Chapter 60

śrīkṛṣṇa uvāca |
api rādhe śṛṇu tvanyaṃ camatkāraṃ harestadā |
udayākhyo'bhavad rājā dhārmiko devapūjakaḥ || 1 ||
[Analyze grammar]

aravalyadribhūbhāge rājyaṃ yasya mahattamam |
udayākhyaṃ pattanaṃ ca rājadhānī hyabhūcchubhā || 2 ||
[Analyze grammar]

rājā vrataṃ paraṃ cakre cāturmāsyaikabhojanam |
nityaṃ dānaṃ viprasādhubhojanaṃ dhenusevanam || 3 ||
[Analyze grammar]

anāthabālasādhvībhyaścānnavastrasamarpaṇam |
vidyādāne tathā dravyaṃ devālayeṣu saddhanam || 4 ||
[Analyze grammar]

havanaṃ sarvadā prātarbrāhmaṃ sāyaṃ jalāplavam |
evaṃ vrate sukurvāṇe śrāvaṇe māsi sarvathā || 5 ||
[Analyze grammar]

icchā tasyā'bhavat snātuṃ māsamekaṃ sarovare |
yathāvāṣāḍhamāse'sau dhīravīrasarovaram || 6 ||
[Analyze grammar]

parimeyā'nugo rājā āryāyanaṛṣervane |
āśrame ca nijāvāsaṃ cakāra saritastaṭe || 7 ||
[Analyze grammar]

śrāvaṇe nityamevā'sau prātarutthāya satvaram |
nārāyaṇaṃ namaskṛtya dhyātvā śrīviṣṇumacyutam || 8 ||
[Analyze grammar]

snātvā sampūjya ca lakṣmīnārāyaṇaṃ prabhāpatim |
pārvatīsvāminaṃ rādheśvaraṃ sampūjya bhāvataḥ || 9 ||
[Analyze grammar]

tataścāryāyanaṛṣeḥ pūjāṃ karoti nityaśaḥ |
atha paścāt sadāyāti tīrthāni draṣṭumeva saḥ || 10 ||
[Analyze grammar]

satītīrthaṃ śaṃbhutīrthaṃ cakratīrthaṃ tataḥ param |
kṛṣṇatīrthaṃ svāmitīrthaṃ mañjulātīrthamityapi || 11 ||
[Analyze grammar]

sūryatīrthaṃ cendratīrthaṃ brahmatīrthaṃ tataḥ param |
muktatīrtham ṛṣitīrthaṃ dharmatīrthaṃ jalāśrayam || 12 ||
[Analyze grammar]

evamādīni tīrthāni kṛtvā sarovare'bhitaḥ |
pradakṣiṇaṃ saraḥ kṛtvā datvā dānāni sarvaśaḥ || 13 ||
[Analyze grammar]

svarṇaṃ rūpyaṃ cāmbarāṇi pātrāṇi vividhāni ca |
bhojyāni cānnadānāni tato yāti nijāśrayam || 14 ||
[Analyze grammar]

evaṃ kṛtvā tato homaṃ vaiśvadevaṃ karoti ca |
viprānṛṣīn satīḥ sādhvīḥ sādhūn bālānanāthakān || 15 ||
[Analyze grammar]

vibhajyā'nnānyatithīṃśca bhojayitvā'nugānapi |
tato bhuṃkte svayaṃ rājā natvā tvāryāyanamṛṣim || 16 ||
[Analyze grammar]

evaṃ puṇyapratāpena rājñaḥ pūrvakṛtāni ca |
yāni kānyapi pāpāni dagdhānyeva samantataḥ || 17 ||
[Analyze grammar]

puṇyapuñjo'piṃ ca mahānasya kṛṣṇe'rpitastataḥ |
kṛṣṇanārāyaṇasyaiva prasannatā'sya śiṣyate || 18 ||
[Analyze grammar]

prasannatā mahat puṇyaṃ nānyat puṇyaṃ sa manyate |
harikṛṣṇaḥ prasanno'bhūdāryāyanarṣihṛdgataḥ || 19 ||
[Analyze grammar]

ṛṣiḥ prāha ca rājānaṃ rājannehi mamāntike |
gṛhāṇa paramaṃ mantraṃ yaddevaḥ puruṣottamaḥ || 20 ||
[Analyze grammar]

rājā tadā ṛṣeragre upāviveśa tam ṛṣiḥ |
oṃ namaḥ śrīkṛṣṇanārāyaṇāya svāmine svāhā || 21 ||
[Analyze grammar]

iti mantraṃ dideśāpi srajaṃ ca taulasīṃ tathā |
tato'nugānapi mantramāha cāryāyano muniḥ || 22 ||
[Analyze grammar]

mantraṃ labdhvā ṛṣiṃ natvā rājā sahānugo gṛham |
yayau tatra nadītīre svoṭajāyāmupāviśat || 23 ||
[Analyze grammar]

tāvat tatrāgato bālo muralīkaraśobhitaḥ |
rādhayā prabhayā lakṣmyā pāravatyā ca sevitaḥ || 24 ||
[Analyze grammar]

rūparūpānurūpādhimūrtiḥ śrībhagavān svayam |
hasan muhustathā kāntā hāsayan raṅgapūritaḥ || 25 ||
[Analyze grammar]

divyo divyasvarūpābhiḥ patnībhiḥ parivāritaḥ |
mayūrapicchakalgyāḍhyahaimamukuṭaśobhitaḥ || 26 ||
[Analyze grammar]

vahniśuddhāṃśukadharo divyabhūṣāvirājitaḥ |
kare mīnadhvajasvastidhanuḥśūlādilakṣitaḥ || 27 ||
[Analyze grammar]

tatpārśve ca manāk dūraṃ lakṣmīśrīkambharā satī |
pārśvāntare manāk dūraṃ śrīmadgopālakṛṣṇakaḥ || 28 ||
[Analyze grammar]

anyā dāsyastathā dāsāḥ parṇakuṭyāṃ samāgatāḥ |
koṭikoṭayarkabhātulyaṃ tejastatra babhau sukham || 29 ||
[Analyze grammar]

rājā vilokya ruciraṃ mūrtau tatra sthiro'bhavat |
neme netre ca sammilya tejovyāhataraśmiṇī || 30 ||
[Analyze grammar]

kṣaṇāntare samuddhāṭya yāvat paśyati keśavam |
tāvadeko'bhavat kṛṣṇastanmūrtau śrīhariḥ svayam || 31 ||
[Analyze grammar]

darśayāmāsa saurāṣṭraṃ tathā kuṃkumavāpikām |
aśvapaṭṭasaraścāpi tathā śrīlomaśāśramam || 32 ||
[Analyze grammar]

tathā śrīkambharālakṣmīṃ tathā gopālakṛṣṇakam |
koṭyarbudābjakanyāśca tīrthānyapi ca sarvaśaḥ || 33 ||
[Analyze grammar]

evaṃ pradarśya bhagavān sarvaṃ līnaṃ cakāra ha |
tataḥ svapādayostasmai darśayāmāsa vai kṣaṇāt || 34 ||
[Analyze grammar]

pātālaṃ ca tadūrdhvaṃ ca rasātalaṃ tataḥ param |
mahātalaṃ jaṃghayośca jānvostalātalaṃ tataḥ || 35 ||
[Analyze grammar]

sutalaṃ corvadhobhāge sakthnośca vitalaṃ tataḥ |
sakthimūle cātalaṃ ca tatratyān daityadānavān || 36 ||
[Analyze grammar]

sarpānnāgānanyajīvān nadīparvatabhūstarān |
vibhūtīn darśayāmāsa śeṣaṃ ca kacchapaṃ tathā || 37 ||
[Analyze grammar]

kaṭyāṃ bhuvaṃ jaghane ca bhuvarlokaṃ tataḥ param |
nābhyāṃ svargaṃ maharlokaṃ hyudare hṛdaye janam || 38 ||
[Analyze grammar]

tapolokaṃ mukhe satyaṃ lalāṭe'smai vyadarśayat |
carmaṇi saptakānyevāvaraṇāni vyadarśayat || 39 ||
[Analyze grammar]

evaṃ pradarśya ca kṣaṇāllīnaṃ cakāra tattadā |
athainaṃ darśayāmāsa vaiṣṇavaṃ rūpamātmanaḥ || 40 ||
[Analyze grammar]

sahasraśirasaṃ ramyaṃ sahasrakarapādakam |
tatra vai pādayorenaṃ darśayāmāsa vai jalam || 41 ||
[Analyze grammar]

tejo vāyuṃ cāmbaraṃ ca brahmaviṣṇumaheśvarān |
pādayorjalavaikuṇṭhaṃ vairājaṃ jaṃghayostathā || 42 ||
[Analyze grammar]

jānvoścātha mahāviṣṇuṃ sakthnorbhūmānamityapi |
sakthimūle pradhānaṃ ca puruṣaṃ śiśnake tathā || 43 ||
[Analyze grammar]

prakṛtiṃ jaghane nābhau vāsudevamadarśayat |
kaṭyāṃ kālaṃ ca puruṣaṃ pārśve saṃkarṣaṇaṃ tathā || 44 ||
[Analyze grammar]

pārśvāntare ca pradyumnaṃ hyudare tvaniruddhakam |
kukṣyorvaikuṇṭhagolokau vakṣasyanantadāsikāḥ || 486 ||
[Analyze grammar]

rādhāramādiśaktīśca darśayāmāsa keśavaḥ |
kaṇṭhe brahmasvarūpāṃśca muktān koṭyarbudābjakān || 46 ||
[Analyze grammar]

mukhe tvamṛtalokaṃ ca netrayorakṣaraṃ tathā |
brahma pradarśayāmāsa lalāṭe tejasāṃ cayam || 47 ||
[Analyze grammar]

tatra śrīkambharālakṣmīṃ śrīmadgopālakṛṣṇakam |
brahmarandhre paraṃ dhāma naijaṃ prādarśayaddhariḥ || 48 ||
[Analyze grammar]

tatra siṃhāsanaṃ divyaṃ sthitaṃ tasmin hariṃ tathā |
sevamānaṃ ca taṃ tatra svaṃ rājā saṃvyalokayat || 49 ||
[Analyze grammar]

tataḥ punaśca tatsarvamadṛśyaṃ samajāyata |
kuṃkumavāpikākṣetre sthitaṃ taṃ bālarūpiṇam || 50 ||
[Analyze grammar]

dadarśa rājā śrīmantaṃ sevitaṃ koṭidehibhiḥ |
tatrātmānaṃ nṛpaḥ punardadarśa nikaṭe sthitam || 51 ||
[Analyze grammar]

atha sarvaṃ kṣaṇāt līnaṃ nṛpastvāścaryamāptavān |
tataḥ kṣaṇāntare naijoṭajāṃ dadarśa śobhanām || 52 ||
[Analyze grammar]

svastho bhūtvā diśo natvā tuṣṭāva dhyānasaṃsthitaḥ |
oṃ namaḥ śrīnivāsāya mūlaprakṛtiyāmine || 53 ||
[Analyze grammar]

ajitāya ca devāya mahātmane namo'stu te |
anāśritāya śāntāya niḥspṛhāya namostu te || 54 ||
[Analyze grammar]

nama ādyāya devāya sarvadevamayāya ca |
ārṣāyā''disvarūpāya śrīkṛṣṇāya ca te namaḥ || 55 ||
[Analyze grammar]

anantarāya caikāya sadā vyaktāya te namaḥ |
namo guptāya kāśāya guṇeśvarāya te namaḥ || 56 ||
[Analyze grammar]

atarkyāyā'prameyāya cātulāya ca te namaḥ |
niścintāya ca pūrvāya sanātanāya te namaḥ || 57 ||
[Analyze grammar]

purāṇāya namastasmai nirguṇāya namo'stu te |
namo jagatpratiṣṭhāya brahmaniṣṭhāya te namaḥ || 58 ||
[Analyze grammar]

padmanābhāya yogāya govindāya namo namaḥ |
namo'stu sāṃkhyavedyāya viśveśvarāya te namaḥ || 59 ||
[Analyze grammar]

haraye śivarakṣāya nārāyaṇāya te namaḥ |
parātmane'mitadātre'mitakramāya te namaḥ || 60 ||
[Analyze grammar]

śārṅgacakragadāpadmaśāline te namo namaḥ |
mahoragāya siṃhāya namo'stu vedavāsine || 61 ||
[Analyze grammar]

mahāmatsyāya kāntāya kacchapāya ca te namaḥ |
vāmanāya ca dīrghāya caturbhujāya te namaḥ || 62 ||
[Analyze grammar]

siddhacāraṇagandharvasaṃstutāya namo namaḥ |
acyutāya sakalāya nāgendraśayanāya ca || 63 ||
[Analyze grammar]

dugdhavarṇāya kṛṣṇāya hemābhāya namo namaḥ |
pītāmbarāya daityādināśanāya ca te namaḥ || 64 ||
[Analyze grammar]

akṣarāyā'kṣareśāya nābhipadmāya te namaḥ |
caturmukhāya devāya pañcavaktrāya te namaḥ || 65 ||
[Analyze grammar]

kṣīravāsāya yaśase kāntaye varadāya ca |
sarveśvarāya kāntāya kāminīśāya te namaḥ || 66 ||
[Analyze grammar]

vareṇyāya vighnahartre bhaktipriyāya te namaḥ |
padmāyatasunetrāya śukanāsāya śārṅgiṇe || 67 ||
[Analyze grammar]

yogeśvarāya vṛkṣāya śākhine te namo namaḥ |
devāyanāya munaye sādhave te namo namaḥ || 68 ||
[Analyze grammar]

mohinīrūpabhāsāya jīvavāsāya te namaḥ |
vārāhāya nṛsiṃhāya śarabhāya ca te namaḥ || 69 ||
[Analyze grammar]

kūṭasthaṃ sarvahetuṃ ca puruṣaṃ ca purātanam |
māyākāntaṃ ceśakāntaṃ sarvakāntaṃ namāmyaham || 70 ||
[Analyze grammar]

kṣetrajñaṃ kālamāyeśaṃ vyūheśaṃ muktajīvakam |
vāsudevaṃ satīkāntaṃ kṛṣṇanārāyaṇaṃ prabhum || 71 ||
[Analyze grammar]

kambharānandanaṃ kṛṣṇaṃ gopālakṛṣṇabālakam |
paradhāmanivāsaṃ taṃ pumuttamaṃ namāmyaham || 72 ||
[Analyze grammar]

brahmarṣayo brahmarūpaṃ yaṃ vadanti sanātanam |
akṣareśaṃ ca mukteśaṃ prapadye śaraṇaṃ harim || 73 ||
[Analyze grammar]

śrīvatsā'ṅkaṃ śvetapadmarekhaṃ viguṇahārakam |
ṣoḍaśādicihnaśobhaṃ prapadye śaraṇaṃ patim || 74 ||
[Analyze grammar]

yatra viśvaṃ yaśca viśve sarvaṃ yatra pratiṣṭhate |
prabhavaṃ sarvabhūtānāṃ divyaguṇaṃ pareśvaram || 75 ||
[Analyze grammar]

prapadye muktasaṃgānāṃ sādhūnāṃ paramāṃ gatim |
bhagavantaṃ cātmavāsaṃ strīvāsaṃ puṣkarekṣaṇam || 76 ||
[Analyze grammar]

śaraṇyaṃ śaraṇaṃ bhaktyā prapadye bhaktavatsalam |
antakāle samāgatya pradarśyātmānameva yaḥ || 77 ||
[Analyze grammar]

naijaṃ dhāma nijaṃ bhaktaṃ nayatyeva prabhuḥ paraḥ |
taṃ namāmi paraṃ devaṃ mokṣadaṃ puruṣottamam || 78 ||
[Analyze grammar]

pātālāntaṃ ca satyādi sarvaṃ māti tu yatra vai |
mahāmāyāntakaṃ sarvaṃ yasmin māti janārdane || 79 ||
[Analyze grammar]

dhāmāni muktakoṭyaśca yasmin mānti pareśvare |
taṃ prapadye paraṃ kṛṣṇaṃ nārāyaṇaṃ śriyaḥ patim || 80 ||
[Analyze grammar]

na tvāṃ stotuṃ tathā vedmi yathā tvaṃ vartase prabho |
svarūpaṃ na yathārthaṃ ca vedmi vedmi taṭasthakam || 81 ||
[Analyze grammar]

tvayā yat kṛṣṇa kṛpayā kṛṣṇanārāyaṇātmakam |
rūpaṃ pradarśitaṃ mahyaṃ tapaḥ phalaṃ kṛpāphalam || 82 ||
[Analyze grammar]

dhāma pradarśitaṃ cāpi tathā kuṃkumavāpikā |
aśvapaṭṭasaraścāpi darśitaṃ lomaśāśramam || 83 ||
[Analyze grammar]

sarvaṃ punaḥ punarnātha draṣṭumicchāmi sevayā |
prasannatāṃ samicchāmi tathā me varado bhava || 84 ||
[Analyze grammar]

ityevaṃ saṃstuto'nādiśrīmatkṛṣṇanarāyaṇaḥ |
sānnidhyaṃ cājagāma drāk cakrapadmadharaḥ prabhuḥ || 85 ||
[Analyze grammar]

prītimān puṇḍarīkākṣaḥ śaraṇāgatavatsalaḥ |
provāca madhuraṃ tasmai udayāya mahātmane || 86 ||
[Analyze grammar]

tava stotreṇa ca rājan prasanno'smi punaḥ punaḥ |
sarvamiṣṭāṃ ca te rājan āryāyanaprasaṃgataḥ || 87 ||
[Analyze grammar]

bhaviṣyatyacirāt kṣetre mama vāso'pi te bhavet |
sanneṣye tvāṃ mama kṣetraṃ vāruṇena pathā nṛpa || 88 ||
[Analyze grammar]

te yogānmama yogācca nadītīrthaṃ bhaviṣyati |
idaṃ stotraṃ tu ye rājan paṭhiṣyanti gṛhe vane || 89 ||
[Analyze grammar]

prāpsyanti paramāṃ siddhiṃ mama prāptisvarūpiṇīm |
atra tīrthe dhīravīrasarovare tu ye janāḥ || 90 ||
[Analyze grammar]

paśavaḥ pakṣiṇaḥ kīṭā vṛkṣavallyādikāstathā |
jalapānaṃ kariṣyanti muktiṃ yāsyanti pāvanīm || 91 ||
[Analyze grammar]

śrāddhaṃ dānaṃ japaṃ homaṃ tarpaṇaṃ bhojanaṃ jalam |
ye'tra dāsyanti vidhinā teṣāṃ muktirbhaviṣyati || 92 ||
[Analyze grammar]

ityuktvā bhagavān bhūpaṃ cādṛśyabhāvamāsthitaḥ |
rājā jajāpa bahudhā kṛṣṇanārāyaṇaṃ prabhum || 93 ||
[Analyze grammar]

jagau nanarta dadhyau ca jahāsa ca ruroda ca |
tasthau siṣeve pupūja dadarśa taṃ yathā tathā || 94 ||
[Analyze grammar]

bhṛtyān vai preṣayāmāsa naijamudayapattanam |
nāgadevaṃ sutaṃ rājyadānaṃ samādideśa ca || 95 ||
[Analyze grammar]

sādhuvadvartate smā'tra rājā bhāgavatottamaḥ |
rātrau suptaḥ śrāvaṇasyā'ṣṭamyāṃ vavarṣa megharāṭ || 96 ||
[Analyze grammar]

sarovaraṃ nadī kūpā jalākārāḥ samudravat |
ativṛṣṭyā tadā jātā parṇaśālā jalāntare || 97 ||
[Analyze grammar]

layaṃ yātā janāścāpi jale magnāḥ śatā'dhikāḥ |
anādiśrīkṛṣṇanārāyaṇaṃ sasmaruratyati || 98 ||
[Analyze grammar]

drāgeva rādhike kṛṣṇanārāyaṇo dayānidhiḥ |
yayau rakṣaṇakartā sa nāvamādāya śāśvatīm || 99 ||
[Analyze grammar]

sahasrarūpadhārī ca yatra yatra jale janāḥ |
nimagnā bālavṛddhādyā narā nāryaḥ paśūttarāḥ || 100 ||
[Analyze grammar]

sarvānuddhārayāmāsa naiko'pi mṛtimāptavān |
āryāyanaṃ maharṣiṃ ca samādhisthaṃ gataṃ jale || 101 ||
[Analyze grammar]

udgṛhya nāvi bhagavān dadhāra karuṇālayaḥ |
nadyāṃ mahyāṃ tu sā naukā sthāpitā paramātmanā || 102 ||
[Analyze grammar]

śatadvayā'dhikān tasyāṃ magnān dhṛtvā rarakṣa saḥ |
paśūn pakṣigaṇāṃścāpi rarakṣa jīvatastadā || 103 ||
[Analyze grammar]

rājā ca mānavā sarve jīvantaḥ śrīnarāyaṇam |
bhejire'nanyabhāvāśca naurāste jalamastake || 104 ||
[Analyze grammar]

jalopari vahatyeva śanaiḥ kṛṣṇena vāhitā |
rādhike rakṣitā kṛṣṇastatra kā nāma vedanā || 105 ||
[Analyze grammar]

itiśrīlakṣmīnārāyaṇīyasaṃhitāyāṃ dvitīye tretāsantāne udayapuranṛpateḥ cāturmāsye dhīravīrasarovarataṭasthitasya prabhordarśanaṃ cātivṛṣṭyā jalamagnatvaṃ prabhuṇā nāvā rakṣā kṛtetyādinirūpaṇanāmā ṣaṣṭitamo'dhyāyaḥ || 60 ||
[Analyze grammar]