Chapter 63

śrīkṛṣṇa uvāca |
śṛṇu tvaṃ rādhike śrīmadbālakṛṣṇasya ceṣṭitam |
bhaktarakṣākaraṃ cānyadaṣṭame'bde samudrajam || 1 ||
[Analyze grammar]

revātaṭe tu nagaraṃ candrodayāhvayaṃ śubham |
sarvabhaktāśritaṃ dharmaparāyaṇaprajāśritam || 2 ||
[Analyze grammar]

āsīttatra mahāśreṣṭhī dhanadhānyasamṛddhimān |
vasumedha itināmnā vaiṣṇavo manasā śuciḥ || 3 ||
[Analyze grammar]

satāṃ sevāparo nityaṃ devapūjāṃ karoti ca |
sūryaṃ viṣṇuṃ gaṇeśaṃ ca satīṃ śaṃbhuṃ śriyaṃ harim || 4 ||
[Analyze grammar]

prātaḥ snātvā copacāraiḥ sampūjayati sādaram |
vibhajya bhuṃkte satataṃ dānaṃ dadāti nityaśaḥ || 5 ||
[Analyze grammar]

gavāṃ sevāṃ satāṃ sevāṃ pitṛtṛptiṃ karoti ca |
vyāpāraḥ paṇyaviṣayo bahulābho'sya vardhate || 6 ||
[Analyze grammar]

putrāḥ pañca ca kuśalāḥ patnī dharmaparāyaṇāḥ |
suśīlākhyā caikabhuktaṃ vrataṃ carati sarvadā || 7 ||
[Analyze grammar]

śālagrāmaṃ samabhyarcya tulasīdalamiśritam |
patipādodakaspṛṣṭaṃ bhuṃkte bhojyaṃ prasādajam || 8 ||
[Analyze grammar]

putrāśca vaiṣṇavāḥ sarve mālādhyānajapārthinaḥ |
mokṣabhilāṣukāḥ samyak kṛtaśāstrakathāśravāḥ || 9 ||
[Analyze grammar]

atha tatra maharṣiśca śatānandābhidho'bhavat |
uddālakasya putraḥ sa vane kṛtāśramo'bhavat || 10 ||
[Analyze grammar]

śatānando nātidūre candrodayasya sannidhau |
viprāśrame sadā sāyaṃ samāyāti yadṛcchayā || 11 ||
[Analyze grammar]

lakṣmīnārāyaṇasaṃhitāṃ ca vācayati prage |
kathāṃ kṛtvā gṛhītvā ca bhikṣāṃ yāti nijāśramam || 12 ||
[Analyze grammar]

grāmaṃjanāḥ samāyānti kathāṃ śṛṇvanti nityaśaḥ |
tatra śrutaṃ tu saurāṣṭre cāśvapaṭṭasarovare || 13 ||
[Analyze grammar]

kuṃkumavāpikākṣetre kambharāśrīgṛhe hariḥ |
anādiśrīkṛṣṇanārāyaṇo gopālanandanaḥ || 14 ||
[Analyze grammar]

vartate bālarūpo vai bhagavān puruṣottamaḥ |
śaṃkhacakragadāpadmamīnadhvajatriśūlavān || 15 ||
[Analyze grammar]

dhanuḥsvastikavajrādicihnacihnitahastavān |
pratyakṣo vartate sarveśvaraḥ śrīpatiravyayaḥ || 16 ||
[Analyze grammar]

koṭikoṭyabjagopīnāṃ prāṇeśaḥ parameśvaraḥ |
śrutvaivaṃ ca kathāṃ citrāṃ śrutvā śrīsomatīrthakam || 17 ||
[Analyze grammar]

śrūtvā svarṇapurīṃ puṇyāṃ camatkārapuraṃ tathā |
tīrthārthaṃ kṛtasaṃkalpaḥ sakuṭumbaḥ sahānugaḥ || 18 ||
[Analyze grammar]

annavāriphalakandakaṇādikṛtasaṃgrahaḥ |
viśālāṃ nāvamāruhya dhanadhānyasamṛddhimān || 19 ||
[Analyze grammar]

triṃśadvyaktikṛtasārtho narmadāsalilānugaḥ |
nāvikaiścālyamānāyāṃ naukāyāṃ sa sthito yayau || 20 ||
[Analyze grammar]

yātrārthaṃ tvāyayau nāvā revāsāgarasaṃgamam |
kṛṣṇanārāyaṇa viṣṇo parabrahma pareśvara || 21 ||
[Analyze grammar]

kīrtayati satataṃ sasārtho japati mālikām |
māghe viśramya revāyāḥ saṃge sasnau sahā'nugaiḥ || 22 ||
[Analyze grammar]

dadau dānāni vastrānnasvarṇarūpyāṇi bhāvataḥ |
atha nāvaṃ samāruhyā'khātaṃ vārdheḥ samāgamat || 23 ||
[Analyze grammar]

kiṃnadīsaṃgame snātvā'khātamullaṃghya cāyayau |
śatruñjitābdhisaṃyoge sasnau tu vidhinā'tra saḥ || 24 ||
[Analyze grammar]

tasmād yayau gopanāthaṃ tīrthaṃ hariharāśritam |
tato mūlāṃ yayau svarṇapurīṃ kṛṣṇanarāyaṇīm || 25 ||
[Analyze grammar]

somanāthaṃ yayau snātvā sarasvatyabdhisaṃgame |
hiraṇyāsaṃgame snātvā kṛtvā tīrthavidhiṃ tataḥ || 26 ||
[Analyze grammar]

makarālayatīrthaṃ ca kṛtvā bhadrābdhisaṃgamam |
yayau tīrthavidhiṃ kṛtvā kṛṣṇasvarṇapurīṃ yayau || 27 ||
[Analyze grammar]

dvīpaṃ dṛṣṭvā tataḥ kacche nārāyaṇasaro yayau |
parāvṛtya ca naukāyāṃ camatkārapuraṃ yayau || 28 ||
[Analyze grammar]

tatastvakhātamārgeṇa parāvṛtya ca sāgare |
svarṇapurīṃ parityajya jalamārgeṇa gacchati || 29 ||
[Analyze grammar]

somanāthaṃ tadā madhye sāmudraṃ vighnamāgamat |
jhaṃjhāvāto'tivegācca vavau kṣobhakaro mahān || 30 ||
[Analyze grammar]

sāmudralaśobhaśca prāleya iva cābhavat |
nauḥ samākṛṣyate madhye pratikūlena vāyunā || 31 ||
[Analyze grammar]

taraṃgair vīcikallolaistālavṛkṣocchrayaistadā |
bahvyo naukā nimagnāśca bhagnā naṣṭāśca mānavāḥ || 32 ||
[Analyze grammar]

vasumedhasya naukā'pi samutpatati vakragā |
pārśvayoḥ patamānā ca kallolairjalapūritā || 33 ||
[Analyze grammar]

abhavat nāvikāścāpyaśaktā vai rakṣaṇe'bhavan |
vasumedho vaṇigvaryastatpatnī ca sutādayaḥ || 34 ||
[Analyze grammar]

sasmaruḥ śrīkṛṣṇanārāyaṇaṃ śrīpuruṣottamam |
śokaṃ cakruśca bahudhā yadarthaṃ vayamāgatāḥ || 35 ||
[Analyze grammar]

śrutvā śatānandakathādvārā taṃ bālakṛṣṇakam |
avilokya mṛtāḥ syāma sāmudre'tra jale'balāḥ || 36 ||
[Analyze grammar]

naukāyāṃ pūryate vāri niṣkāsā'dhikamatyati |
vāyunā hanyate cāpi jalena tāḍyate muhuḥ || 37 ||
[Analyze grammar]

pārśvabhāvena cāvartān karoti jalatāḍitā |
imāścānyā jananāvo vyāpāriṇo layaṃ gatāḥ || 38 ||
[Analyze grammar]

asmannaukā'pi sānnidhye talavāsaṃ samicchati |
smarantu taṃ prabhuṃ kṛṣṇanārāyaṇaṃ pareśvaram || 39 ||
[Analyze grammar]

yadarthaṃ vayamāyātāḥ sa no rakṣatu hṛcchrayaḥ |
naukāvyāptaḥ sa bhagavān naukā sthirīkarotu ca || 40 ||
[Analyze grammar]

jhaṃjhāvātagataḥ kṛṣṇo vātaṃ śāmayatu kṣaṇāt |
jalasthaḥ śrībālakṛṣṇo jalasthairyaṃ karotu ca || 41 ||
[Analyze grammar]

yadvā cenmṛtyumāpannān svātmānaṃ darśayatviha |
sarvathā vai vayaṃ nātha te smaḥ śaraṇamāgatāḥ || 42 ||
[Analyze grammar]

anādiśrīkṛṣṇanārāyaṇa gopālanandana |
kambharāśrīkumāra tvaṃ rakṣa gopīpate prabho || 43 ||
[Analyze grammar]

evaṃ kṛṣṇaparāḥ sarve hatotsāhāḥ suduḥkhitāḥ |
nirāśā jīvane jātā naukāyāṃ vāyuvegataḥ || 44 ||
[Analyze grammar]

jalaṃ prapūritaṃ bhūri vāyutāḍanavakritā |
gatā jalatalaṃ tūrṇaṃ tāvacchrībhagavān svayam || 45 ||
[Analyze grammar]

drāgeva tatra cāyātastale kūrmasvarūpataḥ |
pṛṣṭhe cakāra naukā tāṃ jalopari samānayat || 46 ||
[Analyze grammar]

dvitīyena ca rūpeṇa naukāvāho'bhavat prabhuḥ |
anyairdaśasvarūpaiśca jalaniṣkāsako'bhavat || 47 ||
[Analyze grammar]

anyairviṃśatirūpaiśca jale magnāṃstu mānavān |
uddhṛtyoddhṛtya ca naukāmadhye sarvānavāsṛjat || 48 ||
[Analyze grammar]

naukāgatāni vastūni jalāntaḥpatitāni ca |
yāni tānyapi hastaiścoddhṛtya nāvi samākṣipat || 49 ||
[Analyze grammar]

jhaṃjhāvātaśca kṛpayā ruddho jalaṃ sthiraṃ hyabhūt |
naukā sthirā'bhavaccā'pi bhaktā bhagavatā'vitāḥ || 50 ||
[Analyze grammar]

jhanjhāvātena ye cānye bhaktā naukāntare'pi ca |
āsan magnāśca salile tānuddadhāra līlayā || 51 ||
[Analyze grammar]

evaṃ rakṣāṃ svabhaktānāṃ kṛtvā bhūtvaikarūpadhṛk |
kiśoraḥ śrīkṛṣṇanārāyaṇastatra tiro'bhavat || 52 ||
[Analyze grammar]

nāvikaiḥ sā śanaiḥ śanaiścālitā tvagragā yayau |
prāptā śrīsomanāthaṃ sā tatra pakṣasthirīkṛtā || 53 ||
[Analyze grammar]

nauvāhāṃstatra saṃsthāpya vasumedhaḥ sasārthakaḥ |
śakaṭaistvarito bhūtvā prācīṃ sarasvatīṃ yayau || 54 ||
[Analyze grammar]

tatra snātvā pitṛdevāṃstarpayitvā tataḥ param |
arkatīrthaṃ tathā balimakhasthalaṃ yayau śubham || 55 ||
[Analyze grammar]

tataścāgre vāmanasya sthalīṃ vastrāpathaṃ tathā |
svarṇarekhākṛtasnāno yayau rāṣṭrasarovaram || 56 ||
[Analyze grammar]

vaṭasthalīṃ yayau paścād yayau kuṃkumavāpikām |
dūrād vilokya tatkṣetraṃ cakāra bhuvi daṇḍavat || 57 ||
[Analyze grammar]

aśvapaṭṭasaro gatvā snātvā tīrthavidhiṃ tathā |
kṛtvā pradakṣiṇaṃ sarvatīrthāni sampraṇamya ca || 58 ||
[Analyze grammar]

mahāsaudhaṃ yayau draṣṭuṃ bālakṛṣṇaṃ pareśvaram |
kānake mandire divyasiṃhāsanagataṃ harim || 59 ||
[Analyze grammar]

madhyasūryaprabhaṃ candrānanaṃ śītalakāntikam |
rūpā'nurūpāvayavaṃ vahniśuddhāṃśukānvitam || 60 ||
[Analyze grammar]

sauvarṇamukuṭaṃ ratnahīramauktikamālinam |
devamānavagāndharvaiḥ stutaṃ saṃpūjitaṃ janaiḥ || 61 ||
[Analyze grammar]

natvā tuṣṭāva ca premṇākuṭumbasahito vasuḥ |
netrāśrūṇi pramuktvā vihvalo gadgadayā girā || 62 ||
[Analyze grammar]

bahujanmā'rjitapuṇyaiḥ prāpyate puṇyaśālibhiḥ |
yaḥ pareśaḥ sa mayā''pto rakṣa māṃ parameśvara || 63 ||
[Analyze grammar]

yogibhiryogayatnaiśca prāpyate bahuvatsaraiḥ |
sa mayā'dya prabhurlabdho rakṣa māṃ parameśvara || 64 ||
[Analyze grammar]

bhaktaiḥ samprāpyate bhaktyā sarvasvārpaṇayā tu yaḥ |
so'yaṃ śrīkāntabhagavān mayā''pto rakṣa māṃ hare || 65 ||
[Analyze grammar]

tapatāṃ cirakāle'pi kaṣṭasādhyo haristu yaḥ |
prāpto mayā'dya jīveśo rakṣa māṃ puruṣottama || 66 ||
[Analyze grammar]

tārito'bdhau pramajjan vai kuṭumbasahitastvayā |
samuttāraya deveśa saṃsārābdheśca māṃ punaḥ || 67 ||
[Analyze grammar]

tvāṃ vinā jīvanaṃ nāsti santi prāṇā na śāśvatāḥ |
tvāṃ vinā sampadaḥ sarvā vipadaḥ sambhavanti vai || 68 ||
[Analyze grammar]

tvaṃ hṛdi tvaṃ cakṣuṣośca tvamātmani virājase |
tvaṃ kuṭumbe ca naukāyāṃ jale sthale virājase || 69 ||
[Analyze grammar]

adya me saphalaṃ janma saphalaṃ tīrthacāraṇam |
saphalaṃ me kuṭumbaṃ ca sarvaṃ saphalatāṃ gatam || 70 ||
[Analyze grammar]

yadarthaṃ tu gṛhaṃ tyaktvā nirgatastīrthavāñcchayā |
tāni tīrthāni sarvāṇi nirvṛttānyatra te pade || 71 ||
[Analyze grammar]

prāptaṃ prāptavyamevā'tra kartavyaṃ nā'vaśiṣyate |
rakṣa nātha kṛpāsindho tavā'smi śaraṇaṃ gataḥ || 72 ||
[Analyze grammar]

ityuktvā pūjayāmāsa papāta caraṇe muhuḥ |
ratnabhūṣāmbarādyaiśca sugandhacandanādibhiḥ || 73 ||
[Analyze grammar]

kuṭumbaṃ tasya sarvaṃ ca pūjayāmāsa taṃ harim |
tiṣṭaṃśca śrīhareragre nīrājanamathā'karot || 74 ||
[Analyze grammar]

śrīharerājñayā miṣṭaṃ bhojyaṃ phalajalādikam |
arpayāmāsa ca tatra sthālyāṃ tvagre harestataḥ || 75 ||
[Analyze grammar]

bhagavān bubhuje premṇā prasādaṃ śeṣamamṛtam |
dadau ca vasumedhāya kuṭumbine'tyanugrahāt || 76 ||
[Analyze grammar]

vasumedhādayaḥ sarve bubhujire papurjalam |
nyūṣurviśrāntisaudhe ca datte bhagavatā tataḥ || 77 ||
[Analyze grammar]

evaṃ te daśadivasān yāpayāmāsureva tu |
ekādaśe dine prātarvasumedhastathā priyā || 78 ||
[Analyze grammar]

suśīlā prātarevainamapaśyatāṃ narāyaṇam |
svapne vimānamāruhya dhāma netuṃ samāgatam || 79 ||
[Analyze grammar]

athā'sau dharmamedhastu suśīlā ca drutaṃ tadā |
putrādīṃśca samudbodhya svāpnaṃ vṛttāntamuttamam || 80 ||
[Analyze grammar]

tebhyo'kathayatāṃ sarvaṃ mokṣalābhātmasūcakam |
putrā harṣaṃ paraṃ prāptāḥ snātvā sampūjya devatāḥ || 81 ||
[Analyze grammar]

tūrṇaṃ yayuśca te sarve bālakṛṣṇālayaṃ tadā |
haristebhyo dadau naijaṃ darśanaṃ nijagāda tān || 82 ||
[Analyze grammar]

lomaśādvai pragṛhṇantu mantraṃ dīkṣāṃ srajaṃ tathā |
tato'dya sāyaṃ pitrorvo mokṣagatirbhaviṣyati || 83 ||
[Analyze grammar]

ityuktāste satvaraṃ ca yayuḥ śrīlomaśāśramam |
jagṛhuśca manuṃ dīkṣāṃ vaiṣṇavīṃ taulasīṃ srajam || 84 ||
[Analyze grammar]

oṃ namaḥ śrīkṛṣṇanārāyaṇāya svāmine svāhā |
gṛhītvā ca manuṃ bhojyaṃ dānaṃ bahuvidhaṃ daduḥ || 85 ||
[Analyze grammar]

āyayuśca nijāvāsaṃ bhejuḥ śrībālakṛṣṇakam |
aparāhṇe dhyānamagnau tvabhūtāṃ pitarau tadā || 86 ||
[Analyze grammar]

putrāḥ kṣamāmayācanta sevāṃ cakruryathocitām |
kṣaṇāntare samāyātaṃ vimānaṃ divyapārṣadam || 87 ||
[Analyze grammar]

vasumedhaṃ suśīlāṃ ca divyadehau vidhāya ca |
nītavacca brahmadhāma putrā dhanyaṃ vyadhustadā || 88 ||
[Analyze grammar]

aurdhvadaihikamevāsya kṛtavantaḥ samāhitāḥ |
evaṃ mokṣagatiṃ prāptau bhaktau nārāyaṇāśritau || 89 ||
[Analyze grammar]

putrāścakruḥ śrāddhakarma tathā'nyacca yathocitam |
yayuḥ śakaṭamārgeṇa yatra naukā pravartate || 90 ||
[Analyze grammar]

nāvamāruhya ca sarve naijaṃ deśaṃ yayurhi te |
prāpya deśaṃ camatkāraṃ prāhurnārāyaṇasya vai || 91 ||
[Analyze grammar]

śrutvā janā hariṃ bhejuḥ sākṣācchrīpuruṣottamam |
evaṃ te kathitaṃ rādhe caritraṃ pāvanaṃ hareḥ || 92 ||
[Analyze grammar]

bhuktimuktipradaṃ śroturvaktuḥ rakṣākaraṃ sadā |
tīrthaphalapradaṃ svargapradaṃ sampatpradaṃ śubham || 93 ||
[Analyze grammar]

itiśrīlakṣmīnārāyaṇīyasaṃhitāyāṃ dvitīye tretāsantāne candrodayapattanavāsino vasumedhaśreṣṭhino narmadādvārā naukayā tīrthārthaṃ saurāṣṭrasamudre yātasya jhaṃjhāvātena jalamagnasya sakuṭumbasyottāraṇaṃ śrīkṛṣṇanārāyaṇena kṛtaṃ muktidānaṃ cetyādinirūpaṇanāmā triṣaṣṭitamo'dhyāyaḥ || 63 ||
[Analyze grammar]