Chapter 513

śrīnārāyaṇa uvāca |
śṛṇu lakṣmi camatkāre kṣattrā ca brāhmaṇīti ca |
sakhīdvayaṃ samāste vai tapovṛttipare hyubhe || 1 ||
[Analyze grammar]

chāndogya iti nāmnā''sīt sāmavedī purā dvijaḥ |
paścime vayasi tasya kanyā'patyaṃ babhūva ha || 2 ||
[Analyze grammar]

yasminnahani sañjātā tasminneva dine tadā |
ānartādhipateścāpi kanyā'patyaṃ babhūva ha || 3 ||
[Analyze grammar]

rājā cakre'bhidhānaṃ vai ratnavatīti śobhanam |
ratnavatyā hyabhūnmaitrī vipraputryā śubhā'kṣayā || 4 ||
[Analyze grammar]

ekāsanaṃ tathā śayyā tvekānnena ca bhojanam |
vipro duhituḥ samaye yogye prāpte'pyacintayat || 5 ||
[Analyze grammar]

udvāhaṃ kintu kanyā sā sakhyā viyogakātarā |
gatvā nṛpateḥ putrīṃ sā jagāda bahuduḥkhitā || 6 ||
[Analyze grammar]

sakhi tāto vivāhaṃ me prakariṣyati sāmpratam |
tena sakhyaṃ vinaśyecca viyogaḥ syāttadā''vayoḥ || 7 ||
[Analyze grammar]

śrutvā nṛpasya duhitā kṛtvā kaṇṭhe ruroda tām |
rājñī mṛgāvatī śrutvā tatrā''jagāma satvaram || 8 ||
[Analyze grammar]

jñātvā rodanahetuṃ ca jagāda ca śubhākṣiṇīm |
putri tvāṃ mama putryāśca sakhitve niścinomyaham || 9 ||
[Analyze grammar]

mama putryai pradāsye tvāṃ sakhīrūpāṃ sadā priyām |
rājñī brāhmaṇamāhūya prāha vipra sutā tava || 10 ||
[Analyze grammar]

mama putryāścātisnigdhā priyā sakhī hi vartate |
tasmāt kuru vaco mahyaṃ kanyāṃ dehi ca me tava || 11 ||
[Analyze grammar]

yadvā yasya mama kanyā dīyate tannṛpasya vai |
purodhāstasya yo viprastasmai deyā sutā tava || 12 ||
[Analyze grammar]

ekasthāne sthitayostu maitrīsaukhyaṃ sadā bhavet |
chāndogya svasutāyāścā'bhiprāyaṃ tvavagamya vai || 13 ||
[Analyze grammar]

dadau rājñyai kumārīṃ tāṃ brahācaryaparāyaṇām |
viprakanyā ratnavatyā samaṃ vāsaṃ cakāra ha || 14 ||
[Analyze grammar]

nṛpagṛhe tu sā jātā yuvatyatīva śobhanā |
nṛpaḥ svāṃ kanyakāṃ dātuṃ suyogyāya varāya tu || 15 ||
[Analyze grammar]

viprairanveṣaṇaṃ pṛthvyāṃ kārayāmāsa tasya vai |
daśārṇādhipatirbhūpaḥ patyarthaṃ saṃvṛtastayā || 16 ||
[Analyze grammar]

bṛhadbalaḥ sa nṛpatirvivāhārthaṃ samāgataḥ |
viśvāvasorbrāhmaṇasya rājñaḥ purohitasya ca || 17 ||
[Analyze grammar]

parāvasuritināmnā kumāro'bhūt tadā yuvā |
so'pi rājñā samaṃ tatra tvāyayau sa purohitaḥ || 18 ||
[Analyze grammar]

rājā lagnanamuhūrte vai maṇḍape vahnisannidhau |
āgatastatra kanyā ca viprakanyāsakhīyutā || 19 ||
[Analyze grammar]

pitṛbhyāmanyanārībhiryuktā hedīsamīpataḥ |
samānītā pradānāya tatrā''ścaryamabhūnmahad || 20 ||
[Analyze grammar]

kanyā jātismarā brahmacaryaparā śivāṃśajā |
pārvatīkalayā jātā yoginī janmato'bhavat || 21 ||
[Analyze grammar]

kāmarūpadharā sādhvī viprakanyāpi tādṛśī |
sarvasiddhimayī tvāsīd brahmacaryaparāyaṇā || 22 ||
[Analyze grammar]

tābhyāṃ gaurīpratāpena kāyavyūhaḥ prasādhitaḥ |
siddhayaḥ sādhitāḥ sarvāḥ kāmadevo jitastathā || 23 ||
[Analyze grammar]

pārvatyā vaiṣṇavo mantrastābhyāṃ datto rahasyakṛt |
oṃ namaḥ śrīkṛṣṇanārāyaṇāya pataye namaḥ || 24 ||
[Analyze grammar]

patiḥ kṛṣṇaṃ vinā nānyaḥ pātivratyaṃ hareḥ sadā |
pālanīyaṃ na cānyasyetyāha śrīpārvatī ca te || 25 ||
[Analyze grammar]

yogasiddhīrdadau tābhyāṃ siddhibhirdivyavaibhave |
camatkārā'nvite jāte maṇḍape te ca kanyake || 26 ||
[Analyze grammar]

rājakanyā'bhavat tatra siṃhikārūpadhāriṇī |
vikarālā lalajjihvā sphāranetrā sagarjanā || 27 ||
[Analyze grammar]

vipraputrī tadā vyāghrī krūrā samabhavat kṣaṇāt |
trastāḥ sarvajanā dṛṣṭvā dudruvurmaṇḍapād bahiḥ || 28 ||
[Analyze grammar]

kanyake dve vinā sarve palāyitā hi maṇḍapāt |
kolāhalo mahān jāto grāme rāṣṭre prajājane || 29 ||
[Analyze grammar]

bṛhadbalo vihāyaite yayau svanagaraṃ tadā |
pitṛbhyāṃ vārite paścāt pārvatīrūpameva te || 30 ||
[Analyze grammar]

dhṛtavatyau tadā śāntirjātā prajājanasya vai |
pūjitaṃ divyadehaṃ vai lokeśca pārvatīdvayam || 31 ||
[Analyze grammar]

śatacandrasame te dve kanyake śaṃkarānvite |
oṃ namaḥ śrīkṛṣṇanārāyaṇāya pataye namaḥ || 32 ||
[Analyze grammar]

iti japantyau vaiṣṇavyau jāte te kanyake tataḥ |
pūrvarūpānvite dṛṣṭvā santuṣṭāśca nirīkṣakāḥ || 33 ||
[Analyze grammar]

vārtā sarvatra lokeṣu pārvatīdvayameva tat |
devīdvayaṃ vartate vai pravṛttaivaṃ gṛhe gṛhe || 34 ||
[Analyze grammar]

nityaṃ lokāḥ pūjayanti paśyanti ca namanti ca |
ārārtrikaṃ ca kurvanti camatkārapure sadā || 35 ||
[Analyze grammar]

evaṃ kāle vyatīte'tha tīrthaṃ devīdvayātmakam |
hāṭakeśvaraje kṣetre sañjātaṃ pāvanaṃ param || 36 ||
[Analyze grammar]

ratnavatī prasasmāra kṛṣṇanārāyaṇaṃ muhuḥ |
mayā''tmā'styarpitaste'taḥ kṛṣṇatvaṃ naya māmitaḥ || 37 ||
[Analyze grammar]

viprakanyā'pi tat prāha yatra tvaṃ tatra cāpyaham |
sakhīṃ tyaktvā sakhī nānyasthalaṃ yāti kadācana || 38 ||
[Analyze grammar]

tadā devī smṛtā tābhyāṃ durgā cāpyāgatā drutam |
ājñayāmāsa tapase te cobhe prasthite yadā || 39 ||
[Analyze grammar]

tadā mṛgāvatī rājñī māyāmohasamanvitā |
aśrupūrvekṣaṇā dīnā putrīmetadduvāca ha || 40 ||
[Analyze grammar]

mā putri sāhasaṃ kāryaṃ tapo'rthaṃ te kathaṃcana |
bālā tvaṃ sukumārāṃgī sadaiva sukhabhāginī || 41 ||
[Analyze grammar]

kathaṃ tapaḥsamarthā'si vidhātuṃ tvamanindite |
kandamūlaphalāhārā cīravalkaladhāriṇī || 42 ||
[Analyze grammar]

tasmānmukhyasya bhūpasya kasyacittvāṃ dadāmyaham |
eṣā te brāhmaṇī nāmasakhī paramasammatā || 43 ||
[Analyze grammar]

yāsyati vai tvayā sākaṃ kaumārabhāvamāśritā |
yasya bhūpasya harmye tvaṃ prayāsyasi vivāhitā || 44 ||
[Analyze grammar]

ratnavatī ca tāṃ prāha mātarnaivaṃ tvayā punaḥ |
vācyaṃ madarthe yadi me prāṇān rakṣitumicchasi || 45 ||
[Analyze grammar]

haṭhena yadi vighnaṃ me kariṣyasi tadā tanum |
tyakṣyāmi viṣayogeṇa carvayitvā ca jihvikām || 46 ||
[Analyze grammar]

analaṃ vā pravekṣyāmi prāpsyāmi śrīhariṃ patim |
nānyaṃ patiṃ kariṣyāmi niścayo'yaṃ mayā kṛtaḥ || 47 ||
[Analyze grammar]

sā'ha tapaścariṣyāmi kaumāravratadhāriṇī |
patiṃ śrīmatkṛṣṇanārāyaṇaṃ prāpsyāmi satpatim || 48 ||
[Analyze grammar]

sakṛjjalpanti rājānaḥ sakṛjjalpanti ca dvijāḥ |
sakṛt satyaḥ prajalpanti krīṇyetāni sakṛt sakṛt || 49 ||
[Analyze grammar]

manasā cintyate kāryaṃ vācā saṃprocyate tataḥ |
karmaṇā kriyate paścād satī tadvat karomyaham || 50 ||
[Analyze grammar]

evaṃ sā procya jananīṃ virarāma hareḥ priyā |
atha rājñī sakhīṃ tasyā brāhmaṇīṃ prāha vai tataḥ || 51 ||
[Analyze grammar]

mama putrī patiṃ naivodvāhaṃ vāñchati putrike |
tvayā kāryo vivāhastu gaccha harmyaṃ pitustava || 52 ||
[Analyze grammar]

yadvāhaṃ kārayiṣyāmi vivāhaṃ te yathepsitam |
kṣamasva yanmayoktaṃ tat kadācit kaṭukaṃ vacaḥ || 53 ||
[Analyze grammar]

tvayoktaṃ vā kadācit tat kṣāntaṃ sarvaṃ mayā sute |
brāhmaṇī prāha tāṃ rājñīṃ dharmayuktaṃ vacastadā || 54 ||
[Analyze grammar]

aṣṭavarṣā bhaved gaurī navavarṣā ca rohiṇī |
daśavarṣā bhavet kanyā kanyādānaṃ praśasyate || 55 ||
[Analyze grammar]

ṃ tataścordhvaṃ yāvannaiva tu dṛśyate |
tāvad dānaṃ hi kanyāyāḥ pūrṇapuṇyapradaṃ śrutam || 56 ||
[Analyze grammar]

kanyātvaṃ tu praṇaṣṭaṃ me kaumārye cāpi gacchati |
atīte ṣoḍaśe varṣe strīdharmiṇī bhavāmi vai || 57 ||
[Analyze grammar]

rajasvalāṃ tu yaḥ kanyāmudvāhayati tasya vai |
santānaṃ pāpasaṃyuktaṃ pātayatyaparān daśa || 58 ||
[Analyze grammar]

rajasvalāṃ tu yaḥ kanyāṃ pitā yacchati so'pi ca |
pātayet svakulānāṃ tu daśapūrvān daśā'parān || 59 ||
[Analyze grammar]

tasmādahaṃ kariṣyāmi sakhyā sārdhaṃ tapaḥ param |
pitrā mātrā tvayā cāpi na me kāryaṃ kathaṃcana || 60 ||
[Analyze grammar]

samprāptaḥ śrīkṛṣṇanārāyaṇaḥ patiḥ paraḥ prabhuḥ |
evamuktvā kanyake dve yogajñānasamanvite || 61 ||
[Analyze grammar]

natvā tvājñāṃ gṛhītvā ca pitrornatkā gaṇādhipam |
yayaturvyomamārgeṇa bhartṛyajñaṃ muniṃ vane || 62 ||
[Analyze grammar]

āśramaṃ sāttvikaṃ cāvalokayāmāsatuḥ śubham |
ṛṣestapaḥprabhāveṇa parasparavirodhinām || 63 ||
[Analyze grammar]

melanaṃ sarvadā tvāste vairaṃ yatra na dṛśyate |
bhartṛyajñaṃ vaiṣṇavaṃ saṃgatvā natvā ca tasthatuḥ || 64 ||
[Analyze grammar]

procaturvinayopete kṛtāñjalipuṭe hyubhe |
āvāṃ tapo'rthe tvāyāte tad brūhi tapaso vidhim || 65 ||
[Analyze grammar]

bhartṛyajño mahāyogī jagāda tapaso vidhim |
yena samprāpyate mokṣaḥ kiṃ punastridaśālayaḥ || 66 ||
[Analyze grammar]

cāndrāyaṇāni kṛcchrāṇi tathā sāntapanāni ca |
tapodvārāṇi sarvāṇi kārtikeyavratāni ca || 67 ||
[Analyze grammar]

rāgadveṣavihīnatvaṃ sārvabhaumamahiṃsanam |
satyaṃ ca brahmacaryaṃ cā'steyaṃ kṛṣṇaparigraham || 68 ||
[Analyze grammar]

santoṣaṃ cātmaśuddhiṃ ca prāṇanigrahaṇaṃ tathā |
kṛṣṇanārāyaṇādhyāyaṃ kṛṣṇanārāyaṇe'rpaṇam || 69 ||
[Analyze grammar]

sukhiteṣu tathā maitrīṃ duḥkhiteṣu dayāṃ śubhām |
puṇyavatsu muditāṃ cā'puṇyavatsu hyupekṣaṇam || 70 ||
[Analyze grammar]

satāṃ sevāṃ sarvarītyā devasevanamityapi |
prakuryācchrīkṛṣṇanārāyaṇārādhanamanvaham || 71 ||
[Analyze grammar]

vyavasthāsu tridehaiśca triguṇānāṃ tadarpaṇam |
yātrāmātraṃ tanau snehaḥ śrīkṛṣṇe prema śāśvatam || 72 ||
[Analyze grammar]

kāryaṃ ca kalpanaṃ dhyānaṃ svapnaṃ bhānaṃ tadarpaṇam |
sattvena rajasā yadvā tamasā ca tadarpaṇam || 73 ||
[Analyze grammar]

daihikaṃ mānasaṃ kāmyamakāmyaṃ vā tadarpaṇam |
upādideśa japanaṃ smaraṇaṃ kīrtanaṃ kṛtim || 74 ||
[Analyze grammar]

prekṣaṇaṃ bhāṣaṇaṃ spṛśyaṃ gamyaṃ grāhyaṃ visarjanam |
sarvaṃ kṛṣṇātmakaṃ kāryaṃ tapastvetatparaṃ matam || 71 ||
[Analyze grammar]

yena vai śrīkṛṣṇanārāyaṇaḥ prāpyeta karmaṇā |
pravṛttaṃ vā nivṛttaṃ vā karma tat tapa uttamam || 76 ||
[Analyze grammar]

anyat sarvaṃ hi labhyeta kṛṣṇaḥ prāpyeta naiva cet |
kṛṣṇaṃ vinā nirayaḥ sa labdhastanna tapo matam || 77 ||
[Analyze grammar]

kṛṣṇa kṛṣṇeti kṛṣṇeti grāhye dhārye tathā''tmani |
yadā sañjāyate tvaikyaṃ tadā mokṣamavāpnuyāt || 78 ||
[Analyze grammar]

kṛṣṇadāsyaṃ kṛṣṇabhaktiḥ paramaṃ tapa ucyate |
anekajanmatapasā saṃprāpya janma mānavam || 79 ||
[Analyze grammar]

kṛṣṇabhaktiryadi bhavet saphalaṃ janma mānavam |
saphalaṃ jīvanaṃ tasya kurvataḥ karmaṇaḥ phalam || 80 ||
[Analyze grammar]

pitṝṇāṃ ca sahasrāṇi svasya mātuśca niścitam |
mātāmahānāṃ puṃsāṃ ca śatānāṃ sodarasya ca || 81 ||
[Analyze grammar]

bāndhavasyāpi patnyāśca gurūṇāṃ śiṣyabhṛtyayoḥ |
tatkarma śobhanaṃ putryau yacca kṛṣṇe samarpaṇam || 82 ||
[Analyze grammar]

tattapaḥ śobhanaṃ karma kṛṣṇasantoṣaṇaṃ yataḥ |
tadvrataṃ tattapaḥ satyaṃ tadbhaktiḥ pūjanaṃ tathā || 83 ||
[Analyze grammar]

taduddeśyamanaśanaṃ yad bhaved dāsyadṃ hareḥ |
samastapṛthivīdānaṃ prādakṣiṇyaṃ bhuvastathā || 84 ||
[Analyze grammar]

samastatīrthasnānaṃ ca samastaṃ ca vrataṃ tapaḥ |
samastayajñakaraṇaṃ sarvadānaphalaṃ tathā || 85 ||
[Analyze grammar]

samastavedavedāṃgapaṭhanaṃ pāṭhanaṃ tathā |
bhītasya rakṣaṇaṃ caiva jñānapradānamuttamam || 86 ||
[Analyze grammar]

atithīnāṃ pūjanaṃ ca śaraṇāgatarakṣaṇam |
sarvadevārcanaṃ cāpi vandanaṃ japanaṃ manoḥ || 87 ||
[Analyze grammar]

bhojanaṃ vipradevānāṃ puraścaraṇapūrvakam |
guruśuśrūṣaṇaṃ cāpi pitrorbhaktiśca poṣaṇam || 88 ||
[Analyze grammar]

sarvaṃ śrīkṛṣṇadāsasya kalāṃ nārhanti ṣoḍaśīm |
tasmāt putryau prayatnena bhajate kṛṣṇamīśvaram || 89 ||
[Analyze grammar]

śāśvataṃ satpatiṃ divyaṃ paramātmānameva hi |
nityaṃ satyaṃ parabrahma kṛṣṇanārāyaṇaṃ patim || 90 ||
[Analyze grammar]

paripūrṇatamaṃ śuddhaṃ nirliptaṃ sākṣiṇaṃ harim |
bhaktidaṃ dāsyadaṃ svasya nijasampatpadapradam || 91 ||
[Analyze grammar]

bhajataṃ paramānandaṃ svāminaṃ kāntamāntaram |
kiṃvā jalaṃ sthalaṃ kimvā naktaṃ kimvā dinaṃ tathā || 92 ||
[Analyze grammar]

vrataṃ kimvā tapaḥ kimvā kiṃ bhojyaṃ peyameva kim |
dehaḥ kimvā manaḥ kimvā vismṛtya bhajataṃ harim || 93 ||
[Analyze grammar]

śrīkṛṣṇanārāyaṇa kṛṣṇakṛṣṇa śrīkṛṣṇanārāyaṇa kāntakṛṣṇa |
śrīkṛṣṇanārāyaṇacāntarātmanpradehi dāsyaṃ caraṇe priyeśa || 94 ||
[Analyze grammar]

premṇā nu bhaktyā stavanena pūjayā |
samarpaṇenāpi hṛdi sthitaṃ sute |
śrīkṛṣṇanārāyaṇamāntaraṃ patiṃ |
surakṣakaṃ saṃbhajataṃ sukhapradam || 95 ||
[Analyze grammar]

ramāpadmārcitaṃ lakṣmīsevitaṃ prabhayā'rcitam |
māṇikīcumbitaṃ kṛṣṇaṃ caraṇaṃ bhajataṃ sute || 96 ||
[Analyze grammar]

satataṃ śaṃbhunā gītaṃ pārvatyā cintitaṃ hṛdi |
dhyātaṃ sanakasadbhiśca bhajataṃ tatpadaṃ hareḥ || 97 ||
[Analyze grammar]

śrīśrīkṛṣṇapādapadmaṃ svapne japati yaḥ sute |
śatajanmakṛtā्tpāpānmucyate nātra saṃśayaḥ || 98 ||
[Analyze grammar]

tadvrataṃ tattapaḥ satyaṃ tatpuṇyaṃ tacca pūjanam |
saphalaṃ kṛṣṇasambandhi svajanmakhaṇḍanaṃ yataḥ || 99 ||
[Analyze grammar]

śrīkṛṣṇaṃ taṃ parityajya kiṃ bhavet tapasā sute |
tapasāṃ phalamāpnoti śrīkṛṣṇasmaraṇena vai || 100 ||
[Analyze grammar]

yato bhaktirna ca bhavecchrīkṛṣṇe paramātmani |
sa guruḥ paramo vairī karoti janma niṣphalam || 101 ||
[Analyze grammar]

te tatheti paraṃ jñānaṃ labdhā bhaktyātmakaṃ śubham |
natvā gatvā sarastīraṃ cāndrāyaṇādi cakratuḥ || 102 ||
[Analyze grammar]

ṣaṣṭhakālādanaṃ śarattrayaṃ jagāma vai tayoḥ |
hemante jalavāsinyo grīṣme pañcāgnisādhike || 103 ||
[Analyze grammar]

nirāśraye ca varṣāyāṃ babhūvaturhareḥ priye |
dhyāyamāne divānaktaṃ japantyau śrīhariṃ patim || 104 ||
[Analyze grammar]

tato varṣaśataṃ sārdhaṃ nirāhāre babhūvatuḥ |
tāvatkālaṃ śīrṇaparṇāśinyau cāpi babhūvatuḥ || 105 ||
[Analyze grammar]

tataścāpi jalāhāre yāvadvarṣaśatāni ṣaṭ |
vāyubhakṣe sahasraṃ ca varṣāṇāṃ taṃ babhūvatuḥ || 106 ||
[Analyze grammar]

tatra nityaṃ ca tapasi sthite sakhyāvubhe hyapi |
atha tuṣṭaḥ svayaṃ kṛṣṇanārāyaṇo jagatpatiḥ || 107 ||
[Analyze grammar]

yuvā surūpaḥ śyāmaśca garuḍena samāyayau |
tejovyāptapratibhaḥ sa tāpasyau samuvāca vai || 108 ||
[Analyze grammar]

netre conmīlya vīkṣethāṃ varaṃ dātuṃ samāgataḥ |
śrutveti te bahirdṛṣṭiṃ kṛtvā lokayataḥ prabhum || 109 ||
[Analyze grammar]

satpatiṃ śrīkṛṣṇanārāyaṇaṃ kāntaṃ manoharam |
rūpānurūpāvayavaṃ yogyaṃ sevyapadāmbujam || 110 ||
[Analyze grammar]

tapastyaktvā petatustatpādayorūcatuḥ pate |
gṛhāṇa kiṃkarīdvandvaṃ dehi dāsyaṃ patirbhava || 111 ||
[Analyze grammar]

kṛṣṇaṃ kaṇṭhe vavalgāte sāśrunetre'tikarṣite |
kṛṣṇaścucumba pasparśa kareṇā''jñāya bhāvanām || 112 ||
[Analyze grammar]

divyarūpe ramātulye pidhāya ca niyāya ca |
garuḍe te nijāṃke dve sakthnorupari sthāpite || 113 ||
[Analyze grammar]

bhujābhyāṃ pārśvayornītvā bhartṛyajñasthalaṃ yayau |
tayorguruṃ vaiṣṇavaṃ taṃ nītvā garuḍapṛṣṭhake || 114 ||
[Analyze grammar]

catvāraste garuḍena yayurgolokadhāma vai |
śrīkṛṣṇasyā''gamaṃ jñātvā ṛṣayastatsthalaṃ yayuḥ || 115 ||
[Analyze grammar]

vyomni yāntaṃ namaścakruḥ pūjayāmāsurīśvaram |
nāganadyāhradaḥ so'pi ratnasaraḥ sunāmataḥ || 116 ||
[Analyze grammar]

tadānīṃ suprasiddhaṃ vai jātaṃ snānātpramokṣadam |
kṛṣṇadāsyau tu te jāte śāśvatānandasevike || 117 ||
[Analyze grammar]

svarge devībhirāgatya prārthite sthātumeva yat |
devīnāṃ śreyase svarge sthātavyaṃ ceti vai tadā || 118 ||
[Analyze grammar]

śrīkṛṣṇena kṛte te dve tārake sthāpite'pi ca |
chāyārūpe muktide vai paṭhanācchravaṇādapi || 119 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne camatkārapurīyarājaputrīvipraputryorvivāhakāle siṃhavyāghrarūpadhartrītvaṃ tato bhartṛyajñāśramavāsaḥ tato durvahaṃ tapaḥ tataḥ bhartṛyajñena saha tayoḥ śrīkṛṣṇanārāyaṇaprāptirgolokagamanaṃ cetinirūpaṇanāmā trayodaśādhikapañcaśatatamo'dhyāyaḥ || 513 ||
[Analyze grammar]