāṇḍakaḥ |
caturviṃśatitilakaḥ śrīvatsākhyaḥ sa ucyate || 24 ||
[Analyze grammar]

caturdaśatalabhāgastrayastriṃśacchubhāṇḍakaḥ |
ṣoḍaśottamatilakaścā'mṛtodbhava ucyate || 25 ||
[Analyze grammar]

caturdaśatalabhāgaḥ saptatriṃśacchubhāṇḍakaḥ |
dvādaśatilakāḍhyaśca himavān sa tu kīrtitaḥ || 26 ||
[Analyze grammar]

caturdaśatalabhāgaścāṣṭatilakavāṃstathā |
ekacatvāriṃśadaṇḍo hemakūṭaḥ sa ucyate || 27 ||
[Analyze grammar]

ṣoḍaśatalabhāgāśca tilakānāṃ catuṣṭayam |
pañcacatvāriṃśadaṇḍaḥ kailāsaḥ sa tu kīrtitaḥ || 28 ||
[Analyze grammar]

navacatvāriṃśadaṇḍastalabhāgāśca ṣoḍaśa |
pṛthvīvijayasaṃjñaḥ sa prāsādaḥ parikīrtitaḥ || 29 ||
[Analyze grammar]

ṣoḍaśatalabhāgāśca tilakānāṃ tathā'ṣṭakam |
tripaṃcāśadaṇḍakaśca prāsādaścendranīlakaḥ || 30 ||
[Analyze grammar]

ṣoḍaśatalabhāgāśca tilakānāṃ tathā'ṣṭakam |
saptapaṃcaśadaṇḍaśca mahānīlaḥ sa ucyate || 31 ||
[Analyze grammar]

ṣoḍaśatalabhāgāścaikaṣaṣṭyaṇḍaḥ sa bhūdharaḥ |
aṣṭādaśatalabhāgāḥ paṃcaṣaṣṭyaṇḍakastathā || 32 ||
[Analyze grammar]

catuścatvāriṃśattilaḥ ratnakūṭa sa ucyate |
aṣṭādaśa talabhāgāścatvāriṃśattilastathā || 33 ||
[Analyze grammar]

navaṣaṣṭyaṇḍakaḥ prokto vaidūryākhyaḥ śubho mahān |
aṣṭādaśatalabhāgāḥ ṣaṭtriṃśattilakānvitaḥ || 34 ||
[Analyze grammar]

trisaptatyaṇḍakaḥ proktaḥ padmarāgaḥ śubho mahān |
aṣṭādaśa talabhāgā dvātriṃśattilakastathā || 35 ||
[Analyze grammar]

saptasaptatyaṇḍakaśca prāsādo vajrako hi saḥ |
aṣṭādaśatalabhāgā aṣṭāviṃśatisattilaḥ || 36 ||
[Analyze grammar]

ekāśītyaṇḍakaśceti mukuṭojjvala ucyate |
aṣṭādaśa tilabhāgāścaturviṃśatisattilaḥ || 37 ||
[Analyze grammar]

pañcāśītyaṇḍakaścāyamairāvatākhya ucyate |
dvāviṃśatitalabhāgāścatvārastilakāstathā || 38 ||
[Analyze grammar]

navāśītyaṇḍakaḥ prokto rājahaṃsetināmavān |
dvāviṃśatitalabhāgāstilakāṣṭakavāṃstathā || 39 ||
[Analyze grammar]

trinavatyaṇḍakaḥ prokto garuḍākhyaḥ śubho hi saḥ |
dvāviṃśatitalabhāgāstilakānāṃ catuṣṭayam || 40 ||
[Analyze grammar]

saptanavatyaṇḍakaśca vṛṣabho'yaṃ samucyate |
dvāviṃśatatilabhāgāḥ śataikāṇḍakavāṃstathā || 41 ||
[Analyze grammar]

meruprāsāda ukto'yaṃ sarvaśobhāspado hi saḥ |
caturasratalaṃ caikāṇḍakastilakanāmakaḥ || 42 ||
[Analyze grammar]

gaurītilaka ekāṇḍāṣṭatilaścaturasrakaḥ |
talabhāgāṣṭakastilacatuṣṭyāṇḍakaikavān || 43 ||
[Analyze grammar]

rudratilakaprāsādaḥ śreṣṭho bodhyaḥ sukhāvahaḥ |
talabhāgāṣṭakaścatustilako'ṇḍakapañcakaḥ || 44 ||
[Analyze grammar]

śrītilakasaṃjñaḥ sa prāsādo'pi śubhāvahaḥ |
talabhāgāṣṭakaṃ tilakānāṃ tathā catuṣṭayam || 45 ||
[Analyze grammar]

navāṇḍaṃ haritilakābhidhaṃ vai śikharaṃ matam |
tadeva tu trayodaśāṇḍakaṃ lakṣmītilākhyakam || 46 ||
[Analyze grammar]

daśabhāgatalaṃ tathā dvādaśatilakāśritam |
navaviṃśatyaṇḍakaṃ ca bhūtilakaṃ taducyate || 47 ||
[Analyze grammar]

tadeva ca trayastriṃśadaṇḍaṃ raṃbhātilākhyakam |
caturviṃśatitilakaṃ talaṃ dvādaśabhāgakam || 48 ||
[Analyze grammar]

saptatriṃśadaṇḍakaṃ ca mandiratilakaṃ matam |
dvādaśatalabhāgāśca viṃśatistilakāni ca || 49 ||
[Analyze grammar]

pañcacatvāriṃśadaṇḍaṃ hemavattilakaṃ matam |
caturviṃśatitilakaṃ taladvādaśabhāgakam || 50 ||
[Analyze grammar]

navacatvāriṃśadaṇḍaṃ kailāsatilakaṃ matam |
dvādaśa talabhāgāśca viṃśatitilakānvitam || 51 ||
[Analyze grammar]

saptapañcāśadaṇḍaṃ ca pṛthivītilakaṃ matam |
ṣaṭtriṃśattilakaṃ cāṣṭāviṃśatitalabhāgakam || 52 ||
[Analyze grammar]

pañcaṣaṣṭyaṇḍakaṃ proktaṃ tribhuvanākhyameva tat |
tadeva navaṣaṣṭyaṇḍaṃ cendranīlatilātmakam || 53 ||
[Analyze grammar]

aṣṭāviṃśatitilakaṃ dvātriṃśattalabhāgakam |
trisaptatyaṇḍakaṃ proktaṃ sarvāṃgatilakaṃ matam || 54 ||
[Analyze grammar]

caturviṃśatitilakaṃ dvātriṃśattalabhāgakam |
saptasaptatyaṇḍakaṃ ca suravallabhakābhidham || 55 ||
[Analyze grammar]

pañcaviṃśatyaṇḍamaṣṭabhāgatalaṃ catustilam |
siṃhatilakamevaitat kalpitaṃ śilpibhiḥ śubham || 56 ||
[Analyze grammar]

dvādaśatilakaṃ saptasaptatyaṇḍaṃ talā daśa |
makaradhvajasaṃjñaṃ tat tilakaṃ śobhanaṃ matam || 57 ||
[Analyze grammar]

pañcacatvāriṃśadadhikaśatāṇḍasuśobhitam |
daśabhāgatalaṃ cāṣṭatilaṃ maṃgalanāmakam || 58 ||
[Analyze grammar]

saptadaśādhikaśatāṇḍakaṃ catustilātmakam |
talabhāgadaśakaṃ ca tilakākṣābhidhaṃ hi tat || 59 ||
[Analyze grammar]

tadevaikonapañcāśadaṇḍaṃ padmatilābhidham |
pañcaṣaṣṭyadhikaśatāṇḍakaṃ talāṃśadvādaśam || 60 ||
[Analyze grammar]

caturviṃśatitilakaṃ somatilakamucyate |
navāśītyadhikaśatāṇḍakaṃ dvādaśa vai talam || 61 ||
[Analyze grammar]

viṃśatitilakaṃ nāma vijayākhyaṃ mataṃ śubham |
pañcaviṃśatyadhikacatuḥśatāṇḍakaṃ śubham || 62 ||
[Analyze grammar]

tale dvādaśatilake caturviṃśe tralokanam |
dvātriṃśattalabhāgāśca catustilaka eva ca || 63 ||
[Analyze grammar]

trayastriṃśatsaptaśatāṇḍakaḥ ṛṣabhasaṃjñakaḥ |
dve śate navaṣaṣṭiścāṇḍakāni yasya santi ca || 64 ||
[Analyze grammar]

dvādaśatalabhāgāścājitaprāsāda ucyate |
trayodaśādhikaśatāṇḍako'ṣṭādaśasattalaḥ || 65 ||
[Analyze grammar]

svayaṃbhūnāmakaḥ proktaḥ prāsādaḥ sukhadāyakaḥ |
saptasaptatyadhikāḍhyaśatāṇḍakaḥ śubhākṛtiḥ || 66 ||
[Analyze grammar]

aṣṭādaśatalabhāgaścābhinandananāmakaḥ |
caturdaśatalabhāgaḥ saptapañcāśadaṇḍakaḥ || 67 ||
[Analyze grammar]

sumatyākhyaḥ sa vai bodhyaḥ sarvaśāntipradāyakaḥ |
viṃśatistalabhāgāśca aṇḍāni dve śate nava || 68 ||
[Analyze grammar]

padmavallabhasaṃjñaḥ sa prāsādo nāmato mataḥ |
daśabhāgatalaścāpi saptapaṃcāśadaṇḍakaḥ || 69 ||
[Analyze grammar]

supārśvavallabhaḥ so'yaṃ prāsādaḥ parikīrtitaḥ |
aṇḍakāni bhaveyuśca dve śate navaviṃśati || 70 ||
[Analyze grammar]

dvātriṃśattalabhāgaśca prāsādaḥ śītalābhidhaḥ |
caturviṃśatitalabhāg dvādaśatilakānvitaḥ || 71 ||
[Analyze grammar]

navacatvāriṃśadaṇḍaḥ śriyoṃ'śakaḥ sa ucyate |
caturviśatitilabhāka caturviṃśatisattilaḥ || 72 ||
[Analyze grammar]

trayastriṃśadaṇḍakaśca śītalākhyaḥ sa ucyate |
aṣṭādaśatalabhāgo dvādaśatilakānvitaḥ || 73 ||
[Analyze grammar]

saptadaśāṇḍakaḥ so'yaṃ svakulābhidha ucyate |
dvāviṃśatitalabhāgaḥ ṣoḍaśatilakānvitaḥ || 74 ||
[Analyze grammar]

dve śate saptapaṃcāśadaṇḍāni vasupūjyakaḥ |
caturviṃśatitalabhāk saptasaptatikāṇḍakaḥ || 75 ||
[Analyze grammar]

vimalākhyo bhavet so'yaṃ prāsādaḥ śubhalakṣaṇaḥ |
viṃśatitalabhāgaśca tripaṃcāśaccatuḥśatam || 76 ||
[Analyze grammar]

aṇḍānāṃ yasya so'nantamāyā prāsāda ucyate |
aṣṭāviṃśatitalabhāg dvādaśatilakānvitaḥ || 77 ||
[Analyze grammar]

pañcaviṃśatirdve śate'ṇḍānyayaṃ dharma ucyate |
dvādaśatalabhāgaśca navāśītiḥ śataṃ tathā || 78 ||
[Analyze grammar]

aṇḍānyayaṃ śāntanāmā prāsādaḥ śobhano mataḥ |
talabhāgāṣṭakaścāpi viṃśatitilakānvitaḥ || 79 ||
[Analyze grammar]

navaṣaṣṭyaṇḍakaḥ so'yaṃ kanthādharaḥ samucyate |
aṣṭabhāgatalavāṃścaikaviṃśatyaṇḍakaśca yaḥ || 80 ||
[Analyze grammar]

kamalakandanāmā sa prāsādaḥ śobhano bhavet |
dvādaśatalabhāgaśca tathā'ṣṭatilakaśca yaḥ || 81 ||
[Analyze grammar]

ekāśītiḥ śataṃ cāṇḍānyayaṃ mahendrasaṃjñakaḥ |
caturdaśatalabhāgāstilakānyaṣṭa yatra ca || 82 ||
[Analyze grammar]

pañcāśītyaṇḍakaścāyaṃ mānasatuṣṭināmakaḥ |
paḍviṃśattalabhāgāśca ṣoḍaśatilakānvitaḥ || 83 ||
[Analyze grammar]

trisaptatiścatuḥśatānyaṇḍāni sumatirhi saḥ |
dvāviṃśatistalabhāgāścatvāriṃśattilātmakaḥ || 84 ||
[Analyze grammar]

śataṃ trinavatiścāṇḍakānyayaṃ nemināmakaḥ |
ṣaḍviṃśatistalabhāgāstathā ca tilakāṣṭakam || 85 ||
[Analyze grammar]

trayodaśādhikaśatāṇḍakaḥ pārśvābhidho hi saḥ |
caturviṃśatitalabhāg dve śate caikaviṃśatiḥ || 86 ||
[Analyze grammar]

aṇḍāni yasya sa bodhyo vīranāmā śubhāvahaḥ |
ekāṃgaścaikaprāsādaścaturasro'ṇḍakaikavān || 87 ||
[Analyze grammar]

trayāṃgāstriprāsādakāḥ paṃcāgāḥ pañca ityapi |
saptāṃgāḥ saptaprasādā navāṃgā nava ityapi || 88 ||
[Analyze grammar]

vicitraśikharākārāḥ śilpibuddhyudayānvitāḥ |
ekāṇḍakaścaturasro vairājākhyo hi kathyate || 89 ||
[Analyze grammar]

caturbhāgatalastrayodaśāṇḍo nandanābhidhaḥ |
ekonatriṃśadaṇḍaśca śrīnandanaḥ sa ucyate || 90 ||
[Analyze grammar]

ṣaṭtalāṃśaḥ pañcaviṃśatyaṇḍo mandiranāmakaḥ |
ekonatriṃśadaṇḍaśca malayākhyaḥ sa ucyate || 91 ||
[Analyze grammar]

trayastriṃśadaṇḍakaśca vimānākhyaḥ sa ucyate |
saptatriṃśadaṇḍaścāṣṭatilakastu viśālakaḥ || 92 ||
[Analyze grammar]

ekacatvāriṃśadaṇḍastrailokyabhūṣaṇo mataḥ |
talāṣṭāṃśaḥ pañcacatvāriṃśadaṇḍaka eva ca || 93 ||
[Analyze grammar]

catustilakasaṃyukto mahendranāmako mataḥ |
aṇḍānāṃ vardhanāt saptabhedāścāsya bhavanti hi || 94 ||
[Analyze grammar]

talabhāgadaśakaścaikacatvāriṃśadaṇḍakaḥ |
ṣoḍaśatilakairyukto mahīdharaḥ sa ucyate || 95 ||
[Analyze grammar]

tilakāṇḍaprabhedena bahudhā'yaṃ bhavatyapi |
ityevaṃ rādhike bhedān śikharāṇāṃ tadāha tam || 96 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne prāsādarūpe mervādijātīyā'kṣarādijātīyatadanyajātīyaprāsādānāṃ svarūpanirūpaṇanāmā catvāriṃśadadhika |
śatatamo'dhyāyaḥ || 140 ||
[Analyze grammar]