Chapter 129

śrīkṛṣṇa uvāca |
śṛṇu tvaṃ rādhike tatrāścaryaṃ nṛpagṛhe'bhavat |
kaścid rājā vyomamārgānmukuṭena virājitaḥ || 1 ||
[Analyze grammar]

śaṃkhacakragadāpadmasaṃśobhitacaturbhujaḥ |
sudivyabhālatilakaścandanārjitabindukaḥ || 2 ||
[Analyze grammar]

vahniśuddhāmbaro mālāṃ tolasīṃ svakare dadhan |
svarṇavarṇaḥ prasannāsyaḥ kaṭyāṃ kṛpāṇarājitaḥ || 3 ||
[Analyze grammar]

rājaveṣadharaścānyairbahubhirnijasadṛśaiḥ |
chatracāmarayuktaśca jayaśabdairvivardhitaḥ || 4 ||
[Analyze grammar]

bālakṛṣṇo jayatvatra tadbhakto'yaṃ jayatvapi |
tasyāśritānāṃ cāsmākaṃ vijayo'dya pade pade || 5 ||
[Analyze grammar]

aho pātraṃ parabrahma dātā vīrajaraḥ svayam |
yatpratāpotthapuṇyena caturbhujatvamuttamam || 6 ||
[Analyze grammar]

prāpto'yaṃ nṛpatiścātra vayaṃ bhṛtyāḥ samuddhṛtāḥ |
śubhaṃ rājan vīrajāra kṛtavān jīva śāśvataḥ || 7 ||
[Analyze grammar]

ityuktvā nṛpaveṣaḥ sa praṇanāma hariṃ muhuḥ |
anye praṇemuḥ sarve vai bhṛtyāste ca caturbhujāḥ || 8 ||
[Analyze grammar]

śrīhareścaraṇau spṛṣṭvā nidadhurnijamūrdhasu |
jalaṃ prāsādikaṃ kṛtvā pādaprakṣālanottaram || 9 ||
[Analyze grammar]

papuste rādhike sarve jaya kṛṣṇetikīrtanāḥ |
pupūjurdivyahārādyaiḥ śrīsvāmiśrīrameśvaram || 10 ||
[Analyze grammar]

tāvat tatra sthitā rādhe vīrajārādayaḥ khalu |
bālakṛṣṇanivāse te kanyādyā api sarvaśaḥ || 11 ||
[Analyze grammar]

rājñyaśca rājabhṛtyāśca paramānandasaṃbhṛtāḥ |
āścaryamatulaṃ prāptā jijñāsāṃ cakrire tadā || 12 ||
[Analyze grammar]

ko'yaṃ kasmāt samāyāto rājā cāpi caturbhujaḥ |
kurmo'tra svāgataṃ tasyetyuktvā siṃhāsanaṃ daduḥ || 13 ||
[Analyze grammar]

arghyaṃ ca madhuparkaṃ ca miṣṭānnaṃ miṣṭavāri ca |
tāmbūlakaṃ ca sanmānaṃ cakrire tu yathocitam || 14 ||
[Analyze grammar]

jagṛhuste'tibhāvena prasannā''śiḥ parāyaṇāḥ |
śrīharirmaunabhāvaṃ ca vihāya kuśalādikam || 15 ||
[Analyze grammar]

apṛcchattaṃ divyabhaktaṃ mumoda ca muhurmuhuḥ |
tadā rājā vīrajāraḥ samapṛcchaddhariṃ tadā || 16 ||
[Analyze grammar]

mahābhāgavatāśceme mahārājānugā api |
kuta āyānti bhagavan vayaṃ jijñāsavo yataḥ || 17 ||
[Analyze grammar]

kva rājyaṃ kva ca bhūreṣāṃ kathaṃ khyātāḥ kimarthakāḥ |
asmabhyastava sevāyāṃ raktebhyo dehi vedanam || 18 ||
[Analyze grammar]

ityukto bhagavān kṛṣṇastvāha taṃ bhūbhṛtaṃ tadā |
vada rājan svavṛttāntaṃ jijñāsubhyo yathārthakam || 19 ||
[Analyze grammar]

ityājñāṃ tatra saṃprāpya prasannaḥ sannarādhipaḥ |
tatsarvebhyo'kathayacca vṛttāntaṃ śṛṇu rādhike || 20 ||
[Analyze grammar]

ahaṃ rājā śūrajārābhidho'trā''saṃ narādhipaḥ |
vīrajārapitā caite mantriṇo me'bhavaṃstadā || 21 ||
[Analyze grammar]

rājyaṃ dharmeṇa kṛtavān prajārakṣākaraḥ sadā |
prajānāṃ sevako bhūtvā'karavaṃ rāṣṭrapālanam || 22 ||
[Analyze grammar]

dānapuṇye'karavaṃ ca svargade sukhapūrite |
anāthādīnarakṣaṃ ca satre'bhojayamanvaham || 23 ||
[Analyze grammar]

sādhūnapūjayaṃ pitṝn atithīnārcayaṃ sadā |
asevayaṃ gavādīṃśca prajāścā'toṣayaṃ muhuḥ || 24 ||
[Analyze grammar]

vṛkṣānavāpayaṃ śreṣṭhān prajānānupakāriṇaḥ |
varṣe varṣe gatavatsarasyā'nnaṃ śiṣyate yadi || 25 ||
[Analyze grammar]

pākottaraṃ ca tatsarvamarthibhyaścārpitaṃ mayā |
viprāḥ saṃbhojitā nityaṃ satyaścātīva pūjitāḥ || 26 ||
[Analyze grammar]

sakṛtā grāmadevādyāḥ satkṛtāḥ śaraṇāgatāḥ |
ārtānāmārttināśaṃ cā'karavaṃ vastudānakaiḥ || 27 ||
[Analyze grammar]

rogiṇāmoṣadhadānāt svāsthyaṃ cā'karavaṃ sukham |
gṛhadānaṃ hastidānaṃ kṣetradānādikaṃ tathā || 28 ||
[Analyze grammar]

sarvaṃ cā'karavaṃ cā'rocayaṃ yadyacchubhārthanam |
tena puṇyena rājyaṃ ca kṛtvā nidhāya putrake || 29 ||
[Analyze grammar]

nidhanaṃ prāpya rājñīṃ svāṃ vihāyā'haṃ divaṃ gataḥ |
tatra sūryasya loke'haṃ nivasāmi samujjvalaḥ || 30 ||
[Analyze grammar]

hiraṇyadevajātīyaḥ sarvasaukhyasamanvitaḥ |
ime puṇyakriyāsveva bhṛtyā āsanpurā mama || 31 ||
[Analyze grammar]

dharmakāryasahāyāste mṛtvā svargaṃ mamā''gatāḥ |
hiraṇyajātijā devā vartante te mayā saha || 32 ||
[Analyze grammar]

tatrāpi mama rājyaṃ vai vartate bahuyojanam |
ime pradhānā me santi mantriṇastatra kecana || 33 ||
[Analyze grammar]

bhṛtyāḥ kecana dūtāśca santi sarve prabhākare |
sukhinaḥ sukharūpāśca mahānandapariplutāḥ || 34 ||
[Analyze grammar]

asmābhistatra devādidvārā yajñaḥ śruto'tra vai |
putreṇa vaiṣṇavaḥ śreṣṭho nirvartitaḥ surādibhiḥ || 35 ||
[Analyze grammar]

anādiśrīkṛṣṇanārāyaṇaśrīpuruṣottamaḥ |
samāyāto'sti bhagavān lokakalyāṇahetave || 36 ||
[Analyze grammar]

tasmai devādhidevāya sarvā'dhipataye'dya vai |
mama putreṇa vai dattāḥ pūjāyāṃ śatakanyakāḥ || 37 ||
[Analyze grammar]

taddānena kuṭumbaṃ me pāvanaṃ divyatāṃ gatam |
vayaṃ svargasthitāḥ sarve kanyādānasya puṇyataḥ || 38 ||
[Analyze grammar]

vilīya dvibhujāḥ sarve caturbhujāḥ sma eva tu |
vaiṣṇavāḥ pārṣadāścā'dya sañjātā dhāmayoginaḥ || 39 ||
[Analyze grammar]

viṣṇutulyasvarūpāśca viṣṇordhāmagamāḥ śubhāḥ |
sarvaiśvaryasamāpannāḥ koṭisūryādhitejasaḥ || 40 ||
[Analyze grammar]

mokṣosmākaṃ suputreṇa kṛto'sti kanyakā'rpaṇāt |
kanyādānaṃ śubhe pātre tīrthe śatakulādhikam || 41 ||
[Analyze grammar]

tārayatyeva pitṝṇāṃ pratyakṣaṃ dṛṣṭameva yat |
tasmāccaturbhujā bhūtvā kṛtvā ca haridarśanam || 42 ||
[Analyze grammar]

prayāsyāmo harerdhāma divyaṃ tvakṣarasaṃjñakam |
etatkathayituṃ tvatrā''gatāḥ sūryagṛhā vayam || 43 ||
[Analyze grammar]

śrīharerdarśanaṃ kartuṃ bhoktuṃ prasādamityapi |
ājñāṃ prāptuṃ ca taddhāma yācituṃ prasamāgatāḥ || 44 ||
[Analyze grammar]

ityuktvā ca viremuste hariḥ prāsādikaṃ dadau |
kanyādyā divyarūpaṃ taṃ dṛṣṭvā naijaṃ pitāmaham || 45 ||
[Analyze grammar]

susaṃhṛṣṭā praṇemuśca prasādaṃ pradadau hariḥ |
bubhujuste hṛṣṭahṛdaḥ papuśca caraṇāmṛtam || 46 ||
[Analyze grammar]

śrīharirvai tataḥ prāha śūrajārādikāṃstadā |
mama bhaktāḥ sāttvatā vai prayānti dhāma me śubham || 47 ||
[Analyze grammar]

mantraṃ gṛhī vā yogyāste gantuṃ bhavanti tatra vai |
nānyathā saṃpraveśo'sti mama dhāmni kathaṃcana || 48 ||
[Analyze grammar]

ityuktā jagṛhurmantrān bālakṛṣṇānanāttadā |
o namaḥ śrīkṛṣṇanārāyaṇāya svāmine svāhā || 49 ||
[Analyze grammar]

śaraṇaṃ śrīkṛṣṇanārāyaṇo'stu mama sarvadā |
kālamāyāpāpakarmaśanuyāmyakuhṛdbhayāt || 50 ||
[Analyze grammar]

śūlamīnadhvajadhanuścakrasvastikavānava |
parabrahmā'kṣarātīto bālakṛṣṇaḥ patirmama || 51 ||
[Analyze grammar]

brahmā'haṃ śrīkṛṣṇanārāyaṇabhakto'smi śāśvataḥ |
anādiśrīkṛṣṇanārāyaṇaḥ svāmī patiśca me || 52 ||
[Analyze grammar]

bālakṛṣṇaḥ parabrahma mama vai śāśvataḥ patiḥ |
pitā bandhuḥ suhṛnmitraṃ rakṣakaḥ pālako'stu saḥ || 53 ||
[Analyze grammar]

śrīkṛṣṇavallabhasvāmī śrīhariḥ śaraṇaṃ mama |
etān mantrān dadau tebhyaḥ śrīsvāmī śrīrameśvaraḥ || 54 ||
[Analyze grammar]

tataste'kṣaramuktāśca gantuṃ yogyāstato'bhavan |
atha rājā vīrajārastatkuṭumbaṃ piteti ca || 55 ||
[Analyze grammar]

vijñāya pūjanaṃ cakre tasya kṣamām parārthayat |
atha rājñī rājamātā nāmnā devavarūthinī || 56 ||
[Analyze grammar]

vṛddhā jñātvā patiṃ muktaṃ divyaṃ yātuṃ tathā'kṣaram |
vavande caraṇau tatra patyuḥ pativratā satī || 57 ||
[Analyze grammar]

mumocā'śrūṇi vidhavā gantuṃ saha manomatī |
uvāca praśrayā bhūtvā kiṃ me pāpaṃ yadatra ca || 58 ||
[Analyze grammar]

tiṣṭhāmi vidhavā dehe naya māṃ saha bhūpate |
yadgṛhe bhagavān sākṣājjāmātā nanu vartate |
tasya puṇyasya pāraṃ na tanmātā'haṃ tava priyā || 59 ||
[Analyze grammar]

kathaṃ vṛddhā divyamuktā na bhavāmi yathā patiḥ |
tasmād rājan madarthaṃ tvaṃ yācanāṃ kuru śāśvatīm || 60 ||
[Analyze grammar]

yathā muktiṃ saha yāmi tathā tvaṃ kuru satvaram |
śrutvā śūrapatiḥ rājā yayāce śrīhariṃ tadā || 61 ||
[Analyze grammar]

patitvā daṇḍavattatra rājñyarthaṃ mokṣakāṃkṣayā |
bhagavān śrīhariḥ prāha rājan manorathastava || 62 ||
[Analyze grammar]

tathā rājñyāśca saṃkalpaḥ siddha eva na saṃśayaḥ |
māse'smin pauṣasaṃjñe vai yajñakāryāṇi santi tu || 63 ||
[Analyze grammar]

tāni dṛṣṭvā tato yāyād rājñī te dhāma me'kṣaram |
tāvaddarśanalābhārthaṃ tiṣṭhatvatra priyā tava || 64 ||
[Analyze grammar]

pauṣaśuklasya pūrṇāyāṃ rājñī dhāmākṣaraṃ mama |
yātu vimānamārūḍhā mama pārṣadasevitā || 65 ||
[Analyze grammar]

bhavāṃścaturbhujastvatra mukhaiḥ saha sthiro'stu ca |
pūrṇimāyāṃ tvayā rājñīṃ saha nītvā caturbhujām || 66 ||
[Analyze grammar]

gantavyaṃ tvakṣaraṃ dhāma mama mantraiḥ pariplutām |
ityuktvā rādhike svāmī bālakṛṣṇaḥ svayaṃ tadā || 67 ||
[Analyze grammar]

kṛpayā pradadau rājñyai mantrān divyatvalabdhaye |
rājñī bhautikadehā'pi tadā divyā vyajāyata || 68 ||
[Analyze grammar]

yathā caturbhujo rājā tathā sā'pi caturbhujā |
vaikuṇṭhavāsayogyā sā yathā rājā tathā'bhavat || 69 ||
[Analyze grammar]

rādhike mantradāne'pi caturmujāstu pūrṇimām |
avadhīkṛtya loke'tra sthāsyantyeva harīcchayā || 70 ||
[Analyze grammar]

pūrṇimāyāṃ yadā te tu gamiṣyantyakṣaraṃ padam |
tadā te dvikarā bhūtvā'kṣaramuktasamāḥ śubhāḥ || 71 ||
[Analyze grammar]

yāsyanti paramaṃ dhāmā'kṣaraṃ śrīsvāminaḥ sukhāt |
evaṃ śūraṃ śūradevīṃ śūrṛbhatyān hariḥ svayam || 72 ||
[Analyze grammar]

sthātumājñāpya yajñārthaṃ bhojayāmāsa cāmṛtam |
pāyayāmāsa ca pādajalaṃ puṇyaṃ harirnijam || 73 ||
[Analyze grammar]

vāsayāmāsa ca nije prāsāde śūrajārakam |
bodhayāmāsa vividhairvacanairmokṣadāyakaiḥ || 74 ||
[Analyze grammar]

rājan yatra naro nārī tatra saṃsāravāsanā |
rājan yatra hariścā'haṃ tatrā'kṣarasya bhāvanā || 75 ||
[Analyze grammar]

rājan yatra sādhavo me tatrā'haṃ puruṣottamaḥ |
yatra brahmapriyā me ca tatrā'kṣaraṃ padaṃ mama || 76 ||
[Analyze grammar]

māyā'pi divyatāṃ yāti mama yogena sarvathā |
muktā cā'kṣararūpā syāttadanyasya tu kā kathā || 77 ||
[Analyze grammar]

imāḥ pautryaśca te sarvā dṛśyante yadyapi striyaḥ |
bhūtadehavikāriṇyastathāpi mama yogataḥ || 78 ||
[Analyze grammar]

muktāḥ sarvā bhaviṣyanti matsvarūpā vimāyikāḥ |
māṃ bhajitvā purā rājan bahvyo vai divyatāṃ gatāḥ || 79 ||
[Analyze grammar]

nāryo yathā tathā muktā vyajāyanta narā api |
mama yogena bahavo'bhavannarā narāyaṇāḥ || 80 ||
[Analyze grammar]

nārāyaṇāśca bahavo'bhavannārāyaṇā api |
nārāyaṇāśca bahavo'bhavan vai pumuttamāstathā || 81 ||
[Analyze grammar]

pumuttamāśca bahavo'bhavan vai puruṣottamāḥ |
puruṣottamasaṃjñāste puruṣottamaśāsane || 82 ||
[Analyze grammar]

vartante dhāmni puruṣottamabhaktāstadanvitāḥ |
puruṣottamasadṛśā guṇairdharmaiśca śaktibhiḥ || 83 ||
[Analyze grammar]

aiśvaryaiḥ rūpavibhavaistataste puruṣottamāḥ |
ahameṣāṃ ca puruṣottamānāṃ puruṣottamaḥ || 84 ||
[Analyze grammar]

niyāmako hi sarveṣāṃ tat puruṣottamottamaḥ |
nāsti me sadṛśaḥ kaścitparasyaiva tu kā kathā || 85 ||
[Analyze grammar]

tādṛśo'haṃ tava rājye prāpto'smi te sutasya vai |
satyaṃ rājyaṃ mama rājyaṃ na pṛthivyā mṛṣā hi tat || 86 ||
[Analyze grammar]

satyānando mahānando na māyāyā mṛṣā hi saḥ |
satyaṃ sukhaṃ sukhaṃ me'tra na bhautikaṃ mṛṣā yataḥ || 87 ||
[Analyze grammar]

kuṭumbaṃ satyamevā'haṃ daihikaṃ na mṛṣā yataḥ |
kāryaṃ nāmnā vikṛtaṃ ca madyoge vikṛtaṃ na tat || 88 ||
[Analyze grammar]

mṛṣā nāmnā cā'nṛtaṃ ca madyoge nā'nṛtaṃ hi tat |
asthiraṃ ca vinā māṃ yat susthitaṃ madyutaṃ tu tat || 89 ||
[Analyze grammar]

madriktaṃ parihāryaṃ ca madyuktaṃ grāhyameva tat |
māṃ vinā śūnyamanyad yat madyuktaṃ bharapūrakam || 90 ||
[Analyze grammar]

māṃ vinā pralayaḥ sarvo madyuktaḥ samṛddhāyate |
madvinā kalmaṣaṃ yacca tanmadyuktaṃ tu mādṛśam || 91 ||
[Analyze grammar]

madbhaktā mādṛśāḥ sarve tasmātte puruṣottamāḥ |
ityevaṃ māṃ viditvaiva bhaja māṃ bhava tādṛśaḥ || 92 ||
[Analyze grammar]

ityuktvā śrīhariḥ śūrajārāya nijadarśanam |
dadau tatraiva puruṣottamānāṃ puruṣottamam || 93 ||
[Analyze grammar]

divyadṛṣṭyā śūrajāro vilokya parameśvaram |
anantaparameśādyaiḥ sevitaṃ puruṣottamam || 94 ||
[Analyze grammar]

mumude mahimānaṃ ca viveda śrīharestadā |
tato harirdivyabhāvaṃ tirobhāvya manuṣyavat || 95 ||
[Analyze grammar]

abhavat kṣaṇamātreṇa prasannaḥ prāha vīrakam |
viśrāntiṃ labha rājendra gantavyaṃ vai prage drutam || 96 ||
[Analyze grammar]

ekādaśyāṃ caturthasya yaśasyā'rthebdhisaṃgamam |
pauṣe kṛṣṇe dale caikādaśyāṃ prārabhya taṃ kratum || 97 ||
[Analyze grammar]

pauṣe śukle dvitīyāyāṃ kariṣye pūrṇameva ca |
ityukto vīrajāraśca śūrajārastathā'pare || 98 ||
[Analyze grammar]

viśaśramuḥ sukhenaiva viśaśrāma haristathā |
rātrau suṣvāpa bhagavān kanyābhiḥ sevito hariḥ || 99 ||
[Analyze grammar]

ekādaśyāṃ prage śīghraṃ samutthāya kṛtārcanaḥ |
svastho bhūtvā vimānena rājakuṭumbasevitaḥ || 100 ||
[Analyze grammar]

mātāpitṛyutaścāpi prajābhiścābhivardhitaḥ |
yayau śaktyakṣinṛpateḥ rājye yajñakṣitau kṣaṇāt || 101 ||
[Analyze grammar]

ālanaukā'bdhisaṃyoge viśālaṃ bhūtalaṃ tadā |
bhrāmayitvā vimāne cāmbare vyalokayat muhuḥ || 102 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne vīrajāranṛpateḥ pitre śūrajāramahārājāya divyadevarūpāya sakuṭumbāya hiraṇyapuruṣātmikāyā'kṣarayogyadivya |
dehādyarpaṇādinā muktirityādinirūpaṇanāmā navaviṃśatyadhikaśatatamo'dhyāyaḥ || 129 ||
[Analyze grammar]