Chapter 141

śrīkṛṣṇa uvāca |
śṛṇu tvaṃ rādhike kṛṣṇanārāyaṇo yathā''ha ca |
bhaktaṃ devāyatanakaṃ te vadāmi yathāyatham || 1 ||
[Analyze grammar]

ekā'dhikasahasrāṇḍo dvāsaptatitalānvitaḥ |
jyeṣṭhamervākhya evā'sau mataḥ sarvottamottamaḥ || 2 ||
[Analyze grammar]

caturasrīkṛte kṣetre dvāsaptativibhājite |
sārdhacaturbhāgabhittiḥ sārdhataryābhramantikā || 3 ||
[Analyze grammar]

atha kṣetraṃ caturasraṃ daśadhā bhājayettataḥ |
bhāgaikā bhramaṇī kāryā bhittirbhāgaikasammatā || 4 ||
[Analyze grammar]

koṇo bhāgadvayātmā sārdhaikaṃ pratirathaṃ tathā |
bhadraṃ bhāgatrayaṃ caitat sarvadikṣu samānakam || 5 ||
[Analyze grammar]

atha kṣetraṃ caturasraṃ tvaṣṭadhā bhājayetpunaḥ |
dvibhāgastatra koṇaśca bhadraṃ bhāgadvayātmakam || 6 ||
[Analyze grammar]

evaṃ tridhā bhavantyeva meruprāsādakā bhuvi |
dvāsaptatitalabhāgāḥ kaṇādibhadrakāntakāḥ || 7 ||
[Analyze grammar]

bodhyāstatra ṣaḍdvayaṃ ṣaḍdvayaṃ ṣaḍdvayam ṣaḍdvyam |
ākarṇabhadramāvṛtya cāṃgabhāgādiyojanā || 8 ||
[Analyze grammar]

bhāgāṣṭakaṃ ca bhadrārdhaṃ nirgame bhāgaṣaṭkakam |
bhadropari gavākṣāśca tavaṃgarathikāstathā || 9 ||
[Analyze grammar]

tathā paṃcoruśṛṃgāṇi ropaṇīyāni sarvathā |
koṇe tu sarvatobhadro nandīśaḥ pṛthivījayaḥ || 10 ||
[Analyze grammar]

krameṇoparyuparyeva saṃsthāpyāste dṛḍhātmakāḥ |
navāṇḍo bhadrako nandīśaścaikaviṃśatyaṇḍakaḥ || 11 ||
[Analyze grammar]

navacatvāriṃśadaṇḍaḥ pṛthivījaya ādṛtaḥ |
karṇasamabhāgapaḍhare keśarībhadrakastathā || 12 ||
[Analyze grammar]

nandīśālaḥ pradātavyāstatra pañcāṇḍakeśarī |
nandīśālaḥ saptadaśāṇḍako bhadro navāṇḍakaḥ || 13 ||
[Analyze grammar]

bhadrasya vāmadakṣasthanandikānāmuparyatha |
keśarī keśarī śrīvatsaḥ śrīvatsāṇḍakāstathā || 14 ||
[Analyze grammar]

deyāstatraikāṇḍakastu śrīvatso'nye tu pūrvavat |
koṇasya vāmadakṣasthanandikānāmuparyatha || 15 ||
[Analyze grammar]

keśarī keśarī śrīvatsaśrīvatsāṇḍakāstathā |
nandikāstatra ṣaḍbodhyāḥ svalpā mahatya eva vā || 16 ||
[Analyze grammar]

pratikarṇavāmadakṣasthanandikopari dhruvaḥ |
keśarī eva dātavyo nā'nyathā tu kadācana || 17 ||
[Analyze grammar]

bhadre tu nāsikāṃ kṛtvā tatra śrīvatsakā'ṇḍakaḥ |
karṇe ca pratikarṇe ca bhadrasya vāmadakṣiṇe || 18 ||
[Analyze grammar]

catuḥṣvevaṃ pradeyāni pratyaṃgānyaṣṭasaṃkhyayā |
evaṃ caturṣu dikṣu dvātriṃśatpratyaṃgakāni vai || 19 ||
[Analyze grammar]

dvāsaptatipadasaudhe catuṣpaṃcāśadaṃśakaiḥ |
śikharasya namaṇasya rekhāḥ kāryāstataḥ param || 20 ||
[Analyze grammar]

evaṃ bhavati caikāḍhyasahasrāṇḍasamanvitaḥ |
jyeṣṭhamerusamākhyo vai parabrahmanivāsavān || 21 ||
[Analyze grammar]

madhyameruṃ kathayāmi kṣetraṃ tu caturasrakam |
catuṣṣaṣṭivibhāgaṃ ca garbhādikoṇakāvadhim || 22 ||
[Analyze grammar]

saptadvayatricatuṣṣaṭactuṣṣaḍbhirvibhājayet |
tribhāgo bhadranistāro bhadro'yaṃ bhāgasaptakaḥ || 23 ||
[Analyze grammar]

prathamā nandikā bhāgadvayā bhāgatrayā'parā |
pratikarṇacaturbhāgaḥ ṣaḍbhāgaḥ prātirāthakaḥ || 24 ||
[Analyze grammar]

pratikarṇaścaturbhāgaḥ koṇaḥ ṣaḍabhāgajastathā |
evaṃ kāryaṃ caturdikṣu ṣaḍbhāgā bhramaṇī matā || 25 ||
[Analyze grammar]

ṣaṭṣaḍbhāgā bhittikāśca rekhā viṃśatibhāgikā |
keśarī sarvatobhadro nandano nandaśālikaḥ || 26 ||
[Analyze grammar]

sthāpyāḥ krameṇa koṇeṣu trayodaśāṇḍanandanaḥ |
śrīvatsau dvau keśarī syuḥ pratikarṇe sthitāḥ kramāt || 27 ||
[Analyze grammar]

śrīvatsaḥ keśarī caiva sarvatobhadrakastathā |
paḍharopari dātavyaḥ prāsādatrayabhūṣaṇāḥ || 28 ||
[Analyze grammar]

śrīvatsaḥ keśarī caiva nandikāyāṃ niyojayet |
dvitīyā nandikā kāryā śrīvatsadvayaśobhitā || 29 ||
[Analyze grammar]

paḍhare pratirathake karṇe ca nandike tathā |
tadardhe vāmadakṣe tu deyaṃ pratyaṃgameva ca || 30 ||
[Analyze grammar]

aṇḍakāḥ pūrvavad bodhyāḥ śṛṃgamānaṃ ca pūrvavat |
pañcādhikapañcaśatāṇḍako'yaṃ merumadhyamaḥ || 31 ||
[Analyze grammar]

munividyādharasiṃhagajaghaṇṭakakūṭakaiḥ |
varālikāsaṃvaraṇairyuktaḥ śivādhivāsanaḥ || 32 ||
[Analyze grammar]

catuṣṣaṣṭitalaḥ pañcādhikapañcaśatāṇḍakaḥ |
madhyameruḥ kīrtito'tha kaniṣṭhaṃ pravadāmi ca || 33 ||
[Analyze grammar]

caturasrīkṛte kṣetre pañcapañcāśadaṃśake |
ṣaṭtritriṣaṭtriṣaḍbhiśca kartavyā yojanā kramāt || 34 ||
[Analyze grammar]

bhadramārabhya karṇāntā bhadrārdhaṃ cāṃśaṣaṭkakam |
bhāgadvayaṃ nirgame ca tribhāṇā nandikā tathā || 35 ||
[Analyze grammar]

dvitīyāpi tribhāgā ca paḍharo bhāgaṣaṭkavān |
tṛtīyā nandikā bhāgatrayāḍhyā koṇakāstu ṣaṭ || 36 ||
[Analyze grammar]

nirgame samabhāvāste tataḥ kāryāṃ'gayojanā |
bhittiḥ sārdhacaturaṃśā bhramaṇyapi tathā''yatā || 37 ||
[Analyze grammar]

namaṇasya tu rekhāśca madhyamerāviva dhruvāḥ |
pratirathe ca koṇe ca śṛṃgāṇi trīṇi trīṇi ca || 38 ||
[Analyze grammar]

keśarīsaṃjñakānyeva deyānyuparitastataḥ |
nandikāyāṃ pratikarṇe śrīvatsāśca trayastrayaḥ || 39 ||
[Analyze grammar]

bhadre tu nāsikāṃ kṛtvā dvau prakāryau śrīvatsakau |
catvāri coruśṛṃgāṇi pratyaṃgaṃ vāmadakṣake || 40 ||
[Analyze grammar]

trinavatyāḍhyadviśatāṇḍako meruḥ kaniṣṭhakaḥ |
gaṇavidyādhrādiśobho devānāṃ priya eva ca || 41 ||
[Analyze grammar]

atha mandiranāmāpi merumandiramucyate |
caturastrīkṛte kṣetrehyaṣṭātriṃśadvibhājite || 42 ||
[Analyze grammar]

caturbhāgaṃ bhaved bhadraṃ dvibhāgaścāsya nirgamaḥ |
nandikā caikabhāgā ca dvitīyā dvayaṃśikā tathā || 43 ||
[Analyze grammar]

pañcabhāgaḥ paḍharaśca tathā bhāgadvayā'parā |
nandikā cā'tha koṇastu pañcabhāgātmakastathā || 44 ||
[Analyze grammar]

samadalāḥ sarva ete bhittiḥ sārdhatrayā matā |
bhramaṇyapi sārdhatrayā caturdikṣu samā matā || 45 ||
[Analyze grammar]

madhyaprāsādakatalaṃ mataṃ dvādaśabhāgakam |
caturdikṣveva kartavyaṃ koṇe keśariṇastrayaḥ || 46 ||
[Analyze grammar]

ekaṃ śrīvatsakaṃ cāpi tato'tha paḍharopari |
śrīvatsāśca trayaścaikaṃ tilakaṃ kāryameva ca || 47 ||
[Analyze grammar]

sarvanandikordhvake ca śrīvatsānāṃ tathā'ṇḍakāḥ |
trayastrayaḥ karaṇīyāścatuḥśṛṃgāṇi bhadrake || 48 ||
[Analyze grammar]

pratyaṃgāni dakṣiṇe vāmake cāpi yathāyatham |
rekhordhve dvādaśabhāgeṣvapi rūpāṇi sannyaset || 49 ||
[Analyze grammar]

aṣṭātriṃśattalabhāgastathā ca tilakāṣṭakaḥ |
evaṃ pañcāśītyadhikā'ṇḍako merurayaṃ mataḥ || 50 ||
[Analyze grammar]

aṣṭātriṃśattalabhāgāścatuṣṣaṣṭitilāni ca |
navacatvāriṃśadadhikaṃ śataṃ cāṇḍamaṇḍalam || 51 ||
[Analyze grammar]

lakṣmīkoṭarasaṃjño'yaṃ prāsādo merurucyate |
caturviṃśatitilakaḥ ṣaṭtriṃśattalabhāgavān || 52 ||
[Analyze grammar]

navaviṃśatyekaśatāṇḍakaḥ kailāsamerukaḥ |
dvāsaptatitilakāḍhyaścāṣṭādaśatalāṃśavān || 53 ||
[Analyze grammar]

ekaṣaṭyadhikaśatāṇḍaḥ sa paṃcānanābhidhaḥ |
caturviṃśatitilakaḥ saptasaptatikāṇḍavān || 54 ||
[Analyze grammar]

ṣaḍeviṃśattalabhāgaḥ sa vimānamerurucyate |
catuṣṣaṣṭyādhikaśatatilakaśca tale tu yaḥ || 55 ||
[Analyze grammar]

ṣaṭtriṃśadbhāgavān navādhikadviśatakāṇḍakaḥ |
gandhamādananāmā'sau meruḥ prāsādako mataḥ || 56 ||
[Analyze grammar]

ṣaḍviṃśatitalabhāgā viṃśatistilakāni ca |
pañcaviṃśatyadhikaikaśatāṇḍo muktakoṇakaḥ || 57 ||
[Analyze grammar]

ṣaṭtriṃśaśca śataṃ cāpi tilakāni tathā tale |
dvātriṃśadbhāgakā yasya tathā śataṃ ca paṃca ca || 58 ||
[Analyze grammar]

catvāriṃśaccāṇḍakāni giriprāsādakā'bhidhaḥ |
caturaśītitilakaścāṣṭādaśatalāṃśavān || 59 ||
[Analyze grammar]

ekaviṃśatyaṇḍakaśca tilakābhidhamerukaḥ |
dvānavatitilakaśca navādhikaśatāṇḍakaḥ || 60 ||
[Analyze grammar]

catustriṃśattalabhāgaścandraśekharamerukaḥ |
ṣaṭpaṃcāśattilakaścaivatrisaptatikāṇḍakaḥ || 61 ||
[Analyze grammar]

aṣṭāviṃśatitalabhāṅmandiratilakābhidhaḥ |
trayastriṃśadaṇḍakaśca ṣoḍaśatilakānvitaḥ || 62 ||
[Analyze grammar]

dvādaśatalabhāgaśca saubhāgyamerureva saḥ |
aṇḍāni ca navādhikacattvāriṃśattu yatra vai || 63 ||
[Analyze grammar]

tilakāni cāṣṭayuktacatvāriṃśattu yatra ca |
dvāviṃśatitalabhāgāḥ sundaro merureva saḥ || 64 ||
[Analyze grammar]

viṃśatistalabhāgāśca ṣaṭtriṃśattilakāni ca |
aṇḍāni navacatvāriṃśadyuktaśatameva tu || 65 ||
[Analyze grammar]

śrītilakā'bhidhāno'sau prāsādaḥ sammataḥ śubhaḥ |
saptapaṃcāśadāḍhyaikaśatāṇḍakastu yo bhavet || 66 ||
[Analyze grammar]

catvāriṃśattilakaścāṣṭāviṃśatisattalaḥ |
viśālākhyaḥ sa vai bodhyaḥ prāsādaḥ śubhado mataḥ || 67 ||
[Analyze grammar]

ekāṇḍaśca catuścatvāriṃśattilakavāṃstathā |
dvādaśatalabhāgaśca parvatakūṭako hi saḥ || 68 ||
[Analyze grammar]

catvāriṃśattilakaśca saptapaṃcāśadaṇḍakaḥ |
dvāviṃśatitalabhāk sa nandivardhana ucyate || 69 ||
[Analyze grammar]

ityevaṃ kathitāḥ sarve prāsādāśca mamā''layāḥ |
pratimāścātha vakṣyāmi yathā yathā tu me matā || 70 ||
[Analyze grammar]

nibiḍā nirvaṇā mṛdvī sugandhā madhurā śilā |
kāntiyuktā darśanīyā pratimārthā śilā bhavet || 71 ||
[Analyze grammar]

nirmalaṃ hemakāṃsyādi cihnaṃ lohamayaṃ ca yat |
tathā vicitravikṛtiḥ pratimāyāṃ bhayāvaham || 72 ||
[Analyze grammar]

bhṛṃgakapotakumudamāṣamudgasitopamā |
pāṇḍurā ghṛtapadmābhā sarvārcāsu śilā śubhā || 73 ||
[Analyze grammar]

dvādaśāṃgulato nyūnā pūjyā mūrtirgṛhe matā |
dvādaśāṃgulato navagajāntā'rcyā surālaye || 74 ||
[Analyze grammar]

daśagajordhvā pratimā pūjyā prāsādakaṃ vinā |
catuṣkyāmeva sā paṃcacatvāriṃśadgajāntikā || 75 ||
[Analyze grammar]

aṣṭalauhamayī śailī ratnajā śreṣṭhadārujā |
pravālādimayī cāpi pratimā śubhadāyinī || 76 ||
[Analyze grammar]

śatavatsarapūrvā yā daivipuruṣaveśitā |
khaṇḍitā sphuṭitā'pyarcyā tadanyā doṣadāyinī || 77 ||
[Analyze grammar]

tīrthabhūmiṣvaraṇye ca devatāḥ khaṇḍitā api |
pūjanīyā hi phaladā nānyatra tu kadācana || 78 ||
[Analyze grammar]

rātnī ca dhātavī lepaliptā ca durghaṭā tu yā |
punaḥ saṃskārayogyā sā pūjanīyā tato bhavet || 79 ||
[Analyze grammar]

kāṣṭhapāṣāṇajā bhagnā saṃskārārhā na sā matā |
nādhikāṃgā na hīnāṃgā kartavyā sā kadācana || 80 ||
[Analyze grammar]

kāṣṭhalepāśmadantotthā vitrā''yasādijāpi ca |
mānādhikā devaparivārā gṛhe na pūjyate || 81 ||
[Analyze grammar]

garjanāṃ rodanaṃ hāsyamunmīlananimīlane |
krūratāṃ yatra kurvanti devāstatra mahadbhayam || 82 ||
[Analyze grammar]

pṛthvyāṃ śilā tu yā suptā nikhanyate bahistadā |
dakṣiṇaṃ paścimaṃ pārśvaṃ smṛtvā śiro vidhāpayet || 83 ||
[Analyze grammar]

ekabhāgaṃ grāhamukhaṃ pakṣī dvibhāgavāṃstathā |
tribhāgāḥ kuṃjarādyāśca caturbhāgāśca kinnarāḥ || 84 ||
[Analyze grammar]

vṛṣāḥ surāḥ pañcabhāgāḥ kartavyāḥ śilpinā śubhāḥ |
gaṇeśo vāmanaḥ kroḍaścaite ṣaḍaṃśakā matāḥ || 85 ||
[Analyze grammar]

saptabhāgāstu kartavyā vṛṣabhakroḍamānavāḥ |
aṣṭāṃśā pārvatī śaktistathā'nyā devikā api || 86 ||
[Analyze grammar]

navāṃ'śā'nyasurāḥ śivasaṃkarṣaṇā daśāṃśakāḥ |
caṇḍībhūtahanumān kārtikāścaikādaśāṃśakāḥ || 87 ||
[Analyze grammar]

vaitālo dvādaśāṃśaśca trayodaśāṃśarākṣasāḥ |
daityāścaturdaśāṃśāśca pañcadaśāṃśako bhṛguḥ || 88 ||
[Analyze grammar]

krūrā devā devikādyāḥ ṣoḍaśāṃśā matāḥ sadā |
gaṇeśo mūṣakārūḍho dhatte dantaparaśvadhau || 89 ||
[Analyze grammar]

paṃkajaṃ modakaṃ cāpi hastyāsyaḥ sarpabhūṣaṇaḥ |
mukhaṃ bhāgadvayaṃ tasya bhāgadvayaṃ tathodaram || 90 ||
[Analyze grammar]

caturaṃgulaṃ jaghanam ājānvaṃgulasaptakam |
jānū tryaṃgulamevā'pi jaṃghā saptāṃgulā tathā || 91 ||
[Analyze grammar]

pādastryaṃgula evāpi mānaṃ ṣaḍbhāgamūrtikam |
saptabhāge pramāṇaṃ tu kathayāmi nibodha me || 92 ||
[Analyze grammar]

keśāntāstu trayo bhāgā mukhamekāṃśakaṃ tathā |
tryaṃgulaḥ kaṇṭha evāpi pakṣaḥ sārdhadaśāṃgulaḥ || 93 ||
[Analyze grammar]

navāṃgulodaraṃ proktaṃ sārdhaṃ saptāṃgulaṃ tu vai |
nābhiliṃgāntarālaṃ ca sakthyaṣṭādaśakāṃgulam || 94 ||
[Analyze grammar]

jānustryaṃgulakaścāpi jaṃghā'ṣṭādaśakāṃgulā |
pādastryaṃgulako bodhyaḥ saptavitastikāyakaḥ || 95 ||
[Analyze grammar]

aṣṭatāle mukhaṃ tālaṃ keśāntaṃ tryaṃgulaṃ tathā |
grīvā ca tryaṃgulā bodhyā hṛdayaṃ ca navāṃgulam || 96 ||
[Analyze grammar]

dvādaśāṃgulamānābhim āmeḍhaṃ ca navāṃgulam |
ekaviṃśatyaṃgulorurjānustryaṃgulako mataḥ || 97 ||
[Analyze grammar]

ekaviṃśatyaṃgulā jaṃghā pādastryaṃgulastathā |
eṣā cāṣṭavitastyāḍhyā mūrtiḥ proktā suśilpake || 98 ||
[Analyze grammar]

navatālaṃ tathā vacmi keśāntaṃ tryaṃgulaṃ tathā |
dvādaśāṃgulakaṃ bodhyaṃ mukhaṃ kaṇṭhoṃ'gulatrayaḥ || 99 ||
[Analyze grammar]

daśāṃgulaṃ ca hṛdayaṃ nābhirdvādaśakāṃ'gulā |
caturaṃgulamudaraṃ guhyaṃ cāṣṭāṃgulāntaram || 100 ||
[Analyze grammar]

sakthi caturviṃśatikāṃgulaṃ jānuścaturmitaḥ |
caturviṃśatyaṃgulā ca jaṃghā pādaścaturmitaḥ || 101 ||
[Analyze grammar]

vistāre stanagarbhe tu dvādaśāṃgulamīritam |
stanāt kukṣiścaturaṃgulāyatā śobhanā tathā || 102 ||
[Analyze grammar]

kukṣibāhvoravakāśaścaikāṃgulo mataḥ śubhaḥ |
hastaḥ saptāṃgulaḥ puṣṭaḥ skandhāt kaphoṇikāṃ prati || 103 ||
[Analyze grammar]

śoḍaśāṃguladairghyaṃ ca tataḥ prakoṣṭhakaṃ daśa |
prakoṣṭhāyatatā tryaṃgulā'tha hastatalaṃ tu vai || 104 ||
[Analyze grammar]

dvādaśāṃgulalambaṃ ca paṃcāgulaṃ tathā''yatam |
madhyaṃ caturdaśāṃgulāyataṃ kaṭistu vai tathā || 105 ||
[Analyze grammar]

caturviṃśatyaṃgulā ca sakthimūlaṃ daśaikakam |
jaṃghāprakoṣṭhaścaturaṃgulāyatastathā punaḥ || 106 ||
[Analyze grammar]

caturdaśāṃgulapādāyatatāṃ'gulikāntikā |
bāhutaḥstanabhāgaśca caturaṃgulordhvagaḥ || 107 ||
[Analyze grammar]

kukṣeḥ skandhoparibhāgaścāṣṭāṃgulo matastathā |
kaṇṭho'ṣṭāṃśaḥ pādaḥ ṣaṣṭhāṃśāyataśceti mānatā || 108 ||
[Analyze grammar]

ityevaṃ rādhike mānaṃ bahudhā'pi bhavatyapi |
yugānurūpamevā'pi yathāha devataṃ hariḥ || 109 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne pratiṣṭhotsave uttamamadhyamakaniṣṭhamerumandirāṇāṃ gaṇeśādimūrtīnāṃ ca mānānumāpādinirūpaṇanāmaika |
catvāriṃśadadhikaśatatamo'dhyāyaḥ || 141 ||
[Analyze grammar]