Chapter 59

śrīkṛṣṇa uvāca |
śṛṇu tvaṃ rādhike caitre vyatīte'tha dvitīyakam |
caritraṃ śrīkṛṣṇanārāyaṇasyaiva pramokṣadam || 1 ||
[Analyze grammar]

bhālladeśa iti khyāto deśo vaiṣṇavasatkṛtaḥ |
dhavalaṃ nāma nagaraṃ khyātaṃ sthānīyamuttamam || 2 ||
[Analyze grammar]

tasmin vipaṇivṛttistho godhanākhyo'bhavad vaṇika |
dhanapūrṇo buddhimāṃśca kalākauśalyapāragaḥ || 3 ||
[Analyze grammar]

sa kadācinnijād rāṣṭrāt saurāṣṭraṃ gantumudyataḥ |
viśālasārthasampanno bahupaṇyādisaṃbhṛtaḥ || 4 ||
[Analyze grammar]

gacchatastasya vai rātrau caurāṇāṃ saṃgamo'bhavat |
jalahīne śuṣkabhāge jālikaikatarau sthale || 5 ||
[Analyze grammar]

tataḥ sa hṛtasarvasvo vaṇik śokāturaḥ sadā |
bhramannitastato yāyājjālikāvṛkṣasannidhau || 6 ||
[Analyze grammar]

mṛgaiśca pakṣibhiḥ kīṭairvarjitāṃ vīkṣya jālikām |
kṣāntaḥ kṣuttṛṭśuṣkakaṇṭho vṛkṣapārśvamupāgamat || 7 ||
[Analyze grammar]

upāviveśa ca supto viśrānto viśramo'bhavat |
madhyāhne cotthito yāvattāvat pretaṃ dadarśa saḥ || 8 ||
[Analyze grammar]

śataiḥ pretairvṛtaṃ pretairuhyamānaṃ sukhāsane |
āgacchadbhirjālikāyāstaruṃ pretaiḥ samantataḥ || 9 ||
[Analyze grammar]

yatrā''sīt sa vaṇikputrastaṃ ca vṛkṣaṃ samāgataḥ |
pretarājo dadarśainaṃ vaṇikputraṃ sthirāntaram || 10 ||
[Analyze grammar]

svāgataṃ kṛtavān preto vaṇik cāpi tathā'karot |
kuśalaṃ sarvamābhāṣya cābhivādya parasparam || 11 ||
[Analyze grammar]

vaṇikpretau copaviṣṭau chāyāyāṃ sukhatastataḥ |
pretādhipatinā pṛṣṭaṃ kuta āgamyate vaṇik || 12 ||
[Analyze grammar]

kva vāso vidyate kutra gamiṣyasi sthalāditaḥ |
kathaṃ cedaṃ nirjanaṃ ca sthalaṃ tvayā samāśritam || 13 ||
[Analyze grammar]

itipṛṣṭo vaṇik prāha dhanayukto'pyahaṃ vane |
caurairhṛtadhano jātaḥ paryaṭāmyatiduḥkhitaḥ || 14 ||
[Analyze grammar]

vaṇigduḥkhena tu pretaḥ kṣaṇaṃ vai duḥkhito'bhavat |
svabandhumiva vaṇijaṃ prāha śokaṃ tu mā kuru || 15 ||
[Analyze grammar]

bhūyo'pyarthā bhaviṣyanti yadi bhāgyabalaṃ tava |
bhāgyakṣaye'rthāḥ kṣīyante bhavantyabhyudaye punaḥ || 16 ||
[Analyze grammar]

kṣīṇasyā'sya śarīrasya cintayā nodayo bhavet |
abhyudayaśca patanaṃ ravernityaṃ prajāyate || 17 ||
[Analyze grammar]

vṛkṣāṇāṃ śuṣkatā cāpi punaḥ pallavitā'pi ca |
pakṣe tejasvitā candre pakṣe tejaḥkṣayastathā || 18 ||
[Analyze grammar]

nadīnāṃ śuṣkatā grīṣme varṣāyāṃ jalapūrṇatā |
kṣetrāṇāṃ sasyasampattiḥ kvacit sasyavihīnatā || 19 ||
[Analyze grammar]

netraṃ mlānaṃ sanidraṃ tu kvacitpadmadalotsavam |
gaganaṃ cā''vilaṃ kāle kāle nirmalamujjvalam || 20 ||
[Analyze grammar]

pradīpo rātrau jvalati divā tejaḥ karoti na |
kvacid rājā kvacicchreṣṭhī kvacit kaiṃkaryavān bhavet || 21 ||
[Analyze grammar]

kvacicchāstā kvacicchāsyaḥ kvacit koṭidvayojjhitaḥ |
kvacillakṣmīpatiḥ śrīmān kvacillakṣmīvivarjitaḥ || 22 ||
[Analyze grammar]

bālye tu dehinaḥ sarve naisargādaparigrahāḥ |
yauvane tṛṣṇayā vyāptā vārdhakye śaktivarjitāḥ || 23 ||
[Analyze grammar]

kālavegena jāyante karmaṇā prāktanena ca |
pūrvaṃ yasmād dhanaṃ prāptamṛṇātmakaṃ yato yataḥ || 24 ||
[Analyze grammar]

tebhyo dattaṃ na paścādvai tadṛṇaṃ saha gacchati |
dātāraste sutāḥ putrāḥ patnyaḥ kuṭumbinastathā || 25 ||
[Analyze grammar]

rājā bhṛtyāḥ sevakāśca bhavantyevarṇabandhanāt |
caurarūpāśca vā bhūtvā prasahya praharanti ca || 26 ||
[Analyze grammar]

na dattaṃ na ca bhuktaṃ vai paryāptaṃ cāpi cārjitam |
vardhayate prayatnena tadvilopaṃ samīhate || 27 ||
[Analyze grammar]

dravyaṃ hasati dravyeśaṃ mṛṣā dravyeśatā tava |
yogye vinimayaḥ sattā sā kṛtā na tvayā yataḥ || 28 ||
[Analyze grammar]

maraṇaṃ sannidhau cāste śreṣṭhin tyaktvā gamiṣyasi |
tatastaveśatā dravye dravyeśatā na vai tvayi || 29 ||
[Analyze grammar]

aho lobhasya māhātmyaṃ saptavaṃśottaraṃ dhanam |
vidyate yasya keśe'pi punaḥ sañcetumicchati || 30 ||
[Analyze grammar]

arjane tu paraṃ duḥkhaṃ kaiṃkaryādisamudbhavam |
rakṣaṇe'pi paraṃ duḥkhaṃ cintā vyāghrī pravalgati || 31 ||
[Analyze grammar]

vyaye'pi kṣayaduḥkhaṃ ca bhoge duḥkhaṃ ca rogitā |
garve duḥkhaṃ ca yuddhādi mṛtyurdravye prajāyate || 32 ||
[Analyze grammar]

tasmād duḥkhaṃ dhanaṃ proktaṃ yad dharmārthaṃ na yujyate |
dhane dharme niyukte tu dharmāt sukhaṃ na duḥkhitā || 33 ||
[Analyze grammar]

dharmācchāntirdharmayogāt tṛṣṇānāśo vivekitā |
yathālabdhe ca santoṣo devasevādivartanam || 34 ||
[Analyze grammar]

kuṭumbe sattvabhāvaśca rāgadveṣādiśūnyatā |
caurādibhayaviraho nidrā'pi sukhato bhavet || 35 ||
[Analyze grammar]

evaṃvidhā guṇāḥ śreṣṭhin nirdhanatve sukhāvahāḥ |
sadhanatve duḥkhadoṣāḥ prajāyante punaḥ punaḥ || 36 ||
[Analyze grammar]

tatra nāsti mahāścaryaṃ gatā''gatā'bdhivārivat |
dhanaṃ tu cañcalaṃ sarvaṃ lakṣmīḥ sadā hi cañcalā || 37 ||
[Analyze grammar]

jīvanaṃ cañcalaṃ cāpi mā śokaṃ kuru vaibhave |
bhāgyāt sarvaṃ punaścāpi yatato vai bhaviṣyati || 38 ||
[Analyze grammar]

ityuccārya samāhūya preto bhṛtyān samabravīt |
adyā'tithirayaṃ śreṣṭhī gṛhesmākamupāgataḥ || 39 ||
[Analyze grammar]

bālamitraṃ mama pūjyaḥ sahajo deśajo mama |
asmin dṛṣṭaṃ ca manye'haṃ dṛṣṭavānnijabāndhavān || 40 ||
[Analyze grammar]

asmin samāgate jātā prītirmamā'tulā'dya vai |
ityuktvā ca prasasmāra preto bhojanamuttamam || 41 ||
[Analyze grammar]

tāvattasya samāyātā sthālī navā dṛḍhā śubhā |
miṣṭānnena tu sampūrṇā dadhyodanayutā'pi ca || 42 ||
[Analyze grammar]

śākasūpā''ranālādisampūrṇā bhojanāya vai |
tathā navā dṛḍhā śītajalabhṛtā ca hāṇḍikā || 43 ||
[Analyze grammar]

vāridhānīṃ tathā sthālīṃ vīkṣya preteśvarastadā |
prāhottiṣṭha vaṇigvarya prakṣālaya karau mukham || 44 ||
[Analyze grammar]

ityuktvā salilaṃ dattvā nyaveśayacchubhāsane |
pretarājo dadāvasmai miṣṭānnaṃ dadhi vāri ca || 45 ||
[Analyze grammar]

odanaṃ cā''ranālaṃ ca śākaṃ ca bubhuje vaṇik |
prektebhyaḥ sa dadau sarvavidhaṃ pātreṣu patriṣu || 46 ||
[Analyze grammar]

pretā miṣṭānnamādyaṃ ca bhakṣayāmāsurādarāt |
jalaṃ papustataḥ preteśvaro'pi śeṣameva tat || 47 ||
[Analyze grammar]

bubhuje ca papau vāri tṛptāḥ sarve'bhavaṃstataḥ |
sthālī ca vāridhānī ca śeṣānnamapi sarvathā || 48 ||
[Analyze grammar]

adṛśyatāṃ gataṃ tūrṇaṃ paśyato vaṇijastadā |
etadadbhutamāścaryaṃ dṛṣṭvā papraccha vai vaṇik || 49 ||
[Analyze grammar]

eṣā sthālī cānnapūrṇā vāridhānī ca pūritā |
araṇye'tra kathaṃ prāptā vada me pretapuṃgava || 50 ||
[Analyze grammar]

tathāpi tava bhṛtyāstu kṛśāḥ kathaṃ hi sarvathā |
tvaṃ tu naivā'tipuṣṭo'si kathaṃ durbalatā vada || 91 ||
[Analyze grammar]

tāvat tatra śvetavastraṃ samāyātaṃ śubhaṃ navam |
tadattaṃ ca vaṇije'tra pretena bhāvatastadā || 52 ||
[Analyze grammar]

āścaryaṃ cāpi tad dṛṣṭvā kuto vastraṃ samāgatam |
papraccha ca vaṇik pretaṃ pretaḥ prāha yathātatham || 53 ||
[Analyze grammar]

ahamāsaṃ purā śreṣṭhin nagare dhavalāhvaye |
vipro nāmnā prabhānāthaḥ sūpakāro'bhavaṃ sadā || 54 ||
[Analyze grammar]

mamā'sti ca vaṇik śreṣṭhī dhanāḍhyo dharmavardhanaḥ |
viṣṇubhakto yajamānaḥ svāmī dhanaprado mama || 55 ||
[Analyze grammar]

dharmavardhananāmā'sau dharmakārye sadā sa mām |
ājñāpayati dharmārthe vyayārthaṃ ca yathepsitam || 56 ||
[Analyze grammar]

dānārthaṃ copakārārthamakuṇṭhā''jñāṃ dadāti ca |
so'haṃ kadaryo lubdhātmā dhane'pi sati puṣkale || 57 ||
[Analyze grammar]

na dadāmi tu devebhyo na viprebhyo na dānakam |
nopakāraṃ kasyacicca karomyanāthadehinaḥ || 58 ||
[Analyze grammar]

yatīn sādhūn dharmaniṣṭhān gaṇayāmi na sarvathā |
na cā'śnāmi tṛptipūrṇaṃ lubdho'nyasya tu kā kathā || 59 ||
[Analyze grammar]

apuṇyasya hi nāśā'ntā vaibhavā iti niścitam |
mamā'pi na tathā puṇyaṃ tadāsīd bhuktavānnahi || 60 ||
[Analyze grammar]

pramādād yadi bhuñje'haṃ dadhikṣīraghṛtādikam |
miṣṭānnaṃ vā miṣṭajalaṃ tadā śokaḥ prajāyate || 61 ||
[Analyze grammar]

aho'dya tu mayā vyartho vyayaḥ kṛto hi hānikṛt |
nidrā rātrau na cā''yāti vyayacintāparasya me || 62 ||
[Analyze grammar]

prātarbhavati caivaṃ me yadvā tadvā kathaṃcana |
evametādṛśo lobhī nivasāmyatitṛṣṇakaḥ || 63 ||
[Analyze grammar]

tandūlatilapiṇyākatuṣaśākādibhojanaiḥ |
kṣapayāmi kadānnādyairātmānaṃ kālanirgamaiḥ || 64 ||
[Analyze grammar]

evaṃ dravyayutasyā'pi vinā dānaṃ ca puṇyakam |
mahān kālo gato me tu sūryagrahaṇamāgatam || 65 ||
[Analyze grammar]

śravaṇadvādaśī prāptā māsi bhādrapade tathā |
lokāḥ prayānti tīrthārthaṃ sābhramatyāṃ dine dine || 66 ||
[Analyze grammar]

ahaṃ ca śreṣṭhinā sākaṃ hyekādaśyāmupoṣitaḥ |
gatavān sābhramatyāṃ tu snātuṃ tvekādaśīdināt || 67 ||
[Analyze grammar]

yāvat sūryagrahaḥ syācca tāvat tīrthe sthiro'bhavam |
ekādaśīdināttena śreṣṭhinā koṭiśo dhanam || 68 ||
[Analyze grammar]

vastrāṇi śreṣṭhapātrāṇi gāvaścetyapi dānakam |
dattaṃ yathābalaṃ tatra mayā dṛṣṭvā'tilajjayā || 69 ||
[Analyze grammar]

dhautraṃ caikaṃ navaṃ dattaṃ viprāya vedavedine |
navā sthālī cānnapūrṇā miṣṭapūrṇā samarpitā || 70 ||
[Analyze grammar]

dadhyodanāranālādyaiḥ śākena saṃyutā tathā |
jaladhānī tadā dattā yānaṃ dattaṃ tu kāṣṭhajam || 71 ||
[Analyze grammar]

chāyārthaṃ tu tadā chatraṃ dattaṃ viprāya vai tadā |
śreṣṭhino bhṛtyavargāśca viprārthaṃ yojitā mayā || 72 ||
[Analyze grammar]

etāvanmātrakaṃ mayā vaṇigvarya tadārpitam |
nānyat kiñcit pradattaṃ tu mayā'yutasamāsvapi || 73 ||
[Analyze grammar]

atha kālāntare mṛtyugato'haṃ pretatāṃ gataḥ |
amī cā'dattadānā vai maddattā'nnopajīvinaḥ || 74 ||
[Analyze grammar]

bhṛtyāstasya godhanākhyavaṇijo madvaśānugāḥ |
kāṣṭhayānamidaṃ prāptaṃ prāptā bhṛtyāśca te mayā || 75 ||
[Analyze grammar]

prāptā miṣṭānnasaṃyuktā sthālī jalasya hāṇḍikā |
dattaṃ tadidamāyāti madhyāhne'pi dine dine || 76 ||
[Analyze grammar]

yāvannā'haṃ tu bhuñje'nnaṃ na tāvallayameti ca |
mayi bhukte ca pīte ca sarvaṃ līnaṃ prajāyate || 77 ||
[Analyze grammar]

chatradānādayaṃ vṛkṣo nityaṃ prāpto'sti vai mayā |
vāsārthaṃ nivasāmyatra pretāḥ kurvanti sevanām || 78 ||
[Analyze grammar]

idaṃ tavoktaṃ sarvaṃ ca dāne nirodhakṛd yathā |
ahaṃ purā'bhavaṃ tena pāpena pretatāṃ gataḥ || 79 ||
[Analyze grammar]

lobhena tṛṣṇayā cā'pi vipro'haṃ pretatāṃ gataḥ |
ekavārapradattena jalānnena hi bhujyate || 80 ||
[Analyze grammar]

pratyahaṃ tvekavāraṃ hi datvā bhuñje hi nityadā |
nityadānapradātustu svargaṃ vai śāśvataṃ bhavet || 81 ||
[Analyze grammar]

atha śreṣṭhin tava me'pi hitaṃ karomi sarvathā |
kuṃkumavāpikākṣetre cāśvapaṭṭasarovare || 82 ||
[Analyze grammar]

lomaśasyā''śrame tatra kṛṣṇanārāyaṇālaye |
yāhi śīghraṃ vaṇik tatra snānaṃ ca havanaṃ kuru || 83 ||
[Analyze grammar]

mama nāma samuddiśya piṇḍanirvapaṇaṃ kuru |
tatra piṇḍapradānena pretabhāvādahaṃ kṣaṇāt || 84 ||
[Analyze grammar]

muktaḥ san dāna kartṝṇāṃ prayāsyāmi salokatām |
tithistvekādaśī puṇyā śuklā bhādraprade śubhā || 85 ||
[Analyze grammar]

budhaśravaṇasaṃyuktā sā'tiśreyaskarī mama |
athavā kartikakṛṣṇāṣṭamyāṃ śrāddhaṃ kuruṣva me || 86 ||
[Analyze grammar]

anādiśrīkṛṣṇanārāyaṇaprākaṭyavāsare |
avaśyaṃ ca tadā mokṣo mama bhāvī vibhāvaya || 87 ||
[Analyze grammar]

ityuktvā pradadau tasmai suvarṇaṃ hīrakādikam |
skandhe kṛtvā vaṇijaṃ taṃ tatyāja ca surāṣṭrakam || 88 ||
[Analyze grammar]

ekādaśyāṃ bhādrapade yayāvaśvasarovaram |
piṇḍanirvapaṇaṃ tatra pretānāmanupūrvakam || 89 ||
[Analyze grammar]

cakārā'tha svabandhūnāṃ pitṛṇāṃ tadanantaram |
ātmanaśca tathā samyaṅ mahacchrāddhaṃ tilairvinā || 90 ||
[Analyze grammar]

piṇḍanirvapaṇaṃ cakre tathā'nyānapi gotrajān |
mokṣayāmāsa sarvān vai śrāddhadānādibhirvaṇik || 91 ||
[Analyze grammar]

karmamuktāstu tai sarve āyayustatra sannidhau |
divyarūpā divyaveṣāḥ sūryatejo'tivarculāḥ || 92 ||
[Analyze grammar]

vaṇik tebhyo jalaṃ tatra dadau miṣṭānnabhojanam |
tatastān divyadehāṃśca nināya lomaśāśramam || 93 ||
[Analyze grammar]

lomaśastāṃstadā mantraṃ śrāvayāmāsa vaiṣṇavam |
oṃ namaḥ śrīkṛṣṇanārāyaṇāya svāmine svāhā || 94 ||
[Analyze grammar]

dadau tebhyaśca tulasīsrajaśca ca caraṇāmṛtam |
tato vaṇig yayau nītvā saha sarvān pramocitān || 95 ||
[Analyze grammar]

anādiśrīkṛṣṇanārāyaṇasaudhaṃ sukānakam |
te'pi sarve natā nārāyaṇaṃ pupūjurādarāt || 96 ||
[Analyze grammar]

kṛṣṇapādajalaṃ pītvā babhūvurmuktakoṭikāḥ |
divyayāne samāruhya kṛṣṇanārāyaṇā''jñayā || 97 ||
[Analyze grammar]

yayurgolokasaṃjñaṃ ca tato dhāmā'kṣaraṃ param |
athā'yaṃ tu vaṇig rādhe nijasthānaṃ tato gataḥ || 98 ||
[Analyze grammar]

dhavalākhye pure tatrā'bhajat kṛṣṇanarāyaṇam |
bhaktiṃ tu navadhā kṛtvā kāladharmamupeyivān || 99 ||
[Analyze grammar]

devo bhūtvā ca gandharvo guhyakaścāpi vai tataḥ |
virāḍ rājā tato bhūtvā paro bhāgavato hi saḥ || 100 ||
[Analyze grammar]

bheje'nādiparabrahmaśrīmatkṛṣṇanarāyaṇam |
dehānte sa harerdhāma yayau stutvā punaḥ punaḥ || 101 ||
[Analyze grammar]

ityevaṃ kathito rādhe camatkāro hareryathā |
darśanānmuktimāpannāḥ pretā divyaśarīriṇaḥ || 102 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne bhādraikādaśyāmaśvapaṭṭasarovare śrāddhena pretānāṃ muktiḥ pretavaṇiksaṃvādaścetinirūpaṇanāmā navā'dhikapañcā |
śattamo'dhyāyaḥ || 59 ||
[Analyze grammar]