Chapter 113

śrīkṛṣṇa uvāca |
atha śrīrādhike kṛṣṇapriyāstāḥ pitṛkanyakāḥ |
anādiśrīkṛṣṇanārāyaṇaṃ papracchurādarāt || 1 ||
[Analyze grammar]

asmākaṃ mahimā kānta kṛpayā vardhitastvayā |
śrīmataśca mahimānaṃ jñāsyāmaśca yathā vayam || 2 ||
[Analyze grammar]

tava no vada sarvātman mokṣo'nte no yathā bhavet |
ityukto bhavanāśādivihīno bhagavān prabhuḥ || 3 ||
[Analyze grammar]

āha tābhyaḥ svarūpasya jñānaṃ bhaktisahāyakṛt |
jīvalokātpare santi īśvarāṇāṃ hi bhūmayaḥ || 4 ||
[Analyze grammar]

vāsudevādayastatra vasanti vyūhakoṭayaḥ |
goloke'haṃ rādhayā sevitaḥ kṛṣṇo vasāmi ca || 5 ||
[Analyze grammar]

vaikuṇṭhe'haṃ śriyā yukto nārāyaṇo vasāmi vai |
tatpare cākṣare dhāmni vartāmi puruṣottamaḥ || 6 ||
[Analyze grammar]

akṣarātītasaṃjño'haṃ dvibhujaḥ parameśvaraḥ |
parataścākṣarāccāpi paro'smi paradhāmani || 7 ||
[Analyze grammar]

asaṃkhyamuktasevyo'haṃ brahmapriyāprasevitaḥ |
mama romaikāṇudeśādutpannaṃ teja aiśvaram || 8 ||
[Analyze grammar]

sarveśvareṣu tad vyāptaṃ pūrṇamiva prajāyate |
madekaguṇaleśena bhavantīśā guṇocchrayāḥ || 9 ||
[Analyze grammar]

mama saṃkalpamātreṇa cāvatārā bhavanti hi |
sṛṣṭayaścā'pyasaṃkhyātā matpuruṣecchayā khalu || 10 ||
[Analyze grammar]

jāyante'nantasaṃkhyākāstatrā'ntaryāmyahaṃ sthitaḥ |
antarbahiśca bhūtānāṃ yathāsthānaṃ vasāmyaham || 11 ||
[Analyze grammar]

yathākāryaṃ yathāpekṣaṃ yathābhaktānusevanam |
tathā bhūtvā nivasāmi bhaktavṛndeṣu matpriyāḥ || 12 ||
[Analyze grammar]

kvacid bhavāmi ceśeṣu kvacid deveṣu vā divi |
ṛṣivaryeṣu bhakteṣu kvacinmānavajātiṣu || 13 ||
[Analyze grammar]

kvacijjale sthale'raṇye śaile pṛthvyāṃ ca gahvare |
paśau pakṣiṇi yādassu vṛkṣe vallyāṃ tṛṇādiṣu || 14 ||
[Analyze grammar]

yathākāryaṃ bhavāmyeva naro nārī ca vetaraḥ |
rājā prajā'thavā dīnaḥ sādhuḥ sādhvī ca kāminī || 15 ||
[Analyze grammar]

gopālo vāpi gobālo gojālo gopikāpatiḥ |
kalpe yuge dine lagne'vatāro me dhruvaṃ priyāḥ || 16 ||
[Analyze grammar]

idānīṃ bālakṛṣṇo'smi śrīkaṃbharāsatīsutaḥ |
koṭyabjakanyakākāntaḥ kanyecchāpūraṇārthakaḥ || 17 ||
[Analyze grammar]

śrīmadgopālakṛṣṇasyā'nādikṛṣṇanarāyaṇaḥ |
puruṣottamasaṃjño'haṃ paramātmā hi mānavaḥ || 18 ||
[Analyze grammar]

bhavatīnāṃ prāpyarūpaḥ karuṇākṛtakaitavaḥ |
saurāṣṭre kuṃkumavāpīkṣetre'śvapaṭṭaśobhite || 19 ||
[Analyze grammar]

lomaśāśramasāmīpye'kṣarakṣetre vasāmyaham |
naranāṭyaṃ prakurvāṇo'meyo'pi mānatāṃ gataḥ || 20 ||
[Analyze grammar]

pūrvakalpīyakanyānāṃ tapaḥphalapradehayā |
koṭikandarpasaundaryā'navadhivīryavānaham || 21 ||
[Analyze grammar]

ṣaḍbhagairaṣṭasāmarthyairaṣṭasiddhibhiranvitaḥ |
koṭyabjarūpasāmarthyā'saṃkhyabalaguṇāśrayaḥ || 22 ||
[Analyze grammar]

kanyānāṃ bhāvapūrtyarthaṃ sākṣājjāto'smi kāntakaḥ |
bhavatīnāṃ patiścā'haṃ varte'dya tapaso balāt || 23 ||
[Analyze grammar]

mama sevā prakartavyā bhavatībhiḥ sukhāptaye |
snehena mama sevaiva bhaktireva matā mayā || 24 ||
[Analyze grammar]

tayā cāhaṃ prasannaḥ syāṃ nānyopāyena kenacit |
satī pativratā yadvat sevate svapatiṃ sadā || 25 ||
[Analyze grammar]

tādṛgananyabhāvena mumukṣurmā sadā bhajet |
parānurāgarūpā sā kartavyā mayi sarvathā || 26 ||
[Analyze grammar]

śravaṇaṃ ca kathāyā me kartavyaṃ janmakarmaṇām |
mama bhaktasya bhaktāyā mukhādvā mokṣadaṃ hi tat || 27 ||
[Analyze grammar]

me'vatāracaritrāṇāṃ śravaṇaṃ ca mumukṣuṇā |
tathaiva mama bhaktānāṃ camatkāraśravaḥ śubhaḥ || 28 ||
[Analyze grammar]

śrotavyāni caritrāṇāmākhyānāni mumukṣubhiḥ |
evaṃ priyā mama kāryaṃ kīrtanaṃ matsatāmapi || 29 ||
[Analyze grammar]

janmakarmacaritrāṇāṃ kathāvārtāḥ satāṃ mukhāt |
kāraṇīyāstathā yogye samaye śraddhayā muhuḥ || 30 ||
[Analyze grammar]

madbhaktānāṃ mama cāpi granthānāṃ paṭhanaṃ tathā |
pāṭhanaṃ mama patnīnāṃ caritrāṇāṃ hi mokṣadam || 31 ||
[Analyze grammar]

chandasāṃ baddhapadyānāṃ gadyānāṃ mama sarvadā |
saṃskṛtānāṃ prākṛtānāṃ granthānāṃ gāyanaṃ mudā || 32 ||
[Analyze grammar]

vīṇādivādyasanmiśraṃ tālikāsahitaṃ ca vā |
gāladhvānaiścipīṭābhiḥ kartavyaṃ kīrtanaṃ mama || 33 ||
[Analyze grammar]

pādayornupūranaddhakikiṇīdhvānamiśritam |
kaṭyāṃ nibaddhapaṭṭatya ghurghurādininādanaiḥ || 34 ||
[Analyze grammar]

sahitaṃ vā prakartavyaṃ nṛtyayuktaṃ sukīrtanam |
me stutiḥ samprārthanā ca nāmnāṃ me kīrtanaṃ tathā || 36 ||
[Analyze grammar]

kāryaṃ padyairmama prītyā tathā vākyairmanoramaiḥ |
atha me smaraṇaṃ kāryaṃ cintanaṃ hṛdayāmbuje || 36 ||
[Analyze grammar]

sāṃgopāṃgā mama mūrtiścintyā svahṛdaye priyāḥ |
ekaikamaṃgaṃ saṃcintya keśāt pādanakhāvadhim || 37 ||
[Analyze grammar]

mūrtidhyāne mama hāsyaṃ cintanīyaṃ viśeṣataḥ |
mama nāmāni karmāṇi smaraṇīyāni sarvadā || 38 ||
[Analyze grammar]

camatkārāḥ smaraṇīyā madbhaktānāṃ mamā'pi ca |
guṇānāṃ ramaraṇaṃ kāryaṃ japtavyo me manustathā || 39 ||
[Analyze grammar]

paradhāmā'kṣaradhāmnorgolokasyā'mṛtasya ca |
vaikuṇṭhasyā'vyākṛtasya śvetadvīpasya vai tathā || 40 ||
[Analyze grammar]

viśālākhyasya me dhāmnaḥ sāketanāmakasya me |
nityakailāsanāmnaśca kṣīrodasya ca me tathā || 41 ||
[Analyze grammar]

śrīpuraṃ ca śriyāṃ me pārṣadānāṃ brahmayoṣitām |
aiśvaryāṇāṃ ca siddhīnāṃ vibhūtīnāṃ ca me priyāḥ || 42 ||
[Analyze grammar]

smaraṇaṃ mama divyānāṃ sādhūnāṃ kāryamutsavāt |
mama devālayānāṃ ca mama pitroḥ kuṭumbinām || 43 ||
[Analyze grammar]

gavāṃ me vāhanādīnāṃ mama veṣasya vai tathā |
mamā''yudhānāṃ matsambaddhavastūnāṃ smṛtiḥ sadā || 44 ||
[Analyze grammar]

kartavyā vai tayā muktiḥ syād divyā muktidā hi me |
atha kāryaṃ caraṇayoḥ saṃvāhanaṃ mama priyāḥ || 45 ||
[Analyze grammar]

pratyakṣasya harerme'trā'nādikṛṣṇasya satpateḥ |
mama mūrteḥ pādasaṃvāhanaṃ kāryaṃ tathā muhuḥ || 46 ||
[Analyze grammar]

tatra sthito'haṃ gṛhṇāmi sevāṃ saṃvāhanādikām |
mama mūrtiḥ kāraṇīyā sarvāṃgā cihnaśobhanā || 47 ||
[Analyze grammar]

dhātavī dāravī vāpi pārthivī ca kiśorikā |
tasyāḥ sevā naraiścāpi nārībhiḥ sarvathā sadā || 88 ||
[Analyze grammar]

kāraṇīyā snehapūrṇā kartavyā manasepsitā |
mānasīṃ vā mama mūrtiṃ prakalpya dhyānanirmitām || 49 ||
[Analyze grammar]

tasyāścaraṇayoḥ sparśastadaṃgānāṃ samantataḥ |
sparśo bhāvena kartavyo rantavyaṃ ca tayā saha || 50 ||
[Analyze grammar]

mānasaṃ sarvathā kāryaṃ sevanaṃ mama bhāvitam |
bhojanīyaḥ pūjanīyau rañjanīyo viśeṣataḥ || 51 ||
[Analyze grammar]

hṛdayastho'pyahaṃ kṛṣṇo grahīṣye sevanaṃ tu vaḥ |
dhṛtvā māṃ śayane nitya suptavyaṃ hi mayā saha || 52 ||
[Analyze grammar]

vyavahāre'pi māṃ cā'gre kṛtvā kartavya eva saḥ |
bhoktavyaṃ māṃ pradhāryaiva nānyathā tu kadācana || 53 ||
[Analyze grammar]

śarīre'haṃ sadā cāsmi tathendriyeṣu sarvathā |
bhoktaryevaṃ prabhogyeṣu māṃ nidhāyā''caret kriyāḥ || 54 ||
[Analyze grammar]

tatsarvaṃ nirguṇaṃ mokṣapradaṃ puṇyapradaṃ bhavet |
gantavyaṃ māṃ puraskṛtya sthātavyaṃ mayi sarvathā || 55 ||
[Analyze grammar]

evaṃ me sevanaṃ kāryaṃ dehasaṃvāhanaṃ mama |
sevayā me vāsudevā'nujā vyūhasvarūpiṇaḥ || 56 ||
[Analyze grammar]

yāvatsṛṣṭyudbhūtipuṣṭisaṃhṛtiśaktimāpnuvan |
mama pādāṃguṣṭhapūtā gaṃgā punāti golakam || 57 ||
[Analyze grammar]

kālamāyāpāpakarmaśatrukuhṛdbhayādikam |
mama pādāśrayavatāṃ tūrṇaṃ naśyati sevayā || 58 ||
[Analyze grammar]

rādhāramāprabhāpāravatīśrīmāṇikīpriyāḥ |
dvādaśādhikaśatasaṃkhyāścānyā brahmayoṣitaḥ || 59 ||
[Analyze grammar]

pādau paricarantyanyāḥ koṭyarbudastriyaśca me |
muktakoṭyo'pi yau pādau sadā paricaranti hi || 60 ||
[Analyze grammar]

devapriyā hyasaṃkhyāśca mama pādaprasevayā |
gopyaścā'saṃkhyakāścāpi kīrtiṃ prāpurmamā'dhikām || 61 ||
[Analyze grammar]

yau pādau me stuvantyeva vyāsāḥ śatasahasraśaḥ |
tau pādau saṃvāhanīyau sevyau me muktikāmukaiḥ || 62 ||
[Analyze grammar]

caraṇau ca yayā sevyau sevyau bhujau tathā mama |
mastakaṃ me sadā sevyaṃ pṛṣṭhaṃ saṃvāhanena ca || 63 ||
[Analyze grammar]

sevyaṃ meṃ'gaṃ tathopāṃgaṃ pratyaṃgaṃ bhāvataḥ priyāḥ |
yasya kasyā'pi meṃ'gasya sevanaṃ mokṣadaṃ mama || 64 ||
[Analyze grammar]

athā'rcanaṃ mama kāryaṃ sātvatībhiśca sāttvataiḥ |
bāhyārcanaṃ ṣoḍaśabhistathā cāṣṭaśatairapi || 65 ||
[Analyze grammar]

upacāraiḥ prakartavyaṃ hṛdyaiḥ śreṣṭhairmanoramaiḥ |
calāyāṃ me pratimāyāṃ māmāvāhya prapūjayet || 66 ||
[Analyze grammar]

snāpayed ghṛtadugdhādyairabhiṣiñcejjalaistathā |
kārayecca tataḥ śreṣṭhavāsāṃsi susamarpayet || 67 ||
[Analyze grammar]

alaṃkārān vividhāṃśca yathāsthānaṃ pradhārayet |
kāśmīrakesaropetacandanādyaṃgalepanam || 68 ||
[Analyze grammar]

yathartuṃ kuryāt snehena tilakaṃ bindugarbhakam |
hārān sugandhinaścāpi śekharānavataṃsakān || 69 ||
[Analyze grammar]

mama dadyātpradīpaṃ sudhūpaṃ naivedyamuttamam |
mahānīrājanaṃ kuryādgītavāditravādanaiḥ || 70 ||
[Analyze grammar]

pradakṣiṇāṃ stavanaṃ ca prārthanāṃ namanādikam |
puṣpāṃjaliṃ pradadyācca pañcakālaṃ tu pūjanam || 71 ||
[Analyze grammar]

trikālaṃ vā dvikālaṃ vā prātareva tu vā''caret |
mama janmadineṣvatra kartavyaṃ pūjanaṃ mahat || 72 ||
[Analyze grammar]

vrateṣvekādaśīnāṃ ca gītavāditrapūrvakam |
bhojanīyāḥ sādhavaśca satyaśca pāraṇādine || 73 ||
[Analyze grammar]

dhanavantaḥ kārayeyurmandirāṇi dṛḍhāni me |
pratiṣṭhāṃ kārayettatra dhanī me sumahotsavaiḥ || 74 ||
[Analyze grammar]

grāmaṃ kṣetraṃ dhanaṃ dadyād gṛhaṃ pūjādhanārthikām |
vṛttiṃ prabandhayed ramyāṃ pūjāpravāhasiddhaye || 79 ||
[Analyze grammar]

kūpaṃ ca vāpikāṃ puṣpavāṭikāṃ susarāṃsyapi |
kuṇḍān kūpān kārayecca madarthaṃ ca satāṃ kṛte || 76 ||
[Analyze grammar]

vaiṣṇavān kārayecchreṣṭhān makhān vai bhūridakṣiṇān |
mantrajapān prakuryācca stotrāṇāṃ pāṭhanādikam || 77 ||
[Analyze grammar]

puraścaryāṃ tathā kuryānmama nāmnāṃ punaḥ punaḥ |
mantrāṇāṃ ca puraścaryāṃ granthānāmapi bhāvataḥ || 78 ||
[Analyze grammar]

pitaro devatāḥ pūjyāḥ ṛṣayo vṛddhadehinaḥ |
evaṃ bāhyārcanaṃ proktaṃ mānasaṃ cāntaraṃ tu tat || 79 ||
[Analyze grammar]

aṣṭādhikaśataśreṣṭhopacārairmānasairhṛdi |
pūjanaṃ me prakartavyaṃ premasāgarasaṃbhṛtā || 80 ||
[Analyze grammar]

atha me vandanaṃ kāryaṃ sāṣṭāṃgaṃ vāṃ'gaṣaṣṭakam |
padbhyāṃ karābhyāṃ jānubhyāmurasā śirasā dṛśā || 81 ||
[Analyze grammar]

vacasā manasā ceti daṇḍavat puruṣaiḥ sadā |
padbhyāṃ karābhyāṃ manasā vacasā śirasā dṛśāḥ || 82 ||
[Analyze grammar]

nārībhiḥ sanniṣadyaiva praṇāmaḥ kārya eva me |
matpādaspṛṣṭasaddhūlyāṃ kartavyaṃ pariluṇṭhanam || 83 ||
[Analyze grammar]

rajāṃsi varṣmaṇi śīrṣe nidhatavyāni tāni vai |
madgātraspṛṣṭavāryādi madgātraspṛṣṭacandanam || 84 ||
[Analyze grammar]

raṃgasalilasaugandhyacūrṇādi dhāryamityapi |
aho bhāgyaṃ mama śreṣṭhaṃ prāptaṃ cūrṇaṃ rajo mayā || 85 ||
[Analyze grammar]

bhagavatpādapadmairyat spṛṣṭaṃ cāho subhāgyavān |
ityevaṃ vai vadan nityānande bhagno bhavejjanaḥ || 86 ||
[Analyze grammar]

atha dāsyaṃ sadā kāryaṃ yathā me lomaśo muniḥ |
dāsabhāve sadā lakṣmīriva saṃvartate tathā || 87 ||
[Analyze grammar]

na mānaṃ tatra vai kāryaṃ sevane kṣatidhāyakam |
sarvakāle yathāpekṣasevāyāṃ dāsavad bhavet || 88 ||
[Analyze grammar]

paricaryā sarvavidhā yogyā'yogyā'pi sarvathā |
kartavyā mama dāsyeva bhṛtyeva yoṣitā'pi ca || 89 ||
[Analyze grammar]

nareṇa vā sadā bhaktyā sevyo'haṃ parameśvaraḥ |
mama snānopayogārthaṃ jalaṃ svayaṃ samāharet || 90 ||
[Analyze grammar]

kusumānyāhareccāpi mālāṃ prāgumphayet svayam |
tulasīṃ candanaṃ cāpi gharṣayed dravameva ca || 91 ||
[Analyze grammar]

pākaṃ kuryāt svayaṃ bhakto bhojayet kavalaiśca mām |
jalapānādikaṃ dadyācculukaṃ kārayedapi || 92 ||
[Analyze grammar]

tāmbūlakaṃ mukhavāsaṃ dadyānme svayameva tu |
tālavṛntādibhirbhakto vejayenmāṃ yathocitam || 93 ||
[Analyze grammar]

sammārjanaṃ mandirasya mama kuryād vilepanam |
jīrṇoddhāraṃ prakurvīta nūtanaṃ mandirādikam || 94 ||
[Analyze grammar]

bhaktānāmannatoyādyaiḥ phalādyaiḥ sevanaṃ śubham |
mānaṃ hitvā prakurvīta praṇamettān hi bhāvataḥ || 95 ||
[Analyze grammar]

dehastrīputravittāderdāsye'rpaṇaṃ vidhāpayet |
ityevaṃ vartamānasya mama sāmyaṃ dadāmyaham || 96 ||
[Analyze grammar]

atha sakhyaṃ vidhātavyaṃ sarvaṃ prakāśavanmayi |
ācaritavyemevā'tra paratra sa samo mama || 97 ||
[Analyze grammar]

dehastrīpatiputrādeḥ snehaḥ kāryo'dhiko mayi |
mānuṣyanāṭyaṃ dadhato me kriyāsu na doṣadhīḥ || 98 ||
[Analyze grammar]

karturakarturanyathākarturme karmasu kvacit |
saṃśayo nahi kartavyo bhaktādhīnasya me priyāḥ || 99 ||
[Analyze grammar]

kāmān krodhāttathā lobhānmohāt svārthāt sukhecchayā |
ye yathā māṃ prapadyante tāṃstathaiva bhajāmyaham || 100 ||
[Analyze grammar]

na tatra saṃśayaḥ kāryaḥ sakhyaṃ maitryamidaṃ mayi |
yatkaromi tu bhaktārthaṃ bhaktakalyāṇahetave || 101 ||
[Analyze grammar]

lokā naitad vijānanti gahanāṃ tāṃ gatiṃ mama |
tasmāt kāryo hi viśvāso mama kriyāsu sarvathā || 102 ||
[Analyze grammar]

atha kāryaṃ samastaṃ vai mayi tvātmanivedanam |
nareṇa yoṣitā vāpi deho'rpyo mayi sarvathā || 103 ||
[Analyze grammar]

tathendriyāṇi cārpyāni tathā'ntaḥkaraṇānyapi |
svabhāvāśca mayi cārpyāḥ kuṭumbaṃ cāpi vai mayi || 104 ||
[Analyze grammar]

samarpaṇīyaṃ bhaktena tadadhīno bhavenna vai |
anādiśrīkṛṣṇanārāyaṇaḥ svāmī bhavāmyaham || 105 ||
[Analyze grammar]

mamā'dhīno bhavennityaṃ madarthaṃ sakalakriyaḥ |
madarthasarvavyāpāro bhaved bhakto mama priyaḥ || 106 ||
[Analyze grammar]

evaṃ priyābhiryuṣmābhirvartitavyaṃ sadā mayi |
kānto'haṃ bhavatīnāṃ ca dāsye vai śāśvataṃ sukham || 107 ||
[Analyze grammar]

evamāha svayaṃ kṛṣṇanārāyaṇaḥ pareśvaraḥ |
rādhike bahudhā bhaktisvarūpāṇi viśeṣataḥ || 108 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne prabhoḥ sarvathā prasannatā''pādakavividhabhaktisvarūpavivecanāmā trayodaśādhikaśatatamo'dhyāyaḥ || 113 ||
[Analyze grammar]