Chapter 133

śrīkṛṣṇa uvāca |
śṛṇu tvaṃ rādhike kṛṣṇanārāyaṇaḥ svayaṃ prabhuḥ |
dvādaśyāṃ vaiśvadevānte bhojayitvā makhīyakān || 1 ||
[Analyze grammar]

sarvāṃśca dehinaḥ paścād bhuktavā viśrāntimāpa ha |
sāyaṃ sabhāṃ ca mahatīṃ cakre vai yajñamaṇḍape || 2 ||
[Analyze grammar]

lālāsanaścā'dṛśyata sabhāyāṃ kṣaṇamātrataḥ |
sarvakāṣāyavasano dadhānastaulasīṃ srajam || 3 ||
[Analyze grammar]

rūpānurūpāvayavo yathā cākṣaravāsakṛt |
mahāmuktasvarūpo vai brahmavratābhikāśitaḥ || 4 ||
[Analyze grammar]

japan saṃkīrtayan kṛṣṇo bālakṛṣṇo jayatviha |
anādiśrīkṛṣṇanārāyaṇo jayatu satpatiḥ || 5 ||
[Analyze grammar]

jaya svāminbālakṛṣṇa paramātmannamo'stu te |
jaya śrīkambharāputra jaya gopālanandana || 6 ||
[Analyze grammar]

deśo'yaṃ makhayogena pāvito vaiṣṇavaḥ kṛtaḥ |
dhanyāste mānavā loke yeṣāṃ sākṣād bhavāniha || 7 ||
[Analyze grammar]

dhanyā nāryo narāḥ sarve yadgṛhe puruṣottamaḥ |
dhanyo'haṃ saccidānando lālāsano'pi yogirāṭ || 8 ||
[Analyze grammar]

yadahaṃ prāptavān kṛṣṇanārāyaṇaṃ paraprabhum |
mantraṃ dehi śaraṇya tvaṃ dīkṣāṃ bhāgavatīṃ tathā || 9 ||
[Analyze grammar]

pradehi cā'kṣaraṃ dhāma maraṇānte padaṃ tava |
ityukto bhagavāṃstasmai dadau dīkṣāṃ tu vaiṣṇavīm || 10 ||
[Analyze grammar]

rādhike dvīpavāsāya yogine tu mumukṣave |
maṇḍapaṃ kārayāmāsa bhagavāṃstatra kādalam || 11 ||
[Analyze grammar]

patratoraṇaśobhāḍhyaṃ vedīkalaśaśobhitam |
kuṇḍayuktaṃ savitānaṃ gavyahavyādiśobhitam || 12 ||
[Analyze grammar]

pañcagavyena ca śuddhiṃ haristasyā'pyakārayat |
lāsāsanasya bhaktasya dehaśuddhimakārayat || 13 ||
[Analyze grammar]

tataḥ pūrvamukhaṃ taṃ ca hariścottarakā''nanaḥ |
dadau vai prathamaṃ vāri kare saṃkalpasiddhaye || 14 ||
[Analyze grammar]

deśakālādi saṃkīrtya mocayitvā jalaṃ kṣitau |
mastake prokṣaṇaṃ tasya kārayitvā tato hariḥ || 15 ||
[Analyze grammar]

dadau taṃ śaraṇaṃ mantraṃ dakṣe karṇe kṛpānidhiḥ |
śaraṇaṃ śrīkṛṣṇanārāyaṇo'stu mama sarvadā || 16 ||
[Analyze grammar]

mantramiti pradāyaiva rakṣaṇamantrakaṃ dadau |
kālamāyāpāpakarmaśatruyāmyakuhṛdbhayāt || 17 ||
[Analyze grammar]

śūlamīnadhvajadhanuścakrasvastikavānava |
mantramiti pradāyaivā'rpaṇamantraṃ tato dadau || 18 ||
[Analyze grammar]

oṃ namaḥ śrīkṛṣṇanārāyaṇāya svāmine svāhā |
bālakṛṣṇaḥ parabrahma mama vai śāśvataḥ patiḥ || 19 ||
[Analyze grammar]

pitā bandhuḥ suhṛnmitraṃ rakṣakaḥ pālako'stu saḥ |
itimantrān pradāyaiva kārayitvordhvapuṇḍrakam || 20 ||
[Analyze grammar]

mālāṃ ca taulasīṃ kaṇṭhe dadau dviguṇitāṃ hariḥ |
madyaṃ māsaṃ pāradāryaṃ cauryaṃ kāryaṃ na vai kvacit || 21 ||
[Analyze grammar]

ityevaṃ ca yamān tasmai śrāvayāmāsa mādhavaḥ |
upakāraṃ virāgaṃ ca jñānaṃ bhaktiṃ dadau tadā || 22 ||
[Analyze grammar]

niyamān mokṣadān kṛṣṇaḥ śrīpatiḥ puruṣottamaḥ |
sādhusaṃgaḥ sadā kāryau mokṣadaśceti cāha tam || 23 ||
[Analyze grammar]

guroḥ sevā hareḥ sevā pitroḥ sevā kuṭumbinām |
sevā kāryeti taṃ prāha bhagavān puruṣottamaḥ || 24 ||
[Analyze grammar]

na kaścidudvejanīyastoṣaṇīyaḥ sadā kṣitau |
satyaḥ sādhvyoḥ namaskāryāstā hi pareśaśaktayaḥ || 25 ||
[Analyze grammar]

ityevaṃ tamupādiśya tataḥ śrīpuruṣottamaḥ |
mahādīkṣāpradānārthamupavāsaṃ tamādiśat || 26 ||
[Analyze grammar]

upavāsasthale tatra godānaṃ samakārayat |
dehaśuddhyarthamevaṃ sa datvopoṣaṇasadvidhim || 27 ||
[Analyze grammar]

nāndīśrāddhaṃ svastyayanaṃ tvakārayat svayaṃ hariḥ |
maṇḍape sarvatobhadraṃ maṇḍalaṃ dhānyaśobhitam || 28 ||
[Analyze grammar]

akārayacca tanmadhye haimaṃ kuṃbhaṃ nyadhāpayat |
aṣṭadikṣvaṣṭakuṃbhāṃśca toyaratnaphalānvitām || 29 ||
[Analyze grammar]

pallavāmbarayuktāṃścā'sthāpayacca ghaṭopari |
tilapūrṇāṃ śubhasthālīṃ nidhāya pratimāṃ hareḥ || 30 ||
[Analyze grammar]

sanevedyāṃ sthāpayitvā sauvarṇīṃ cā'pyapūjayat |
rādhālakṣmībrahmavidyāramāśrīmāṇikīyutām || 31 ||
[Analyze grammar]

tato'ṣṭadikṣu kalaśe pūrve satīṃ ca śaṃkaram |
dakṣiṇe bhāskaraṃ saṃjñāṃ pratīcyāṃ tu gaṇeśvaram || 32 ||
[Analyze grammar]

siddhibuddhisahitaṃ ca kauberyāṃ śrīnarāyaṇam |
āgneyyāṃ tu caturvyūhaṃ nairṛtyāṃ garuḍaṃ gajam || 33 ||
[Analyze grammar]

vāyavyāṃ hanumantaṃ caiśānyāṃ brahmapriyāgaṇam |
asthāpayat svayaṃ kṛṣṇanārāyaṇaḥ pareśvaraḥ || 34 ||
[Analyze grammar]

svastivāco vṛddhiśrāddhaṃ bhūtaśuddhiṃ tataḥ param |
kārayitvāṃ'gadevānāmāvāhanādikaṃ tathā || 35 ||
[Analyze grammar]

mātṛkānyāsanaṃ kārayitvā'pūjayadacyutam |
upacāraiḥ śoḍaśabhirmantraistathā ca vaidikaiḥ || 36 ||
[Analyze grammar]

atha kuṇḍe vahnidevamasthāpayattu dakṣiṇe |
vaiṣṇavaṃ ca caruṃ cā'śrāpayaccā'pūjayaddharim || 37 ||
[Analyze grammar]

samidājyacarūṇāṃ ca homaṃ tvakārayattadā |
aṣṭottaraśatasamarpaṇamantrairakārayat || 38 ||
[Analyze grammar]

aṅgā'ṅgadevatābhyaścaikaikāmāhutimārpayat |
pūrṇāhutiṃ tato hutvā mahānīrājanaṃ vyadhāt || 39 ||
[Analyze grammar]

puṣpāñjaliṃ tadā kṛṣṇo'pyadāpayaddharau śubhām |
pūrvamukhaṃ niṣādyaiva śiṣyamudaṅmukho hariḥ || 40 ||
[Analyze grammar]

kāṣāyāmbarakaṃ divya cottarīyaṃ tathā dadau |
yajñopavītakaṃ cakrādikacihnacatuṣṭayam || 41 ||
[Analyze grammar]

tato mantraṃ dadau tasmai lālāyanāya karṇake |
dakṣe trivāramevā'rthasahitaṃ brahmabhāvadam || 42 ||
[Analyze grammar]

brahmāhaṃ śrīkṛṣṇanārāyaṇabhakto'smi śāśvataḥ |
anādiśrīkṛṣṇanārāyaṇaḥ svāmī patiśca me || 42 ||
[Analyze grammar]

śrīkṛṣṇavallabhasvāmī śrīhariḥ śaraṇaṃ mama |
iti mantraṃ dadau paścāt svamūrtiṃ pūjanāya vai |
dadau svarṇāṃ ṣaṭpriyābhiḥ sahitāṃ mokṣahetave || 44 ||
[Analyze grammar]

jñānaṃ dadau tārakaṃ ca saccidānandabodhakam |
ātmā vai brahmarūpo'yaṃ saccidānandabhāsuraḥ || 45 ||
[Analyze grammar]

tatra kṛṣṇaṃ parabrahma māṃ hṛdi cintayeḥ mune |
ātmanivedī tvaṃ cādyadināt mama samo hyasi || 46 ||
[Analyze grammar]

ityuktaḥ sa muniḥ samutthāya śrīkṛṣṇapādayoḥ |
patito daṇḍavat bhūmau dīkṣāvidhestu dakṣiṇām || 47 ||
[Analyze grammar]

patraṃ puṣpaṃ phalaṃ toyaṃ hṛdayaṃ cā'samarpayat |
haristasmai dadāvāśīrvādān mokṣapradān śubhān || 48 ||
[Analyze grammar]

mamā'tra kṛpayā bhakta phalitaste manorathaḥ |
māṃ prasevya cobhayatra paraṃ sukhamavāpsyasi || 49 ||
[Analyze grammar]

yasya kṛṣṇe parā bhaktirgurau śrīkṛṣṇavallabhe |
tasya pumarthasiddhiśca sā te'stvanugrahānmama || 50 ||
[Analyze grammar]

atha visarjanaṃ cakre devānāṃ śrīhariḥ svayam |
tataḥ prāha haristaṃ ca bhaja nārāyaṇaṃ tu mām || 51 ||
[Analyze grammar]

upadeśaṃ mama dehi mamopāsanasaṃbhṛtam |
anena vidhinā dīkṣāṃ dehi mumukṣave mune || 52 ||
[Analyze grammar]

saccidānandanāmā tvaṃ kāṣāyāmbaradhārakaḥ |
ācāryo'si mamā''jñāṃ tvaṃ gṛhāṇa dīkṣaṇe janān || 53 ||
[Analyze grammar]

nārīrnarān paśūn pakṣijātismarān tṛṇādikān |
kāmarūpadharān sarvān kuru dīkṣā'bhipāvitān || 54 ||
[Analyze grammar]

ahaṃ nārāyaṇakṛṣṇaḥ svāmī vai sarvadehinām |
sarve bhajantu māṃ nityaṃ patiṃ brahmaparaṃ harim || 55 ||
[Analyze grammar]

tvaṃ prakāraya sādho me bhaktiṃ pṛthvyāṃ jane jane |
ābālayuvavṛddheṣu naranārīnapuṃsu ca || 56 ||
[Analyze grammar]

ityuktaḥ saccidānando yogirāṭ tatra saṃsadi |
natvā svāmibālakṛṣṇaṃ janānupādideśa ha || 57 ||
[Analyze grammar]

dadāti jñānamaiśaṃ ca pāpāni kṣālayatyapi |
etādṛśī harericchā dīkṣānāmnī mahāsatī || 58 ||
[Analyze grammar]

brahmaputrī brahmadhāmapradā muktipradā yataḥ |
sāmānyā ca viśeṣā vā grahītavyā janaiḥ śubhā || 59 ||
[Analyze grammar]

adīkṣitasya nā'śnāti dattamannajalaṃ hariḥ |
dīkṣitasya patramapi na vai tyajati śrīhariḥ || 60 ||
[Analyze grammar]

dīkṣito bhaktarāṭ tīrthaṃ tīrthottamaṃ hariḥ svayam |
tatra tīrthāni sarvāṇi nivasanti padāṃ'gule || 61 ||
[Analyze grammar]

dīkṣite devatāḥ sarvā īśvarā api sarvaśaḥ |
nivasanti sadā dehe tasmādvai dīkṣito bhavet || 61 ||
[Analyze grammar]

dīkṣitasya tu sevāyāḥ phalaṃ mokṣo bhavediti |
dīkṣitasparśajaṃ puṇyaṃ mahāpāpādināśakam || 63 ||
[Analyze grammar]

dīkṣitasya prasādānnaṃ pāvanaṃ cāpi tajjalam |
dīkṣitasya sahavāso mokṣado dhāmadāyakaḥ || 64 ||
[Analyze grammar]

dīkṣitasya tu satsaṃgo bhagavatsaṃgasadṛśaḥ |
dīkṣitasya kriyāḥ sarvā divyā haryarpaṇātmikāḥ || 65 ||
[Analyze grammar]

dīkṣite sarvayajñānāṃ puṇyāni nivasanti vai |
dīkṣitasya snānavāri pītvā tṛpyanti pūrvajāḥ || 66 ||
[Analyze grammar]

ṛṣayo munayaḥ siddhā yogino yatayastathā |
sādhavo brahmaśīlāśca dīkṣitaṃ praṇamanti vai || 67 ||
[Analyze grammar]

dīkṣito yadgṛhe yāti tadgṛhaṃ dhāmasadṛśam |
sevate yā dīkṣitaṃ sā bodhyā vai puṇyaśālinī || 68 ||
[Analyze grammar]

sevate yo dīkṣitaṃ sa jāyate pārṣado hareḥ |
pṛthvī nityaṃ hareragre prārthayati pradīkṣitam || 69 ||
[Analyze grammar]

sādhudīkṣāprapannānāṃ caraṇaiḥ pāvanī hyaham |
dīkṣitasnānamātreṇa jalaṃ tīrthaṃ prajāyate || 70 ||
[Analyze grammar]

sādhulālāsanaścāhaṃ satyaṃ vadāmi vai muhuḥ |
saccidānandasaṃjño'haṃ jāto vai dīkṣayā hareḥ || 71 ||
[Analyze grammar]

ābālyādapi saṃgrāhyaḥ śaraṇāgatamantrakaḥ |
tasyāśrayapradātā śrīkṛṣṇo yatra bhayaṃ na vai || 72 ||
[Analyze grammar]

tato grāhyo rakṣaṇasya mantro'pyābālyato'pi vai |
kālānmāyābandhanācca pāpācca karmabandhanāt || 73 ||
[Analyze grammar]

śatrubhyo yāmyaduḥkhācca kumitrād yadbhayādikam |
tasmāt triśūlamatsyādicihno'vatyeva mādhavaḥ || 74 ||
[Analyze grammar]

yaddhaste triśūlacihnaṃ mīnacihnaṃ dhvajā'ṅkakam |
dhanuraṃkaṃ cakracihnaṃ svastikā'ṅkaṃ ca vajrakam || 75 ||
[Analyze grammar]

tatra triśūlakaṃ divyaṃ kālabhītiṃ prahanti vai |
dīvyamīnastathā hanti māyābhītiṃ ca bandhanam || 76 ||
[Analyze grammar]

dhvajacihnaṃ tathā divyaṃ hanti pāpabhayaṃ sadā |
dhanuraṃkaṃ tathā divyaṃ karmabhītiṃ prahanti ca || 77 ||
[Analyze grammar]

cakracihnaṃ mahādivyaṃ śatrūn prahanti tadbhayam |
svasticihnaṃ tathā divyaṃ yamabhītiṃ prahanti ca || 78 ||
[Analyze grammar]

kaṃ vajraṃ divyamevaitat kuhṛdbhayaṃ nihanti ca |
saptacihnadharo hasto yasya dehaṃ spṛśatyapi || 79 ||
[Analyze grammar]

taddehe tūktabhītīnāṃ saṃbhavo'pi na jāyate |
tataḥ samarpaṇo mantro grāhyo vai jñānapūrvakaḥ || 80 ||
[Analyze grammar]

oṃnāmne haraye cā'haṃ namaskaromi sarvadā |
svāmine śrīkṛṣṇanārāyaṇāyā'rpaṇatāṃ gataḥ || 81 ||
[Analyze grammar]

nā'nyasyā'haṃ bhavāmyadyadināt tasyaiva vai vaśe |
dāso bhṛtyo dīnadāsī bhavāmyadyadināddhare || 82 ||
[Analyze grammar]

ityevaṃ tvātmadānākhyaṃ sarvasvaṃ tatra cārpyate |
hutaṃ ghṛtaṃ yathā vahnau hutaścā'haṃ tathā harau || 83 ||
[Analyze grammar]

pṛthagbhāvo na me'styadyadinācchrīkṛṣṇaballabhāt |
matvaivaṃ nijabhāve śrīharau dehe yathātmani || 84 ||
[Analyze grammar]

tathā śrībālakṛṣṇo'tra pare brahmaṇi sarvadā |
patitvaṃ śāśvataṃ jñeyaṃ pitṛtvaṃ bandhutā'pi ca || 85 ||
[Analyze grammar]

suhṛtā mitratā cāpi rakṣayitṛtvamityapi |
pālakatvaṃ tathā kṛṣṇe śāśvataṃ jñeyameva ca || 86 ||
[Analyze grammar]

ityevaṃ cārpaṇe jñāne paripakve dṛḍhe sati |
tato grāhyā sādhudīkṣā brahmabhāvapradā śubhā || 87 ||
[Analyze grammar]

brahmarūpo yataścāhaṃ dehendriyādyahaṃ na vai |
premasevākaro bhaktaḥ śāśvato'smi hareryataḥ || 88 ||
[Analyze grammar]

anādiśrīkṛṣṇanārāyaṇaḥ sarvatvameva me |
patiḥ pātā tathā bhoktā svāmī niyāmako mama || 89 ||
[Analyze grammar]

antarātmā parātmā ca bāhyātmā'pi mamaiva saḥ |
indriyātmā śarīrātmā daihikātmā mamaiva saḥ || 90 ||
[Analyze grammar]

ityevaṃ śrīkṛṣṇanārāyaṇād rikto'smi na kvacit |
sadā tanmūrtimagno'smi tadguṇaśca tadaṃśakaḥ || 91 ||
[Analyze grammar]

evaṃ vai brahmabhāvaṃ svaṃ viditvā sādhutā phalet |
parā'kṣare tu vindeta śrīhareḥ śāśvataṃ sukham || 92 ||
[Analyze grammar]

evaṃ dīkṣāgrahe śīghraṃ divyā bhavanti dehinaḥ |
tasmād dīkṣā harergrāhyā jñānibhiḥ sādhavī parā || 93 ||
[Analyze grammar]

tadanyaiḥ rakṣiṇī dīkṣā śaraṇī vā samarpaṇī |
grahītavyā vinā dīkṣāṃ na stheyaṃ mānavairiha || 94 ||
[Analyze grammar]

deśaḥ kālaḥ śubhaḥ saṃgo na hātavyaḥ kadācana |
parameśe gṛhe prāpte prasanne mokṣadāyini || 95 ||
[Analyze grammar]

yo na māyāṃ tyajenmūḍhastasya hāniḥ pade pade |
durlabhaṃ mānuṣaṃ varṣma mokṣasādhanamuttamam || 96 ||
[Analyze grammar]

prāpya tanna yatetāpi mokṣe'tra tvātmahā hi saḥ |
tasmādātmā na hantavyo mokṣayogyo'pi mānavaiḥ || 97 ||
[Analyze grammar]

gṛhṇantu sādhavīṃ dīkṣāṃ tadanyāṃ pātratā yathā |
ayaṃ śrībhagavān sākṣād dadātyeva yathā hi me || 98 ||
[Analyze grammar]

ityuktvā virarāmā'sau saccidānandayogirāṭ |
lakṣaśo mānavāḥ śrutvā dīkṣārthaṃ samupāgatāḥ || 99 ||
[Analyze grammar]

bālakṛṣṇo dadau tebhyaḥ śaraṇaṃ rakṣaṇaṃ tathā |
samarpaṇaṃ manuṃ cāpi jñānibhyo brahmamantrakam || 100 ||
[Analyze grammar]

pañcasāhasrabhaktāste tadā vai sādhavo'bhavan |
guravo lokajīvānāṃ mokṣakāriṇa eva ca || 101 ||
[Analyze grammar]

rāśiyānādideśeṣūpadeśārthaṃ nideśitāḥ |
prayayurbhinnadeśeṣu haryājñayā hareḥ priyāḥ || 102 ||
[Analyze grammar]

rādhe harirviśaśrāma sabhāntaṃ pracakāra ha |
nivāseṣu pragatvaiva viśaśramuśca dehinaḥ || 103 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne śrīhariḥ sādhulālāsanayogine sādhavīṃ vaiṣṇavīṃ dīkṣāṃ datvā tataḥ pañcasahasrebhyaḥ sādhavīṃ dīkṣāṃ dadāvityādinirūpaṇanāmā trayastriṃśadadhikaśatatamo'dhyāyaḥ || 133 ||
[Analyze grammar]