Chapter 72

śrīkṛṣṇa uvāca |
nibodha rādhike caitad vijñānaṃ paramādbhutam |
brahmacārī gṛhasthaśca vānaprastho yatistathā || 1 ||
[Analyze grammar]

āśramāḥ kramasampannāḥ kāraṇādanyathā'pi te |
utpannajñānavijñānī vairāgyaṃ paramaṃ gataḥ || 2 ||
[Analyze grammar]

pravrajed brahmacaryāttu gṛhasthādvā yathocitam |
dārānāhṛtya vidhivad yajecca vividhairmakhaiḥ || 3 ||
[Analyze grammar]

dharmeṇotpādayet putrān vairāgye sati sannyaset |
atha vairāgyavegena sthātuṃ notsahate gṛhe || 4 ||
[Analyze grammar]

vānaprastho bhavet pūrvaṃ paścāt sanyāsamāśrayet |
ativairāgyavegastu sanyāsameva cāśrayet || 5 ||
[Analyze grammar]

vānaprasthāśramaṃ gatvā yadvā sanyāsamityapi |
punarna gṛhamāgacchet na viśed dārasaṃgame || 6 ||
[Analyze grammar]

sarveṣāmeva vairāgyaṃ sanyāse tu vidhīyate |
aviraktastu sanyāsāt patatyena na saṃśayaḥ || 7 ||
[Analyze grammar]

ekāśrame'thavā samyag vartetā''maraṇāntikam |
taddharmijñānibhaktastu so'mṛtatvāya kalpate || 8 ||
[Analyze grammar]

dharmārthaṃ dattasarvasvo brahmavidyaḥ praśāntimān |
jñānavijñānasampanno brahmabhūyāya kalpate || 9 ||
[Analyze grammar]

brahmaṇyarpayya karmāṇi kāmasaṃgādivarjitaḥ |
prasannā'raktamanasā kurvāṇo yāti tatpadam || 10 ||
[Analyze grammar]

brahmaṇā dīyate deyaṃ brahmaiva dīyate hi tat |
dīyate brahmaṇe dānaṃ brahmārpaṇamidaṃ param || 11 ||
[Analyze grammar]

nā'haṃ kartā sarvametad brahmaiva kurute tathā |
etad brahmārpaṇaṃ karma brahmaṇi paridhīyate || 12 ||
[Analyze grammar]

pṛṇotu śrīkṛṣṇanārāyaṇasvāmī svakarmaṇā |
evaṃ matvā kriyate tad brahmārpaṇamidaṃ param || 13 ||
[Analyze grammar]

phalānāṃ cāpi sanyāsaṃ prakuryātparameśvare |
evaṃ phalapradānaṃ ca brahmārpaṇamanuttamam || 14 ||
[Analyze grammar]

kāryamityeva yatkarma niyataṃ saṃgavarjitam |
kriyate viduṣā karma tadbhavedapi mokṣadam || 15 ||
[Analyze grammar]

karmaṇāṃ phalasannyāso yadi brahmaṇi neyate |
tadā phalena badhyeta mokṣarodho bhavettataḥ || 16 ||
[Analyze grammar]

arpaṇāt kṣīyate pāpaṃ puṇyaṃ vā mokṣabodhakam |
aihikaṃ paurvikaṃ vāpi manaḥprasannatā bhavet || 17 ||
[Analyze grammar]

ātmavittvaṃ bhaveccāpi brahmavijjāyate tataḥ |
karmaṇā sahitāj jñānāt samyag yogo'bhijāyate || 18 ||
[Analyze grammar]

yogāt śrīmatkṛṣṇanārāyaṇasānnidhyamīyate |
tasmāt sarvaprayatnena yatra tatrāśrame rataḥ || 19 ||
[Analyze grammar]

karmāṇīśvaratuṣṭyarthaṃ kuryānnaiṣkarmyamāpnuyāt |
samprāpya brahmavijñānaṃ naiṣkarmyaṃ tatprasādataḥ || 20 ||
[Analyze grammar]

nijātmātmaparabrahmānande magno jitendriyaḥ |
ekākī nirmamaḥ śānto jīvannapi samuktavat || 21 ||
[Analyze grammar]

vīkṣate paramātmānaṃ parabrahma pareśvaram |
nityānandī nirupādhiḥ śrīharau līnatāṃ vrajet || 22 ||
[Analyze grammar]

tasmāt seveta ca rādhe naiṣkarmye tvarpaṇātmakam |
tṛptaye parameśasya tena yāyāt paraṃ padam || 23 ||
[Analyze grammar]

evaṃ kṛtā tu yā niṣṭhā siddhiṃ dadāti śāśvatīm |
na tvetāṃ samatikramya siddhiṃ vindati mānavaḥ || 24 ||
[Analyze grammar]

evaṃ sarvaṃ jyāmagho'pi vicārya cātmano hitam |
uktvā patnyai samastaṃ tu vijñānaṃ jñānapūrvakam || 25 ||
[Analyze grammar]

kṛtvā jñānena ca nijāṃ kāntāṃ tu brahmarūpiṇīm |
datvā rājyaṃ svānujāya śrīmaghāya haripriyaḥ || 26 ||
[Analyze grammar]

jyāmaghaḥ strīsahitaśca pitroḥ pādau praṇamya ca |
bhrātaraṃ ca samāśliṣya kṣemamāvedya sarvataḥ || 27 ||
[Analyze grammar]

prajāśīrvādamādāya sābhramatīnadītaṭe |
āśrame tu satāṃ nityaṃ satsaṃgaṃ pracakāra ha || 28 ||
[Analyze grammar]

bhrātrā svanāmasahitaṃ tacchrīnagaraṃ khyāpitam |
jyāmaghastu tato yajñaṃ vaiṣṇavaṃ paramaṃ śubham || 29 ||
[Analyze grammar]

kārayāmāsa svabhrātṛdvārā sābhramatītaṭe |
tadbhaktyā homasamaye śrīyutaḥ śrīnarāyaṇaḥ || 30 ||
[Analyze grammar]

mūrtimāṃstatra cāyāto yajñamaṇḍapamacyutaḥ |
vahniḥ svayaṃ mūrtimāṃśca brahmā śaṃbhustathā''gatāḥ || 31 ||
[Analyze grammar]

devatā bubhujarhavyaṃ jyāmaghena samarpitam |
śrīḥ prasannā ca taṃ prāha tava bhaktyā janārdanaḥ || 32 ||
[Analyze grammar]

prasanno māṃ tava rājye sthātuṃ cājñāṃ karoti hi |
nāhamekākinī vāsaṃ kariṣye prattane tava || 33 ||
[Analyze grammar]

yajñatṛptā'smi sañjātā sākaṃ matpatinā suraiḥ |
kārayā'trā''layaṃ ramyaṃ yatra vasāmi nityadā || 34 ||
[Analyze grammar]

śrutvā ca jyāmagho bhrātrā saha mumoda bhaktarāṭ |
evamuktvā punaḥ prāha yāhi kuṃkumavāpikām || 35 ||
[Analyze grammar]

aśvapaṭṭasaraḥkṣetraṃ tatra vasāmi nityadā |
anādiśrīkṛṣṇanārāyaṇasevāparāyaṇā || 36 ||
[Analyze grammar]

dampatyostatra tu punaḥ sevayā dāsyayuktayā |
darśanaṃ me svāminaśca bhaviṣyati na saṃśayaḥ || 37 ||
[Analyze grammar]

ityuktvā ca tirorāsa sadevā sanarāyaṇā |
yajñaḥ samāptimagamannagare śrīrvyavardhata || 38 ||
[Analyze grammar]

śrīmaghaṃ pitarau natvā jyāmagho dattadakṣiṇaḥ |
sābhramatyāṃ naukayā ca sapatnīko viniryayau || 39 ||
[Analyze grammar]

śrīmaghaḥ kārayāmāsa mandiraṃ saptabhūmikam |
meghasparśaṃ saśikharaṃ nārāyaṇākhyaghaṭṭake || 40 ||
[Analyze grammar]

tatra lakṣmīyuto nārāyaṇo vaidikakarmabhiḥ |
pratiṣṭhāpita evādau rājñā'smai vāṭikā'rpitā || 41 ||
[Analyze grammar]

pūjānaivedyaśṛṃgārotsavāścāpi niyojitāḥ |
evaṃ bheje śrīmagho'pi śrīmatkṛṣṇanarāyaṇam || 42 ||
[Analyze grammar]

lakṣavarṣaṃ tu tadrājyaṃ bhuktvā dhāma paraṃ yayau |
jyāmagho'pi nadīmārgādāyayau staṃbhavāridhim || 43 ||
[Analyze grammar]

tataḥ śrīgopanāthaṃ ca kṛtvā tīrthaṃ tataḥ param |
nāvaṃ visṛjya yānena yayau kuṃkumavāpikām || 44 ||
[Analyze grammar]

aśvapaṭṭasaro dṛṣṭvā vīkṣya śrīlomaśāśramam |
bhūmikāṃ divyaśobhāḍhyāṃ vīkṣyā''nandaṃ paraṃ yayau || 45 ||
[Analyze grammar]

dṛṣṭvā śrīmatkṛṣṇanārāyaṇaprāsādamucchritam |
vyomacumbiśikharāṇi dhvajān vīkṣya sagadgadaḥ || 46 ||
[Analyze grammar]

daṇḍavat praṇanāmādau pradakṣiṇaṃ cakāra tam |
tāvat tatra samāyāto vipro bālasvarūpavān || 47 ||
[Analyze grammar]

ramaṇīyaḥ śrīnivāsaḥ sarvasaundaryabhājanam |
padmapatrāyatanetraḥ sūkṣmacakrānvitā'ṅguliḥ || 48 ||
[Analyze grammar]

vakṣodhṛtojjvalamaṇistejaḥparidhiśobhitaḥ |
svāgataṃ pracakārā'sau tīrthasthalāni darśayan || 49 ||
[Analyze grammar]

nināya mandire yatra śrīkāntaḥ saṃvirājate |
anādiśrīkṛṣṇanārāyaṇaṃ gajāsanasthitam || 50 ||
[Analyze grammar]

darśayāmāsa vipraḥ sa tatra cāntaradhīyata |
jyāmaghastasya rājñī ca paramāścaryamāgatau || 51 ||
[Analyze grammar]

sākṣānmānavanāṭyasya darśanaṃ prāpya tatparam |
bālakṛṣṇasya ca tatra darśanaṃ prāpya vai punaḥ || 52 ||
[Analyze grammar]

dvayoraikyaṃ svarūpe ca svabhāve guṇavartane |
mūrterapīti vijñāyā'manyatāṃ ca kṛtārthakau || 53 ||
[Analyze grammar]

aho bhāgyamaho bhāgyaṃ jyāmaghasya ca tatstriyāḥ |
sākṣād viprabaṭurūpo bālakṛṣṇo'bhavattadā || 54 ||
[Analyze grammar]

ānināya gṛhaṃ naijaṃ bālakṛṣṇe tiro'bhavat |
anekajanmapuṇyānāṃ sevayā tatprasannatā || 55 ||
[Analyze grammar]

jāyate yena bhagavān svayaṃ svagṛhamāyayau |
tato gopālakṛṣṇaṃ ca mātaraṃ kambharāsatīm || 56 ||
[Analyze grammar]

bhagavantaṃ ca santoṣāṃ dadṛśatustataḥ param |
śukaṃ dṛṣṭvā vallabhaṃ ca dṛṣṭvā vai suramaṇḍalam || 57 ||
[Analyze grammar]

mumudatustāvatyarthaṃ pupūjatū parameśvaram |
candanākṣatakuṃkumośīragulālavāribhiḥ || 58 ||
[Analyze grammar]

puṣpatulasīkalhārapuṇḍarīkasukesaraiḥ |
hārabhūṣāmbaradravyaiḥ pūjayāmāsaturhi tau || 59 ||
[Analyze grammar]

upadāḥ svarṇapātrādi nyadhātāṃ puratastadā |
miṣṭapakvānnapātrādi tāmbūlakaṃ jalādikam || 60 ||
[Analyze grammar]

dadatustau śrīharaye mātre ca janakāya ca |
ārārtrikaṃ cakratuśca daṇḍavacca namaskṛtim || 61 ||
[Analyze grammar]

bālakṛṣṇastu papracchāgamane kṣemamityapi |
kuśalaṃ ca pravāse'pyapīḍāṃ sukhāgamaṃ tathā || 62 ||
[Analyze grammar]

tata ātithyakāryārthaṃ nināya dampatī hariḥ |
bhojanaṃ kārayāmāsa jalaṃ tāmbūlakādikam || 63 ||
[Analyze grammar]

nivāsārthaṃ svatantraṃ ca saudhaṃ hariḥ samārpayat |
dampatībhyāṃ dāsadāsīrdadau vastūni sarvaśaḥ || 64 ||
[Analyze grammar]

viśaśrāmātha rājā'sau sāyaṃ tvaśvasarovaram |
snātuṃ prayayau vidhinā snātvā sandhyāṃ cakāra ha || 65 ||
[Analyze grammar]

aśvapaṭṭasarasaśca tīrthakoṭyanvitasya ca |
aṣṭottaraśatavartiyuktaṃ nīrājanaṃ vyadhāt || 66 ||
[Analyze grammar]

jalaṃ pītvā nijaṃ saudhaṃ samāyayau ca sānugaḥ |
rātriṃ nināya sukhataḥ prātaḥsnānottaraṃ nṛpaḥ || 67 ||
[Analyze grammar]

pūjayitvā svāminaṃ śrībālakṛṣṇaṃ śriyaḥ patim |
ārārtrikādikaṃ kṛtvā dadau dānāni sarvaśaḥ || 68 ||
[Analyze grammar]

svarṇabhūṣāmbaradravyamuktāmaṇīn dadau bahūn |
bhojayāmāsa tīrthasthān viprān ṛṣīn sukanyakāḥ || 69 ||
[Analyze grammar]

sarveṣāṃ cāpi devānāṃ tīrthayātrāṃ cakāra ha |
aśvapaṭṭasaraḥpradakṣiṇaṃ kṛtvā gṛhaṃ yayau || 70 ||
[Analyze grammar]

dhanyo vai gundrako vṛkṣo dhanyā tintiḍikā śubhā |
dhanyo dāḍimavṛkṣaśca dhanyau jambudvayadrumau || 71 ||
[Analyze grammar]

dhanyā sā badarī yatra bhagavān saṃvirājate |
dhanyā sā kuṃkumavāpī tīrthottamottamottamā || 72 ||
[Analyze grammar]

dhanyo'haṃ jyāmaghaścāpi dhanyā dhanālasā priyā |
yeṣāmanādidevaśrīkṛṣṇanārāyaṇāśraye || 73 ||
[Analyze grammar]

vāso vai vidyate te tu brahmaloke vasanti hi |
evaṃ cintayamānaṃ taṃ rājñī prāha tvarānvitā || 74 ||
[Analyze grammar]

mandiraṃ śrīdarśitaṃ tat kārayā'tra mahattamam |
yatra nārāyaṇo devaḥ sadā naḥ pūjyatāṃ vrajet || 75 ||
[Analyze grammar]

śrutvā rājā mandiraṃ ca kīdṛg viśālamucchritam |
kārayitavyamevetyacintayat kṣaṇamātrakam || 76 ||
[Analyze grammar]

tāvattejaḥ paraṃ śreṣṭhaṃ śvetaṃ dadarśa cāyatam |
tatra dadarśa śikharaṃ caikaṃ viśālamantare || 77 ||
[Analyze grammar]

tatra madhye śubhāṃ mūrtiṃ kṛṣṇanārāyaṇātmikām |
vāme rādhāṃ śriyaṃ lakṣmīṃ pāravatīṃ prabhāṃ tathā || 78 ||
[Analyze grammar]

māṇikīṃ ceti patnīstā dadarśa divyadarśanāḥ |
dakṣe pitaraṃ jananīṃ santoṣāṃ bhaginīṃ tathā || 79 ||
[Analyze grammar]

bhagavantaṃ śukaṃ cāpi vallabhaṃ haribāndhavān |
dadarśa maṇḍalaṃ caitat svaṃ rājñīṃ pradadarśa ca || 80 ||
[Analyze grammar]

sevāyāṃ ceti tatsarvaṃ tataścāntaradhīyata |
rājā śilpivaraṃ tatra cāhūyā'kathayattadā || 81 ||
[Analyze grammar]

śilpivaryaścitrapaṭaṃ cakāra tadyathoditam |
tato vai mandiraṃ ramyaṃ cāśvapaṭṭasya paścime || 82 ||
[Analyze grammar]

kārayāmāsa sampūrṇaṃ pratiṣṭhāṃ vidhinā'pi ca |
trayodaśapratimānāṃ kārayāmāsa bhūsuraiḥ || 83 ||
[Analyze grammar]

svasaudhaṃ kārayāmāsa samāhūya ca lomaśam |
dīkṣāṃ jagrāha ca sāṃkhyayogadharmānvitāṃ śubhām || 84 ||
[Analyze grammar]

nijasaudhe mandire taṃ śrīmatkṛṣṇanarāyaṇam |
bheje bhaktyā sapatnīkaścottamo vaiṣṇavo mahān || 85 ||
[Analyze grammar]

pūrvajanmasvabhāvān sa kṣapayāmāsa bhaktitaḥ |
vratena tapasā nityaṃ dhyānena dāsyabhāvataḥ || 86 ||
[Analyze grammar]

mahābhāgavato bhūtvā sarvaṃ cakāra bhāvataḥ |
caturviṃśatitattvāni haryarthaṃ pracakāra saḥ || 87 ||
[Analyze grammar]

nṛpaḥ śrīkṛṣṇadevāya cārpayāmāsa cetanam |
sattvaṃ śrīkṛṣṇadevasya prakāśane nyayojayat || 88 ||
[Analyze grammar]

rajastasya pravṛttyarthaṃ yathā tuṣṭo bhaveddhariḥ |
tamo bhūtau pralayārthaṃ nyayuṅkta śrīharestadā || 89 ||
[Analyze grammar]

mahattattvaṃ buddhirūpaṃ tannirṇaye nyayojayat |
cittaṃ tu cintane cāhaṃ tasyā'bhimānane'karot || 90 ||
[Analyze grammar]

manastu manane tasya śrotraṃ kathāśrave hareḥ |
tvagasya sparśane'rakṣat cakṣustaddarśane'karot || 91 ||
[Analyze grammar]

rasanā tatprasādasya svāde jihvā'sya kīrtane |
nāsā tatpuṣpasaugandhye vāgasya guṇavarṇane || 92 ||
[Analyze grammar]

hastau dāsye ca kaiṃkarye sevāyāṃ sarvadā'karot |
pādau tamabhigamane prādakṣiṇye'karottathā || 93 ||
[Analyze grammar]

pādyaṃ cāsanabandhe'sya liṃgamānandane'sya ca |
balaṃ tadbhāravahane kalāstatsevane'karot || 94 ||
[Analyze grammar]

daihikaṃ sarvamevā'yaṃ śrīkṛṣṇāya samārpayat |
rājñī cāpi tathā sarvaṃ bālakṛṣṇāya cārpayat || 95 ||
[Analyze grammar]

tanmātrāṇi viṣayāṃśca śubhaṃ cāśubhamityapi |
sarvaṃ dadau tu haraye svayaṃ prāghūrṇikā'bhavat || 96 ||
[Analyze grammar]

kriyā sarvā varṣmaṇastu śrīkṛṣṇāya tathā''rpayat |
pūjanaṃ smaratāṃ tasya vandanaṃ stavanaṃ sadā || 97 ||
[Analyze grammar]

pādasammardanaṃ viṣṇorarcanaṃ dāsyamityapi |
sakhyaṃ kelirnarmavākyaṃ hasanaṃ hāsyamityapi || 98 ||
[Analyze grammar]

kīrtanaṃ cārpaṇaṃ sarvaṃ śrīmatkṛṣṇe'karot sadā |
rājñī cāpi mahābhāgavatī bhaktā babhūva ha || 99 ||
[Analyze grammar]

mārjanaṃ lepanaṃ pakvanaivedyakaraṇaṃ tathā |
jalāharaṇamevāpi vastrāṇāṃ kṣālanādikam || 100 ||
[Analyze grammar]

pātrāṇāṃ mañjanaṃ cāpi puṣpānayanamityapi |
mālikāgrathanaṃ cāpi tulasyānayanaṃ tathā || 101 ||
[Analyze grammar]

vāyorāndolanaṃ cāpi dolā''ndolanamityapi |
sarvaṃ cakāra hastābhyāṃ śayyāstaraṇamityapi || 102 ||
[Analyze grammar]

pādasaṃvāhanaṃ kṛṣṇanārāyaṇasya sarvadā |
kiṃkarīva vidadhāti sarvā''rpaṇaṃ tadā'karot || 103 ||
[Analyze grammar]

evaṃ saṃsevamānau tau divyapuṇyāśritau śubhau |
prakṣīṇakalmaṣau jātau bālakṛṣṇābhyanugrahāt || 104 ||
[Analyze grammar]

lomaśena prāpito ca mantraṃ śrīvaiṣṇavaṃ param |
oṃ namaḥ śrīkṛṣṇanārāyaṇāya pataye namaḥ || 105 ||
[Analyze grammar]

labdhvā mantraṃ pūjayitvā hariṃ cāṣāḍhaśuklake |
ekādaśyāṃ ravyudaye dhyānamagnau sthirau kṣaṇam || 106 ||
[Analyze grammar]

abhavatāṃ tadā divyaṃ vimānaṃ tvakṣarācchubham |
sapārṣadaṃ samāyātaṃ koṭisūryasamaprabham || 107 ||
[Analyze grammar]

dehau tyaktvā jyāmaghaśca dhanālasā vimānake |
pārṣadānāmājñayā cārohatāṃ divyavarṣmaṇau || 108 ||
[Analyze grammar]

yayau vimānaṃ tvaritaṃ cā'kṣaraṃ paramaṃ padam |
jayaśabdāścā'bhavaṃśca śrīnārāyaṇamandire || 109 ||
[Analyze grammar]

ityevaṃ rādhike tau tu bhaktyā mokṣamavāpatuḥ |
pāṭhako vācakaḥ śrotā'pyasya mokṣapadaṃ vrajet || 110 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne jyāmagharājñastatpatnyā dhanālasāyāḥ kuṃkumavāpyāṃ tvātmaniveditabhaktyā mokṣaṇamitinirūpaṇanāmā |
dvāsaptatitamo'dhyāyaḥ || 72 ||
[Analyze grammar]