Chapter 514

śrīnārāyaṇa uvāca |
śṛṇu lakṣmi martyaloke sarvapātakanāśanam |
kṣetratrayaṃ tathā'raṇyatrayaṃ purītrayaṃ tathā || 1 ||
[Analyze grammar]

vanatrayaṃ tathā grāmatrayaṃ tīrthatrayaṃ param |
śailatrayaṃ tathā nadītrayaṃ sarvaphalapradam || 2 ||
[Analyze grammar]

kurukṣetraṃ hāṭakeśakṣetraṃ prabhāsakṣetrakam |
yathoktavidhinā kṛtvā janaḥ pāpāt pramucyate || 3 ||
[Analyze grammar]

prathamaṃ puṣkarāraṇyaṃ naimiṣāraṇyamityapi |
dharmāraṇyaṃ tṛtīyaṃ ca sarveṣṭaphaladāyakam || 4 ||
[Analyze grammar]

vārāṇasīpurī tvekā dvitīyā dvārakāpurī |
tṛtīyā'vantikāpūśca yatheṣṭaphaladāyinī || 5 ||
[Analyze grammar]

vṛndāvanaṃ dvaitavanaṃ tathā ca khāṇḍavaṃ vanam |
snānādvāsāt svargamokṣapradaṃ pāpavināśakam || 6 ||
[Analyze grammar]

kālagrāmaḥ śālagrāmo nandigrāmastṛtīyakaḥ |
indriyagrāmatṛṣṇānāṃ dhvaṃsako mokṣadastathā || 7 ||
[Analyze grammar]

agnītīrthaṃ śuklatīrthaṃ pitṛtīrthaṃ tṛtīyakam |
tatra snānād bhuktimuktī labhate mānavo dhruvam || 8 ||
[Analyze grammar]

śrīparvataścā'rbudādriḥ raivatācala ityapi |
yātrākartā svargabhoktā paścānmuktiprago bhavet || 9 ||
[Analyze grammar]

gaṃgānadī narmadākhyānadī sarasvatīnadī |
snānād bhuktistathā muktistatheṣṭaṃ sarvadā dadet || 10 ||
[Analyze grammar]

jñānavāpī ca kuṃkumavāpī rohaṇavāpikā |
jalapānād bhavenmuktirvāpītrayaṃ hi pāvanam || 11 ||
[Analyze grammar]

nārāyaṇasara indrasaro mānasakaṃ saraḥ |
sarastrayaṃ bhuktimuktipradaṃ snānādbhavatyapi || 12 ||
[Analyze grammar]

pārvatī ca prabhā lakṣmīrmāṇikī ca jayā ramā |
rādhā padmā'ṣṭanāmāni tārayed bhavasāgarāt || 13 ||
[Analyze grammar]

vastrāpathaścottarapatho dakṣiṇāpatha ityamī |
muktidāstraya evā'tra yātrayā nātra saṃśayaḥ || 14 ||
[Analyze grammar]

brahmahatyādikaṃ pāpaṃ jātyantarādibhojanam |
cāṇḍālagṛhavāsitvaṃ surāmāṃsāśanādkim || 16 ||
[Analyze grammar]

nāganadyāṃ kṛtasnānāt sarvaṃ śuddhyati sarvathā |
nāgalīlānāmato vai śrīkṛṣṇasya tu dāsikā || 16 ||
[Analyze grammar]

rādhikākabarīgranthiṃ narmaṇā kṛṣṇasannidhau |
nirbandhanāṃ vikīrṇāṃ ca cakāra svakareṇa vai || 17 ||
[Analyze grammar]

punaḥ keśān valayitvā dhammilaṃ rādhikā'karot |
nāgalīlā punargranthiṃ vikīrṇāṃ cā'karod dhiyā || 18 ||
[Analyze grammar]

goloke ca muhurgranthirmuhurviyojanaṃ tayoḥ |
narmaṇā'nyonyasāhacaryājjātaṃ tena tu rādhikā || 19 ||
[Analyze grammar]

kruddhā provāca gaccha tvaṃ nāgalīle bhuvastalam |
ābhīrasya gṛhe yāhi tvābhīreṇa dhṛtā bhava || 20 ||
[Analyze grammar]

ityuktvā sā sakhī rādhāṃ tuṣṭāva śāpamocane |
rādhā prāha yadā tvābhīreṇa dhṛtā bhaviṣyasi || 21 ||
[Analyze grammar]

tadā jalasvarūpeṇa pāvanī vicariṣyasi |
agrāhyā tvaṃ vinā kṛṣṇaṃ bhaviṣyasi na saṃśayaḥ || 22 ||
[Analyze grammar]

kṛṣṇanārāyaṇaḥ svāmī yadā tatrā''gamiṣyati |
tadā tvaṃ kanyakā bhūtvā golokaṃ tvāgamiṣyasi || 23 ||
[Analyze grammar]

tāvanmuktipradā pāpakṣālinī śuddhidā sadā |
śvapacādijātibhraṣṭamānavānāṃ ca pāvanī || 24 ||
[Analyze grammar]

snānamātreṇa tu śuddhipradā tvaṃ vai bhaviṣyasi |
ityuktā rādhayā natvā yayau sā bhūtalaṃ tadā || 25 ||
[Analyze grammar]

ānartīyā''bhīravaryagṛhe jātā hi kanyakā |
śyāmasuraḥ pitā tasyā nāgalīletināmataḥ || 26 ||
[Analyze grammar]

jātismarā tvājuhāva mātā ca rāṇikā tathā |
mumoda kanyakāṃ labdhvojjvalā divyasvarūpiṇīm || 27 ||
[Analyze grammar]

sarastīre gavāṃ śakṛdgṛhṇānā tu divā sadā |
gomaṇḍale bhramatyeva tāṃ dṛṣṭvā''bhīrabālakaḥ || 28 ||
[Analyze grammar]

yuvā tāṃ dharṣayāmāsa yuvatīṃ rūpaśālinīm |
sā smṛtvā rādhikāśāpaṃ jalarūpā babhūva ha || 29 ||
[Analyze grammar]

nāganadī tu sā jātā kṛṣṇasyaiva priyā sakhī |
yasyāṃ snānena cāṇḍālagṛhiṇī brāhmaṇī bhavet || 30 ||
[Analyze grammar]

śṛṇu lakṣmi vardhamānapure tvantyajajātijaḥ |
caṇḍālaḥ kuṃbhako nāma tasyā'bhūttvātmajaḥ sutaḥ || 31 ||
[Analyze grammar]

ghūkakarṇa itikhyātaḥ surūpastīrthayātrayā |
camatkārapuraṃ prāpto dvijarūpaṃ samāśritaḥ || 32 ||
[Analyze grammar]

sa snāti sarvatīrtheṣu bhikṣānnakṛtabhojanaḥ |
dvijavadvartate nityaṃ sahavāsāddvijakriyaḥ || 33 ||
[Analyze grammar]

camatkārapure tatra subhadrabrāhmaṇasya vai |
santāne kanyakā tvekā dviguṇaiśca radairyutā || 34 ||
[Analyze grammar]

āsīt tristanayuktā ca mahodarī bhayaṃkarā |
yasyāḥ patirbhavecced yaḥ ṣaṇmāse nidhanaṃ vrajet || 35 ||
[Analyze grammar]

nā'to jagrāha tāṃ kaścidaṣṭādaśā'dhivatsarām |
tāvat tasyā gṛhe bhikṣāṃ kartuṃ so'ntyajajātikaḥ || 36 ||
[Analyze grammar]

ghūkakarṇaḥ samāyātastaṃ dṛṣṭvā sā mumoha ca |
tasyāḥ pitā surūpaṃ ca dvijaveṣaṃ vilokya ca || 37 ||
[Analyze grammar]

papraccha gotrajātyādi kulaṃ nāmādikaṃ tataḥ |
ghūkakarṇo dvijaṃ prāha sthānaṃ me goḍadeśake || 38 ||
[Analyze grammar]

grāme bhojakaṭe me'sti pitā mādhavabhūsuraḥ |
vasiṣṭhagotrī tasyā'haṃ candraprabhā'bhidhaḥ sutaḥ || 39 ||
[Analyze grammar]

aṣṭame vatsare me tu pitā vai nidhanaṃ gataḥ |
vārāṇasyāmadhītyaiva kiñcinmātraṃ śubhakriyam || 40 ||
[Analyze grammar]

tīrthāni bhramamāṇo'trā''yāto yāsyāmi gomatīm |
prabhāsaṃ ca tataḥ śuklaṃ tīrtha tataḥ punargṛham || 41 ||
[Analyze grammar]

iti śrutvā tathā putryā vṛttiṃ jñātvā sutāpitā |
prāha cenme sutāṃ tvatra gṛhṇāsi te dadāmyaham || 41 ||
[Analyze grammar]

tathetyuktvā sa jagrāha cāṇḍālo vidhinā tataḥ |
vivāhottarakāle sa vilāsānakarod bahūn || 53 ||
[Analyze grammar]

khādyaiḥ pānaiḥ suvastraiśca dvijayogyaiḥ samutsavaiḥ |
paraṃ sa vrajati prāyo yena mārgeṇa kenacit || 44 ||
[Analyze grammar]

sārameyā bhaṣantyenaṃ pṛṣṭhato'nuvrajanti ca |
viprayoge vedavākyaṃ yadi coccarati kvacit || 45 ||
[Analyze grammar]

raktaṃ patati vaktrācca tatkṣaṇāt tasya durmateḥ |
svapne ca jalpanāṃ cakre malaniṣkāsanakriyām || 46 ||
[Analyze grammar]

evaṃ cihnairayaṃ kiściccāṇḍāleti viśaṃkitaḥ |
janaiḥ śaṃkāvināśāya daivī śuddhirapekṣitā || 47 ||
[Analyze grammar]

taptāyasaṃ kare dhṛtvā śuddhiśaṃkā nivartate |
tathā kāryaṃ tvayā prātarna ced dagdho'si vai dvijaḥ || 48 ||
[Analyze grammar]

dagdhaścedanyajātīya iti vai niścayo bhavet |
atha rātrau nijāṃ bhāryāṃ provācā'haṃ na vai dvijaḥ || 49 ||
[Analyze grammar]

asmi tvantyajajātīyo jñātaśca śaṃkito janaiḥ |
deśāntaraṃ gamiṣyāmi tvamāgaccha mayā saha || 50 ||
[Analyze grammar]

patnī prāha mama bhāgye duṣṭaṃ vahnyarthameva ha |
pāpasandūṣitaṃ sarvaṃ kuṭumbaṃ mama varṣma ca || 51 ||
[Analyze grammar]

gaccha rātrau bahirno cet saṃprāpsyasi mahāpadam |
ityuktaḥ sa yayau deśāntaraṃ rātrau bhayāt khalu || 52 ||
[Analyze grammar]

prabhāte duhitā bāṣpanetrā provāca mātaram |
mātaḥ pūrvaṃ mama pāpaṃ dattā'hamantyajasya yat || 53 ||
[Analyze grammar]

sa prayāto madhyarātrau samāvedya nijaṃ kulam |
mamā'gnisnānamevā'sti śuddhirnānyā bhuvastale || 54 ||
[Analyze grammar]

pitā jñātvā śuśocāti tvanye'pi śokamāvrajan |
viprāḥ sarve militvā ca prāyaścittaṃ praśodhakam || 55 ||
[Analyze grammar]

kanyāyāśca tadā prāhurvahnipraveśanaṃ tataḥ |
anyeṣāṃ tasya saṃsarge gatānāṃ tu vratāni vai || 56 ||
[Analyze grammar]

atha kāṣṭhāni cādāya vahniṃ datvā tu kanyakā |
natvā pitṝn surān smṛtvā samārohati yāvatā || 57 ||
[Analyze grammar]

oṃ namaḥ śrīkṛṣṇanārāyaṇāya pataye namaḥ |
japamevaṃ prakurvāṇā dadau pādaṃ hutāśane || 58 ||
[Analyze grammar]

tāvadvahniḥ śītalaśca nā'dahyat tāṃ dayāvaśaḥ |
nā'syā doṣo'sti tasmāt sā rājasvalyena śuddhyati || 59 ||
[Analyze grammar]

atha tāvat samāyātaḥ kṛṣṇanārāyaṇaḥ prabhuḥ |
sādhuveṣo vaiṣṇavaśca dharmaśāstrādipaṇḍitaḥ || 60 ||
[Analyze grammar]

trikālajñaḥ svayaṃ lakṣmīpatiḥ śrīpuruṣottamaḥ |
prāha kiṃ jāyate ceyaṃ kathaṃ dahyati cānale || 61 ||
[Analyze grammar]

lokā nivedayāmāsurvṛttāntaṃ saṃgajaṃ tataḥ |
prāha tān śrīkṛṣṇanārāyaṇaḥ svāmī dayāparaḥ || 62 ||
[Analyze grammar]

mayā pūrvaṃ śrutaṃ svarge camatkārapure nadī |
nāgalīlā'bhidhā kṛṣṇapatnī golokadhāmataḥ || 63 ||
[Analyze grammar]

pāvanārthaṃ śvapacādisaṃgamādyaghakāriṇām |
vartate tajjale snātvā śuddhyanti śvapacādayaḥ || 64 ||
[Analyze grammar]

tasmād gacchata tatraiva snānaṃ kuruta sarvathā |
vahniḥ śrutvā tathetyāha tataḥ sarve yayurnadīm || 65 ||
[Analyze grammar]

kanyaikā śrīkṛṣṇanārāyaṇaṃ dṛṣṭvā'bhisaṃyayau |
natvā tvaṃ svāminaṃ prāha gṛhītvā tatkaraṃ mudā || 66 ||
[Analyze grammar]

tīrthaṃ tvantyajapāpaghnaṃ nātidūre'sti vai hradaḥ |
samāyāta ca kuruta snānaṃ tatra dvijeśvarāḥ || 67 ||
[Analyze grammar]

tayoktāste tayā sākaṃ gatvā sasnuśca sāmbarāḥ |
viprakanyā yadā snātā tadā tasyāḥ śarīrataḥ || 68 ||
[Analyze grammar]

śvapacī kṛṣṇavarṇā tu nirgatā snānamātrataḥ |
anyeṣāmapi dehebhyaḥ kākā ghūkāḥ pīpilikāḥ || 69 ||
[Analyze grammar]

kṛṣṇavarṇā nirgatāśca yayurdeśaṃ tu paścimam |
sahasrayojanātpāraṃ abrikte bhūtale tadā || 70 ||
[Analyze grammar]

ete viprā pāvanāśca brāhmaṇī śuddhatāṃ gatā |
evaṃ sarve samāyātā nagaraṃ svasvakāśramam || 71 ||
[Analyze grammar]

kanyakā brāhmaṇī paścād brahmacaryaparāyaṇā |
hyavartata satī sādhvī kṛṣṇasvāmipativratā || 72 ||
[Analyze grammar]

nāgavatīṃ sadā yāti snānārthaṃ tu tadā nadī |
nityaṃ vai kanyakā bhūtvā brāhmaṇyā saha mandire || 73 ||
[Analyze grammar]

kṛṣṇanārāyaṇasvāmidarśanārthaṃ prayāti ca |
prāpte tu brāhmaṇaputryā āyuṣastu kṣaye hariḥ || 74 ||
[Analyze grammar]

nadīṃ ca tāṃ brāhmaṇīṃ ca divyarūpāṃ vidhāya ca |
golokaṃ śrīkṛṣṇanārāyaṇo nināya te hyubhe || 75 ||
[Analyze grammar]

divyaratnasunaddhena koṭisūryaprabhāvatā |
vimānena patiṃ kṛṣṇaṃ prāpya te yayaturmudā || 76 ||
[Analyze grammar]

golokaṃ dhāma nityaṃ yad rādhāramādiśobhitam |
atha brahmāpi kulaṭāśāpādatra sutīrthake || 77 ||
[Analyze grammar]

purā vai kulaṭāśāpāt pramuktaḥ saṃbabhūva ha |
ityevaṃ kathitaṃ lakṣmi pāvanaṃ tīrthamuttamam || 78 ||
[Analyze grammar]

yatra snānena vai śuddhiḥ sarvā nirvāhameti hi |
paṭhanācchravaṇāccāsya sadā śuddhyati mānavaḥ || 79 ||
[Analyze grammar]

mantraṃ prāpya guruṃ natvā nāgavatyāṃ samāhitaḥ |
snāyād yaḥ sa bhavecchuddhaḥ kṛṣṇavannātra saṃśayaḥ || 80 ||
[Analyze grammar]

iti śrīlakṣmīnārāṇīyasaṃhitāyāṃ prathame kṛtayugasantāne goloke rādhikāyāḥ śāpād nāgalīlāsakhyā nāgavatīnadītvaṃ yasyāṃ snānena ghūkakarṇacāṇḍālena vivāhitāyā brāhmaṇakanyayā brāhmaṇānāṃ ca śuddhirjātā tato brāhmaṇakanyā nāgavatīnadī ca divyakanyake bhūtvā śrīkṛṣṇanārāyaṇena saha golokaṃ |
yayaturityādinirūpaṇanāmā caturdaśādhikapañcaśatatamo'dhyāyaḥ || 514 ||
[Analyze grammar]