Chapter 508

śrīnārāyaṇa uvāca |
śṛṇu lakṣmi tvayā pūrvaṃ gaurī vai pañcapiṇḍikā |
pūjitā tena saṃlabdhaḥ kṛṣṇanārāyaṇaḥ patiḥ || 1 ||
[Analyze grammar]

gauryā darśanamātreṇa nārī saubhāgyamāpnuyāt |
jyeṣṭhe śukle vṛṣabhasthe ravau tāṃ jalamarpayet || 2 ||
[Analyze grammar]

jalamantreṇa yā nityaṃ sā saubhāgyaṃ śubhaṃ labhet |
na sā vandhyā pratiṣṭheta kākavandhyā'pi naiva ca || 3 ||
[Analyze grammar]

na daurbhāgyaṃ labhet kvāpi saptajanmāntarāṇi ca |
pṛthivyāpaśca tejaśca vāyurākāśamityapi || 4 ||
[Analyze grammar]

pañcabhiḥ racayed gaurīṃ sā proktā pañcapiṇḍikā |
sahasraguṇitaṃ puṇyaṃ pañcapiṇḍāprapūjane || 5 ||
[Analyze grammar]

kāśīrājaḥ purā cāsījjayasenaḥ pratāpavān |
tasya patnīsahasraṃ tu hyāsīt tatra priyottamā || 6 ||
[Analyze grammar]

amānāmnī madrarājaviśvaksenasutā'bhavat |
amā prage samutthāya snātvā gaṃgātaṭe śubhām || 7 ||
[Analyze grammar]

pañcapiṇḍātmikāṃ gaurīṃ kṛtvā kardamasaṃbhavām |
tataḥ sampūjayāmāsa satī ṣoḍaśavastubhiḥ || 8 ||
[Analyze grammar]

tato visṛjya tāṃ devīṃ datvā dānāni sā gṛham |
prayātyeva sma sadā ca saubhāgyaṃ vardhate sadā || 9 ||
[Analyze grammar]

rūpaṃ ca yauvanaṃ kāntaprītiśca dhanyamānyatā |
vardhante'syā vilokyaitat sapatnyo duḥkhitāstadā || 10 ||
[Analyze grammar]

tanmūlaṃ pūjanaṃ gauryā jñātvā draṣṭuṃ ca tā yayuḥ |
yatra pūjayati gaurīṃ sā kṛtvā pañcapiṇḍikām || 11 ||
[Analyze grammar]

amā cotthāya tāstatra mānayitvā''sanaṃ dadau |
tāḥ papracchuramāṃ nityasaubhāgyavṛddhikāraṇam || 12 ||
[Analyze grammar]

amā prasannamanasā sapatnīḥ prāha pūrvakṛt |
ahamāsaṃ purā śūdrā vīrasenasya kanyakā || 13 ||
[Analyze grammar]

kusume nagare cāpi vivāho me'bhavat tadā |
vipramukhānmayā gaurīpūjā saubhāgyadā śrutā || 14 ||
[Analyze grammar]

gaurīpūjāṃ vinā kvāpi pātavyaṃ na jalaṃ tvapi |
yena saṃprāpyate'bhīṣṭaṃ pūjā puṇyena cepsitam || 15 ||
[Analyze grammar]

tatastatra janau pūjā kṛtā mayā tu nityadā |
pūjayitvā piṇḍagaurīṃ prakṣipāmi jale sadā || 16 ||
[Analyze grammar]

atha kāntaśca me yātastīrthārthaṃ dvārikāṃ prati |
saha nītvā ca māṃ prāpto nirjalaṃ marumaṇḍalam || 17 ||
[Analyze grammar]

sūryastapati raudre ca vṛṣasthe'titṛṣāprade |
sārthastṛṣāturo jāto jalaṃ marumarīcijam || 18 ||
[Analyze grammar]

mṛṣā vai dṛśyate satyaṃ jalaṃ prāptaṃ na tatsthale |
ahaṃ tṛṣākulā jātā smṛtā gaurī mayā tadā || 19 ||
[Analyze grammar]

pañcabhirmuṣṭibhistaptavālukābhiḥ sunirmitā |
gaurī prapūjitā vācā hṛdā tato mṛtā hyaham || 20 ||
[Analyze grammar]

tatpuṇyena daśārṇādhipateḥ kanyā'bhavaṃ śubhā |
bhavatīnāṃ kaniṣṭhā'smi jyeṣṭhā'smi gaurikārcanāt || 21 ||
[Analyze grammar]

jātismarā'smi saṃjātā tatsmṛtvā cātra nityadā |
pūjayāmi kardamena kṛtvā tāṃ pañcapiṇḍikām || 22 ||
[Analyze grammar]

tenā'tra vardhate nityaṃ saubhāgyaṃ vividhaṃ mama |
puṇyaṃ ca vardhate divyaṃ divyabhāvapradāyakam || 23 ||
[Analyze grammar]

sarvā mama bhaginyaḥ stha īrṣyādharmo na me'sti ca |
pūjayantu bhavatyo'pi saubhāgyaṃ lapsyatha dhruvam || 24 ||
[Analyze grammar]

satyenā'nena me gaurī mamā'bhīṣṭaṃ prayacchatu |
prayacchatu bhavatīnāmabhīṣṭaṃ sā harapriyā || 25 ||
[Analyze grammar]

ityuktāstāḥ sapatnyaśca pupūjurgaurikāṃ tataḥ |
pūjāmantrāstayā sādhvyā dattāstābhyaśca tatkṣaṇe || 26 ||
[Analyze grammar]

ye tvayā tu mahālakṣmi hyuccāritāḥ purā'rcane |
namaḥpṛthivyai kṣāntīśi nama āpomaye śubhe || 27 ||
[Analyze grammar]

tejasvini namastubhyaṃ namaste vāyurūpiṇa |
ākāśarūpasampanne pañcarūpe namonamaḥ || 28 ||
[Analyze grammar]

ebhirmantraistvayā lakṣmi pūjitā pañcapiṇḍikā |
tena vaikuṇṭharājyaṃ tvaṃ prāptavatī sudurlabham || 29 ||
[Analyze grammar]

evaṃ yā pūjayennārī gaurikāṃ pañcapiṇḍikām |
ṣoḍaśopakaraṇaiḥ sā sadyaḥ syāt pativallabhā || 30 ||
[Analyze grammar]

śṛṇu lakṣmi tataścāmā cintayāmāsa vai hṛdi |
saubhāgyaṃ paramaṃ labdhaṃ durlabhaṃ sarvayoṣitām || 31 ||
[Analyze grammar]

na cā'patyaṃ mama jātaṃ tena dahyāmi vai muhuḥ |
athaivaṃ vartamānāyāṃ durvāsāścāyayau drutam || 32 ||
[Analyze grammar]

jayaseno nṛpaścake svāgataṃ cāsanaṃ dadau |
datvā'rghaṃ madhuparkaṃ ca tataḥ papraccha taṃ munim || 33 ||
[Analyze grammar]

śiṣyaṃ kṛtvā kṛpāpātraṃ pavitrīkṛtavānasi |
adya dhanyatamo jātaḥ sakuṭumbastavā''gamāt || 34 ||
[Analyze grammar]

tad brūhi kiṃ karomyadya gṛhā''yātasya te mune |
durvāsāḥ prāha rājaṃste mandire saṃvasannaham || 35 ||
[Analyze grammar]

cāturmāsyavidhānaṃ saṃkariṣye sukhapūrvakam |
mṛttikāgrahaṇaṃ yāvacchuśrūṣā kriyatāṃ mama || 36 ||
[Analyze grammar]

bāḍhamityevamuktvā tacchuśrūṣā kṛtavānnṛpaḥ |
amā nityaṃ susevāyāṃ vartate'ti nṛpājñayā || 37 ||
[Analyze grammar]

cāturmāsyāṃ vyatītāyāṃ yadā saṃprasthito muniḥ |
tadā provāca santuṣṭo rājan kiṃ karavāṇi te || 38 ||
[Analyze grammar]

rājñā sa ṛṣirāṭ proktaścāmā'patyaṃ vinā mune |
dahatyeva sadā tasmāt kuru tāṃ putramātaram || 39 ||
[Analyze grammar]

muniḥ prāha śṛṇu kṣmeśa tvayaṃ vai pūrvajanmani |
mṛtyukāle taptavālukānāṃ gaurīṃ vidhāya tām || 40 ||
[Analyze grammar]

pūjayāmāsa tenātra rājyaṃ prāptavatī satī |
gaurī yattāpasaṃyuktavālukābhiḥ kṛtā'nayā || 41 ||
[Analyze grammar]

tatphalaṃ ca vinā putramudvego'syā hi sarvadā |
na devo vidyate kāṣṭhe pāṣāṇe mṛttikāsu ca || 42 ||
[Analyze grammar]

bhāve hi vidyate devo mantrabhaktyādibhiryute |
saiṣā gaurīṃ kardamena kṛtvā vai pañcapiṇḍikām || 43 ||
[Analyze grammar]

hāṭakeśvaraje kṣetre gatvā saṃpūjayed yadi |
vṛṣasthe bhāskare dadyājjaladhārāmakhaṇḍitām || 44 ||
[Analyze grammar]

tataḥ kṣetrabalāccāpi puṇyodayo bhaviṣyati |
yathā yathā jalād gauryāḥ śītabhāvo bhaviṣyati || 45 ||
[Analyze grammar]

tathā tathā'syā dāho'pi śāntiṃ yāsyatyaharniśam |
dāhānte bhavitā garbhastataḥ putramavāpsyati || 46 ||
[Analyze grammar]

athā'sti ca vrataṃ puṇyaṃ gaurītuṣṭikaraṃ param |
yena cīrṇena vai nārī devatātvamavāpnuyāt || 47 ||
[Analyze grammar]

gomayākhyā mahādevī kartavyā gomayena vai |
bhādre kṛṣṇe tṛtīyāyāṃ prātardantān viśodhayet || 48 ||
[Analyze grammar]

upavāsasya niyamaṃ gṛhṇīyād gaurikāṃ smaran |
niśāgame mṛnmayaṃ vai kāryaṃ gaurīcatuṣṭayam || 49 ||
[Analyze grammar]

ekā gaurī prakartavyā pañcapiṇḍā yathoditā |
prahare prahare prāpte tāsu pūjāṃ samācaret || 50 ||
[Analyze grammar]

himācalagṛhe jātā devi tvaṃ śaṃkarapriye |
menāgarbhasamudbhūtā pūjāṃ gṛhāṇa te namaḥ || 51 ||
[Analyze grammar]

dhūpaṃ karpūrakaṃ raktavartikaṃ ghṛtadīpakam |
jātīpuṣpāṇi naivedyaṃ modakānarghamarpayet || 52 ||
[Analyze grammar]

mātuluṅgakusumāḍhyamarghaṃ gṛhāṇa te namaḥ |
dvitīye praharānte'rdhanārīśvarīṃ prapūjayet || 53 ||
[Analyze grammar]

agurucandanaṃ dhūpaṃ naivedyaṃ guḍamarghakam |
dadennārīkerayuktamarghaṃ vai mantratastadā || 54 ||
[Analyze grammar]

argho me gṛhyatāṃ devau pārvatīparameśvarau |
tṛtīye prahare prāpte śatapatryā prapūjayet || 55 ||
[Analyze grammar]

gugguladhūpaṃ naivedyaṃ sajātīsalilārghakam |
granthicūrṇena dhūpaṃ ca svarghaṃ madanajaṃ phalam || 56 ||
[Analyze grammar]

dadyātpunastataḥ prāpte caturthe prahare tvatha |
gaurīṃ tāṃ pañcapiṇḍāṃ vai bhṛṃgarājena pūjayet || 57 ||
[Analyze grammar]

pañcabhūtamayī gaurī gṛhṇātvarghaṃ mayā'rpitam |
naivedyaṃ dhūpadīpādi puṣpāñjaliṃ samarpayet || 58 ||
[Analyze grammar]

kuryānnīrājanaṃ sveṣṭaprārthanāṃ jāgaraṃ caret |
nṛtyaṃ vādyaṃ kīrtanaṃ sotsavaṃ kuryāt prayatnataḥ || 59 ||
[Analyze grammar]

prabhāte viprayugalaṃ snātvā prapūjayed vratī |
kareṇuṃ vaḍavāṃ vā''rohayed gaurīcatuṣṭayam || 60 ||
[Analyze grammar]

savādyotsavaśabdena nadyādau tāṃ parikṣipet |
āhūtā'si mayā devī pūjitā'si mayā śubhe || 61 ||
[Analyze grammar]

mama saubhāgyadānāya yatheṣṭaṃ gamyatāmiti |
evaṃ lakṣmyā kṛtā pūrvaṃ pūjā gauryā viśeṣataḥ || 62 ||
[Analyze grammar]

bhādrakṛṣṇatṛtīyāyāṃ caturṣu prahareṣu ca |
prātargauryaṃstayā dṛṣṭā ratnaprabhāvibhūṣitāḥ || 63 ||
[Analyze grammar]

tāścocustāṃ mahālakṣmīṃ mā no jale pravāhaya |
mandiraṃ kārayitvā'tra hāṭakeśvarakṣetrake || 64 ||
[Analyze grammar]

sthāpayā'smān vratārthaṃ ca nārīṇāṃ sukhakāriṇīḥ |
iti tāḥ sthāpitāstatra lakṣmyā bhāgyasutapradāḥ || 65 ||
[Analyze grammar]

seyaṃ rājaṃstava patnī gaurīcatuṣṭayaṃ tathā |
gaurīṃ ca gomayīṃ cāpi pañcapiṇḍātmikāṃ tathā || 66 ||
[Analyze grammar]

kṛtvā saṃpūjayet tena putrasaubhāgyamāpnuyāt |
tathā prāpyeta ca kṛṣṇanārāyaṇaḥ patiḥ svayam || 67 ||
[Analyze grammar]

ityuktvā prayayau śīghraṃ durvāsāścātha sā satī |
amānāmnī yayau kṣetraṃ hāṭakeśvarasaṃjñitam || 68 ||
[Analyze grammar]

kṛtvā sarvaṃ vidhānena babhūva putramātṛkā |
bahukālottare cā'mā lakṣmīrūpā babhūva ha || 69 ||
[Analyze grammar]

divyadehā gatā viṣṇorvaikuṇṭhe dāsikā'bhavat |
ityevaṃ kathitaṃ lakṣmi tavā'māyāśca tadvratam || 70 ||
[Analyze grammar]

yā tvetatpaṭhate bhaktyā gaurīpūjāphalaṃ labhet |
na sā lakṣmyā viyujyeta na ca daurbhāgyamāpnuyāt || 71 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne kāśīrājapatnyā amayā kṛtaṃ pañcapiṇḍikāgaurīvrataṃ tena putrasaubhāgyaprāptirlakṣmītvaprāptiścetinirūpaṇanāmā'ṣṭā'dhikapañcaśatatamo'dhyāyaḥ || 508 ||
[Analyze grammar]