Chapter 128

śrīkṛṣṇa uvāca |
śṛṇu tvaṃ rādhike kṛṣṇanārāyaṇapareśvaraḥ |
vimānenā'mbare yāvatsamāyāto'tibhāsvaraḥ || 1 ||
[Analyze grammar]

prakāśaḥ samabhūtkoṭicandraprakāśavat sitaḥ |
pṛthvyāṃ dikṣu vidikṣvatra nadīdvayasamāgame || 2 ||
[Analyze grammar]

koṭiśo mānavā devāḥ ṛṣayo jaya mādhava |
jaya kṛṣṇa jaya svāmin bālakṛṣṇa jaya prabho || 3 ||
[Analyze grammar]

anādiśrīkṛṣṇanārāyaṇo vijayatetamām |
ityevaṃ jayaśabdāṃśca muktakaṇṭhā mahotsavāḥ || 4 ||
[Analyze grammar]

jagaduḥ prāñjalayaśca dadṛśurnirnimeṣakāḥ |
tāvadvimānaṃ kṛṣṇasya bhramitvā pañcavārakam || 5 ||
[Analyze grammar]

vyomnyeva janatābhyastu datvā śubhaṃ svadarśanam |
avātatāra bhūbhāge kāmagaṃ śubhadarśanam || 6 ||
[Analyze grammar]

irātriśauṣikāyoge madhyadeśe'tiśobhane |
pañcāśadyojane ramyamaṇḍapasya samīpataḥ || 7 ||
[Analyze grammar]

irātrīśātaṭe kṛṣṇo vimānād bahirāyayau |
śrīgopālaḥ kaṃbharāśrīstathā rājāna ityapi || 8 ||
[Analyze grammar]

vimānāllomaśaścāpi kanyāśca bahirāyayuḥ |
lājābhiścā'kṣataiḥ puṣpairvardhitāste prajājanaiḥ || 9 ||
[Analyze grammar]

atha śrībhagavān snātvā irātrīśānadījale |
maṇḍapaṃ kuṇḍavedyādīrdṛṣṭvā''vāsaṃ yayau nijam || 10 ||
[Analyze grammar]

rājñā rājakuṭumbena vīrajārādibhistadā |
pūjitaḥ sevitaḥ kṛṣṇo viśaśrāma ca mandire || 11 ||
[Analyze grammar]

bālakṛṣṇastataḥ prātaḥ snātvā yajñasthalīṃ yayau |
pauṣakṛṣṇatṛtīyāyāṃ devarṣipitṛśobhitān || 12 ||
[Analyze grammar]

dadarśa vedīṃ kuṇḍāṃśca paṭṭikāḥ kāñcanīstathā |
sāmagrīryajñakāryārthā asaṃkhyā mānavarjitāḥ || 13 ||
[Analyze grammar]

yajñabhūmau dadarśā'tha koṭiviprarṣidevatāḥ |
varaṇārthaṃ haristatra maṇḍape tu nijāsane || 14 ||
[Analyze grammar]

niṣasāda tathā rājā vīrajāraḥ priyānvitaḥ |
ājagāma ca yajñārthaṃ lomaśaścājagāma ha || 15 ||
[Analyze grammar]

patnīvratastathā brahmā vaśiṣṭho vaiṣṇavo mahān |
niṣeduḥ svāsaneṣveva maṃgalā gītayastadā || 16 ||
[Analyze grammar]

sāmavedasya vai viprā agāyan harṣanirbharāḥ |
devyaśca gītikāstatra jagurmaṃgalabodhikāḥ || 17 ||
[Analyze grammar]

vāditrāṇi hyavādyanta tūryāṇi vividhāni ca |
prakoṣṭhabandhanaṃ svastivācanādi vyavartata || 18 ||
[Analyze grammar]

aṃgadevasthāpanaṃ ca pūjanaṃ vighnahānaye |
abhavadvai mukhyapātrapūjanaṃ dravyapūjanam || 19 ||
[Analyze grammar]

devadevīpūjanādi prāvartata tadā'mbare |
candanādipravṛṣṭyarthaṃ surādyāstvāyayuḥ kṣaṇam || 20 ||
[Analyze grammar]

vahnidevaḥ kuṇḍapātre pratiṣṭhapita eva ca |
brahmādyā mūrtimantaste devāścakrurhavaṃ tadā || 21 ||
[Analyze grammar]

lomaśaśca vaśiṣṭhaścā''rabhete sma ṛtukriyāḥ |
mantrāstatra tu paṭhyante prahūyante havīṃṣi ca || 22 ||
[Analyze grammar]

vahnyānanāḥ parabrahmabrahmamuktāvatārakāḥ |
īśvareśarṣidevarṣipitṛmānavabhūdvijāḥ || 23 ||
[Analyze grammar]

tṛptiṃ gacchanti havyairvai bhuñjate cānalānanāḥ |
jīvasṛṣṭirbrahmasṛṣṭiśceśvarasṛṣṭirityapi || 24 ||
[Analyze grammar]

tṛptāḥ sarvāḥ sṛṣṭaścā'saṃkhyahavyaprabhojanaiḥ |
abhavan rādhike tatra pūrvayajñe yathā'bhavan || 25 ||
[Analyze grammar]

jaḍāśca sthāvarāścāpi cetanāḥ kāmarūpiṇaḥ |
tīrthāni parvatā nadyaḥ kīṭapataṃgapakṣiṇaḥ || 26 ||
[Analyze grammar]

sarve vai bhagavaddehāstṛptāstatra mahādhvare |
vaiṣṇave'nādilakṣmīśrīkāntanārāyaṇaprabhuḥ || 27 ||
[Analyze grammar]

sarvā'ntarātmā bhagavānatṛpyatā'graṇīrhariḥ |
evaṃ vai saptadivasāstṛptyutsavavratātmakāḥ || 28 ||
[Analyze grammar]

vyatīyurdevayajanairnavamyāṃ tu visarjanam |
kratostasya parihāro dakṣiṇāścāṃkavarjitāḥ || 29 ||
[Analyze grammar]

bhojanāni ca sarveṣāṃ nityavannūtanāni ca |
yathāyogyāni pacyāni pathyāni dehināṃ yathā || 30 ||
[Analyze grammar]

vyajāyanta tato bālaḥ śrīpatiḥ puruṣottamaḥ |
obyā irātriśāyāśca saṃgame'vabhṛthaṃ param || 31 ||
[Analyze grammar]

cakāra yājñikaiḥ sarvaiḥ samaṃ koṭijanaiḥ saha |
tatra tīrthāni sarvāṇi mūrtimanti tadā'bhavan || 32 ||
[Analyze grammar]

muktatīrthāni sarvāṇi brahmatīrthāni vai tathā |
avatārapratīrthāni muktātīrthāni yāni ca || 33 ||
[Analyze grammar]

kṛṣṇatīrthāni sarvāṇi nārāyaṇasya yāni ca |
brahmaviṣṇu maheśānāṃ pitṝṇāṃ yogināṃ tathā || 34 ||
[Analyze grammar]

ṛṣīṇāṃ ca surāṇāṃ ca dvijānāṃ ca satāmapi |
satīnāṃ devadevīnāṃ dikpālānāṃ tapasvinām || 35 ||
[Analyze grammar]

sādhvīnāṃ cāpi sādhūnāṃ tīrthāni mūrtimanti ca |
obyā nadyā irātriśāsaṃgame nyavasaṃstadā || 36 ||
[Analyze grammar]

tatra snānaṃ prakartavyaṃ pauṣakṛṣṇatṛtīyakāt |
dinādā navamīṃ yāvat saptāhe kratupuṇyadam || 37 ||
[Analyze grammar]

evamāha mahārājo rādhike'vabhṛthe tadā |
ahaṃ snāto harestasya pārśve tiṣṭhaṃstadā muhuḥ || 38 ||
[Analyze grammar]

nārāyaṇo'pi tatrā''sīt pārśve lakṣmīpatiḥ svayam |
śrutavān hariṇoktaṃ tat tathoktaṃ ca punaḥ punaḥ || 39 ||
[Analyze grammar]

nārāyaṇaiśca sarvairvai kṛṣṇaiḥ sarvaistathā'tra vai |
vāsudevairavatāraiḥ sarvairīśvarakoṭibhiḥ || 40 ||
[Analyze grammar]

tīrtharūpeṇa cātrā'pi vastavyaṃ śreyase nṝṇām |
rādhālakṣmyādibhiścāpi devībhiḥ sarvathā'tra ca || 41 ||
[Analyze grammar]

svasvakāntaiḥ samaṃ stheyaṃ tīrtharūpeṇa vai sadā |
ityevaṃ tatra yajñasya tīrthe tu saṃgame surāḥ || 42 ||
[Analyze grammar]

obyāmirātriśāyāṃ ca trivalāyāṃ jalādiṣu |
vāpīṣu kūpabhāgeṣu dīrghikāsvapi sarvathā || 43 ||
[Analyze grammar]

palvaleṣu tatra yajñabhūmiṣvapi sthale sthale |
nivasāmo vayaṃ sarve śrīharerājñayā priye || 44 ||
[Analyze grammar]

hariḥ prāha punastatra pāpātipāpakāriṇām |
atra snānena vai nāśaṃ yāsyanti pāpaparvatāḥ || 45 ||
[Analyze grammar]

puṇyabhājo bhaviṣyanti putrapautrakuṭumbinaḥ |
śreṣṭhino bhogabhājaśca nīrogā bahujīvinaḥ || 46 ||
[Analyze grammar]

yadā kvāpi samāgatya snāsyanti cātra ye janāḥ |
jalapānaṃ kariṣyanti sprakṣyantyetajjalāni ca || 47 ||
[Analyze grammar]

smariṣyanti kratostīrthaṃ deśāntare'pi vartinaḥ |
tebhyo bhuktiṃ tathā muktiṃ pradāsyāmi na saṃśayaḥ || 48 ||
[Analyze grammar]

snānaṃ dānaṃ tapo homaṃ paropakaraṇādikam |
devasthānaṃ dharmaśālāṃ vṛkṣāropaṇamityapi || 49 ||
[Analyze grammar]

vidyādānaṃ ca kanyāyā dānaṃ cauṣadhaśālikām |
kārayiṣyanti ye lokāsteṣāṃ puṇyamanantakam || 50 ||
[Analyze grammar]

rasaśālāṃ grahaśālāṃ vedhaśālāṃ kratugraham |
satāṃ śālāṃ kathāśālāṃ yantraśālāṃ vṛṣagṛham || 51 ||
[Analyze grammar]

annaśālāṃ ca satrāṇi jalaśālāṃ payogṛham |
prasūtigṛhamevāpi jñānaśālāṃ prasevinām || 52 ||
[Analyze grammar]

sevāśālāṃ tathā'tithibhojanādigṛhāṇi ca |
kārayiṣyanti ye lokā bhūtaśālāṃ kratusthale || 53 ||
[Analyze grammar]

tebhyo bhuktiṃ tathā muktiṃ pradāsyāmi na saṃśayaḥ |
ityevaṃ śrīhariḥ prāha rādhike'vabhṛthasthale || 54 ||
[Analyze grammar]

sasnau svayaṃ nimajjyaiva punaḥpunarjaleṣvapi |
añjalibhiḥ snāpitaḥ saḥ sarvaiḥ sarve'pi tena ca || 55 ||
[Analyze grammar]

snāpitā añjalidhārābhiścāvabhṛthake muhuḥ |
mayā prāsādikaṃ vāri dhṛtaṃ caitattavārthakam || 56 ||
[Analyze grammar]

kalaśe piba cālabhyaṃ pāvanaṃ pārameśvaram |
pibāmīti papau rādhā śrīhareścaraṇāmṛtam || 57 ||
[Analyze grammar]

nārāyaṇaḥ pradadau ca lakṣmyai sāpyapibajjalam |
evaṃ rādhe vinirvartyā'vabhṛthaṃ parameśvaraḥ || 58 ||
[Analyze grammar]

bahirnirgatya ca vastrāṇyādhāya bhūṣaṇādikam |
maṇḍapā'ntaḥsthitaṃ naijaṃ cāsanaṃ prayayau hariḥ || 59 ||
[Analyze grammar]

lebhe kṣaṇaṃ ca viśrāntiṃ tataḥ sāyaṃ sabhāṃ śubhām |
kārayāmāsa bhagavān sarvalokanivāsinām || 60 ||
[Analyze grammar]

vīrajāramahārājaḥ pūjāṃ cakāra bhāvataḥ |
śrīharerājñayā kṛṣṇaṃ nārāyaṇaṃ samarcayat || 61 ||
[Analyze grammar]

vāsudevaṃ ca bhūmānaṃ vairājaṃ parameṣṭhinam |
viṣṇuṃ śivaṃ cāryamāṇaṃ sanatkumārakādikam || 62 ||
[Analyze grammar]

brahmapriyāstathā sarvāḥ indraṃ sūryaṃ prajāpatīn |
vaśiṣṭhaṃ gālavaṃ patnīvrataṃ devāyataṃ munim || 63 ||
[Analyze grammar]

śrīgopālaṃ kambharāśrīrādhālakṣmīsarasvatīḥ |
anyā devīstathā pūjyāḥ pūjyānapūjayannṛpaḥ || 64 ||
[Analyze grammar]

upadā vividhāstatra pūjāyāmārpayattadā |
kṣamāṃ cā'yācata nyūnākṣamyā sevā mameti ca || 65 ||
[Analyze grammar]

pāvito'haṃ kṛpayaiva pāvitaṃ bhūmimaṇḍalam |
īśvarairatra cāgatya khyāpito'haṃ digantare || 66 ||
[Analyze grammar]

dhanyo rājā jārasaṃjño vīratāṃ samupāgataḥ |
yadahaṃ sarvathā jāro jāratā nāśitā mama || 67 ||
[Analyze grammar]

ataḥ paraṃ ca kiṃ bhāgyaṃ mama śreṣṭhaṃ bhavet kila |
yadahaṃ svagṛhe kṛṣṇacaraṇau prāptavāniha || 68 ||
[Analyze grammar]

rājyaṃ me sārthakaṃ cāpi bhogā me sārthakā api |
kuṭumbaṃ sārthakaṃ tvadya śrīkṛṣṇacaraṇāmṛtāt || 69 ||
[Analyze grammar]

prajā me sārthakāstvadya narā nāryo'pi sārthakāḥ |
āyuṣyaṃ sārthakaṃ cāpi yadatra puruṣottamaḥ || 70 ||
[Analyze grammar]

dhanaṃ me sārthakaṃ sarvaṃ gajavājivimānakam |
sarvaṃ me sārthakaṃ cādya yadatra puruṣottamaḥ || 71 ||
[Analyze grammar]

dhanyo'haṃ jananī dhanyā dhanyaṃ śatakuṭumbakam |
yadvaṃśe yadgṛhe kṛṣṇaḥ sarvāvatāraśobhanaḥ || 72 ||
[Analyze grammar]

koṭijanmakṛtātpuṇyāllabdhiḥ syācchrīhareriha |
sā kṛpāvaśato jātā kiṃ vadāmi subhāgyatām || 73 ||
[Analyze grammar]

obī dhanyā tathā dhanyā irātriśā nadī śubhā |
tribalā'pi tathā dhanyā yajjale puruṣottamaḥ || 74 ||
[Analyze grammar]

dhanyā vai rāśiṛṣayo yadgṛhe puruṣottamaḥ |
dhanyā vṛkṣāśca virudhaḥ stambāstṛṇagaṇādayaḥ || 75 ||
[Analyze grammar]

paśavaḥ pakṣiṇo dhanyā yadvāse puruṣottamaḥ |
nārāyaṇāstathā kṛṣṇā yadgṛhe'dya samāgatāḥ || 76 ||
[Analyze grammar]

mokṣasteṣāṃ jayasteṣāṃ teṣāṃ saubhāgyasampadaḥ |
sarvā'pi śrīḥ sadā teṣāṃ yadgṛhe puruṣottamaḥ || 77 ||
[Analyze grammar]

dhanyo nṛpaḥ śibiścāpi dhanyaḥ tharkūṭako nṛpaḥ |
dhanyo rājā vīrarājo yadgṛhe puruṣottamaḥ || 78 ||
[Analyze grammar]

dhanyāḥ pātālavāsāśca dhanyāḥ parvatavāsinaḥ |
dhanyāḥ kanyāḥ kumārāśca yeṣāṃ kṛṣṇasya darśanam || 79 ||
[Analyze grammar]

gṛhṇantu mānavāścāsmānnārāyaṇātpareśvarāt |
mantraṃ mokṣapradaṃ sarve ye'vaśiṣṭā mumukṣavaḥ || 80 ||
[Analyze grammar]

ityuktvā daṇḍavaccakre rājā śrīpuruṣottamam |
sabhāṃ ca daṇḍavaccakre'loṭhīd rajassu cotsukaḥ || 81 ||
[Analyze grammar]

haristasmai caraṇau dvau dadau tanmastakopari |
hṛdaye'pi dadau pādau samāleṣaṃ tato dadau || 82 ||
[Analyze grammar]

puṣpahāraprasādaṃ ca dadau rājñe hariḥ svayam |
rājñyastasya catasraśca pupūja parameśvaram || 83 ||
[Analyze grammar]

putrāḥ putryastathā kṛṣṇaṃ pupūja bahubhāvataḥ |
prajājanāḥ pupūjuśca śrīkṛṣṇaṃ puruṣottamam || 84 ||
[Analyze grammar]

narā nāryaḥ pupūjuśca deśīyā mahīmānakāḥ |
prāghūṇikāḥ pupūjuśca śrīsvāmiparameśvaram || 85 ||
[Analyze grammar]

śrīhariḥ pradadau rājñe mukuṭaṃ nijamastakāt |
atha mantrārthamājagmuḥ koṭiśastu prajājanāḥ || 86 ||
[Analyze grammar]

haristebhyo dadau mantrān nāmasmaraṇapūrvakān |
oṃ namaḥ śrīkṛṣṇanārāyaṇāya svāmine namaḥ || 87 ||
[Analyze grammar]

śaraṇaṃ śrīkṛṣṇanārāyaṇo'stu mama sarvadā |
kālamāyāpāpakarmaśatruyāmyakuhṛdbhayāt || 88 ||
[Analyze grammar]

śūlamīnadhvajadhanuścakrasvastikavānava |
brahmā'haṃ śrīkṛṣṇanārāyaṇabhakto'smi śāśvataḥ || 89 ||
[Analyze grammar]

anādiśrīkṛṣṇanārāyaṇaḥ svāmī patiśca me |
bālakṛṣṇaḥ parabrahma mama vai śāśvataḥ patiḥ || 90 ||
[Analyze grammar]

pitā vandyaḥ suhṛnmitraṃ rakṣakaḥ pālako'stu saḥ |
ahaṃ tasya śarīraṃ vai sa me śārīrako'stu vai || 91 ||
[Analyze grammar]

śrīkṛṣṇavallabhasvāmī śrīhariḥ śaraṇaṃ mama |
itimantrān dadau śrīmadbālakṛṣṇo narāyaṇaḥ || 92 ||
[Analyze grammar]

prāsādikaṃ jalapānaṃ hyakārayajjanānnijān |
darśanaṃ divyadhāmasthamahāmuktādibhiḥ saha || 93 ||
[Analyze grammar]

dadau svasya janatābhyo bālakṛṣṇaḥ svayaṃ prabhuḥ |
śiśriyurjanatāḥ kṛṣṇaṃ nārāyaṇaṃ paraṃ prabhum || 94 ||
[Analyze grammar]

sabhāsamāptau bhagavān bhojayitvā''gatān janān |
viśaśrāma kṣaṇaṃ viśaśramuḥ sarvaṃ niśi prage || 95 ||
[Analyze grammar]

snātvā harirjanānāha ṛṣīn devādikāṃstathā |
caturthayajñakāryārthaṃ yāntu sarve'pi vai drutam || 96 ||
[Analyze grammar]

ālanaukābdhisaṃyoge śaktyakṣibhūparājyake |
kārayantu yogyatāṃ ca prārambhasya kratordrutam || 97 ||
[Analyze grammar]

ekādaśyāṃ vayaṃ prātaścāgamiṣyāma eva tu |
ityājñaptāśca hariṇā devarṣipitṛmānavāḥ || 98 ||
[Analyze grammar]

yayuḥ sarve yājñikāśca ālanaukā'bdhisaṃgamam |
bālakṛṣṇo vīrajārālaye tasyau tadarthitaḥ || 99 ||
[Analyze grammar]

rājñībhiśca tathā rājñā kumārādyaiḥ prasevitaḥ |
hariḥ kuṭumbasahitaḥ sukhaṃ tasthau mano vidan || 100 ||
[Analyze grammar]

rājā tu nijakanyānāṃ śataṃ kṛṣṇe vimohitam |
jñātvā rājñyabhimatyā ca dadau kṛṣṇāya bhaktitaḥ || 101 ||
[Analyze grammar]

kanyāśataṃ patiṃ prāpya tadā śrīpuruṣottamam |
kṛtakṛtyaṃ tadā jātaṃ rājādyāḥ sukhino'bhavan || 102 ||
[Analyze grammar]

rājñyaḥ sarvāśca vai kṛṣṇaṃ jāmātāraṃ tadā''pya ca |
kṛtakṛtyāḥ sadā mene puṇyapātrāṇi rādhike || 103 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne vīrajāranṛparājye obīrātrīśāsaṃgame tṛtīyaviṣṇuyāgakaraṇaṃ mantrādidānaṃ tīrthamāhātmyaṃ cetinirūpaṇanāmā'ṣṭā |
viṃśatyadhikaśatatamo'dhyāyaḥ || 128 ||
[Analyze grammar]