Chapter 32

śrīkṛṣṇa uvāca |
śṛṇu tvaṃ rādhike māghe jātavighnanimittakam |
grahādipūjanaṃ cakre svayaṃ gopālakṛṣṇakaḥ || 1 ||
[Analyze grammar]

phālgune viṣṇuyāge ca kārayāmāsa bhūsuraiḥ |
kṣetravighnapraśāntyarthaṃ grahaśāntyarthamityapi || 2 ||
[Analyze grammar]

saurāṣṭravartibālānāṃ yogakṣemau yathā śubhau |
bhavetāṃ ca yathā dānānyasaṃkhyāni hyadāttadā || 3 ||
[Analyze grammar]

devānāṃ ca vibhinnānāṃ pūjāṃ pitā hyakārayat |
mātrādīnāṃ tathā pūjāṃ baliṃ śreṣṭhamadāpayat || 4 ||
[Analyze grammar]

śrīrādhikovāca |
grahā bālagrahāḥ ke te ye'rdayantīha bālakān |
kathaṃrūpā grahā hyete vadātra kṛṣṇakānta me || 5 ||
[Analyze grammar]

śrīkṛṣṇa uvāca |
purā skando'bhavatputro rudrasya vīryasaṃbhavaḥ |
pārvatyāśca tathā vahneḥ gaṃgāyā darbhakasya ca || 6 ||
[Analyze grammar]

ṣaṇṇāṃ ca ṛṣipatnīnāṃ bālaḥ skandastadā'bhavat |
devasenāpatirjāto lakṣmīstamāśrayattataḥ || 7 ||
[Analyze grammar]

śrījuṣṭaḥ pañcamīṃ skandastasmācchrīpañcamī smṛtā |
ṣaṣṭhyāṃ kṛtārtho'bhūd yasmāt tasmāt ṣaṣṭhī mahātithiḥ || 8 ||
[Analyze grammar]

śriyā juṣṭaṃ mahāsenaṃ devasenāpatiṃ kṛtam |
saptarṣipatnyaḥ ṣaḍdevyastatsakāśamathā'gaman || 9 ||
[Analyze grammar]

ṛṣibhiḥ samparityaktā ūcuḥ putraṃ tu kārtikam |
vayaṃ putra parityaktā bhartṛbhiścālpakāraṇāt || 10 ||
[Analyze grammar]

asmābhiḥ kila jātastvamiti brāhmyamudāhṛtam |
tena doṣeṇojjhitāḥ sma tasmānnastrātumarhasi || 11 ||
[Analyze grammar]

svargasthānāccyutāḥ praśaṃkitā vai ṛṣibhirvayam |
tadakṣayo bhavet svargastvatprasādāddhi naḥ kuru || 12 ||
[Analyze grammar]

tvāṃ putraṃ cāpyabhīpsāmaḥ kṛtvaitadanṛṇo bhava |
etatkāle mahendraśca skandaṃ prāha mahāmatiḥ || 13 ||
[Analyze grammar]

abhijinnāmabhaginī tapastaptuṃ vanaṃ gatā |
rohiṇyāstu kaniṣṭhā sā jyeṣṭhatāṃ tapasecchati || 14 ||
[Analyze grammar]

tatsthānaṃ vartate riktaṃ skanda pūraya tatsthalam |
kṛttikābhiśca nakṣatrasaṃkhyāpūrtiṃ vidhehi vai || 15 ||
[Analyze grammar]

skandastāḥ kṛttikārūpā mātṝḥ ṣaḍ paryayojayat |
nakṣatraṃ kṛttikākhyaṃ tad bhāti vai vahnidaivatam || 16 ||
[Analyze grammar]

nanu ṣaṭkṛttikāstatra saptaśīrṣāmatā katham |
iti cecchrūrayatāṃ tatra kāraṇaṃ tadvadāmi ca || 17 ||
[Analyze grammar]

vinatā cābravīt skandaṃ māmapi tatra sannaya |
skando dadau saptamaṃ ca sthānaṃ tasyai tadā śubham || 18 ||
[Analyze grammar]

evaṃ tat kṛttikānakṣatraṃ mataṃ saptaśīrṣakam |
atha tāḥ kṛttikāḥ procuḥ skandaṃ punaryathepsitam || 19 ||
[Analyze grammar]

brāhmī māheśvarī caiva vaiṣṇavī ca narāyaṇī |
gāyatrī durgikā māyā yāścaitāḥ saptamātaraḥ || 20 ||
[Analyze grammar]

anādikālataḥ pūrvaṃ yā lokasya prakalpitāḥ |
asmākaṃ tu bhavet sthānaṃ tāsāṃ caiva na tadbhavet || 21 ||
[Analyze grammar]

bhavema pūjyā lokasya na tāḥ pūjyā hi kārtika |
tābhiścoktvā viyogo naḥ ṛṣibhyaḥ kārito yataḥ || 22 ||
[Analyze grammar]

icchāma āsāṃ mātṝṇāṃ prajā yāḥ pitṛdevatāḥ |
tā asmākaṃ bhogakartryo bhavantu ṛṣivat sadā || 23 ||
[Analyze grammar]

skandaḥ prāha pradattaṃ taccandrapatnyo bhavantu vai |
parirakṣata cānyāṃśca putratulyān sadā tu naḥ || 24 ||
[Analyze grammar]

kṛttikāśca tadā prāhuḥ putra kurmastathā vayam |
kintu ṣoḍaśavarṣīyā bhavanti taruṇā prajāḥ || 25 ||
[Analyze grammar]

bhoktuṃ dehi ca no martyaprajā rūpaiḥ pṛthagvidhaiḥ |
skandaḥ prāha tathā'stvetat sukhayuktā bhavantu ca || 26 ||
[Analyze grammar]

ahaṃ tu vaḥ pradāsyāmi raudramātmānamavyayam |
paramaṃ tena sahitāḥ sukhaṃ svarge vasantu vai || 27 ||
[Analyze grammar]

ityuktvā kārtiko dehāt puruṣaṃ pāvakaprabham |
utpādya graharūpaṃ taṃ dadau tābhyaḥ sukhāptaye || 28 ||
[Analyze grammar]

taṃ nītvā raudrarūpaṃ tā yayuścāndramasīṃ bhuvam |
skandāpasmāramityāhurgrahaṃ taṃ tattvavedinaḥ || 29 ||
[Analyze grammar]

vinatā tu mahāraudrā kathyate śakunigrahaḥ |
pūtanāṃ rākṣasīṃ prāhustaṃ vidyātpūtanāgraham || 30 ||
[Analyze grammar]

kaṣṭāṃ dāruṇarūpeṇa ghorarūpāṃ niśācarīm |
piśācī dāruṇākārā kathyate śītapūtanā || 31 ||
[Analyze grammar]

garbhān sā mānuṣīṇāṃ tu harate ghoradarśanā |
aditiṃ revatīṃ prāhurgrahastasyāstu raivataḥ || 32 ||
[Analyze grammar]

so'pi bālān mahāghoro bādhate vai mahāgrahaḥ |
daityānāṃ yā ditirmātā tāmāhurmukhamaṇḍikām || 33 ||
[Analyze grammar]

atyarthaṃ śiśumāṃsena saṃprahṛṣṭāṃ durāsadām |
kumārāśca kumāryaśca yā jātāḥ skandasaṃbhavāḥ || 34 ||
[Analyze grammar]

tāste garbhabhujaḥ sarve krūrakāryā mahāgrahāḥ |
kumārāṇāṃ striyo yāśca kumārīṇāṃ narāśca ye || 35 ||
[Analyze grammar]

te jāyamānān gṛhṇanti bālakān raudrakarmiṇaḥ |
gavāṃ mātā tu surabhiryā vidyate surālaye || 36 ||
[Analyze grammar]

śakunistāmathā''ruhya saha bhuṃkte śiśūn bhuvi |
saramā nāma yā mātā śunāṃ devī tu rādhike || 37 ||
[Analyze grammar]

sāpi garbhān samādatte mānuṣīṇāṃ sadaiva ha |
pādapānāṃ tu yā mātā karañjanilayābhidhā || 38 ||
[Analyze grammar]

saikā tu varadā rakṣākarī bhūtānukampinī |
tāṃ karañjadrume putrārthino'rcayanti mānavāḥ || 39 ||
[Analyze grammar]

athā'pyanyā mātaraśca grahā māṃsamadhupriyāḥ |
divā ca rātrau tiṣṭhanti satataṃ sūtikāgṛhe || 40 ||
[Analyze grammar]

kadrūḥ sūkṣmavapurbhūtvā garbhiṇīṃ praviśatyatha |
tatra bhuṃkte ca taṃ garbhaṃ nāgatulyaṃ prasūyate || 41 ||
[Analyze grammar]

gandharvāṇāṃ ca jananī garbhaṃ nītvaiva gacchati |
tena vilīnagarbhā ca mānuṣī dṛśyate janaiḥ || 42 ||
[Analyze grammar]

apsarasāṃ janitrī tu garbhamāste pragṛhya tu |
upanaṣṭo garbha iti janā vadanti tādṛśi || 43 ||
[Analyze grammar]

raktodadhestu yā kanyā dhātrī skandasya yā smṛtā |
sā lohitāyanī nāmnā kadambe pūjyate janaiḥ || 44 ||
[Analyze grammar]

puruṣeṣu yathā rudrastathā''ryā pramadāsu sā |
āryā mātā kumārasya pṛthakkāmārthamijyate || 45 ||
[Analyze grammar]

ete sarve kumārāṇāṃ bhakṣakā vai mahāgrahāḥ |
yāvatṣoḍaśavarṣāṇi śiśūnāmaśivā hi te || 46 ||
[Analyze grammar]

ye tu mātṛgaṇāścāpi ye ca naragaṇā grahāḥ |
sarve skandagrahā nāma loke bodhyā duḥkhapradāḥ || 47 ||
[Analyze grammar]

teṣāṃ praśamanaṃ kāryaṃ snānaṃ dhūpamathā'ñjanam |
balikarmopahārāśca skandasyejyā viśeṣataḥ || 48 ||
[Analyze grammar]

evamabhyarcitāḥ sarve āyurvīryabalapradāḥ |
athordhvaṃ ṣoḍaśādvarṣād ye bhavanti nṛṇāṃ grahāḥ || 49 ||
[Analyze grammar]

tān vadāmi śṛṇu rādhe māheśvarā hi te matāḥ |
yaḥ paśyati naro devān jāgrat vā śayito'pi vā || 50 ||
[Analyze grammar]

unmādyati tadā kṣipraṃ taṃ tu devagrahaṃ viduḥ |
āsīnaśca śayānaśca yaḥ paśyati naraḥ pitṝn || 51 ||
[Analyze grammar]

unmādyati tadā kṣipraṃ sa tu pitṛgrahaḥ smṛtaḥ |
avamanyate yaḥ siddhān śaptaḥ krodhena sādhubhiḥ || 52 ||
[Analyze grammar]

unmādyati ca kṣipraṃ yaḥ sa tu siddhagrahaḥ smṛtaḥ |
sañjighrāti ca yo gandhān rasāṃścā''khādayatyapi || 53 ||
[Analyze grammar]

samunmādyati kṣipraṃ ca sa jñeyo rākṣaso grahaḥ |
gandharvāścāpi yaṃ divyāḥ saṃviśanti naraṃ priyam || 54 ||
[Analyze grammar]

unmādyati sa tu kṣipraṃ graho gāndharva eva saḥ |
adhirohanti yaṃ nityaṃ piśācāḥ puruṣaṃ prati || 55 ||
[Analyze grammar]

unmādyati sa tu kṣipraṃ grahaḥ paiśāca eva saḥ |
āviśanti ca yaṃ yakṣāḥ puruṣaṃ kālaparyaye || 56 ||
[Analyze grammar]

unmādyati sa tu kṣipraṃ jñeyo yakṣagrahastu saḥ |
doṣo grahaśca vaiklavyaṃ bhayaṃ ca ghoradarśanam || 57 ||
[Analyze grammar]

kaścit krīḍitukāmo vai bhoktukāmastathā'paraḥ |
abhikāmastathaivā'nya ityeṣaḥ trividho grahaḥ || 58 ||
[Analyze grammar]

yāvadvārdhakyasaṃveśo bhavantyete grahā nṝṇām |
ataḥ paraṃ dehināṃ tu grahatulyo bhavejjvaraḥ || 59 ||
[Analyze grammar]

saṃyamitendriyaṃ bhaktaṃ śuciṃ nipyamatandritam |
āstikaṃ śraddadhānaṃ ca varjayanti grahāḥ sadā || 60 ||
[Analyze grammar]

na spṛśanti grahā bhaktān satīḥ sādhūn praśīlinaḥ |
atha svāhā'bravīt skando mama putro'si vai priyaḥ || 61 ||
[Analyze grammar]

dehi me śāśvataṃ vāsaṃ vastuṃ putra sahā'gninā |
skandaḥ prāha dvijairmantraiḥ stutaṃ havyaṃ ca kavyakam || 62 ||
[Analyze grammar]

hoṣyatyagnau sadā svāhetyuktvā vāsaḥ sadā'stu te |
yatra gṛhaṃ na havanaṃ tatra tvaṃ graharūpiṇī || 63 ||
[Analyze grammar]

bhaviṣyasi na sandehaḥ pañcake pañcakhādinī |
ityuktā vahninā sārdhaṃ svāhā vasati nityadā || 64 ||
[Analyze grammar]

ityevaṃ te grahāḥ proktā vināśakāḥ kvacit kvacit |
tasmātte pūjanīyā vai santuṣṭāḥ sukhadāḥ smṛtāḥ || 65 ||
[Analyze grammar]

gopālakṛṣṇaḥ phālgunyāmaṣṭamyāṃ tatsamarcanam |
kārayāmāsa mantraiśca tattadbalipradānakaiḥ || 66 ||
[Analyze grammar]

pāyasaiḥ polikābhiśca śākairbharjitasatkaṇaiḥ |
havyaiḥ kavyairgrahān sarvān tarpayāmāsa bhāvataḥ || 67 ||
[Analyze grammar]

atha skandastathā kṛtvā vinatā pūtanādikāḥ |
dityaditipiśācyaśca surabhiḥ śakunistathā || 68 ||
[Analyze grammar]

saramā kadrukī gandharvāpsarasāṃ ca mātaraḥ |
dhātrī raktāyanī devapitṛsiddhagrahāstathā || 69 ||
[Analyze grammar]

paiśācarakṣogāndharvā yakṣāḥ kāmā jvarāstathā |
svāhāścetyapare vaṃśāḥ ṣaḍviṃśatigaṇāśca te || 70 ||
[Analyze grammar]

pratyakṣāścāyayurvyomnā cā'vateruḥ sarovare |
yatra pūjā bhavatyeṣā saumyarūpadharāśca te || 71 ||
[Analyze grammar]

pūjāṃ prāpya baliṃ dugdhapākādi prāpya sarvathā |
tṛptāśca tuṣṭuvurnārāyaṇaṃ śrīparameśvaram || 72 ||
[Analyze grammar]

vayaṃ nārāyaṇa viṣṇo duṣṭakāryakarā grahāḥ |
pāpapāraṃ na yāsyāmastathaiva nirmitā yataḥ || 73 ||
[Analyze grammar]

tarema tu yathā māyāsāgaraṃ tatkṛpāṃ kuru |
kṣamasva duṣṭabhāvānāmaparādhān sadā hi naḥ || 74 ||
[Analyze grammar]

yatra nārāyaṇaḥ kṛṣṇastatra nā'smatprapīḍanam |
nātra kṣetre praviśāmaḥ pīḍanārthaṃ kadācana || 75 ||
[Analyze grammar]

kurvasmānpāvanān kṛṣṇa caraṇāmṛtadānataḥ |
tvaṃ grahāṇāṃ graho devo niyāmakaḥ pareśvaraḥ || 76 ||
[Analyze grammar]

vāsaṃ tvaccaraṇe dehi pāvayitvā sadā śubhān |
prapannāḥ smastava cāṃke gṛhāṇa naḥ svakiṃkarān || 77 ||
[Analyze grammar]

ityabhyarthya nipetuste pādayoḥ śrīharestadā |
anādiśrīkṛṣṇanārāyaṇenā'dbhiḥ susaṃskṛtāḥ || 78 ||
[Analyze grammar]

prokṣitāḥ pāvitāścāpi jalapānena tarpitāḥ |
spṛṣṭāśca bhojitāḥ sarve divyabhāvaṃ tadā gatāḥ || 79 ||
[Analyze grammar]

ujjvalā devarūpāste yathā vai pārṣadā hareḥ |
tataḥ prāha haristāṃśca divyarūpaiḥ sarastaṭe || 80 ||
[Analyze grammar]

nityaṃ vasantu cātraiva nirātaṃkā nirāmayāḥ |
nirupadravarūpāśca sadā śreyaskarāḥ surāḥ || 81 ||
[Analyze grammar]

grahatīrthaṃ dakṣiṇe'tra taṭe khyātaṃ bhaviṣyati |
sadā vaḥ pratimāścātra pūjayiṣyanti ye janāḥ || 82 ||
[Analyze grammar]

deśāntarasthitānāṃ vai teṣāṃ vaṃśajabālakāḥ |
mā pīḍyantāṃ bhavadbhirvai deśāntaragatairapi || 83 ||
[Analyze grammar]

atha dvitīyarūpaiśca vicarantu mahīmimām |
yathākāryaṃ prakurvantu grahakṛtyaṃ niyāmitam || 84 ||
[Analyze grammar]

kuṃkumavāpikākṣetraṃ daśayojanavistṛtam |
vihāyā'nyatra vai chidre sati kurvantu dharṣaṇam || 85 ||
[Analyze grammar]

tatrāpi mama bhaktānāṃ mā kurvantu pradharṣaṇam |
brahmaśīlavratānāṃ ca mā kurvantu pradharṣaṇam || 86 ||
[Analyze grammar]

satāṃ satīnāṃ viprāṇāṃ brahmiṣṭhānāṃ na dharṣaṇam |
kurvantu tapatāṃ cāpi vratināṃ puṇyakarmaṇām || 87 ||
[Analyze grammar]

gobhūdevasatāṃ sevāṃ prakurvatāṃ ca nāpi vai |
śucīnāṃ yogināṃ cāpi bhaktijuṣāṃ kuṭumbinām || 88 ||
[Analyze grammar]

pradharṣaṇaṃ pīḍanaṃ vā kurvantu naiva sarvathā |
nāstikānāṃ nindakānāṃ piśunānāṃ tu dharṣaṇam || 89 ||
[Analyze grammar]

hiṃsakānāṃ matsariṇāṃ duṣṭānāṃ tvācarantu tat |
adaivānāṃ cāpitṝṇāmanagnīnāṃ pradharṣaṇam || 90 ||
[Analyze grammar]

caurāṇāṃ madyapānāṃ ca paraduḥkhapradāyinām |
khalānāṃ dharmahīnānāṃ kurvantu dharṣaṇaṃ muhuḥ || 91 ||
[Analyze grammar]

anyāyināṃ paranyāsabhakṣiṇāṃ bhedināṃ tathā |
bhavatyo dharṣaṇaṃ kurvantu satkāryavirodhinām || 92 ||
[Analyze grammar]

kuṃkumavāpikākṣetraṃ mahādivyaṃ sukhātmakam |
kṛṣṇanārāyaṇatulyaṃ puṇyapāpavivarjitam || 93 ||
[Analyze grammar]

brahmārpaṇamayaṃ mokṣabhūmikaṃ mannivāsanam |
tatra muktasvarūpāśca nivasantu madāśraye || 94 ||
[Analyze grammar]

gururme lomaśastvatra mantraṃ dāsyati me tu vaḥ |
yāntu tatra manuṃ prāpya tiṣṭhantu vaiṣṇavā grahāḥ || 95 ||
[Analyze grammar]

ityuktāste grahāḥ sarve dvedhārūpāḥ śubhāśubhāḥ |
babhūvuḥ kṛṣṇasaṃkalpāt chāyātmāno hyasaukhyakāḥ || 96 ||
[Analyze grammar]

mūlarūpāstu te divyāḥ prayayurlomaśāśramam |
lomaśaḥ pradadau mantraṃ kṛṣṇanārāyaṇātmakam || 97 ||
[Analyze grammar]

oṃ namaḥ śrīkṛṣṇanārāyaṇāya svāmine svāhā |
srajaṃ ca taulasīṃ kaṇṭhe dadau tebhyaḥ supuṇḍrakam || 98 ||
[Analyze grammar]

evaṃ te vaiṣṇavā bhūtvā tasthuścā'śvasarastaṭe |
chāyātmāno yayurdeśāntarāṇīṣṭāni yāni vai || 99 ||
[Analyze grammar]

ityevaṃ bhagavān sarvagrahaśāntiṃ cakāra ha |
bhaktānāṃ sukhadāste ca muktāḥ śreyaskarāḥ sadā || 100 ||
[Analyze grammar]

ityevaṃ rādhike divyaścamatkāra udāhṛtaḥ |
śṛṇuyāttaṃ paṭhedvā yastasya mokṣo bhavet sukham || 101 ||
[Analyze grammar]

dhanadhānyapaśupakṣidhanāni ca bahūnyapi |
putrapautrasutāputratadvaṃśāśca nirāmayāḥ || 102 ||
[Analyze grammar]

bhaviṣyanti devatulyāḥ sarvānandapariplutāḥ |
sarvetivarjitā dvandvavarjitāḥ svargavigrahāḥ || 103 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne bālagrahādīnāṃ pūjane teṣāṃ pratyakṣā''gamanaṃ teṣāṃ nāmarūpādibhirvarṇanaṃ cetinirūpaṇanāmā dvātriṃśo'dhyāyaḥ || 32 ||
[Analyze grammar]