Chapter 134

śrīkṛṣṇa uvāca |
śṛṇu tvaṃ rādhike'nādikṛṣṇanārāyaṇaḥ prabhuḥ |
trayodaśyāṃ prage snātvā samājuhāva bhūbhṛtam || 1 ||
[Analyze grammar]

kālimeśaṃ mahārājaṃ sa tu rājā drutaṃ yayau |
hariṃ natvā supūjyaiva niṣasāda puro hareḥ || 2 ||
[Analyze grammar]

bhagavānāha sarvebhyo bhojanānte'dya dakṣiṇām |
vidāyākhyāṃ dehi rājannutsavasya visarjane || 3 ||
[Analyze grammar]

ityuktaḥ sa mahārājo randhayāmāsa satvaram |
bhojanāni vividhānyāhārayāmāsa saddhanam || 4 ||
[Analyze grammar]

hīrāmāṇikyaratnāni svarṇarūpyakamudrikāḥ |
bhūṣālaṃkāravastrāṇi gā vimānāni vāhanam || 5 ||
[Analyze grammar]

madhyāhne śrīhariṃ sarvamahīmānebhya ityapi |
dakṣiṇā dāpayāmāsa bhojayāmāsa tān mudā || 6 ||
[Analyze grammar]

bhojitā muktamuktānyo brahmākṣaravibhūtayaḥ |
śaktayaḥ pārṣadā dāsā dāsyo bhṛtyāśca bhūbhṛtā || 7 ||
[Analyze grammar]

sevakāścāvatārāścā'vatāriṇyaḥ subhojitāḥ |
rādhālakṣmyādayaḥ sarvā vāsudevādayastathā || 8 ||
[Analyze grammar]

bhūmaviṣṇumahāviṣṇuvairājaśaṃbhutadgaṇāḥ |
māyāstatpuruṣāścāpi dhāmāni tannivāsinaḥ || 9 ||
[Analyze grammar]

vairājāḥ satyalokīyāḥ ṛṣayo munayastathā |
siddhāśca sādhavaścāpi pitaraḥ suradevatāḥ || 10 ||
[Analyze grammar]

dikpālā lokapālāśca meruparvatavāsinaḥ |
bhuvarlokasthitāścāpi maruto viśvadevatāḥ || 11 ||
[Analyze grammar]

vasavaścāraṇāḥ sādhyā nidhayo mānavā gaṇāḥ |
gaṇeśā gaṇikāścāpi bhūtāḥ pretāśca mātaraḥ || 12 ||
[Analyze grammar]

daityadānavarakṣāṃsi hyasurā bhaktasṛṣṭayaḥ |
sūryā rudrā grahāstārā nakṣatrāṇi ca kāśyapāḥ || 13 ||
[Analyze grammar]

vṛkṣā vallyastṛṇastambā vaṃśāḥ kandāḥ phaladrumāḥ |
nadā nadyaḥ samudrāśca sarāṃsi nirjharādayaḥ || 14 ||
[Analyze grammar]

vāpīkūpataṭākāni khātā'khātāni cābdhayaḥ |
tīrthāni parvatāścāpi vanānyupavanāni ca || 15 ||
[Analyze grammar]

kīṭāḥ pataṃgāśca sarīsṛpāḥ pātālavāsinaḥ |
anye'pi deśadeśīyāstattvānyapi jaḍāni ca || 16 ||
[Analyze grammar]

yajñāśca vahnayaścāpi pātrāṇi havyasaddravāḥ |
sarve mūrtā hareryogāt pūjitā bhūbhṛtā tadā || 17 ||
[Analyze grammar]

tathā sarvaiḥ rājabhiśca pūjitā bhojitāstathā |
toṣitā dakṣiṇābhiśca kṣatyādau prakṣamāpitāḥ || 18 ||
[Analyze grammar]

dāsavargāḥ karmacārā ye'bhavan yajñakarmasu |
bhāṭṭāśca bandinaḥ sūtā bhāṭāścāraṇaguhyakāḥ || 19 ||
[Analyze grammar]

gāndharvā nartakā nāṭyakalā naṭāśca gāyakāḥ |
nartakyo gāyikāścāpi devyo'psarogaṇādayaḥ || 20 ||
[Analyze grammar]

pādasaṃvāhakāścāpi bhṛtyāḥ sevākarāstathā |
sevakāḥ kṣālakāścāpi mārjakā hārakā api || 11 ||
[Analyze grammar]

kvaṇakā mālinaścāpi tvaṣṭārastantuvāyakāḥ |
rajakā rājakāścāpi śilpinaḥ sukalāvidaḥ || 22 ||
[Analyze grammar]

evamanye dīpahārā vetrahārādayastathā |
jayakārā vāharakṣāḥ saudhodyānādirakṣiṇaḥ || 23 ||
[Analyze grammar]

gopālā gṛhapālāśca vanāraṇyaprapālakāḥ |
yānavāhanapālāśca koṭiśo'pi ca mānavāḥ || 24 ||
[Analyze grammar]

vārapriyāstathā vārā napuṃsakāni bhaṇḍakāḥ |
bahurūpā raṅgagāmā hāsakāḥ kathakāstathā || 25 ||
[Analyze grammar]

sabhyāḥ sabhākalājñāśca śṛṃgārahāvabhāvinaḥ |
pradarśanakarāścāpi vahnisphoṭakarāstathā || 26 ||
[Analyze grammar]

vidyudvijñā yantravāhā jalavāhādayastathā |
dṛśyaśilpāstathā cānye ye ke karmacarādayaḥ || 27 ||
[Analyze grammar]

narā nāryaśca sarve te sarvā rājabhirarcitāḥ |
toṣitā dakṣiṇābhiśca pāritoṣikavastubhiḥ || 28 ||
[Analyze grammar]

vastrāmbaradhanādyaiścālaṃkāropakarādibhiḥ |
dravyaiḥ suvarṇakūpyaiśca ratnahārādibhistathā || 29 ||
[Analyze grammar]

bhojitāstoṣitāścāti prasāditāḥ punaḥ punaḥ |
bhikṣukā dīnavargāścā'nāthā dāridryayoginaḥ || 30 ||
[Analyze grammar]

narā nāryaḥ satīsādhvyaḥ sādhavo rāgavarjitāḥ |
aniketāstāpasāścātithayo vanavāsinaḥ || 31 ||
[Analyze grammar]

bahujātīyajīvāśca jātismarā viyonijāḥ |
evamanye'pyalasāśca rājasāstāmasā api || 32 ||
[Analyze grammar]

sarve santoṣitāḥ sarvapradānairacyutājñayā |
rājabhiḥ sarvadānaiste toṣitāstatra cotsave || 33 ||
[Analyze grammar]

atha rādhe hareḥ pūjāṃ cakruste'pyaparāhṇake |
vidāyaṃ cārthayāmāsurharirvidāyakaṃ dadau || 34 ||
[Analyze grammar]

nīrājayitvā śrīpatiṃ bālakṛṣṇaṃ pumuttamam |
kṛtakṛtyān manyamānāḥ prāpyā''jñāṃ pārameśvarīm || 35 ||
[Analyze grammar]

prārthayate kṣamāṃ sevākṣatau rājñe pradāya ca |
āśīrvādān vimānaiḥ svairyānaiḥ rathaiśca vāhanaiḥ || 36 ||
[Analyze grammar]

yathaiśvaryaṃ yathāsmṛddhiṃ yathāgati yayurgṛhān |
svasvalokān kṣiterbhāgervāyumārgairvimānakaiḥ || 37 ||
[Analyze grammar]

garuḍaiśca gajairaśvairhaṃsaiḥ siṃhādibhistathā |
analaiḥ kiraṇaiścāpi saṃkalpaiḥ siddhibhistathā || 38 ||
[Analyze grammar]

samādhinā yayuścāpyaiśvaryakaiḥ rūpalakṣakaiḥ |
adṛśyabhāvanābhiśca līnaiśvaryādibhistathā || 39 ||
[Analyze grammar]

sṛjyaiśvaryaistathā cātmatattvabhāvairyayurgṛham |
evaṃ tatra trayodaśyāṃ mahīmānāḥ samastataḥ || 40 ||
[Analyze grammar]

yayurlokānnijāndeśān saurāṣṭramaṇḍalaṃ vinā |
koṭyarbudabrahmapriyākanyakāsahito hariḥ || 41 ||
[Analyze grammar]

lomaśādimunibhiśca tathā'śvapaṭṭatīrthakaiḥ |
kṣetrapairavatārādyaiḥ pitṛbhyāṃ sahitastathā || 42 ||
[Analyze grammar]

bhaktairdāsaiḥ kuṭumbena vaiṣṇavaiḥ ṛṣibhiḥ saha |
sādhvībhiḥ sādhubhiḥ sākaṃ sarvakanyābhirityapi || 43 ||
[Analyze grammar]

akṣarakṣetravāsābhiḥ prajābhiḥ sāttvataiḥ saha |
devāyanādibhiḥ sākaṃ śrīhariḥ pūrṇimāvadhim || 44 ||
[Analyze grammar]

kālimeśanṛpasaudhe samuvāsa kṛpākaraḥ |
kālimeśakuṭumbasya śreyase toṣaṇāya ca || 45 ||
[Analyze grammar]

sarvarājakuṭumbāni nyūṣuścā''pūrṇimāvadhim |
ahaṃ kṛṣṇastathā nārāyaṇastasyecchayā prabhoḥ || 46 ||
[Analyze grammar]

tvayā lakṣmyā yutau cāvāṃ nyūṣima pūrṇimāvadhim |
evaṃ vai rādhike kṛtvā prāghūrṇikavidāyakam || 47 ||
[Analyze grammar]

rātrau viśrāntimāpannaḥ sākṣācchrīpuruṣottamaḥ |
caturdaśyāṃ prage snātvā samāhūya nṛpān hariḥ || 48 ||
[Analyze grammar]

upādideśa hārdaṃ svaṃ sabhyebhyo nṛpasaṃsadi |
śṛṇvantu vaiṣṇavāḥ sarve rājānastatkuṭumbinaḥ || 49 ||
[Analyze grammar]

rājā dharmāśrayaścāsti rājanyahaṃ vasāmi ca |
dikpālānāṃ śaktayaśca nihitā vai nṛpe mayā || 50 ||
[Analyze grammar]

rājādhīnaprajāḥ sarvāḥ pālayanti vṛṣān śubhān |
acauryama cā'pyahiṃsāṃ ca brahmacaryaṃ nayaṃ tathā || 51 ||
[Analyze grammar]

satyaṃ prapālanaṃ cāpi mātāpitṛprasevanam |
patyadhīnā tathā patnī patnyadhīnaḥ patistathā || 52 ||
[Analyze grammar]

svāmyadhīnāstathā bhṛtyā bhṛtyādhīnaśca rakṣakaḥ |
rājabhītyā yathācāre vartante daṇḍabhītitaḥ || 53 ||
[Analyze grammar]

tasmād rājā mama rūpo mama śāsanavartanaḥ |
rājñā vai pālyate dharmastathā'rtho'pi prapālyate || 54 ||
[Analyze grammar]

rājā prajānāmarthaiśca karoti kratumutsavam |
annasatrāṇi devānāṃ mandirāṇyartharāśibhiḥ || 55 ||
[Analyze grammar]

bhaktiṃ karoti rājā ca kārayatyapi rāṣṭrake |
tārayati prajāścāpi yastu bhāgavato bhavet || 56 ||
[Analyze grammar]

tasmād bhavadbhiḥ kṣitipaiḥ pṛthvyāṃ dūtaistu sarvataḥ |
kāraṇīyā harerbhakterghoṣaṇā paṭahairapi || 57 ||
[Analyze grammar]

prajā bhavantu ca harerbhaktimatyaḥ sudīkṣitāḥ |
vaiṣṇavyaḥ sarvathā kṛṣṇanārāyaṇasamāśritāḥ || 58 ||
[Analyze grammar]

yajñopavītaṃ gṛhṇantu vaiṣṇavaṃ pāvanaṃ śubham |
dīkṣāṃ mantraṃ harernāma gṛhṇantvapi pramokṣadam || 59 ||
[Analyze grammar]

vrataṃ kurvantu ca harerjanmāṣṭamyāṃ śubhorjake |
kṛṣṇe dale'tibhāvena caikādaśyā vrataṃ tathā || 60 ||
[Analyze grammar]

atra yajñadinānāṃ ca kurvantu tīrthayātrikām |
nāmasaṃkīrtanaṃ cāpi prakurvantu divāniśam || 61 ||
[Analyze grammar]

utsavān vividhāṃścapi vaiṣṇavairmilitaiḥ saha |
kārayantu prajāścāpi kathāpārāyaṇādikam || 62 ||
[Analyze grammar]

cāturmāsye prapūjādi kurvantu śrīharestathā |
ityevaṃ ghoṣaṇāṃ rājye kārayantu nije nije || 63 ||
[Analyze grammar]

ityādiṣṭāstu rājānaḥ pañcamukhyāstathā'pare |
śibidevanṛpaścāpi tharkūṭasthanṛpastathā || 64 ||
[Analyze grammar]

vīrajāramahārājaḥ śaktyakṣinṛpatistathā |
kālimāśanṛpaścāpi tathā'nye khaṇḍabhūbhṛtaḥ || 65 ||
[Analyze grammar]

āśāṃ śirasi cādhāya nemuḥ śrīpuruṣottamam |
kariṣyāmastathetyuktvoddhoṣaṇāṃ dūtasattamaiḥ || 66 ||
[Analyze grammar]

kārayāmāsuratyarthaṃ svasvarājye samantataḥ |
bhojayāmāsa ca sarvān śrīharirnijamandire || 67 ||
[Analyze grammar]

kālimāśanṛpoktyā vai prāsādikaṃ tu naikadhā |
sāyaṃ vimānamāruhya lālāyanamunergṛham || 68 ||
[Analyze grammar]

yayau śrībhagavān pūrvasamudre dvīpasaṃsthitam |
prāsādikaṃ ca tat kṛtvā tvāyayau vyomamārgataḥ || 69 ||
[Analyze grammar]

kālimāśanṛpasaudhaṃ viśrāntiṃ prāpa vai niśi |
lālāyanamṛṣiṃ sādhuṃ saccidānandasaṃjñitam || 70 ||
[Analyze grammar]

dīkṣitaṃ śrīharistvāha vraja tvaṃ cottarān kurūn |
tava dvīpātpūrvadeśān kenāṭadvīpasaṃyutān || 71 ||
[Analyze grammar]

amarīṇāṃ pradeśāṃśca mama bhaktiṃ prakāraya |
ityādato yatiḥ so'pi yayau kenāṭakān kurūn || 72 ||
[Analyze grammar]

vyomamārgeṇa yogena bahuśaktisamanvitaḥ |
atha rātrau hariḥ prāpa viśrāntiṃ ca tataḥ punaḥ || 73 ||
[Analyze grammar]

pūrṇāyāṃ prātarutthāya snātvā dhyānaparo'bhavat |
tāvat tatrā'bhavad rādhe mahāścaryaṃ hareḥ puraḥ || 74 ||
[Analyze grammar]

vimānaṃ tvakṣarāddhāmno muktayuktaṃ samujjvalam |
āyātaṃ drāk sthiraṃ tasthau śrīhareḥ sannidhau tataḥ || 75 ||
[Analyze grammar]

pārṣadāstadvimānāccā'vatīrya puruṣottamam |
rādhike pūjayāmāsuḥ prāhurbhaktiparāyaṇāḥ || 76 ||
[Analyze grammar]

śūrajārasya muktyarthaṃ tathā tasya tu yoṣitaḥ |
devavarūthinīnāmnyā mokṣārthaṃ bhavadājñayā || 77 ||
[Analyze grammar]

yathā pratiśrutaṃ tadvat smṛtvā samāgatā vayam |
ājñāpaya yathā kṛṣṇa tathā smaḥ sevane ratāḥ || 78 ||
[Analyze grammar]

śrīhariṃ śrāvayāmāsa tatsarvaṃ bhūbhṛte tadā |
saṃprayujyā''śiṣo rājñe kālimeśāya śaktaye || 79 ||
[Analyze grammar]

vīrajāreṇa sahitaḥ śūrajārādisaṃyutaḥ |
śrīharivīrajārasya rājyaṃ cobīnadītaṭe || 80 ||
[Analyze grammar]

āyayau suvimānena nijamaṇḍalasevitaḥ |
śūrajāraṃ tathā devavarūthinīṃ tadā hariḥ || 81 ||
[Analyze grammar]

prāpayanmokṣakaṃ divyaṃ tvakṣaraṃ dhāma śāśvatam |
atha śrībhagavāṃstūrṇa bālakṛṣṇasarovaram || 82 ||
[Analyze grammar]

āyayau tadvimānena śibirājālaye punaḥ |
tharkūṭastho harerājñāṃ prāpya rājyaṃ nijaṃ yayau || 83 ||
[Analyze grammar]

athāścaryamabhūttatra kanyāḥ ṣoḍaśa cāyayuḥ |
divyarūpadharāḥ sarvāstriśūlinyastrinetrikāḥ || 84 ||
[Analyze grammar]

tathā kumārāścatvāraste'pi triśūlanetrikāḥ |
divyā yogakalāyuktā mahaiśvaryādiśālinaḥ || 85 ||
[Analyze grammar]

athā'nye puruṣā divyāḥ śvetāstriśūlanetrakāḥ |
catvāraścaṃcalā dīrghāḥ sthūlāstatra samāyayuḥ || 86 ||
[Analyze grammar]

pañcā'pare ca puruṣāḥ kṛṣṇavarṇāstriśūlinaḥ |
trinetrā divyarūpāśca dīrghāḥ kṛśāḥ samāyayuḥ || 87 ||
[Analyze grammar]

ekaḥ kaścid durbalaśca niḥśastro'pi samāyayau |
rūkṣavarṇo'pi sukhavān niścintaścañcalo'pi san || 88 ||
[Analyze grammar]

evamete samāgatya triṃśatte harisannidhau |
nipeturdaṇḍavat kṛṣṇapādayorbhaktisaṃyutāḥ || 89 ||
[Analyze grammar]

dhanyā vayaṃ vayaṃ dhanyā uddhṛtāḥ paramātmanā |
ityuktvā bahuratnādyaiḥ pupūjuḥ parameśvaram || 90 ||
[Analyze grammar]

ārārtrikādikaṃ cakruḥ satkṛtāḥ śibinā tu te |
niṣeduścātha saṃpṛṣṭāḥ ke yūyaṃ devarūpiṇaḥ || 91 ||
[Analyze grammar]

jagaduste vayaṃ rudrasṛṣṭāḥ purā tadātmajāḥ |
rudrasṛṣṭervināśe'tra pracchannā vāsakāriṇaḥ || 92 ||
[Analyze grammar]

sadā vartāmahe tvadya pāvitāḥ paramātmanā |
dehi mantrān vaiṣṇavāṃśca kuru śrīparameśvara || 93 ||
[Analyze grammar]

ityevaṃ tvarthitaḥ kṛṣṇanārāyaṇo dadau manūn |
tatra yāḥ kanyakāstvāsan rodryaḥ putryastu tā yathā || 94 ||
[Analyze grammar]

urulā bālikā irātriśā obī ca māniśī |
bīnā tribalā trāsā ca tuṃgāsikā anāvarā || 95 ||
[Analyze grammar]

ālanaukā uṣṭrīyāskā yānā anādirā tathā |
anāṃśukā kālimā ca vaiṣṇavyastāstadā'bhavan || 96 ||
[Analyze grammar]

kumārāścāpi catvāro nāmnā tān śṛṇu rādhike |
bālakṛśo dvikalaśca alpamātro yurālakaḥ || 97 ||
[Analyze grammar]

te'pi mantrāṃstadā prāpya vaiṣṇavāścā'bhavan śubhāḥ |
anye dīrghāśca puruṣā nāmnā tān śṛṇu rādhike || 98 ||
[Analyze grammar]

akṣoḍhā kārakaścāpi kaśyapāyo dviriṃgakaḥ |
te'pi mantrān jagṛhuśca vaiṣṇavāścā'bhavaṃstadā || 99 ||
[Analyze grammar]

anye ca pañca puruṣā nāmnā tān śṛṇu rādhike |
ūrulaśca samānaśca stenāvāsaḥ prabhālunaḥ || 100 ||
[Analyze grammar]

āpatāyī ta aivāpi jagṛhurvaiṣṇavān manūn |
vaiṣṇavāścā'bhavaṃścā'tha yaścaiko durbalo janaḥ || 101 ||
[Analyze grammar]

nāmnā śivaraṇaścā'yaṃ jagrāha ca manūṃstadā |
vaiṣṇavāḥ samajāyanta sarve śrīharisevakāḥ || 102 ||
[Analyze grammar]

ājñāṃ gṛhītvā kanyāstā nadīrūpā yayuḥ sthalam |
catvārastu kumārā vai sarorūpā yayuśca te || 103 ||
[Analyze grammar]

catvāraścāpi puruṣāścābdhirūpā yayuśca te |
pañcāpi puruṣāścaite śailarūpā yayuśca te || 104 ||
[Analyze grammar]

eko rūkṣo durbalaśca raṇarūpo yayau tataḥ |
tīrtharūpā nyavasaṃśca tārakā dehināṃ sadā || 105 ||
[Analyze grammar]

śibidevakuṭumbaṃ tad dṛṣṭvā''ścaryaparaṃ hyabhūt |
paṭhanācchravaṇāccāsya tattattīrthaphalaṃ bhavet || 106 ||
[Analyze grammar]

iti śrīlakṣmīnārāyaṇīsaṃhitāyāṃ dvitīye tretāsantāne sarveṣāṃ mahīmānānāṃ vidāyasatkāraḥ vaiṣṇavīghoṣaṇā saccidānandalālāyanasyottarakurūn prati preṣaṇaṃ |
śūrajāradampatīmokṣaḥ triṃśadraudrīraudrātmajānāṃ vaiṣṇvībhavanam tāni tīrthāni cetyādinirūpaṇanāmā catustriṃśadadhikaśatatamo'dhyāyaḥ || 134 ||
[Analyze grammar]