Chapter 114

śrīkṛṣṇa uvāca |
evaṃ viśeṣataḥ prāha śrīpatiḥ śrīnarāyaṇaḥ |
adhikaṃ cāpi yatprāha śṛṇu tvaṃ rādhike hi tat || 1 ||
[Analyze grammar]

mama bhaktau vighnakṛtān svajanānapi saṃtyajet |
netrābhyāṃ darśanaṃ kuryānme'ṅgopāṅgātmavarṣmaṇaḥ || 2 ||
[Analyze grammar]

śrutibhyāṃ matkathāṃ nityaṃ śṛṇuyānmama karmaṇām |
tvacā sparśaṃ mama kuryāt sarvāṃgānāṃ samastataḥ || 3 ||
[Analyze grammar]

me guṇoccāraṇaṃ kuryājjihvayā mantrajāpanam |
mukhena me prasādasyā'śanaṃ kuryājjalaṃ pibet || 4 ||
[Analyze grammar]

nāsayā me prasādaṃ ca patraṃ tulasīsaṃbhavam |
puṣpaṃ gandhaṃ ca gṛhṇīyāccandanaṃ me samarpitam || 5 ||
[Analyze grammar]

karābhyāṃ mama dehasya kuryāt saṃvāhanaṃ śubham |
śīrṣṇā kuryād vandanaṃ me padbhyāṃ pradakṣiṇāṃ tathā || 6 ||
[Analyze grammar]

manasā mama saṃkalpaṃ dhiyā me niścayaṃ param |
cetasā cintanaṃ me ca kāntasyaiva vidhāpayet || 7 ||
[Analyze grammar]

mama dāsatvābhimānaṃ svasmin kuryātsadā'hamā |
madarthameva kuryādvai kṛṣivyāpārasatkriyāḥ || 8 ||
[Analyze grammar]

udyamaṃ ca madarthaṃ vai prakuryāt pitṛkanyakāḥ |
yadyat sveṣṭaṃ bhaved vastu tattanme tvarpayet sadā || 9 ||
[Analyze grammar]

gandhaṃ puṣpaṃ bhūṣaṇaṃ cāmbaraṃ śrāṃgārikaṃ tathā |
matprasādaṃ śubhaṃ kṛtvā dhārayettu tataḥ param || 10 ||
[Analyze grammar]

patraṃ puṣpaṃ jalaṃ vāpi mahyaṃ yatsyānna cārpitam |
tanna bhakṣyaṃ na vā peyaṃ na dhāryaṃ hīrakādyapi || 11 ||
[Analyze grammar]

tapaḥ kuryāt kratuṃ kuryād dānaṃ kuryājjapaṃ tathā |
mama prasannatārthaṃ vai sarvaṃ kuryāt parārthakam || 12 ||
[Analyze grammar]

sāttvatāṃ sevanaṃ cāpi sādhvīnāṃ sevanaṃ tathā |
kartavyaṃ mama bhaktairvai prasannatāyai me'naghāḥ || 13 ||
[Analyze grammar]

bhakte sādhau tathā sādhvyāṃ sthito vai sarvadā'smyaham |
tadaṃgeṣu mamā'ṅgāni sarvendriyāṇi me sadā || 14 ||
[Analyze grammar]

vasantyeva na sandehastasmāt sevyāstu te'nvaham |
sakāmaiḥ sādhavaḥ sevyāḥ kalpavṛkṣā hi me matāḥ || 15 ||
[Analyze grammar]

kāmanāpūrakāḥ santi sādhavaḥ svargamokṣadāḥ |
sādhvyo me kalpavallyaśca sevyāḥ sakāmayā striyā || 16 ||
[Analyze grammar]

tābhyo manorathāḥ sarve siddhyantyeva na saṃśayaḥ |
teṣāṃ tāsāṃ sadāśīrbhiḥ phalantyeva manorathāḥ || 17 ||
[Analyze grammar]

dharmā'rthakāmamokṣākhyāḥ puruṣārthāḥ phalanti ca |
teṣu tāsu vasāmyeva svayaṃ nārāyaṇottamaḥ || 18 ||
[Analyze grammar]

yathāyathaṃ ca bhaktānāṃ pūrayāmi manorathān |
dehānte śāśvataṃ sthānaṃ mahānandaṃ dadāmi ca || 19 ||
[Analyze grammar]

labhante ceṣṭasaukhyāni tatra te cā'kṣayāṇi hi |
sālokyaṃ sārṣṭi sāmīpyaṃ sārūpyaṃ ca tadātmatām || 20 ||
[Analyze grammar]

dadāmyetebhya evā'haṃ yathā tuṣṭo hi sevanaiḥ |
anye śreṣṭhā mahābhāgavatā bhaktāśca me parāḥ || 21 ||
[Analyze grammar]

mama sevāṃ vinā nānyadicchanti siddhivaibhavān |
na ca muktiṃ caturdhāṃ vā te samicchanti karhicit || 22 ||
[Analyze grammar]

mayā dattaṃ dīyamānaṃ tvaiśvaryaṃ corjitaṃ param |
naiva vāñchanti te bhaktā yathā lakṣmīrna te tathā || 23 ||
[Analyze grammar]

antarāyakaratvādvai santi vighnāni siddhayaḥ |
aiśvaryāṇyapi vighnāni gṛhṇanti na hṛdā'pi te || 24 ||
[Analyze grammar]

mamā''nandenasampūrṇaṃ hṛd ātmakuṭikā śubhā |
manmūrttyānandasaṃvyāptā bhavatyasya priyāḥ khalu || 25 ||
[Analyze grammar]

evaṃ niṣkāmabhāvena māṃ bhajeraṃśca ye janāḥ |
bhaktottamāste proktā me matpūrṇahṛdayā yataḥ || 26 ||
[Analyze grammar]

evaṃ māṃ bhajamānasya sevamānasya nityadā |
sneho vivardhate bhūyān yatra vighno na jāyate || 27 ||
[Analyze grammar]

brahmaputryā yathā hyāpo bhittvā himagirīn bahūn |
āyāntyāsāmadeśāṃśca viśanti sundarābdhikam || 28 ||
[Analyze grammar]

tathā premā hi bhaktānāṃ vighnān vibhidya deśajān |
kālajān saṃgajāṃścānyān viśatyanantake mayi || 29 ||
[Analyze grammar]

āntarāṇāṃ ca bāhyānāṃ tattvānāṃ vṛttayo'khilāḥ |
svabhāvāścāpi saṃskārā mayyeṣāṃ viśramanti vai || 30 ||
[Analyze grammar]

pratyakṣe mayi samprāpte sannidhāvapyupasthite |
svasamāne mānavākhye sajātīyādivartane || 31 ||
[Analyze grammar]

prāptasnehabharā bhaktā matsukhābdhau sukhaṃ gatāḥ |
anyatra nā'nuraktāḥ syurmāṃ vihāya kvaciddhi te || 32 ||
[Analyze grammar]

vastudvayaṃ janaiḥ prāptaṃ viviktaṃ ca dvidhā hi tat |
ramaṇīyaṃ svānukūlaṃ sukhadaṃ prathamaṃ matam || 33 ||
[Analyze grammar]

dvitīyaṃ nā'nukūlaṃ cā'ramaṇīyaṃ ca duḥkhadam |
tattu tyājyaṃ svabhāvāddhi sarveṣāṃ tatra kā kathā || 34 ||
[Analyze grammar]

prathamaṃ tu sadā ceṣṭaṃ sarveṣāṃ dehināṃ khalu |
tadāpyeṣā mahadduḥkhapradaṃ bhāti vivekinām || 35 ||
[Analyze grammar]

dehanirvāhamātraṃ vai grāhyaṃ prasahya yoginām |
viśeṣaṃ tu tadapyeṣāṃ duḥkhadaṃ bhāti buddhitaḥ || 36 ||
[Analyze grammar]

ramyatvaṃ ramaṇīyeṣu naiṣā bhavati karhicit |
ramyatvaṃ cāsti yatrā'haṃ tatraivaiṣāṃ mahātmanām || 37 ||
[Analyze grammar]

madvinā candanaṃ ramyaṃ śītalaṃ gandhasaṃbhṛtam |
spṛṣṭaṃ viṣāyate śīghraṃ madyuktaṃ cāmṛtāyate || 38 ||
[Analyze grammar]

madvinā puṣpamālāśca svarṇahārādayastathā |
pāśāyante gale kṣiptā madyuktāstu vadhūkarāḥ || 39 ||
[Analyze grammar]

bhūṣaṇaṃ madvihīnaṃ ca svarṇamauktikahīrakam |
dhṛtaṃ godhāsamaṃ syādvai madyuktaṃ candravatsukham || 40 ||
[Analyze grammar]

sundarī puṣpaśayyā madvihīnā ramaṇīyutā |
vahnidhautāmbaraklṛptā śreṣṭhā'pi rauravāyate || 41 ||
[Analyze grammar]

cāndrakāntiḥ śāradī ca madvihīnā sudhāsravā |
viṣā''tapāyate dugdhāyate sā tu mayā yutā || 42 ||
[Analyze grammar]

prāsādaścendravāsārho madvihīno guhāyate |
janā''vāso madvihīno bhūtāraṇyāyate tathā || 43 ||
[Analyze grammar]

sugandhiśītalo vāyurmadvihīno'nalāyate |
śreṣṭhavastraṃ madvihīnaṃ śūlayukkharjanāyate || 44 ||
[Analyze grammar]

sambandhino madvihīnā vṛkāyante'sya sarvathā |
rūpaṃ kuṣṭhāyate saumyaṃ madvihīnaṃ manoharam || 45 ||
[Analyze grammar]

svādu bhojyaṃ tu macchūnyaṃ bhaktasya tu viṣāyate |
svādu pānaṃ mayā hīnaṃ vāntāyate'mṛtaṃ tvapi || 46 ||
[Analyze grammar]

gatirmādhuryapūrṇā'pi mayā hīnā śarāyate |
mayā hīnā satī nārī devyapi pradavāyate || 47 ||
[Analyze grammar]

sukhaṃ duḥkhāyate sarvaṃ śāntaṃ krūrāyate tathā |
miṣṭaṃ sarvaṃ mayā hīnaṃ bhaktasya kaṭukāyate || 48 ||
[Analyze grammar]

utsavo madvihīnastu bhagnotsādvāyate sadā |
ānando'pi mayā hīno tiktamarcāyate tathā || 49 ||
[Analyze grammar]

prasaṃgo'pi śubhaḥ sarvo māṃ vinā maraṇāyate |
śubhaṃ sarvaṃ vinā māṃ tu bhaktasyaivā'śubhāyate || 50 ||
[Analyze grammar]

evaṃ bhaktasya vijñeyaḥ sneho mayyatyasīmakaḥ |
ahameva sphurāmyeko bhaktasyā'ntaśca vai bahiḥ || 51 ||
[Analyze grammar]

dṛṣṭo'hameva bhaktena sahasā tvāntare yadā |
tadā vilokya māṃ bhaktaḥ premṇā vai hasati kvacit || 52 ||
[Analyze grammar]

kvacinmāṃ dūramālokya gacchantamiva roditi |
kvaciccānandalābhena nṛtyaṃ karoti gāyati || 53 ||
[Analyze grammar]

kvacit saṃbhāṣate divyamūrtinā sa mayā saha |
kvacit karoti sāṣṭāṃgaṃ kvacidāliṅgatīti mām || 54 ||
[Analyze grammar]

kvacit pracumbati māṃ ca kvacit svapiti cādarāt |
kvacidutthāya sahasā jalaṃ dadāti me tadā || 55 ||
[Analyze grammar]

snānabhojanabhūṣādi kkacit kvacid dadāti me |
kvaciddhyānaparo bhūtvā ramate cāntare mayi || 56 ||
[Analyze grammar]

kvacinmaunaṃ samālambya samāhvayati māṃ hṛdi |
kvacit snehāt samākṛṣya māṃ nayatyeva nirjane || 57 ||
[Analyze grammar]

kvacid dāsī svayaṃ bhūtvā dāsyaṃ karoti me tadā |
kvacit maitryaṃ kvacicchraiṣṭhyaṃ kvacit karoti sāmyakam || 58 ||
[Analyze grammar]

kvacinmatvā'parādhaṃ svaṃ kṣamasveti vadatyapi |
kvacit prārthayate vastu kvacit paravaśo bhavet || 59 ||
[Analyze grammar]

anargalaḥ kvacidbhūtvā nāmānyeva gṛṇāti ca |
anādiśrīkṛṣṇanārāyaṇasvāmipatiprabho || 60 ||
[Analyze grammar]

parabrahma parātmanme nātha kānta hare vibho |
nārāyaṇa mahāviṣṇo kṛṣṇa śrīmannarāyaṇa || 61 ||
[Analyze grammar]

parameśa dayāsindho kvāsse vadā'tra māṃ prati |
evamāhūya ca māṃ sa sevate'pi yatheṣṭakam || 62 ||
[Analyze grammar]

nā'tra loke bhavettasya trapā sevanavighnikā |
tādṛśo mama bhakto yo bhaktā dāsī ca vā mama || 63 ||
[Analyze grammar]

punāti bhuvanaṃ sarvaṃ brahmāṇḍaṃ pāravāribhiḥ |
tasya vai pādarajasā prajvalanti durītikāḥ || 64 ||
[Analyze grammar]

tasya sandarśanāllokāḥ pūtā bhavanti vai drutam |
etādṛśasya bhaktasyāśrayeṇa muktiruttamā || 65 ||
[Analyze grammar]

sevanena bhavet sevā mamaivātra na saṃśayaḥ |
tasya me nahi bhedo'sti tanuḥ so'sti mamaiva saḥ || 66 ||
[Analyze grammar]

tadindriyāṇi me santīndriyāṇi nātra saṃśayaḥ |
paśyāmi tasya netrābhyāṃ spṛśāmi tasya vai tvacā || 67 ||
[Analyze grammar]

śṛṇomi tasya karṇābhyāṃ rasayāmi ca jihvayā |
vadāmi tasya vai vācā jighrāmi ghrāṇayoginā || 68 ||
[Analyze grammar]

mama ghrāṇena tatraiva vividhān gandhagauravān |
bhruvā ciceṣṭe tasyaiva gṛhṇāmi tatkareṇa ca || 69 ||
[Analyze grammar]

gacchāmi tatpadābhyāṃ ca devakṣetreṣu sarvadā |
ānandayāmi tasyaivendriyeṇa kāmavṛttinā || 70 ||
[Analyze grammar]

kaccaraṃ cotsṛjāmyeva tadindriyeṇa pāyunā |
cintayāmi tu tasyaiva cetasā mama cetasā || 71 ||
[Analyze grammar]

mananaṃ ca tayā kurve manasā tasya vai sadā |
ahaṃbhāvaṃ ca sarvatra karomyahaṃ hi taddhṛdā || 72 ||
[Analyze grammar]

nirṇayaṃ tasya buddhyaiva karomyahaṃ sadā priyāḥ |
śabdaṃ sparśaṃ rasaṃ rūpaṃ gandhaṃ cānandamityapi || 73 ||
[Analyze grammar]

gṛhṇāmyahaṃ sthitastasmin kṛṣṇanārāyaṇaḥ patiḥ |
evaṃ tasya kriyāḥ sarvā divyā mama kriyārhi tāḥ || 74 ||
[Analyze grammar]

mokṣarūpā bhaktibhāvā māyikā nahi vai hitāḥ |
tasya sevā prakartavyā tayā vindāmi tarpaṇam || 75 ||
[Analyze grammar]

tasyārpaṇena me syādvai sarvārpaṇaṃ hi dehinām |
pratyakṣo'haṃ tathā cā'smi mama sādhusvarūpavān || 76 ||
[Analyze grammar]

parokṣo'haṃ tathā cāsmi mama sādhuviyogavān |
pratyakṣāḥ sādhavo me vai santi divyāstu mūrtayaḥ || 77 ||
[Analyze grammar]

teṣāṃ bhagavatāṃ kāryā sevā sarvakriyādibhiḥ |
na tatra saṃśayaḥ kāryo mama mūrtyātmakā hi te || 78 ||
[Analyze grammar]

na tathā brāhmaṇāḥ śreṣṭhā munayo na maharṣayaḥ |
na cācāryā na guravo yathā me sādhavo varāḥ || 79 ||
[Analyze grammar]

varṇeṣu brāhmaṇaḥ śreṣṭho brāhmaṇeṣu ca sāttvatāḥ |
sāttvateṣu mama bhaktāścātmanivedinaḥ parāḥ || 80 ||
[Analyze grammar]

ātmanivediṣu śreṣṭhā dīkṣāvanto hi sādhavaḥ |
sādhubhyaḥ śreṣṭhaṃ evā'haṃ nānyo mattaḥ paraḥ samaḥ || 81 ||
[Analyze grammar]

sādhavo me samāḥ śreṣṭhā japāmyetān sadā hyaham |
karomi darśanaṃ nityaṃ sādhūnāṃ mayi vāsinām || 82 ||
[Analyze grammar]

mayyarpitasamastānāṃ mokṣadānā madātmanām |
karomi smaraṇaṃ teṣāṃ dāsyaṃ sakhyaṃ mahātmanām || 83 ||
[Analyze grammar]

kīrtanaṃ vandanaṃ teṣāṃ sādhūnāṃ ca karomyaham |
pādasaṃvāhanaṃ kurve sādhūnāmahamātmanām || 84 ||
[Analyze grammar]

arcane tvātmano me ca karomyapi nivedanam |
sādhuto na priyaṃ me'sti mama tattvasya cintanāt || 85 ||
[Analyze grammar]

parameśvarasaṃjñāste mama nāmnā hi mokṣadāḥ |
nārāyaṇāśca te proktāḥ sādhavo mama vai priyāḥ || 86 ||
[Analyze grammar]

tanmukhairbhojanaṃ kurve tṛpto bhavāmi teṣu ca |
na devā na ca gandharvāścāraṇā guhyakādayaḥ || 87 ||
[Analyze grammar]

pitaro munayo viprā nādhikāḥ sādhuto hi me |
īśvarā lokapālādyāḥ sādhuto nādhikā hi me || 88 ||
[Analyze grammar]

muktā muktiṃ gatāścāpi sādhuto nā'dhikā hi me |
kā kathā vā svayaṃ lakṣmīḥ rādhikā kamalādikāḥ || 89 ||
[Analyze grammar]

śrīrlīlā bhūrvibhūtiśca pārvatī cāpi māṇikī |
prabhādyā me sādhuto nā'dhikā anyasya kā kathā || 90 ||
[Analyze grammar]

evaṃvidhayā bhaktyā māṃ bhajadhvaṃ pitṛkanyakāḥ |
uddhariṣyāmi sarvā vaḥ pāvayadhvaṃ ca dehinaḥ || 91 ||
[Analyze grammar]

ipyuktvā ca tatastābhyo rādhike śrīnarāyaṇaḥ |
dadau tāsāṃ hṛdayeṣu caraṇau mūrtimityapi || 92 ||
[Analyze grammar]

snātvā bhuktvā bhojayitvā dadāvājñāṃ svayaṃ hariḥ |
svasvasthāneṣu gantuṃ vai tīrtheṣu pāvaneṣu ca || 93 ||
[Analyze grammar]

mayoktayā sadā rītyā bhajadhvaṃ māṃ patiṃ prabhum |
anāyāsena bhaktānāṃ bhaktiṃ kārayatā'pi ca || 94 ||
[Analyze grammar]

ante vinā prayatnena nirodhaṃ prāpya vai mayi |
yāsyanti tādṛśā bhaktā bhavatyaścāpi matpadam || 95 ||
[Analyze grammar]

divyā brahmatanuṃ prāpya madicchayā mamā''laye |
mayā saha prayāsyanti bhavatyo bhaktiyugjanāḥ || 96 ||
[Analyze grammar]

mayā dattāni sarvāṇi śāśvatāni parāṇi ca |
anantānyakṣarāṇyeva divyasaukhyāni sarvadā || 97 ||
[Analyze grammar]

prāpsyanti mama sevāṃ ca bhavatyo bhaktisaṃbhṛtāḥ |
ye janāśca tathā bhaktiṃ kariṣyanti striyo'pi yāḥ || 98 ||
[Analyze grammar]

te ca tāśca prayāsyanti mama muktipadaṃ param |
yāntyevaṃ māṃ vidantvevaṃ sevantāṃ māṃ tathā priyam || 99 ||
[Analyze grammar]

mama mantraṃ pradāyaiva mokṣayantu hi dehinaḥ |
gacchāmyahaṃ mama kṣetraṃ śāśvatīṃ kuṃkumasthalīm || 100 ||
[Analyze grammar]

ityuktvā pitṛtanayābhyaśca nadībhya ityapi |
ṛṣīn devān brahmapriyāstato maunaṃ sthitaḥ kṣaṇam || 101 ||
[Analyze grammar]

ātmanyacintayat kiñcid vaktuṃ śrīśaṃkarāya saḥ |
ājñāṃ pālayituṃ sajjā narā nāryo'vatasthire || 102 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne pitṛkanyātmakanadībhyo bhagavatā svātmātmakasādhujanādibhaktisvarūpapradarśanamityādinirūpaṇanāmā |
caturdaśādhikaśatatamo'dhyāyaḥ || 114 ||
[Analyze grammar]