Chapter 62

śrīkṛṣṇa uvāca |
rādhike te narā nāryaḥ dveśate vai śrīlomaśam |
natvā sampūjya bhāvena koṭyarbudā'bjakanyakāḥ || 1 ||
[Analyze grammar]

kṛṣṇakāntāśca sampūjya yayurvāsālaye śubhe |
bhejuḥ śrīmatkṛṣṇanārāyaṇaṃ śrīpuruṣottamam || 2 ||
[Analyze grammar]

koṭikanyāpate kṛṣṇanārāyaṇa jagatprabho |
sarvapate sadā pāhi nirādhārān tvadāśritān || 3 ||
[Analyze grammar]

ityevaṃ tu militvaiva bhajanaṃ tā vyadhurmudā |
kṛṣṇanārāyaṇa viṣṇo bālakṛṣṇa prabhāpate || 4 ||
[Analyze grammar]

rādhālakṣmīpate mañjūpate śrīpārvatīpate |
evaṃ satāladhūnyaṃ ca cakruste nauprarakṣitāḥ || 5 ||
[Analyze grammar]

cāturmāsyaṃ tatra cakruḥ kṛṣṇabhaktisamanvitāḥ |
athorjakṛṣṇapakṣīyā'ṣṭamī samāgatā tithiḥ || 6 ||
[Analyze grammar]

iṣṭadevasya prākaṭyotsavaścāṣṭamavarṣajaḥ |
devairīśaiśca munibhiḥ kṛtaḥ svargātiśobhitaḥ || 7 ||
[Analyze grammar]

vīkṣya taṃ harṣamāpannāḥ pūjāṃ cakrurharestu te |
tadāścaryaṃ paraṃ jātaṃ rādhike śṛṇu vacmi te || 8 ||
[Analyze grammar]

rājādhirājo bhagavān prātareva prapūjitaḥ |
dadau dānāni bahūni svajanmāṣṭamavarṣake || 9 ||
[Analyze grammar]

bhojayāmāsa viprāṃśca sādhūn sādhvīśca bālikāḥ |
bālān kanyāśca dīnāṃścā'nāthān kumārakāṃstathā || 10 ||
[Analyze grammar]

khañjān kāṇāṃśca badhirān vṛkṇānandhān jaḍāṃstathā |
vicittān kuṣṭhinaścāpi deśebhyo tīrthamāgatān || 11 ||
[Analyze grammar]

rogiṇo dehino vīkṣya dayālurbhagavān svayam |
prāha khañjādikān vyaṃgān madhyāhne bhojanottaram || 12 ||
[Analyze grammar]

āyāntu vyaṃgadehāśca rogiṇo duḥkhinastathā |
āyāntu cāṃgavikalāścendriyairvikalā api || 13 ||
[Analyze grammar]

anādiśrīkṛṣṇanārāyaṇo'haṃ me janūtsave |
apūrvaṃ sukhadaṃ vo'dya dadāmi pāritoṣikam || 14 ||
[Analyze grammar]

ityuktvā śarkarādroṇīṃ pārśve kṛtvā tu kānake |
gajāsane niṣasāda pradātuṃ śarkarāstataḥ || 15 ||
[Analyze grammar]

āyayuḥ khañjalokāśca tebhyo datvā suśarkarāḥ |
khañjabhāge harikṛṣṇaḥ pasparśa vāmapāṇinā || 16 ||
[Analyze grammar]

khāñjyaṃ teṣā gataṃ tūrṇaṃ babhavuḥ pūrṇapādinaḥ |
atha kāṇāḥ prāyayuśca tebhyo datvā tu śarkarāḥ || 17 ||
[Analyze grammar]

netre pasparśa vāmena pāṇinā''ndhavimuktaye |
kāṇatvamāndhyamālpyaṃ dṛgdoṣā naṣṭā drutaṃ tadā || 18 ||
[Analyze grammar]

pūrṇaraśmibharāṇyeva cakṣūṃṣi vartitāni vai |
athā''yayurbadhirāśca tebhyo datvā ca śarkarāḥ || 19 ||
[Analyze grammar]

karṇe pasparśa hastena samājuhāva nāmabhiḥ |
bādhiryaṃ vigataṃ teṣāṃ babhūvuḥ śrutiśaktayaḥ || 20 ||
[Analyze grammar]

atha vṛkṇāḥ samāyātāstebhyo datvā ca śarkarām |
kuṇikāsu prakoṣṭheṣu cāṃgulīṣu narāyaṇaḥ || 21 ||
[Analyze grammar]

pasparśa pāṇinā teṣāṃ vṛkṇatvaṃ vyanudat kṣaṇāt |
yathānisargahastāste'bhavan prasannamānasāḥ || 22 ||
[Analyze grammar]

atha jaḍā vicittāśca samāyayuśca sannidhau |
tebhyo dattā śarkarā ca spṛṣṭā dehāḥ kareṇa vai || 23 ||
[Analyze grammar]

mastakāni tathā spṛṣṭvā jāḍyaṃ vaicityamityapi |
vātarogādikaṃ cāpi vainidryaṃ nāśitaṃ kṣaṇāt || 24 ||
[Analyze grammar]

athā''yayuśca kanyāśca kuṣṭhinaśca samāyayuḥ |
tebhyo datvā śarkarāśca tathā ca caraṇāmṛtam || 25 ||
[Analyze grammar]

jalena prokṣya cāṃgāni rogān kuṣṭhān vyanīnaśat |
athā''yayuśca pakṣādighātino bhagnadehinaḥ || 26 ||
[Analyze grammar]

tebhyo datvā śarkarāśca pasparśa ca kareṇa tān |
ghātarogaṃ kṛpayā ca nāśayāmāsa tatkṣaṇam || 27 ||
[Analyze grammar]

bhagnabhāgaṃ ca tūrṇaṃ saṃrohayāmāsa yogataḥ |
galatkuṣṭhāstato lokāścāyātāḥ parameśvaram || 28 ||
[Analyze grammar]

haristebhyaḥ pradāyaiva śarkarā jalasecanam |
galatkuṣṭhapradeśe ca svayaṃ cakāra tena vai || 29 ||
[Analyze grammar]

galadbhāvo gataḥ sarvaḥ śvaityaṃ śvaitryaṃ gataṃ kṣaṇāt |
arogāste tu sañjātāḥ prasannāḥ puṇyaśālinaḥ || 30 ||
[Analyze grammar]

atha ṣaṇḍhāstadā prāhurbahupāpena ṣaṇḍhatā |
jātā'smākaṃ kṛpāsindho bhavān śrīpuruṣottamaḥ || 31 ||
[Analyze grammar]

kartumakartuṃ cā'nyathākartuṃ śaktaḥ pravartate |
bhagavadyogamāptānāṃ cenno'smākaṃ sabījatā || 32 ||
[Analyze grammar]

jāyeta bhagavaṃstarhi ko lābhastava darśanāt |
śrutvā tebhyaḥ pradāyaiva śarkarāḥ śrīhariḥ svayam || 33 ||
[Analyze grammar]

aśvapaṭṭasarasyeva snātumājñāṃ dadau tataḥ |
sarve ṣaṇḍhā yayustūrṇaṃ sasnuścā'tha viniryayuḥ || 34 ||
[Analyze grammar]

naraprakhyā narāḥ puṃstve nārīyogyā balānvitāḥ |
naracihnā narāḥ pūrṇāḥ sabījā babhūvustadā || 35 ||
[Analyze grammar]

nārīprakhyāḥ striyaḥ strītve narayogyā rajo'nvitāḥ |
nārīcihnāḥ striyaḥ pūrṇā babhūvuśca rajobharāḥ || 36 ||
[Analyze grammar]

evaṃ vai kṛpayā kṛṣṇanārāyaṇaḥ svaśaktibhiḥ |
ṣaṇḍhāni vidadhe puṃso yoṣitaśca sadhātukāḥ || 37 ||
[Analyze grammar]

evaṃ dṛṣṭvā camatkāraṃ paramāścaryamāgatāḥ |
yatra snātāśca tat tīrthaṃ ṣaṇḍhoddhāraṃ samucyate || 38 ||
[Analyze grammar]

atha nāryo narāḥ stotraṃ sarve cakrurharestadā |
premapūrṇahṛdayāśca sthiramānasavṛttayaḥ || 39 ||
[Analyze grammar]

namo'stu te pare dhāmni rājate vai parātmane |
namo'saṃkhyasatīsādhvīsādhumuktābhiśāsine || 40 ||
[Analyze grammar]

namo'kṣarā'dhipataye'kṣaramuktā'bhiśāsine |
namo golokavāsāya gopagopyabhiśāsine || 41 ||
[Analyze grammar]

gavāṃ nāthāya kṛṣṇāya śrīrādhāpataye namaḥ |
namo vaikuṇṭhavāsāya śrīramāpataye namaḥ || 42 ||
[Analyze grammar]

bahuvaikuṇṭhanāthāya lakṣmīśrīpataye namaḥ |
śrīprabhāmaṃjulāhaṃsāsaguṇāsvāmine namaḥ || 43 ||
[Analyze grammar]

vṛndātulasīkamalāpārvatīpataye namaḥ |
namaste'stu jagannātha vāsudeva namo'stu te || 44 ||
[Analyze grammar]

śrīnivāsa namaste'stu viśvaksena namo'stu te |
garuḍadhvaja gopīśa viṣṇo vaikuṇṭha te namaḥ || 45 ||
[Analyze grammar]

puruṣottama deveśa sarveśvara namo'stu te |
anādyādyantamadhyānta namaste padmajapriya || 46 ||
[Analyze grammar]

sṛṣṭigarbha namastubhyaṃ śatruñjaya namo'stu te |
namo hiraṇyarūpāya kālanetrāya te namaḥ || 47 ||
[Analyze grammar]

mahānābha mahāmūla mūlāvāsa namo'stu te |
dharmāvāsa hṛdāvāsa śuciśravaḥ pṛthuśravā || 48 ||
[Analyze grammar]

dharmādhyakṣa prajādhyakṣa kālādhyakṣa namo'stu te |
gadādhārin padmadhārin śrutipraśna namo'stute || 49 ||
[Analyze grammar]

śriyodhara vanamālādhara kṛṣṇa namo'stute |
puruṣṭata mahākalpa sarvātmaṃste namo vibho || 50 ||
[Analyze grammar]

dvādaśātmaka kālātman sāmātman parameśvara |
vyomārkātmaka candrātman sarvasūkṣma namo'stu te || 51 ||
[Analyze grammar]

nīlakeśa guḍākeśa mahākeśa namo'stu te |
mañjukeśa hṛṣīkeśa sarvakeśa namo'stu te || 52 ||
[Analyze grammar]

śveta rakta tathā pīta citra kṛṣṇa namo'stu te |
kuśeśaya prītikartargovinda haṃsa te namaḥ || 53 ||
[Analyze grammar]

namaste dharmanetrāya sahasrāṃgāya te namaḥ |
namaste viśvarūpāya dhāmarūpāya te namaḥ || 54 ||
[Analyze grammar]

nyagrodhāya pippalāya mahāśākhāya te namaḥ |
skandhapatrāṃkuralatāpallavāya namo'stu te || 55 ||
[Analyze grammar]

tvaṃ vai vedamayo viṣṇustīrthadevamatī vibhuḥ |
bhūrbhuvaḥsvaḥsvarūpastvaṃ yajñabhāgabhuje namaḥ || 56 ||
[Analyze grammar]

parabrahma namaste'stu śabdabrahma namo'stu te |
vidyā tvaṃ vedyarūpastvaṃ vandanīya namo'stu te || 57 ||
[Analyze grammar]

nārīvāṇīsvarūpastvaṃ nare dayāsvarūpakaḥ |
putre vātsalyabhāvastvaṃ tvāṃ vayaṃ śaraṇaṃ gatāḥ || 58 ||
[Analyze grammar]

uddhāraṃ kuru saṃsārād bhagavan parameśvara |
ityuktvā maunamāsedustataścāryāyano muniḥ || 59 ||
[Analyze grammar]

tuṣṭāva parayā prītyā śrīkāntaṃ puruṣottamam |
matsyaṃ namasye kūrmaṃ ca namasye hayaśīrṣakam || 60 ||
[Analyze grammar]

trivikramaṃ namasye ca namasye mādhavaṃ prabhum |
īśānaṃ ca hṛṣīkeśaṃ namasye ca kumārilam || 61 ||
[Analyze grammar]

nārāyaṇaṃ namasye'haṃ namasye garuḍadhvajam |
narasiṃhaṃ namasye ca namasye kāmapālinam || 62 ||
[Analyze grammar]

puṇḍarīkanibhanetraṃ namasye śrīnarāyaṇam |
namasye dhvajacakrā'bjadhanurmīnasuśūlinam || 63 ||
[Analyze grammar]

gopatiṃ kambharāputraṃ vibhuṃ gopālanandanam |
namasye ca gadāpāṇiṃ cāśvapaṭṭasaraḥsthitam || 64 ||
[Analyze grammar]

ardhanārīśvaraṃ nāthaṃ nārīvṛndasukhapradam |
namasye padmahastaṃ ca padmasakthinamityapi || 65 ||
[Analyze grammar]

namasye padmakiraṇaṃ tathordhvarekhapattalam |
lakṣmīpratimajaghanaṃ namasye vanamālinam || 66 ||
[Analyze grammar]

namasye dharaṇināthaṃ namasye'haṃ śriyaḥ patim |
anāthanātha naukāstha vimānastha ca te namaḥ || 67 ||
[Analyze grammar]

hṛtstha bhaktavihārastha dīnarakṣāstha te namaḥ |
triṇāciketaṃ brahmāṇaṃ namasye ca mahaujasam || 68 ||
[Analyze grammar]

sarvāmayavināśaṃ ca namasye ghrāṇatarpaṇam |
namasye rukmakavacaṃ namasye puruṣottamam || 69 ||
[Analyze grammar]

vanaspatiṃ madhupatiṃ namasye ca sudhāpatim |
vāsudevaṃ cakrapāṇiṃ namasye ca yaśodhanam || 70 ||
[Analyze grammar]

sarvabhūtagataṃ śāntaṃ dharmamūrtiṃ pareśvaram |
namasye mokṣadaṃ nāthaṃ śaraṇyaṃ śaraṇaṃ vraje || 71 ||
[Analyze grammar]

evaṃ tuṣṭāva deveśaṃ śrīmān āryāyano muniḥ |
tataḥ pūjāparihāraṃ cakruḥ sāyaṃ surā narāḥ || 72 ||
[Analyze grammar]

āryāyano munistatra samuvāca taṭe sadā |
nāvā cottaritā ye ca narā nāryaśca te harim || 73 ||
[Analyze grammar]

prārthayāmāsuratyarthaṃ nijadeśān vilokitum |
kārtikānte haristatra sasmāra yānamuttamam || 74 ||
[Analyze grammar]

divyaṃ divyaguṇopetaṃ vimānaṃ tatra cāgatam |
niṣādya tatra sarvāṃstān vyomnā kṣaṇena vegataḥ || 75 ||
[Analyze grammar]

prāpayāmāsa bhagavān dhīravīrasarovaram |
aravallīśailabhūmau yatra yatra ca janmabhūḥ || 76 ||
[Analyze grammar]

tatra tatra prāpitāste narā nāryaḥ sukhāttadā |
svasvagṛhaṃ gatāḥ sarve kuṭumbaṃ jagadurvṛttam || 77 ||
[Analyze grammar]

sāścaryāste hariṃ bhejuranādiśrīnarāyaṇam |
atha śrībhagavāṃstūrṇaṃ tiro'bhavat sayānakaḥ || 78 ||
[Analyze grammar]

samāyayau cāśvapaṭṭasaro naijālayaṃ śubham |
udayākhyaśca rājarṣiraśvapaṭṭasarovare || 79 ||
[Analyze grammar]

japayajñaṃ cakāraiva harernāmaparāyaṇaḥ |
anādiśrīkṛṣṇanārāyaṇaṃ prāha hṛdā punaḥ || 80 ||
[Analyze grammar]

mokṣaṃ dehi kṛpāsindho śāśvataṃ padamāpnuyām |
tathā'stviti hariḥ prāha rājā dhyānaṃ cakāra ha || 81 ||
[Analyze grammar]

līnanāḍīprāṇavegaḥ śanaiḥ prāṇān jahau tadā |
divyamukto babhūvā'tha vimānena suvarcasā || 82 ||
[Analyze grammar]

yayau śrīmatparaṃ dhāma saccidānandalakṣaṇam |
evaṃ śrīmatkṛṣṇanārāyaṇastānuddhadhāra ha || 83 ||
[Analyze grammar]

khañjabadhirakāṇādyā ye ye jātāḥ sudehinaḥ |
te te gatvā nijaṃ deśaṃ gṛhaṃ sukhena saṃsthitāḥ || 84 ||
[Analyze grammar]

tān dṛṣṭvā''ścaryamāpannāḥ prajā janāśca darśakāḥ |
pratāpaṃ paramaṃ matvā bhejire puruṣottamam || 85 ||
[Analyze grammar]

kṛṣṇanārāyaṇa viṣṇo parabrahma śriyaḥ pate |
ityevaṃ bhajanaṃ cakruḥ svāmin rakṣaya sarvadā || 86 ||
[Analyze grammar]

śrīharistān dūragāṃśca svapne svaṃ samadarśayat |
kiśoraṃ sundaraṃ rūpaṃ dadṛśuste'tibhāsuram || 87 ||
[Analyze grammar]

tatra līnāḥ kṣaṇamātraṃ cā'bhavaṃste tataḥ punaḥ |
prabuddhāḥ sasmarurnārāyaṇaṃ gopālabālakam || 88 ||
[Analyze grammar]

āyayurdarśanārthaṃ ca kuṃkumavāpikālayam |
sahasraśo narā nāryaḥ samājagmuḥ samantataḥ || 89 ||
[Analyze grammar]

dadṛśuryādṛśaṃ dṛṣṭaṃ svapne rūpaṃ tu tādṛśam |
arcayāmāsuratyarthaṃ sarvabhāvena śrīpatim || 90 ||
[Analyze grammar]

tīrthaṃ vidhāya bahudhā prāpya mantraṃ ca lomaśāt |
yayurnaijān pradeśāṃśca vaiṣṇavā bhagavatpriyāḥ || 91 ||
[Analyze grammar]

cāturmāsyavratino ye tatrā''yānti sarovaram |
snātuṃ tebhyo hariḥ sākṣād darśanaṃ svaṃ dadāti vai || 92 ||
[Analyze grammar]

vṛddhān pūrṇāyuṣo divyān kṛtvā vimānasaṃsthitān |
prahiṇoti nijaṃ dhāmā'kṣaraṃ ca paramaṃ padam || 93 ||
[Analyze grammar]

evaṃ vai rādhike kṛṣṇanārāyaṇena rakṣitāḥ |
prāpitāśca nijān deśān jalamagnoddhṛtā janāḥ || 94 ||
[Analyze grammar]

nirugṇāśca kṛtāḥ puṣṭadehāḥ ṣaṇḍāḥ savīryakāḥ |
pratāpaścātulaścaivaṃ khyāpitaḥ pṛthivītale || 95 ||
[Analyze grammar]

kīrtanāt smaraṇādasya camatkārasya śaṃsanāt |
śravaṇādapi duḥkhāni bhavanti vigatāni vai || 96 ||
[Analyze grammar]

rogā naśyanti śīghraṃ ca naśyantyapi mahāpadaḥ |
āpatkālāḥ praṇaśyanti sadā kṛṣṇakathāśravāt || 97 ||
[Analyze grammar]

stotrāṇāṃ vācanād rādhe rakṣā bhavati sarvathā |
tīrthasya karaṇād rādhe cābhīṣṭaṃ prāpyate janaiḥ || 98 ||
[Analyze grammar]

aniṣṭaṃ līyate sarvaṃ saubhāgyaṃ ca vivardhate |
dhanadhānyaprajāputraparīvārādimān bhavet || 99 ||
[Analyze grammar]

bhuktiṃ prāpyā'tra ca svarge tato mokṣe mahīyate |
parabrahmaṇo bhaktasya kartavyaṃ nā'vaśiṣyate || 100 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne jaloddhṛtajanaiḥ kṛtā stutiḥ rugṇavyaṃgādīnāmaṣṭamavatsarotsave svāsthyakaraṇam tatkṛtastavanam āryāyanakṛtastotram jaloddhṛtānāṃ svadeśaprāpaṇam udayananṛpasya mokṣaścetinirūpaṇanāmā dvāṣaṣṭitamo'dhyāyaḥ || 62 ||
[Analyze grammar]