Chapter 512

śrīnārāyaṇa uvāca |
śṛṇu lakṣmi tvaṣṭaṣaṣṭidevyo yāstatra saṃsthitāḥ |
yajñakṣetre tu tāstatra pattanasthaiḥ prapūjitāḥ || 1 ||
[Analyze grammar]

kuladevyo'bhavan nivāsitā nagaravāsibhiḥ |
yajñe bhūmau ca tāḥ śrutvā sāvitrī tāḥ śaśāpa ha || 2 ||
[Analyze grammar]

mamā''gamanapūrvaṃ vai yajñe sthānaṃ kṛtaṃ yataḥ |
sapatnyā saha militā asmāṃstyaktvā tataḥ sadā || 3 ||
[Analyze grammar]

nagarasthakṛtā pūjā yuṣmākaṃ na phaliṣyati |
aprāsādāḥ śītavarṣā''tapakliṣṭā bhaviṣyatha || 4 ||
[Analyze grammar]

ākāśagatiśūnyāśca dīnā yūyaṃ bhaviṣyatha |
iti śaptāśca tāḥ sarvā udumbarī samāyayuḥ || 5 ||
[Analyze grammar]

śāpaṃ taṃ śrāvayāmāsuḥ pūjānaiṣphalyameva yat |
tataśca prārthayāmāsuḥ śāpasyāpi nivāraṇam || 6 ||
[Analyze grammar]

udumbarī ca tāḥ prāha sāvitrīvacanaṃ na vai |
mṛṣā kartuṃ samarthā'haṃ kintu varaṃ dadāmi yat || 7 ||
[Analyze grammar]

aṣṭaṣaṣṭiṣu gotreṣu nagarasthairniyojitāḥ |
pitāmahasya kṛpayā tatra pūjā phaliṣyati || 8 ||
[Analyze grammar]

bhojyaṃ pānaṃ pūjanaṃ ca gotrasthairdāsyate tataḥ |
tatra tṛptirbhavatīnāṃ bhaviṣyati sukhāsanam || 9 ||
[Analyze grammar]

adṛśyahāsyakartrīṇāṃ dātrīṇāṃ ca balestathā |
puradvāre pūjikānāṃ tṛptiṃ dānena yāsyatha || 10 ||
[Analyze grammar]

evaṃ tā nāganadyā vai paritaḥ sthāpitāḥ śubhāḥ |
athodumbarījanako devaśarmā hyupasthitaḥ || 11 ||
[Analyze grammar]

patnīyuktaḥ satī divyāṃ putrīṃ dṛṣṭvā tutoṣa saḥ |
sa evā''sītpurānāmnā gandharvaḥ parvato divi || 12 ||
[Analyze grammar]

udumbaryā prārthitaḥ saḥ pitrarthaṃ bhūtale muhuḥ |
nāradena yadā śaptā mātrarthaṃ ca tadaiva ha || 13 ||
[Analyze grammar]

mātaḥ pitaryuvāṃ pṛthvyāmāgacchata mayā saha |
bhavataṃ mama pitarau mānuṣau mānuṣī tvaham || 14 ||
[Analyze grammar]

yuvayostu sutā tatra bhaviṣyāmi tataśca tau |
devaśarmā ca tatpatnī jātau vai mānuṣau tayoḥ || 15 ||
[Analyze grammar]

sutā hyudumbarī jātā yā vimāne'tra tiṣṭhati |
tāṃ dṛṣṭvā devaśarmā'pi tanuṃ tyaktvā priyāyutaḥ || 16 ||
[Analyze grammar]

babhūva divyadeho vai yānaṃ samāruroha saḥ |
patnīyuktaḥ sutāyukto niśāṃ nināya cāmbare || 17 ||
[Analyze grammar]

evaṃ yātaṃ dinaṃ rātriḥ pañcamī ca kratorgatā |
pratyūṣe ca tato jāte'vabhṛthasnānamityapi || 18 ||
[Analyze grammar]

vidhibodhyaṃ sarvatīrthamayaṃ kāryaṃ bhavediti |
tataḥ svargaṃ devatābhiḥ samaṃ yāsyāma eva ha || 19 ||
[Analyze grammar]

iti vicārya ca trayaste ca vimānasaṃsthitāḥ |
dakṣiṇāṃ ca kratoḥ parihāraṃ cāvabhṛthaṃ tathā || 20 ||
[Analyze grammar]

pratīkṣante'tha vai brahmā sadaḥsthān brāhmaṇān munīn |
dakṣiṇāṃ pradadau tatra puṣkaraṃ ca sarovaram || 21 ||
[Analyze grammar]

tīrtharūpaṃ pāvanaṃ ca sthāpayāmāsa paścime |
kārtike dhavale pakṣe tvekādaśīta eva vai || 22 ||
[Analyze grammar]

pūrṇimāntaṃ ca pañcāhaṃ tīrthānyanyāni cāpi vai |
sthāsyantyatra sarasyeva sarvayugeṣu bhūsurāḥ || 23 ||
[Analyze grammar]

pañcarātrasya madhye'tra yaśca snānaṃ kariṣyati |
dānādikaṃ japaṃ cāpi tadakṣayaṃ bhaviṣyati || 24 ||
[Analyze grammar]

atha te brāhmaṇāḥ sarve puṇyadānaprapūrikām |
anujñāṃ pradadustuṣṭā yajñasya phalasiddhaye || 25 ||
[Analyze grammar]

pūrṇaṃ ca havanaṃ jātaṃ dakṣiṇā bahulā'rpitā |
tuṣṭāśca brāhmaṇāḥ santastathā'nye prāpya vai dhanam || 26 ||
[Analyze grammar]

pulastyaḥ prāha ca tatra yajñaḥ sampūrṇadakṣiṇaḥ |
prāyaścittairvirahitaḥ sampanno jāyatāt sadā || 27 ||
[Analyze grammar]

ataḥ paraṃ karmaśeṣaṃ varuṇeṣṭiṃ japaṃ tathā |
karomi ca tataḥ sarvaiḥ prakartavyaṃ phalapradam || 28 ||
[Analyze grammar]

avabhṛthākhyaṃ snānaṃ ca tvayā mayā'psu vai śubham |
evamuktvā saha sarvairyayau puṣkaratīrthakam || 29 ||
[Analyze grammar]

nāganadyāṃ tu ṛtvigbhiḥ sā''cāryā'gnīdhrahotṛbhiḥ |
brahmaṇā saha vipraiśca sadasyairbahubhistadā || 30 ||
[Analyze grammar]

yathā vahnau tathā toye sarvaistatra haviḥ śubham |
hūyate saṃvidhānena yajñapātraiḥ samanvitam || 31 ||
[Analyze grammar]

varuṇasya pratuṣṭyarthaṃ viviśuste tato jalam |
ṛtvigbhirbrahmaṇā sarvaiḥ sarvā'niṣṭapraśāntaye || 32 ||
[Analyze grammar]

avabhṛthasthale snānaṃ yaḥ kaścid vai kariṣyati |
sarvatīrthamaye martyo vipāpmā sa bhaviṣyati || 33 ||
[Analyze grammar]

yāni kāni ca tīrthāni trailokye vai bhavantyapi |
vāruṇīmiṣṭimāsādya tānyāyānti ca sannidhau || 34 ||
[Analyze grammar]

tasmāt sarvaprayatnena dīkṣitena samanvitaiḥ |
tatra snānaṃ prakartavyaṃ jalamadhye tu sārthibhiḥ || 35 ||
[Analyze grammar]

atha brahmā mahendraṃ ca prāha lokahitāya vai |
janānāṃ bahusammarde janā jñāsyanti naiva mām || 36 ||
[Analyze grammar]

snānaṃ jale kṣaṇe tatra tatastvaṃ gajamāsthitaḥ |
haste vaṃśe kṛṣṇasāramṛgaṃ dhṛtvā tadā'mbare || 37 ||
[Analyze grammar]

sarveṣāṃ snānakālasya jñānāya tat jale kṣipa |
yena lokasamasto'yaṃ jñātvā snāsyati tatkṣaṇam || 38 ||
[Analyze grammar]

snānaṃ yaḥ kurute śreyaḥ samprāpnoti yathoditam |
dūrastho'pi suvṛddho'pi bālo'pi yoṣito'pi ca || 39 ||
[Analyze grammar]

snānajaṃ labhate śreya indraḥ śrutvā tathā'karot |
tatkṣaṇe devatā viprāḥ ṛṣayo munayastathā || 40 ||
[Analyze grammar]

santaśca mānuṣā divyā gandharvā guhyakādayaḥ |
caturdaśabhuvāṃ vāsakṛtaḥ sasnuḥ samāhitāḥ || 41 ||
[Analyze grammar]

brahmā śakraṃ tadā prāha varaṃ vṛṇu dadāmi te |
indraḥ prāhātra vai tīrthe prativarṣaṃ tu yo nṛpaḥ || 42 ||
[Analyze grammar]

mṛgacarmavinikṣipyā'vabhṛthaṃ ca kariṣyati |
gaje sthitvā kratorante saḥ syātpāpavivarjitaḥ || 43 ||
[Analyze grammar]

ajeyaḥ sarvaśatrūṇāṃ snātāraḥ pāpavarjitāḥ |
prajāḥ sukhabharāstadvannīrogāḥ syurmamā''śiṣā || 44 ||
[Analyze grammar]

kārtike pañcadivasaiḥ kṛtvā kratuṃ vratādikam |
pratipaddivase prāte kutupe snāyino janāḥ || 45 ||
[Analyze grammar]

bhaviṣyanti vijayino varṣapāpavivarjitāḥ |
ādhivyādhivinirmuktāste bhaviṣyantyasaṃśayam || 46 ||
[Analyze grammar]

etasminnantare prāpto yakṣmākhyo dāruṇo gadaḥ |
acikitsyo'pi devānāṃ tathā dhanvantarerapi || 47 ||
[Analyze grammar]

nīlāmbaro raktajihvaḥ śuṣkapārśvaśca susvaraḥ |
kṣut kurvan śleṣmaṇā śuṣkaṃ pāde'śaktaṃ uvāca ha || 48 ||
[Analyze grammar]

dūrācchrutvā tava yaśaṃ pitāmaha upāgataḥ |
dakṣeṇā'haṃ purāsṛṣṭaścandrārthaṃ kupitena vai || 49 ||
[Analyze grammar]

rohiṇīpakṣapātasya phalātmako'hamasmi ca |
candreṇa śaṃkaro devastapasā toṣitastataḥ || 50 ||
[Analyze grammar]

śaṃbhurmahyaṃ dadau pakṣamekaṃ kṛṣṇaṃ na cāparam |
tatra bhojyaṃ mama kutra bhavellabhyaṃ pitāmaha || 51 ||
[Analyze grammar]

pūrṇimāyāṃ yajñasatre bhuktvā brūyurdvijā yadi |
tṛptāḥ sma iti tena syāt pūrṇaṃ yajñaphalaṃ vibho || 52 ||
[Analyze grammar]

yajñasatre yadi naiva tarpitā yena bhūsurāḥ |
tasmin vāso mama deyo yajñapuṇyavināśakṛt || 53 ||
[Analyze grammar]

tava yajñe mama tṛptiryathā syāt tattathā kuru |
brāhmaṇo'haṃ dakṣaputro mama tṛptirvidhīyatām || 54 ||
[Analyze grammar]

brahmā prāha kṛtau vipravacanaṃ tṛptikṛnna cet |
yajamāne tvayā tatra stheyaṃ puṇyakṣayātmanā || 55 ||
[Analyze grammar]

kiṃ ca viprairvaiśvadevasyā'nte deyo balistava |
tena te dvitīyapakṣe tṛptiḥ pūrṇā bhaviṣyati || 56 ||
[Analyze grammar]

balidāturgṛhe vaṃśe tvayā stheyaṃ na karhicit |
ityuktaḥ prāha yakṣmā saḥ tṛpto'smi dehi bhūtalam || 57 ||
[Analyze grammar]

vasāmi tapase cātrā''kalpāntaṃ vai pitāmaha |
brahmaṇā ca tato dattaṃ bhūtalaṃ tvāśramāya tam || 58 ||
[Analyze grammar]

yakṣmā tūttarabhāge ca nāganadyāḥ samīpataḥ |
sāmudrasaṃgamaṃ prāpya cakre naijāśramaṃ sa vai || 5 ||
[Analyze grammar]

yo dadāti vaiśvadevasyā'nte baliṃ tu yakṣmaṇe |
tasya kuṭumbināṃ yakṣmā paśvādīnāṃ na jāyate || 60 ||
[Analyze grammar]

na tasya bheṣajāni syurna mantrā na cikitsakāḥ |
ityuktaḥ sa yayau yakṣmā bhojyaṃ nītvā'bdhisannidhau || 61 ||
[Analyze grammar]

atha lakṣmi śṛṇu jātaṃ sāvitrīkṛtabhartsanam |
kratau tu vedhasastatra vadāmi tvaṃ niśāmaya || 62 ||
[Analyze grammar]

gaurīṃ lakṣmīṃ śacīṃ medhāmarundhatīṃ ca pārvatīm |
prabhāṃ ca māṇikīṃ svāhāṃ kambharāṃ ca kṣamāṃ dhṛtim || 63 ||
[Analyze grammar]

svadhāṃ puṣṭiṃ ca saguṇāṃ buddhiṃ haṃsāṃ ca mañjulām |
padmāṃ ramāṃ satīṃ kṛṣṇāṃ nārāyaṇīṃ sarasvatīm || 64 ||
[Analyze grammar]

tathā dāsīrghṛtācīṃ menakāṃ rambhāṃ tilottamām |
urvaśīṃ mohinīṃ svarṇāṃ lalitāṃ ca jayāṃ dayām || 65 ||
[Analyze grammar]

saha nītvā vādyaghoṣairyadā yātā kratusthalam |
sāvitrī tu tadā tasyāḥ prāsphuraddakṣiṇā tu dṛk || 66 ||
[Analyze grammar]

dakṣiṇāni tathā'ṅgāni prāsphuran yoṣitāṃ tadā |
gītotsavaparāḥ sarvā āyayuryajñamaṇḍapam || 67 ||
[Analyze grammar]

nāradaḥ sammukhaḥ prāyāj jñātvā''gatāṃ nijaprasūm |
prāha tāṃ gopakanyāyā vṛttāntaṃ sarvameva saḥ || 68 ||
[Analyze grammar]

raśanā yojitā kaṭyāṃ vivāhiteti vedhasā |
śrutvā pramlānavadanā sāvitrī raktavarjitā || 69 ||
[Analyze grammar]

vaimanasyaṃ paraṃ prāptā tejorūpaprabhākṣayā |
śūnyena manasā yātā praskhalantī pade pade || 70 ||
[Analyze grammar]

kārāgrahasamaṃ taṃ ca maṇḍapaṃ sā dadarśa ha |
dṛṣṭvā nūtanayā tatra sapatnyā sahitaṃ patim || 71 ||
[Analyze grammar]

kopasaṃraktanayanā paruṣaṃ vākyamabravīt |
vibudhā brāhmaṇā ārṣā ye sadaspatayastviha || 72 ||
[Analyze grammar]

mūkībhāvaṃ gatā nāryaḥ śṛṇvantu nyastamānasāḥ |
kimetad yujyate kartuṃ tava vṛddhatamākṛteḥ || 73 ||
[Analyze grammar]

ubhayoḥ pakṣayoreṣā hyaśuddhā vai vivāhitā |
paśudharmaparā takravikretrī malinā sadā || 74 ||
[Analyze grammar]

pāpapracurajātīyā gṛhītā garhitaṃ kṛtam |
avaśyaṃ yadi te kāryaṃ bhāryayā parayā makhe || 75 ||
[Analyze grammar]

vidhe viprā tvayā kvāpi na labdhā kiṃ jagattraye |
ūḍhā tvābhīrakanyeyaṃ nūnaṃ bhraṣṭo'si vai vidheḥ || 76 ||
[Analyze grammar]

tasmādetena kṛtyena na tvaṃ prāpsyasi pūjanam |
tava pūjāprakartāro bhaviṣyanti hi nirdhanāḥ || 77 ||
[Analyze grammar]

putrāṇāmatha pautrāṇāmanyeṣāṃ ca divaukasām |
ayogyaṃ cāpi viprāṇāṃ yadetat kṛtavānasi || 78 ||
[Analyze grammar]

athavā naiṣa doṣaste svārthāḥ kurvanti vai tathā |
na lajjanti na jānanti kṛtyākṛtyaṃ śubhā'śubham || 79 ||
[Analyze grammar]

akṛtyaṃ manyate kṛtyaṃ mitraṃ śatruṃ ca manyate |
śatruṃ ca manyate mitraṃ janaḥ svārthavaśaṃgataḥ || 80 ||
[Analyze grammar]

dyūtakāre na vai satyaṃ caure cāpi na sauhṛdam |
maitrī nāsti nṛpe kvāpi lajjā svārthiṣu naiva ca || 81 ||
[Analyze grammar]

na me syād duḥkhametaddhi yatsāpatnyamupasthitam |
samarthasya sahasrāṇi nārīṇāṃ tu bhavanti vai || 82 ||
[Analyze grammar]

kulīnānāṃ svajātyānāṃ na tu nīcajayoṣitām |
etatpunarmahad duḥkhaṃ yadābhīro vigarhitā || 83 ||
[Analyze grammar]

vallavī naṣṭacāritrā kiṃ karomi mriye dhruvam |
tasmād yāsyāmyaraṇyaṃ drāg viḍambitā tvayā vidhe || 84 ||
[Analyze grammar]

tava pūjāprakartā vai daridraḥ saṃbhaviṣyati |
yataścābhīrasuteyaṃ mama sthāne kṛtā tvayā || 89 ||
[Analyze grammar]

bhaviṣyati na santānaṃ tava macchāpato vidhe |
gāyatrīpūjikā nārī vandhyā kliṣṭā bhaviṣyati || 86 ||
[Analyze grammar]

asyā vai mānasāḥ putrā bhaviṣyanti yadi kvacit |
sarve mlecchā rātriṃcarā aśiṣṭāścā'pyaketanāḥ || 87 ||
[Analyze grammar]

lokanāśakarāḥ sarve bhaviṣyanti yugāntare |
indra tvaṃ śatrubhiryuddhe jito bandhanamāpsyasi || 88 ||
[Analyze grammar]

viṣṇo tvaṃ mānuṣo bhūtvā ciraṃ bhṛtyatvamāpsyasi |
rudraṃ tvaṃ strīviyogasya duḥkhaṃ ciramavāpsyasi || 89 ||
[Analyze grammar]

agne tvaṃ sarvabhakṣo'bhūḥ viprā yāta daridratām |
kubera te dhanaṃ bhogyaṃ kadāpi no bhaviṣyati || 90 ||
[Analyze grammar]

devā yajñe tvābhīrāṇīsahāyyā anapatyakāḥ |
bhavatāpi tathā daityaiḥ parābhūtā muhurmuhuḥ || 91 ||
[Analyze grammar]

gāyatryāḥ pārśvataścānyā yāyāścātra vyavasthitā |
tāsāṃ parasparaṃ saṃgaḥ kadāpi na bhaviṣyati || 92 ||
[Analyze grammar]

evamuktvā devapatnīrvihāya tvekalā tadā |
sāvitrī prayayau pūrvapuṣkaraṃ tvarbudācale || 93 ||
[Analyze grammar]

sāvitrīṃ pūjayet samyak pūrṇamāsyāṃ viśeṣataḥ |
sarvānkāmānavāpnoti dīpanaivedyadānataḥ || 94 ||
[Analyze grammar]

yāvantastantavastasyā dahyante dīpasaṃbhavāḥ |
muhūrtāni ca yāvanti ghṛtadīpaḥ pratiṣṭhati || 95 ||
[Analyze grammar]

tāvajjanmāni sā nārī bhavet saubhāgyaśālinī |
putrapautrasametā ca dhaninī śīlamaṇḍanā || 96 ||
[Analyze grammar]

na durbhagā na vandhyā ca na vā kāṇā virūpiṇī |
sāvitryāḥ sannidhau nṛtyaṃ karoti yā tu sundarī || 97 ||
[Analyze grammar]

gītaṃ vā kurute yā ca vaset sā divi devatā |
yā miṣṭānnaṃ phalaṃ dadyāt sā vased divi devatā || 98 ||
[Analyze grammar]

camatkārapure lakṣmi sāvitrītīrthasusthale |
snātvā saṃpūjya cādhyāyaṃ śṛṇuyādvā paṭhettu yaḥ || 99 ||
[Analyze grammar]

sarvapāpavinirmukto yajñasya phalabhāg bhavet |
evaṃ gatāyāṃ sāvitryāṃ gāyatrī samudairayat || 100 ||
[Analyze grammar]

matkṛte ye'tra saṃśaptāḥ sāvitryā brāhmaṇādayaḥ |
teṣāmahaṃ karomyuddhāraṇaṃ patyuḥ prabhāvataḥ || 101 ||
[Analyze grammar]

brahmakāryeṣu sarvatra siddhirna syādvinā hyajam |
brahmā satreṣu sarvatra mukhyasthāno bhaviṣyati || 102 ||
[Analyze grammar]

viṣṇurdvedhā bhavan kṛṣṇo'rjunaśchāyātmakastathā |
kṛṣṇo martyo'rjunasārathyaṃ bhṛtyatvaṃ kariṣyati || 103 ||
[Analyze grammar]

gopāḥ kṛṣṇaprasaṃgena kīrtiṃ yāsyanti devatāḥ |
indra te bandhanaṃ brahmā nāśayiṣyati cāsurāt || 104 ||
[Analyze grammar]

vahne tvaṃ sarvabhakṣitve pāvakaḥ pāvano bhava |
rudra tvaṃ tu satīnāśe gaurīyukto bhaviṣyasi || 105 ||
[Analyze grammar]

kubera tvaṃ devatānāṃ dhanado vai bhaviṣyasi |
devānāṃ tvanapatyatvaṃ tvaicchikaṃ saṃbhaviṣyati || 106 ||
[Analyze grammar]

anyāḥ striyastu yāḥ śaptāstāsāṃ chāyāḥ pṛthak pṛthak |
asaṃyuktā bhaviṣyanti mūlarūpāṇi naiva ha || 107 ||
[Analyze grammar]

uktvaivaṃ sā virarāma devāḥ sādhviti cā'bruvan |
gāyatryāṃ pūjanaṃ nityaṃ prātarjapaṃ tathā'rcanam || 108 ||
[Analyze grammar]

kariṣyanti dvijā nityaṃ sāvitrīṃ naiva naiva ca |
evamuktvā tu te sarve gāyatrīpūjanaṃ vyadhuḥ || 109 ||
[Analyze grammar]

svasvasthāne gatāḥ sarve koṭiśo devatādayaḥ |
udumbarī vimānena pitṛbhyāṃ saha svaryayau || 110 ||
[Analyze grammar]

brahmā tvarbudamāsādya nītvā sāvitrikāmapi |
yayau satyaṃ ca tai lakṣmi kathitaṃ kratuvartanam || 111 ||
[Analyze grammar]

śravaṇātpaṭhanāttvasya bhuktimuktirbhaveddhruvam |
sampatputrapaśuvrātadravyādi vardhate'nvaham || 112 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne'ṣṭaṣaṣṭidevīnāṃ kuladevītvaṃ yajñāntā'vabhṛthasnānaṃ yakṣmarogāgamanaṃ gāyatrīvirodhāt sāvitrīdattaśāpāḥ |
gāyatrīkṛtanivāraṇāni sarveṣāṃ svasvalokagamanaṃ cetyādinirūpaṇanāmā dvādaśādhikapañcaśatatamo'dhyāyaḥ || 512 ||
[Analyze grammar]